妹記大排檔

營業中

休息中

細個成日跟屋企人食大排檔，大個左以前食開既大排檔已經執哂!一直聽聞旺角呢間樓上大排檔好高質，上過去幾次都超多人就放棄左。今日要去旺角買野於是就上黎碰下運氣!唔知係咪因為星期一呢!竟然唔駛等位可以直入，仲可以任坐!真係太驚訝!太高興既關係兩個人叫左4個餸~😂😂首先蠔餅上先，蠔餅係我最愛食既大排檔食品~😍以前係屋企樓下有間潮州菜館，D蠔餅超好食，之後去過好多度食都食唔番果種風味!而呢度整既蠔餅可以同我回憶中既蠔餅媲美!炸到外層酥脆內裡充滿蠔仔兼蛋香，唔會好似D劣質蠔餅咁得D粉漿!點埋呢個辣椒醬真係好完美!😋😋第二道菜-椒鹽鮮魷，如果蠔餅係我最愛，咁佢就係我第二最愛~雖然好熱氣但我就最鍾意佢趁佢熱辣辣脆卜卜時食~呢度出品既椒鹽鮮魷都做到呢兩點~炸漿脆卜卜仲有好多炸蒜係面，附有喼汁中和油膩感!鮮魷唔un好容易咬開~係高質既!第三道菜-沙爹肥牛粉絲煲，沙爹味香濃而唔過咸，肥牛冇雪味，同粉絲一齊索哂D汁，即刻要叫兩個飯黎撈一撈~!最後蕃茄金銀蛋肉崧浸白菜仔，為呢餐既邪惡感稍微降低一點點~蕃茄酸酸甜甜平衡番呢餐既熱氣感!白菜仔冇渣亦係新鮮之選!✨又食到好飽喇今餐!!其實我地得兩個人但份量多得滯最後要

樓上鋪既大排檔 環境乾淨企理雖然好多人黎食 坐到滿哂但係上菜好高速落單十分鐘內有野食黎黃金蝦咸香味好正 豬手好脆切得又薄 口感好好蒜香炒個菜唔係好夠獲氣 但都不過不失黎多個濕炒河 多汁足料 唔錯呀 下次多d人多黎可以叫多幾個餸再試下

叫咗5樣餸…無一樣好食，唔知佢想點，唔會有下次🤬🤬🤬全部都叫佢主打招牌菜，上枱啲餸出煙但食落口係唔熱，唔知佢係唔係叮熱啲餸先上枱，全枱5個人叫咗6個餸無一樣入得口，口水雞喊到腎有事，黃金蝦球硬身乾水，蠔仔粥超“send”落2次胡椒粉都頂唔順，豆苗出煙又唔熱…乾身到見到都唔想食…朋友生日蛋糕話唔雪…再收$150切餅費，我從來都唔會寫人差…香港做生意好多時候我都體諒，但今次真係差到唔講唔得！其實唔知係唔係星期三賽馬日師傅輸咗錢…所以差到頂點，切餅費我都明白嘅但蛋糕唔雪，我真係諗唔明點解仲頭收切餅費（佢話3D蛋糕唔會雪）所以大家如果有朋友生日訂咗3D蛋糕可以唔駛去

滿心歡喜食大排檔，但妹記已經唔再係一般大排擋，似係普通連鎖茶餐廳咁。炸豬手 |豬手係好食嘅，個豬皮非常脆，咬口聲音清脆響亮！但都係偏鹹（豬手唔鹹就唔係豬手）所以叫咗啤酒送，就啱啱好。口水雞 |個醬比一般食嘅口水雞味道較淡，似係就咁用豆瓣醬淋上去。而且雞肉唔係原隻雞件，而係用雞扒，所以比較鞋身。鬼馬油炸鬼 |繼炸豬手之後好食嘅炸墨魚餅，非常香脆，炸皮唔厚，墨魚肉都好彈牙，好味～啤酒 X 戰鬥碗 |黎到妹記點可以唔飲啤酒，仍然好喜歡用戰鬥碗，好有風味～總括黎講，妹記野食不是完全差，但價錢偏貴，而且氣氛都無真嘅大排檔咁Chill～所以唔太抵食

其實嚟咗妹記食小菜都已經好多次佢哋人流好多次次嚟到一定要等位今日可能係平日所以等左一陣就入得基本上佢哋嘅招牌菜脆皮原隻炸豬手係一定要嗌由於得兩個人我哋都唔知道嗌啲乜嘢招牌餸好佢推介我哋嗌左黑椒薯仔牛柳粒另外加多個菜就要埋腐乳通菜基本上啲侍應好快手仲建議我哋上齊晒菜先好上白飯豬手嚟啦不過份量好似比我以前食嘅細份左但係未到一如既往嘅新鮮炸起皮卜卜脆但入邊嘅豬手肉都仲係好鮮嫩再點埋泰式甜酸醬送飯一流！基本上一個腐乳通菜最正嘅就係有鑊氣喺妹記食呢個菜炒得夠香腐乳嘅份量又啱啱好呢個係佢推介嘅薯仔牛柳粒我覺得牛柳粒炒得唔夠鑊氣除咗有太厚嘅鬆肉粉味之外佢炒得比較林相反啲薯仔就好好食不過嚟食小菜一定係人多着數啲因為可以嗌多唔同嘅餸去share

