好湯好麵

營業中

休息中

身在大圍，吃一碗麵，埋數竟要盛惠接近一百五十大洋....想必這麵定必是有點過人之處吧....這一所新開的麵舖，其貌不揚，但翻開餐牌，碗碗麵索價不菲。也難怪的，麵碼用的和牛面頰、海蝦、鮑魚及西班牙豬腩片等食材，那試問又怎能不收貴 ?在大圍區內，食過百大洋一碗麵，店仍是門庭若市的，下午不到十二時半就要排隊....看來，這裡還是有不少知音同道人....差不多每檯都點的海龍皇湯麵，便是小弟今天為此專道而來之因由....正正坐在我對面搭檯的那位哥哥仔，同樣叫了這碗麵，喵到他一口氣連麵帶料吃下去，最後將所有的湯都全喝掉....真的甚誇張....看看那麵湯的色水，就知非常的海鮮，滿目都是呈微橙紅的；再嗅下去，通鼻都是來自蝦殼熬出來的鮮香....未喝未食，都已估計到水準不會差得到那裡了....好了，真的要喝湯了。味道果然如所料，甜，而且甜得來自然順喉，滿嘴都是源自海鮮的鮮味及香，難怪那哥哥仔將之一乾而盡。聽說這湯有下了蝦頭油，怪不得如此的鮮....麵碼方面，有蝦、帶子及藍蟹肉。蝦很新鮮，很夠厚肉亦帶爽，不過甜度方面就欠奉了，這是唯一的缺失；北海道帶子感覺上灼過了龍，有點削身縮水了，不過幸好甜鮮仍是能保

同事極力推介, 這間大圍新開的麵店, 糾纏幾個星期終於約齊腳, 一去到門口已經好多人趣怪湯麵名字 (留意好多售罄牌子, 朋友亦溫馨提示食物好易售罄, 手快有手慢冇)認真的湯底資料另有冷泡茶提供幾款小食都好味道, 個人推介雞絲粉皮主角出場, 海龍皇蝦湯麵, 蝦好大隻, 帶子好新鮮, 絕不是一般貨色; 湯邊多泡, 同事話蝦膏愈多愈易有泡, 湯底真係好鮮好夠味同事的麵, 真係有成隻鮑魚還有飯後甜品由酒店大廚負責的湯麵, 果然不同凡響, 嘗了同事的牛湯及鮑湯麵也十分鮮味, 下次來時又要留肚了.

水中花幼滑豆腐切成條狀(像盛開的菊花)配上黑糖水飲(好sweet 而且潤喉)中間位置(配上桂花)令外型更似菊花😍中式手藝甜品(好特別，黑糖好甜，豆腐好滑)中午(送三款前菜)芝麻醬雞絲粉皮粉皮口感QQ，雞絲肉質鮮嫩(配芝麻醬，好惹味)青瓜平衡醬汁的濃度(好清新)😆青瓜配上蒜來涼拌青瓜(好香口)😄木耳醃漬過的木耳(好醒胃)😃加配一隻半熟蛋(好流心)味道不會過鹹(蛋浸製時間剛好，口感好嫩)第一次食陽春麵(盛傳湯底非常足料)試下先~湯好足料(濃郁，唔稀)味道好鲜甜，好濃海鲜味道帶子好厚肉(鲜甜)蝦好大隻(新鲜爽口)陽春麵口感不錯(不會煮得太淋身，失口感，配上濃郁的海鲜湯食，真的好好味)麵底多(太飽)~想試其他味道(唯有下次再食)推介~湯熱熱上枱(唔係加水再煲湯底，味道好濃郁)雖然麵要$76起至$158碗，但麵底多，足料湯底，已值回票價

