好湯好麵

營業中

休息中

閒日下午去，直入👍🏻個海鮮湯底好濃，好味，估計用咗大量蝦頭來熬湯，因為碗湯入邊嗰兩隻雪藏蝦冇咗個頭。另外應該有加蝦油👍🏻真係得個湯比較吸引。其他料正正常常。純個人口味唔鍾意陽春麵既質感太淋。$135我唔會排隊食呢個質地既麵，師傅要認真諗下點處理個麵。

今次同友人來到大圍呢間好湯好麵，來之前已經聽過唔少人推介入面既湯底全部都係真材實料去熬製，個個都話會連湯都飲哂我哋揀咗蠔皇豬豬同海龍皇湯，蠔皇豬豬麵條有咬口，配料有兩隻廣島蠔、幾隻細海蝦、幾塊五花腩片和炒肉碎，整體份量都算多，湯底好濃郁，真係可以連湯都飲哂海龍皇湯湯底好鮮味，飲落蝦味好突出好鮮既感覺，配料來說亦非常足料，有海蝦尾、花膠仔、廣島蠔、墨魚滑、蟹肉，海蝦尾好新鮮彈牙，又係成碗湯可以飲晒整體來講，價錢相對一碗拉麵差唔多，不過真係一分錢一分貨，用嘅配料都係新鮮有保證，我會再回訪

成日行過都好長龍，今日趁下午茶時間終於同幾位朋友試到。味道唔錯，湯亦感覺係冇味精。不過呢個價錢略嫌對比下不是太值。選擇亦不算多。不過旨在試下，短期未必會再去。同行朋友亦有感。

在沙田工作完後, 還是想吃這裡的湯麵, 大圍現在對我來說相當方便, 無論是從屋企還是Office出發, 透過港鐵也只需轉一次車, 甚至比九龍不少地方還方便. 今次在Lunch Hour之後去, 在店外等了幾分鐘就OK, 這陣子戒吃了牛肉, 就點了它的其中一碗成名之作, 就是海龍皇湯麵, 也就是海鮮湯麵.湯底水準依然, 除了由海鮮熬製而成的湯充滿鮮甜味外, 蝦頭油更是其靈魂所在, 除了為其提供令人垂涎欲滴的橙紅色外, 更強化了本身的鮮活, 和西式的龍蝦湯分別嘛! 就是不會添加白蘭地或威士忌之類的烈酒, 因為我們喝的是其鮮味吧! 陽春麵底口感依然軟熟而不糊, 掛汁能力OK, 份量夠而且飽肚, 單是這兩項水準在奪星之後沒有退化下來. 配料比之前有些少失色, 首先兩隻大蝦吃起來不比之前吃過的鮮, 帶點雪味; 蟹肉和墨魚滑則沒什麼問題, 特別是墨魚滑依然吃得到柔軟爽實之口感對比. 沒有廣島蠔而換上花膠, 比起蝦的質素下降, 問題也許更大, 前者是鮮, 後者則不是, 經過後製的, 和湯頭強調的有些微違背呢!The seafood soup noodles of Hao Tang Hao Mian

一直都好鍾意海鮮湯既食物，見好湯好麵好似一向都好出名，就好期待咁去試下，氹下自己開心。平日下午大約1點45分倒到，唔洗排隊即刻有位，不過其實目測下層已經冇位，上層就唔知了。叫左個海龍皇湯麵，另外見食評D棉花雞好頭好尾都好吸引，有機會都想試下，不過如果我真係去，都可能叫返海龍皇。佢仲有D小食都好似好吸引，不過我一個人，都冇信心會食得曬，所以都冇叫。個海龍皇湯係又香又濃，可能有D人會覺得咸，但我覺得恰到好處，食到一條麵都唔剩，餸就有花膠同三隻蝦。蝦佢有清腸，不過清得好唔乾淨！仲有好多剩左響度！但overall 黎講我覺得好味，都值回票價。個女店員講野好大聲，佢係有禮貌，但好大聲。

排咗成一個鐘，終於試到大圍超出名嘅好湯好麵。餐廳主廚之前喺Four Seasons米芝連三星餐廳Caprice做，所以特別期待！我哋試咗四種味，都非常滿意！1️⃣海龍皇用蟹、蝦煮成嘅湯，入面仲有絲絲蟹肉。湯頭好鮮！2️⃣綿花雞湯頭好似座銀拉麵嘅淡味版3️⃣好頭好尾牛骨湯，仲有牛面頰肉同法式燴牛尾。呢個好值得試，甚少喺其他地方飲到咁膠又唔酸嘅牛骨湯！4️⃣黑口黑麵呢個最普通，墨魚滑唔夠彈牙💡整體嚟講，都覺得呢度嘅湯好出色，超濃郁，值得一試！

大圍嘅一間小店👀 食第二次 都係覺得麻麻地 唔太值咁貴同排咁耐隊🥵🥵不過貼心嘅係 會俾圍裙你👍🏻👍🏻黑口黑麵 整體湯可以再濃小小都幾鮮 不過好似貴咗小小☹️ 未必會再食

第二次黎食好湯好麵，依然係咁高質，今次星期六去仲要唔使排隊添，真係非常幸運啊！今次試咗海龍王麵，非常足料，有唔同嘅海鮮，例如鮑魚、魚肚、海參、素翅同埋日本嘅雞肉。不得不讚一下佢嘅魚肚，吸晒湯嘅精華，每一啖都覺得好好味！😋😋😋仲有就係佢嘅湯底，食得出佢係煲咗好多個鐘頭先可以咁濃味，我最後將全部湯飲晒，一啖都冇浪費😌😌雖然碗麵要成$140，但都覺得係值得既，因為佢真係好足料，連湯都可以成碗飲晒，唔係一般出面食到嘅湯麵🍜👍

