妹記大排檔

營業中

休息中

今日係MK上完堂， 適逢假日全街都係拖喼黨， 入到大型商場搵嘢食多人到只係填飽個肚， 完全談不上享受一餐飯。反而入到橫街窄巷就搵到一啲地方舒舒服服慢慢歎，推介呢間妹記， 夜晚就多人可能個個以為晏晝冇得食，原來呢度晏晝都有套餐，仲要係40幾蚊有湯，有飲品 ，平過連鎖快餐店，仲要係味道唔差， 最食得開心嘅就係嗰一班侍應生， 大部分都係中年人 ，但經驗老到見嘢就做，而服務態度都十分好， 唔係話有禮貌嗰隻好 ，而係非常醒目 ，完全值回票價。地方大一大，完全唔使搭枱。冇花冇假真係平過連鎖快餐店。湯料十足真材實料。 碟頭飯量充足，但蝦係有雪蝦 嗰隻"假"脆爽口感no good，但40幾蚊真係叫做交到貨。