上星期日冒名而來，6:40pm到已經話「今日啲湯賣晒」，唯有今個星期日再碰運氣。今次醒目，5:30pm到，點知又話6pm先入座，唯有再等。老實講，我對呢間嘢已經無咩好感，一肚氣；但同行友人堅持一試，只好勉強食一次。知道連呢度嘅茶都係由5星級酒店嘅茶師操刀，我同同行友人都要試一試，叫咗個冷泡凍頂烏龍，望落去好似好淡，但茶香四溢，值得一試！手工豆腐係滑嘅，但豆味不足，加分的係自家製xo醬，少少麻辣，味道剛剛好，不嗜辣的朋友應該也會喜歡。自家製xo醬店家並無免費額外提供，需要encore或想加入麵食嘅朋友要另外order，每份$10！我就試咗個好頭好尾，主要配料係牛面頰肉、牛尾、牛骨湯。一上桌先試個湯，無一般牛肉麵湯的油，清清地但夠味，牛肉煮得好稔，係有心嘅。同行友人食全場最貴嘅西班牙火腿麵，$158 一碗！貴嘅雖然係48個月西班牙火腿，但其實更好味嘅係碗湯！湯頭為高湯，清甜有火腿鮮味，一啖落肚成個人即刻暖晒；配上扁身陽春麵，誰也不搶誰的風頭。見同行友人一啖麵加一片火腿再配一啖湯食得津津有味，我都忍唔住叫佢俾兩啖湯我飲！但同行友人話呢款麵佢只會試一次，因為俾嘅錢只係俾個火腿但個湯只係屬於比較

多年前於灣仔食過成百蚊一碗嘅麵，當時去食都係慕一位知名食家撰文而去。嗰次嘅體驗之後覺得上咗人生寶貴一課。時至今日大圍出現百元的龍蝦湯麵亦未有因媒體報導貿然前往光顧。直至友人親嚐之後極力推薦才考慮前往，最終集八人成行，就算真係名過於實起碼都係一次嘻哈聚餐。由傳媒及朋友表述得知此店湯麵賣點著重於湯底。除真材實料仲個個都熬足七八個鐘。多人一齊去食就有呢個好處，每人試一款己經可以試多個唔同味道嘅湯。因麵底一樣大家響品嚐自己嗰份之前就分享吓個湯底試試味；第一口試好頭好尾的牛肉湯，湯嘅超濃郁感已經肯定熬咗好多個鐘頭，而味道就好似用咗幾擔牛骨再加入牛奶咁，牛味由牛骨一點一滴嘅精華滲出之後再濃縮，滑口感與牛奶入口無大分別。跟住是棉花雞湯底，味道完全同濃郁嘅雞燉翅雞湯味一樣，漿口嘅膠著口感估計源於大量雞軟骨長時間文火煲煮，溶化出來嘅成果。到自己碗雙冬羊湯，最簡單嘅味道形容就係一個炆煮一天羊腩煲嘅湯汁味道，只要鍾愛羊騷香嘅道友一聞到肯定會食指動加口水流。最後試嘅海龍皇湯一飲就知返唔到轉頭，因為蝦嘅濃香味可以連前一啖嘅羊肉湯都會俾佢蓋過，假若餐廳只以一般蝦頭及蝦肉烹煮而並非現時標示以龍蝦熬出，可以肯定此湯都

小弟行過多次，人山人海，想食都無位食，再加 X 假期介紹過，搞到忍不住一試。今日五點半就到，等佢六點開舖做晚市，試佢第一碗麵！ 六點正開門，已有幾位食客一齊排隊。一坐低，就叫咗個海龍皇湯，一支公，食得唔多。試佢一試。十五分鐘後，個麵就上台。其間恃應鍋心地送上由熱水沈嘅濕紙巾俾我地抹手。湯，味一般，唔夠鮮，唔夠濃，陽春麵夠麵味，但湯加麵，組合起上來，完全係兩件事，一啲都唔夾。餸，有兩隻中蝦，兩粒如一蚊雞大小嘅帶子。蝦淡，帶子爽。埋單無加一。結論係: 名過其實，自己又期望過高，完全不像有咁多正評。不過，如終小店，一定會支持，俾多次機會佢試下出名麵食。

好友們想來一個快聚，又怕如果火鍋韓燒我地口水多過茶，太晏回家，那就選擇輕量級，而我地一班吃貨之人又怎會選沒質數的食品放入口。聽說最近大圍一間麵店竟然要排隊等位，大家都決定要去探一探虛實，放工時候，在街頭也已經看到人群。唯有先取籌，再稍等一下，還好的是食麵的客人也不會吃得太久，這十來分鐘時間相信是絕對值得的。這店的麵名是用心改，要經過仔細看過配料才知道買什麼壺蘆。想點小食時但雞翼跟半熟蛋已沽清，那就點了涼伴小木耳$28，很爽口且酸酸的十分開胃，同行人也一口接一口地吃完。好頭好尾 $98新年一定要來吃，太好意頭啦！！用料原來用了日牛臉頰肉和法式面牛尾，配上濃濃的牛骨湯再跟上扁陽春麵十分爽口，但配料略嫌少了點，若再多一點就滿足多一點而環觀其他食客也把湯完全喝光，而我們也一樣，所以可想而知d湯有幾咁好飲！難得一枱傻人聚在一起，希望沒嚇怕其他食客，也謝謝小店對我們的包容！

