好湯好麵

營業中

休息中

早幾日見到呢間新開既湯麵店，個名幾得意叫好湯好麵，好奇行入去試下，老闆娘話d湯無味精，飲完唔會口渴，心諗係真唔係，估唔到又真係好鮮甜，唔會好似出面咁又喊又多味精，食完成碗麵仲可以連湯都飲埋，同埋d小食都好正，我最鍾意佢個木耳同青瓜，仲有個甜品蘋果雪皅都好好味～～～午餐送小食飲品都幾抵食，同埋睇得佢地好有心做，逐枱客都會問下意見，老闆娘話佢地想推廣健康同靚食材，對食物有要求既可以去試下，同埋俾下意見

素來少打食評，但街角新開一間真材實料食店，親身實驗式體會三餐，感受到大廚同老闆水準超然：第一餐嘗老闆推介嘅雙冬羊肉，羊肉湯底味濃而不俗，恰到好處。午市奉送嘅三色小食清甜開胃，尤其是涼拌木耳，令人印象深刻；第二餐海龍皇陽春麵，用料新鮮，連湯底都有蝦頭味，自然連湯底都飲清光不客氣；第三餐都食清淡，仍然有驚喜：田園蕃茄湯陽春麵，麵夠彈牙，湯底清甜又係一滴不剩全清光，意外收穫仲有獨特甜蘋果雪皅，雪糕味道濃郁，有酒店級水準。似乎要一個月，先可以試足老闆精心設計嘅其餘10道陽春麵菜式。

一碗好麵，最重要當然系要有好湯配搭啦！『好湯好麵』就完全可以講羅足100分！完全無味精，店內有14款湯麵，每一個都可以吾同湯底，各有特色！真心值得推薦👍👍👍本人真心好小食麵，因為食野比較慢，吾鍾意麵好快會漲既感覺！但『好湯好麵』選用既陽春麵，比我影完靚相再慢慢食都無個種漲漲既感覺！真好！今日我選左一個『黑口黑麵』好特別😍由名字到麵色！店員貼心服務真系好sweet！😍俾左一條好sexy既小圍裙我！怕我食麵既時候會吾小心整污糟！飲品方面試左個冷凍烏龍茶！茶味清，吾錯！甜品試左個蘋果雪葩！真系好味到暈！大愛💓 今日幾個朋友食，點既食品吾算多！下次要再黎試其他！新張優惠仲有9折添！吾錯！值得推薦！