男家家庭眾餐（新年團年飯），次次都係我同老公去諗。老爺鐘意食中餐，所以今次BOOK左妹記。我地好早上到去，唔駛等位就可以入座，一落order ，超快。我諗５分鐘左右就上左第一碟，應該１５分鐘左右就上晒所有菜。椒鹽骨少肉多骨椒鹽九肚魚好味依個放錯左，影完相就叫人拎返走。炒通菜正常燒豬手一般黃金蝦Ｄ殼都食得蠔仔粥依個幾好味炒飯霸王雞冇雞味，好大陣雪藏味因為Ｄ野食好快上檯，所以食左一個鐘左右就走人，走個時勁多人等位。價錢都唔貴，坐又唔算坐得迫。

蠔仔粥係幾好食 蠔仔新鮮又多 令個粥更鮮甜 入面仲放左方魚 多左一份口感 唔錯.薯仔牛粒就差啲 味道淡左啲 可能個人食開重口味所以覺得味道偏淡.鬼馬油炸鬼入面放左墨魚滑 但個汁好似唔多夾 覺得冇乜特別 冇乜驚喜反而個豬手唔錯 皮脆 肉唔會太乾 豬手既鹹度係可以接受鹹蛋黃鮮魷就真係唔好叫 啦返普通鮮魷就好了 佢用左另一個方法整 搞到成個炸鮮魷完全唔脆 結果食剩大半碟🤦🏻‍♀️🤦🏻‍♀️

1️⃣ 環境 ～ 非常擠迫因為係室內關係，而且背脊貼背脊所以傾計嘅時候大聲啲都會比隔離枱望住👀所以全場坐滿人的話係非常之嘈😣2️⃣ 服務 ～ 服務員不太友善明明當晚有九成空枱，都唔俾我哋入座坐底，都只係爭一位未到啫⋯都要話等齊人先入得，即係寧願你哋班人喺出邊企都唔俾我哋入去坐啫，好冇人情味3️⃣ 食物 ～ 完全係趕時間預早製作的😮落左單唔夠5分鐘即刻出餸要燒嘅豬手就連其他餸都可以即上枱，快到呢⋯直情唔使煮好似喺廚房就咁拎出嚟嘅速度！4️⃣ 質素 ～ 名過於實⋯豬手皮燒得好硬厚實實唔脆而份量比較少⋯⋯椒鹽九肚魚好明顯係厚粉炸沙拉骨沙律醬太多而骨啲肉又太少、粟米斑塊個汁完全水汪汪D魚塊薄到紙一樣通才又太過鹹〰️❌❌✖️✖️✖️總括來講絕對唔會再幫襯我諗求其一間茶餐廳嘅質素都好過佢囉⋯⋯完全冇大排檔嘅質素，實在唔明點解咁好生意 ✖️✖️✖️❌❌

妹記堂食就食咗好多次次次都係大家聚會嘅時候食貪佢夠抵食 又坐得幾舒服今次因為新年 大家團拜又想舒舒服服係屋企打牌打機就試下妹記叫外賣 不過不失我哋有九個人叫咗椒鹽豆腐 叫外賣當然唔夠堂食咁好食堂食個皮真係好脆兩隻乳鴿就略嫌炸得太勁 有啲燶燶地西蘭花鮮魷 個菜好好食炸豬大腸 平時真係好好食 今次真係炸過龍啦 朋友都話好難咬開黃金蝦 一如既往好食沙薑雞幾嫩口 黑椒牛柳薯仔保險之選當然唔少得嘅仲有小炒王 係咁多個餸入邊最好食㗎再加埋六個飯 啱啱好

女漢子的聚會，想喝啤酒便選擇到大牌檔，但最「就腳」的大牌檔是這家妹記大牌檔，名字雖叫大牌檔，但不用蹲街邊，是上樓的室內企理小菜館，卻有大排檔的小炒和啤酒，非常適合我們呢。謹記要訂座，不然平日晚上也有很多人排隊等候呢。餐廳裝潢加入不少大牌檔的元素和壁畫，但不用坐無椅背的膠椅，桌與桌之間也有空間，桌面也沒有飄逸的膠枱布，非常乾淨舒適。一坐下已有「啤酒妹」招呼我們，我們在介紹下點了哈爾濱啤酒，較為淡口，帶點酸味，勝在夠凍夠汽，再配以「戰鬥碗」飲酒，風味搭夠。椒鹽八爪魚咀十分香口，炸得酥脆，炸粉夠薄，加上八爪魚咀比一般的墨魚咀更有咬口，椒鹽味道蘸上喼汁令人吃個不停，下酒一流。鬼馬油炸鬼的油條外皮炸得更鬆化，內裡釀滿了彈牙鮮味的墨魚滑，還夾雜著粒粒爽口墨魚，真材實料。配以錦滷的酸甜汁，真的十分好吃。薯仔牛柳粒也是友人一直嚷著要吃的大牌檔小炒，薯仔粒輕輕炸過後才加入牛柳粒一起炒，外皮香脆不易散開，帶點甘甜；牛柳粒雖然不見多脂肪，但一點也不嚡口韌口，肉嫩多汁。咸魚茸飛天通菜煲的鹹魚味道香濃惹味，通菜爽脆新鮮，本來想要這個菜作中和之用，但反而這是是晚四個菜裡最濃味的一個。店員雖然忙碌，但服務也很好，對