最近聽新城電台大飛哥介紹一間小店話未見過有人會係一間湯麵店內出現十幾個湯底十幾個配搭，於是今天約兩個朋友去試下新嘢。大約六點半到，店好容易找到，就係油站對面，而左右都係出名食店，見店內只有一枱客，以為去錯地方，望清楚招牌真的無去錯地方，於店外預備入內，男服務員好有禮貌，幫我地開門，坐下看餐牌，真的有十二種湯麵，所有湯底同配搭各有不同，D名又搞嘢，由$68-$158都有，$158 是48個月西班牙黑毛豬火腿片麵，其他的相片也好靚，唔知係唔係相片只供參考呢😅，我本來想跟大飛哥介紹的食物，但服務員開始介紹了，於是跟他推介食，先來涼拌豆腐，是辣的但味道加豆腐剛剛好，不太辣估唔到呢間嘢的辣汁好有四川風味。油蔥靑菜，原來是烚波菜，而上面的紅蔥原來用豬油炒香的，十分特別。海蜇雞絲粉皮，芝麻醬好味，而D粉皮QQ的好滑口同出面食的不同，好味😋綿花雞就真係好好好味，湯濃得來又鮮，好似呀媽煲的花膠煲雞湯咁而雞肉係用日本走地雞肉是結實的但不會硬。好頭好尾係有兩種牛的煮法，四川和牛面肉，同法式牛尾，湯濃好味。雙冬羊肉就好似羊腩煲的味道及材料再加上羊肉片，特別得來也好好味，再來2杯自家煲熱飲及1支冷泡凍頂烏龍茶。

好湯好麵，店如其名，主打冇味精心機湯麵。由火車站行過黎大概十分鐘，喺窩心粥底火鍋隔離。新開張關係，平日晚上只有兩枱客，服務非常好呢。涼拌手工豆腐 $28 - 滑豆腐切成大概只有5mm既薄片，淋上微辣醬油，灑上芝麻。切薄片好處係滲入豆腐之間既醬油份量剛好，不過比較難夾，一定要以匙羹輔助。黑口黑麵 $76 - 日本魷魚 / 墨魚滑 / 墨魚濃湯 / 扁陽春麵 - 湯底鮮美，墨魚滑好彈牙，係我食過最好食既墨魚滑之一。海龍皇湯 $128 - 藍蟹肉 / 海蝦 / 北海道帶子 / 蝦頭油 / 皇湯(蝦湯) / 陽春麵 - 又一極鮮湯底，冇味精飲得好放心。藍蟹肉較少唔係好食得出，不過海蝦大隻、新鮮、有咬口，店員仲好貼心附上濕紙巾比食客剝蝦後抹手。蝦頭油係畫龍點睛之作，成碗麵係食得出既誠意！除頭兩啖麵質剛好之外，麵條喺熱湯中愈浸愈淋，係唯一美中不足既地方，建議餐廳可以稍為undercook啲麵。除此之外，回頭指數爆表，一定會再黎試其他麵！

今次來第二次啦～～～真係好好味，想試晒所有款式，最正係完全不加味精😋😋湯底又夠濃，仲好食過拉麵👍👍👍絕對要來食！！當中有十幾款式，每次來都有新鮮感，而且仲有甜品水中花，可見師傅刀功利害！！十分之有特色😍老闆之前是酒店出身，所以所有食材都是嚴選的新鮮食材，而每一款麵都有標示用用什麼配料，完全感受到老闆的細心，而且仲好細心為一些食素人仕訂製一了湯麵小食，迎合唔同客人需要，絕對是一間良心小店

