妹記大排檔

營業中

休息中

跟朋友慶祝生日，決定來這兒一起嚐一嚐。從尖沙咀來到旺角，從街邊鋪來到樓上鋪，風味依舊，味道更好。餐廳內外文青的裝飾吸引了不少人流，店家也很貼心，在門外放滿了不少櫈仔，加了不少分數。餐牌方面有中有英，圖文並茂，值得一讚，彩色印刷，更顯吸引。食物方面點了1）鬼馬油炸鬼；2）肉絲炒面；3）西蘭花炒鮮魷。鬼馬油炸鬼，挺特別，油炸鬼的外衣，配以魚肉，很是特別，絕對要再叫一客。西蘭花炒鮮魷，勝在大大碟，回本有突。肉絲炒面，很大碟，又有「漢」邊，沒有不吃的理由。感覺上搬了樓上鋪，份量多了，好吃得多，下次一定要再來！

嚟到旺角食飯， 就想食下夠鑊氣的大排檔今時今日邊度仲有大排檔而且天氣又熱就醒起妹記妹記大排檔以前喺尖沙咀成日食而家開咗喺商場上面， 有冷氣又夠鑊氣我最推介就係呢個脆皮豬手， 原隻豬手上。脆皮豬手皮脆肉嫩， 咬落卜卜脆之後就嗌咗個鮮魷炒西蘭花， 鮮魷新鮮即湯西蘭花爽甜再嚟多個福建炒飯， 福建炒飯有好多海鮮配料好好入口之後再整個炸蠔餅新鮮即炸脆卜卜蠔仔啖啖肉， 咬落爽脆嫩滑再後嚟多個小炒王， 韭菜加腰果好好咬口又係完美的一餐

今日準備睇戲，放工搵個同事快閃食個晚飯。叫左三個餸，都係咁啦，妹記紅左之後，唔會難食但又唔係超好食，勝在款式多。金菇肥牛粉絲煲。個汁唔會太杰，偏向稀，可以撈飯。牛肉都嫩滑既，沙爹味就可以多啲。西蘭花炒帶子。呢個幾好，菜始終係贏在起跑線，帶子夠大件，又唔會overcooked 炸蠔餅。嚴格黎講，應該係芫茜餅。芫茜同炸粉一齊撈埋去炸，個人就比較鍾意芫茜同粉分番開，咁芫茜味道會重啲之餘，口感會好啲，同埋可以無咁油。我六點三四開始食，個陣都無乜人，但我食完七點三四，已經超多人。大家要食記得早啲。

之前已經食過幾次妹記 覺得都唔錯 貪佢地方大 有大枱 十幾個人都可以坐埋一枱！所以之前reu成日都黎食😂 可惜今次得四個人黎食 就令我失望了....今次嗌咗...🍽炸豬手 份量中等，四個人食有啲多，個皮炸到好脆，但真係好咸...太咸啦！仲要成二百蚊一碟，有少少貴.🍽 咸魚飛天通菜呢個正呀！我最愛既通菜，仲要用鍋上，熱辣辣咸魚都有幾粒既，夠味就得😋 .🍽金沙蝦球 見到好似好好食先嗌，份量少都算，仲唔熱既炸野唔熱又點會好食呀。。。咸蛋黃味唔夠濃，仲有陣油溢，曬錢.🍽 沙嗲金菇牛肉粉絲煲呢個勁呀，勁伏呀！成煲野得幾條金菇，仲要係一絲絲既。。。反而勁多芽菜同粉絲，少少牛肉。個沙嗲芡汁冇沙嗲味....完全係粉溝水🤮直頭係難食。。。.朋友話例湯好好食想飲多幾碗😂 明明之前黎幾好食，係退步咗定嗌錯野食呢？