今日約左班朋友去行年宵，行年宵之前梗係要衣飽個肚啦🤤今日就想麻甩啲食大排檔，呢一間新派嘅大排檔乾淨又衛生，連港女都話好呀😂👍🏻先講呢個蕃茄金銀蛋肉鬆浸白菜仔先，本來自己就麻麻哋金銀蛋嘅，不過呢一個餸就絕對有驚喜，有少少番茄炒蛋嘅香味，好開胃，另外每一條白菜仔都有好香嘅蕃茄湯味，真係食到停唔到口！另外，牛柳粒好嫩滑好新鮮，不過薯仔就一般，如果可以炒之前將薯仔炸一炸先，相信味道會更好🤨豆腐煲就普通咗啲啦，味道同一般茶餐廳一樣🤓值得一讚嘅係，佢哋用一個叫戰鬥碗嘅碗嚟裝啤酒，好有新意😚😝仲要每個碗都會先雪一雪凍佢，所以飲起啤酒上嚟就更加爽啦！

香港地道美食好多， 但要數具特色的非大排檔莫屬。 妹記算是間新派大排檔， 餸菜融合了舊派港式小炒和現今的創意菜式，說穿了就是新舊fusion mix and match。店舖裝修跟傳統大排檔有很大分別， 基本上就是一間現代化餐廳， 室內有冷氣， 環境算是不錯。食大排檔一定要飲啤酒， 這裏特別供應了一個名叫戰鬥碗的器皿， 以供大家鬥酒用。大排檔名物莫過於獲氣小炒和煎炸小吃。是次我點了一味招牌豬手，一味炸乳鴿和黃金炸蝦。招牌豬手未食已經聞到一陣陣香烤味， 搭配泰式雞醬， 搖身一變成為一味混血菜式。炸乳鴿是香港傳統煎炸小食， 這裏的乳鴿炸得香脆肉嫩，在撕破乳鴿皮的一刻， 肉汁噴射而出， 畫面非常深刻。黃金炸蝦味道濃厚， 鹹蛋黃加上蝦的鮮味配合得相得益彰， 不愧是一道名菜。

8點幾等位等左1個鐘左右 三個人order左4樣餸👧🏻👧🏻👧🏻因為室內好多人gathering 都幾「熱鬧」🗣魚香茄子: $78👍🏻魚香味好重 茄子好軟好入味🍆 送飯一流椒鹽鮮魷: $68😢見到好多人點呢個 粉好厚 入面無味 同出面大排檔無得比飛天通菜煲: $68👍🏻好夠味 多左少少油沙拉骨: $68👍🏻酸酸甜甜幾開胃最後緊係要用戰鬥碗飲啤酒🍻建議多啲人一齊黎 可以share多啲餸💓💓💓

之前見朋友Facebook去食大排擋，拎住個戰鬥碗黎飲酒，一直都好想貪得意去試下。機會黎喇，終於俾我約到大班朋友去食下傳說中嘅「妹記大排擋」，7:30一黎到，嘩，人山人海，水泄不通，等左半個鐘左右終於入得去。老實講，環境真係一般，因為實在太逼好吵，我同一班朋友本來想傾下計都無可能，咁飲酒點會爽？叫左幾個小菜，其實，俾我排嘅話，黃金蝦同四季豆都不錯，其他食物就中規中矩，炸豬手有啲咸。由於太逼，我地都無辦法好enjoy的享用我地嘅戰鬥碗我俾6/10分，希望下次人少啲再黎試試。

假期約好一大班好友聚會，我們選擇到妹記。原隻脆皮炸豬手很香脆，但份量比較少，很大條骨。炸魷魚鬚等各種油炸物都好熱氣但很惹味，最推薦鬼馬油炸鬼，避風塘炸雞翼。椒鹽八爪魚咀很有咬口。羊腩煲熱騰騰上枱，但筋位多過肉，我覺得性價比不高。黑椒薯仔牛柳粒亦是很推薦的，很適合多人sharing。其餘還點了五香牛、通菜煲、西蘭花炒帶子、沙嗲粉絲金菇牛肉煲等家常小菜。整體來說食物質素都可以，是個適合朋友聚舊談天的地方。