天氣漸凍，飲啖熱湯，食個熱麵，感覺真係好幸福！叫咗兩碗麵一個甜品，已經好飽了！食湯麵，湯一定要夠熱先得，先上蕃茄蛋牛，個湯好正，好夠味，有好多帶咸小小的蕃茄仔，蕃茄仔連湯飲好惹味！個湯熱到有煙出，感覺好良好～啲牛好淋，淋到唔使咬，又有牛味～呢個麵真係好唔錯不過陽春麵係幼身的，吸湯力強，但又淋得好快喎，如果唔鐘意食淋麵，就要諗諗改麵底了！再黎係推介的黑口黑麵，如果先上呢個，再食蕃茄蛋牛的話，會更加好！但係食完蕃茄蛋牛，就會覺得佢淡味咗！個湯底其實係好好飲的，唔好俾個色誤導咗，其實個湯係好清新的！值得一贊湯依然好熱，但廚師就有小小失誤了，因為材料係日本魷魚，因為湯太熱，令到魷魚上枱時會靭咗好多，呢方面可能要注意下了！墨魚滑味係調得唔錯的，但食落有小小散，如果可以做到爽趣的話，一定會更好！再上水中花，呢個糖水應該係一早做定雪好的！因為一早浸住啲豆腐，所以個糖水睇落有小小濁，啲豆腐又變黃咗小小又硬咗小小！如果可以做到，糖水分開雪，上枱先加糖水，我諗效果會更好！講返味道先，中間唔知放了什麼，有小小梅子呀桂花呀味咁，味道係唔錯的，係甜咗小小！本人非廚師，只係用食客身分給予建議，唔知可唔可行，但希望

大圍有間新開小店，路過又望多幾眼，店內侍應上前來招待，睇見有兩款素食便入去試一試，最後叫咗田園素菜。先黎小菜：手拍青瓜，涼拌小木耳，芝麻醬青瓜雞絲，份量唔算少！之後再黎主菜：田園素菜，湯底真的很濃蕃茄味（內有洋蔥）無味精，真係估唔到噤好味！原來12:00-5:00pm 凡買渴麵一碗送小食拼盤，價格只係$68，好抵呀。之後，我走時同老闆娘淺淡，如果純素食者不食五辛（五葷），可以叫海帶菇菇走葱便可！ 那間小店十分熱心和有人情味 ，味道真係好食（朋友睇過食物相，都話好真材實料，睇落去好好食噤），下次會再來光顧。

朋友介紹話呢間鋪d湯麵好好食～所以今日走去試下～一開始睇到個價錢麵覺得幾貴～但一場黎到就試下囉～係門口等左一陣就有位～入到去環境都幾乾淨～（我最怕地下又油又扇又dirty), 之後老公叫左個海龍皇湯底，我就叫左個豬肉蠔士湯底同埋雞絲粉皮，飲品就叫左雪梨黑豆茶～呢幾樣嘢當中我最推介個海龍皇湯底同埋雞絲粉皮～湯底有好濃同好鮮嘅蝦味～好似飲緊龍蝦湯咁～有兩粒帶子同兩隻大蝦～～唔錯～～另外雞絲粉皮嘅粉皮好QQ嘅感覺～個芝麻醬都好好味～可以再試～

我住大圍都成2年了，大圍好多間野都食過晒。真係食到悶了。前2日行過大圍油店見到開左間新野，咁米入去試下羅。我本人都好少話寫咩食評，但今次真係要推推佢，因為呢間野好好食之餘，又唔會話俾D差料同冇質素收你貴。跟住我同D員工吹水時，佢地話好多香料配料都係老闆好用心去簡既，出面都唔一定搵到。同埋料又新鮮，食得出冇落咪精。最緊要有素食配料，因為好多時我都係食肉，而家有間素食既野係大圍真係對我好緊要真心推薦俾大家～～～最後俾你地睇下佢地好好食既甜品！

見到係大圍新開嘅…但望到個價錢都幾貴， 又因為肚餓，就膽粗粗去試下~入去睇到啲相，覺得細細碗咁，諗住今次都係中伏㗎啦……但原來唔係架！都好大碗！ 雖然食物種類少，但種類出奇地有趣，棉花雞湯麵有點心棉花雞的味道，但一點都不油膩。食黑口黑麵，好細心附上可愛圍裙一件，好攪笑呀！湯麵的湯很濃，又不油膩，吃了不口渴。提醒返手工豆腐係辣架~唔食辣嘅要留意喇~我唔知道叫左，佢地都好細心換返個拍青瓜畀我。其實睇個價錢有啲貴，但係試落又覺得係值得嘅… 至少價錢同價值係相對嘅，唔會有覺得唔抵嘅感覺~