人生就是不停的戰鬥，是九把刀的名句。但係喺開拖之前，梗係要整返碗戰鬥碗啦！你都可以話我係衝住呢隻戰鬥碗而嚟呢度食飯嘅，因為之前喺網上面見到呢隻碗都覺得好過癮，咁啱巴打有聚會，就一於嚟呢間店妹記大排檔朝聖啦。一場嚟到，唔係唔飲酒啊嘛？當然要喇喇臨整返碗啤酒先。呢度比較特色就係有哈爾濱啤酒，我之前真係未見過。不過飲落都清清地，幾好味嘅。同時，另外一個重點就梗係用戰鬥碗嚟裝啤酒飲啦，用碗飲酒係幾特別嘅。不過在場見到的戰鬥碗好多都有啲破損，有啲扣分，同時間飲嘅時候都要小心戒嘴。向好嘅方面諗，呢一隻係一隻好有歷練嘅戰鬥碗，戰鬥咗好多次😂😂😂😂😂講完無謂嘢之後，就介紹下啲餸菜啦，招牌菜係鬼馬油炸鬼。呢個首本名菜當然係必點嘅啦，就係油炸鬼再配合墨魚滑，做到外脆內軟，真係幾盞鬼。蒜香骨。炸完出嚟熱辣辣，賣相亦都唔錯，不過食落就有少少鹹，不過都幾香口，用嚟送酒一流。鹹蛋蒸肉餅。呢個家常小菜都整得還好，肉餅都幾入味，呢個就適合用嚟送飯喇。不過呢度嘅小菜都有個弱點，就係分量太細，如果係女仔食應該還好。男仔食就真係未必夠喉喇。

香港傳統大排檔好多間都閉業妹記大排檔保持傅統大排檔既感覺 係裝修上, 餐枱同菜式結合新時代既轉變 增加左冷氣 呢個好重要既環境元素 客人可以食得更舒適有2位朋友黎香港 分別來自台灣同美國 佢地想食港式地道既食物 第一時間諗起大排檔三隻字半年前係尖沙咀分店食過一次妹記大排檔 個次一行8人叫左好多餸 碟碟都好正好味 價錢又抵 留下深刻印象今次揀旺角妹記大排檔 想試下呢間係咪都咁好味因為都多人食加上星期六 等位等左大半個鐘第一時間點左啤酒 出名戰鬥碗 有點特色被外國朋友試下用碗飲酒 別具一番風味之後點左沙拉骨酸味味 好開胃 肉質軟身香香的 朋友大讚好食豉椒炒蜆唔夠甜 份量適中 個汁有d一pat 太"杰"身秘製鋼鍋雞配料有木耳 薑 菇 洋蔥 辣椒 所以令雞肉都好香好味最後一道餸 朋友揀左紅燒乳鴿因為佢未食過 想試下皮都燒得幾脆同香 不過乳鴿唔夠細隻 唔夠嫰肉有少少"鞋" 但味道都唔錯既最後埋單都係3百幾蚊 幾抵食

妹記曾經是我最喜愛大排檔之一，但不得不承認妹記的水準真的每況愈下，尤其旺角分店。🥢菠蘿生炒骨比較正常的一道，無太多餘的汁，略嫌不夠脆。🥢椒鹽鮮魷1.好硬 2.好咸 3.好油🥢椒鹽九肚魚比椒鹽鮮魷好好多，至少食到九肚魚應有質感。🥢鬼馬油炸鬼又係好乾，有油益味，另一大失水準之作🥢蠔仔粥蠔仔唔係幾鮮，飯粒煮得不夠，感覺就係湯+飯。🥢飛天通菜淡淡蝦醬味，正常發揮。🥢蒜蓉豆苗不夠鑊氣，亦都不太當造，係我衰係都要叫呢個。小總結：加埋酒水人均$120又唔算好貴，但水準差左太多，好味過佢比比皆是。

以戰鬥碗而聞名嘅大排檔餐廳 但今日唔想飲酒所以冇叫到😳下次一定要試！.-炸咸豬手- 🌟肉多當然唔洗講 咸度岩岩好 皮亦都相當脆 認真說有啲似食緊薯片 皮加肉一齊食係最好食 點埋個百搭雞醫 我俾呢隻豬手滿分💯重有叫左魚香茄子 炒得妹有穫氣 而且好足料，仲有食小菜當然就會有咕嚕肉，我對咕嚕肉有一份要求同執着，呢間嘅咕嚕肉就比較一般，加起來比較林身，而且肉都有啲鞋。餐廳真係好爆 如果要傾計嘅話我諗依間餐廳就唔係好啱啦 因為真係好嘈😂但係話晒都係香港特色嚟 值得一試。

大概晚上9時到達，沒有訂位。 所以要排隊等候，大概等了30分鐘左右，便可以入座了。 兩個人來食，所以沒有點很多東西，怕食不完浪費，點了「椒鹽鮮魷」和 牛腩煲。「椒鹽鮮魷」真的不太好食，椒鹽的東西炸粉太厚，破壞了口感。 牛腩煲算正常。 很失望，不明白為什麼那麼多人排隊等候。 可能期望太大，失望愈大。 很多大排檔比它更好食，遊客真的不要花時間排隊去食它。雖然，衛生環境比一般街邊的大排檔比較好，但正因如此風味不足呀！

今日在九龍來來回回，食足一整天，最尾站在旺角，因為今晚同學仔生日，選擇了大排檔風味，室內裝修簡簡單單，頗多圓檯，可見到食物圖片及大字報📝 圖謀並茂 🥦我地一行有8人，叫佐12道餸菜，兩枝哈爾濱啤酒🍺第一次聽哈爾濱啤酒🤣真係見識少🙏Ordered (1)燉湯＝川貝雪梨，落單約五分鐘後放上檯，真的是否燉湯？湯夠熱，但係感覺唔太多湯料精華🤔（3）南乳粗齋煲，見到面頭個一 Pad 芡汁，我就無胃口🤐仲有一道餸菜無Post 相，唐生菜（鮑汁百靈茹扒），因為同上一樣，見到芡汁，好似飲緊生粉開水一樣，廚房裏面好趕時間，餸菜需要有鑊氣，但係全無🤷‍♀️一分錢一分貨，唔可以太有要求🙏🙏

今天約咗朋友食晚飯，平日食太多西餐！想食下中餐看見新開這間妹記大排檔地點方便！在女人街附近，於是決定試試！豬手燒得很香，配合甜酸醬，估唔到都幾夾！另外，椒鹽豆腐外脆內熱，非常好食！金菇肥牛煲味道特別！有別於一般出面的味道！送飯一流！炒通菜一般沒有什麼特別！

一年無食妹記啦！今次依舊叫左招牌菜 炸豬手 同 鬼馬油炸鬼👍🏼 另外仲叫左黑椒薯仔牛柳 無影相 不過咁多道菜入面我最中意佢😍牛柳好鬆軟 薯仔入哂味🤤🤤魚香茄子煲配飯一流！

整體環境好，整體食客很多，等左一個鐘。食物不辣，份量不算很多。😊😊肉份量很少。充足，算好吃。愛吃中菜的我，當然不會放過每一個機會。沙拉骨味道一般，有點咸。價錢公道，尚算十分平民化，可以一試。整體餸也不算油膩。😗😗😗😗😗😗😗數個月便來一次🤗🤗🤗🤗🤗🤗了，下次經過或會再來。只是在繁忙時間要想排隊，如趕時間不要來吃。🥰🥰🥰🥰🥰🥰🥰🥰🥰🥰🥰🥰🥰🥰🥰

試完樓上個間,今次試買呢間,出面都有幾張枱等緊位,不過侍應問搭唔搭枱,我地話OK,跟住一秒有位,因為我地無試到佢鑊氣野,所以我唔知好唔好,不過我覺得有D普通,我地叫咗-椒鹽八爪魚咀、妹記炸豬手、沙拉骨同咸魚茸飛天通菜煲椒鹽八爪魚咀-我覺得無咩椒鹽味,但係有D鹹,粉漿係薄既,彈牙,但我覺得好頂胃妹記炸豬手 – 依個係好食,外皮係好食,十分酥脆,唔會死鹹沙拉骨 – 炸得唔會乾,有肉汁,不過個個沙拉汁好漏,食兩嚿就唔想再食咸魚茸飛天通菜煲 – 成煲野都見唔到有咸魚,一啲屍骸都找不到,仲有一陣唔知咩味(唔知係D油定係D UP咸魚味),有小小腥味,不過D通菜無黑同爽既佢好似比樓上平,不過D野唔係我叫,所以唔可以作比較,只可以寫個感覺出黎

與朋友去旺角附近食飯，他們先到，叫了東西吃了，我後到，所以自己叫了一個常餐。朋友也有留到蠔餅給我，不過可能涼掉了，覺得一般般（粉很多）。另外一個是椒鹽九肚魚，可能也是涼掉，但另外一點是覺得很鹹。還有一個脆皮炸豬手，算是好吃的。比較贊的是鹹蛋香魚皮，鹹蛋很香我叫了一個肥牛粉絲煲常餐，雖然餓，但是看見這盤東西。。。也沒什麽胃口 其實味道還好，配上飯ok，但是論賣相，還有口感都比較差。 粉絲一夾就斷。。。就快變糊狀，還有肥牛只有很小塊的，碎碎的肥牛。 總的來說給個OK，仍然有進步的空間。