一直都想試大圍呢間人氣湯麵 @haotanghaomian 有一日隨緣唔駛等就食到😋叫咗兩碗麵同兩個小食 小食冇乜特別就唔多講海龍王湯陽春面 $135我覺得呢個湯底除咗鹹咗啲之外冇乜嘢好挑剔真係好濃郁嘅海鮮味蝦味 不愧係sell湯底配陽春面亦都好夾 掛湯能力好但略嫌配料有啲少 海帶菇菇扁陽春面 $72呢個係唔鍾意食海鮮嘅男朋友叫嘅😌再一次強調真係sell湯底 菇味特濃但係個湯都仲係好清澈個脆腐皮好好食 呢個配搭幾好Any肥。我覺得價錢偏貴。但如果鍾意食湯麵嘅話係值得一試(唔使排隊嘅話)完。 #飲食係一種享受唔淨係為左生存#無論平定貴都一定要花費得明明白白#eat_withbina #eat_noodle_withbina #eat_大圍_withbina

一場嚟到大圍，即使見到門口有長長嘅人龍，都決心排一排試一試。為咗爭取時間，排緊隊嘅時候職員就會派一人一張Menu，睇定即刻落單，入去就唔使等咁耐。*潤牛麵*呢個比較失望，湯底係出色嘅，濃濃嘅潤味，但安格斯牛肉條太暗咬極都唔斷，鵝肝亦食得出比較低質。呢個唔太推薦，畢竟價錢都唔平。*棉花雞*呢個超級推薦，湯底好濃郁，一啲油膩感都冇，雞塊非常滑嫩，棉花（即係魚肚）索晒啲湯底非常好味。麵條同湯底好夾，都幾掛麵，而且唔會煮得太淋。

/ ᴍɪᴄʜᴇʟʟɪɴ ʀᴇᴄᴏᴍᴍᴇɴᴅᴇᴅ sᴏᴜᴘ ɴᴏᴏᴅʟᴇs /꧁好湯好麵꧂連續兩年獲得米芝連必比登推介嘅湯麵店一碗麵索價$100+到底有無料?原來負責人之一的ɢᴀʀʏ曾經係ꜰᴏᴜʀ sᴇᴀsᴏɴ嘅三星餐廳ᴄᴀᴘʀɪᴄᴇ當sᴏᴜs ᴄʜᴇꜰ背景咁猛 難怪可以創作出12款精緻考究嘅特色湯麵 ༄༄༄༄༄༄༄༄༄༄༄᯽海龍皇 $𝟙𝟛𝟝 【重點推介✨✨】好似日本拉麵蝦湯嘅味道 鮮味濃郁龍蝦同蝦味重 再加上面層超香嘅蝦頭油簡直係有幾十隻蝦係口入面游咁超愛蝦湯嘅近乎將成碗湯飲哂 不過之後都有啲口渴🤔🤔🤔配料亦非常豐富 有絲絲藍蟹肉、花膠仔、墨魚滑同海蝦 量不多但質素取勝 蝦肉結實爽口有鮮味不過墨魚滑就略嫌有味精味另外麵底同樣出色幼身陽春麵好掛湯又有咬勁 上到枱影完相都無發水變腍店員仲會好貼心咁提供濕紙巾俾你剝完蝦殼抹手 做過酒店果然係比較着重細節位👍🏻᯽好頭好尾 $𝟙𝟘𝟞另一人氣之選嘅好頭好尾就比較普通川味和牛面頰肉 富膠質而且夠腍 不錯嘅不過真係食唔出有川味至於法式燴牛尾都無乜ᴡᴏᴡ ꜰᴀᴄᴛᴏʀ 湯頭亦同一般牛肉麵差唔多 唔算好有特色᯽ 自家製檸檬薏米水 $𝟚𝟘᯽ 雪碧 $𝟙𝟞💬

想試好耐既米芝蓮小店 ! 🧡星期日都預左要排隊, 店員好細心又派扇又叫我地去後少少排隊唔好曬親排隊仲可以落定𝗈𝗋𝖽𝖾𝗋 坐但冇耐都可以食 海龍皇湯麵湯頭超濃郁同鮮甜! 食完都唔會口渴真係真材實料 🦀食材有有海蝦尾、花膠、墨魚滑、藍蟹肉等, 份量就一定唔算多架啦，不過個湯真係太出色, 配個陽春麵好正！⟣棉花雞湯麵無諗過棉花雞都可以變成湯麵 ! 用左日本雞口感的確有分別, 而且湯頭係濃到杰身聽聞店主特登每款湯都會配唔同既麵呢款就配扁陽春麵, 更加掛湯✨價錢雖然一啲都唔平，但平時食拉麵都成舊水，用相同價錢食碗好湯好麵我覺得都好值🫶🏻

米芝蓮必比登推介🍜.去大圍探朋友，諗起有呢間米芝蓮推介小店，就走去試吓，好彩咁啱仲有位俾我地入去唔駛排隊🤣.對於食碗麵嚟講，佢個定價其實都真係幾貴，不過睇返啲報道話原來其中一個老闆係前四季酒店法國餐廳Caprice嘅Chef Gary, 就睇吓佢地點製作呢碗貴麵🍜🔺海龍皇湯 $135藍蟹肉/海蝦尾 /花膠/ 聖魚滑 /蝦頭油/ 皇湯/陽春麵真係好足料！湯底飲得出係用新鮮食材淆製，唔會太濃味，可以當湯飲晒佢🙈 陽春麵質地適中，口感有少少彈牙，唔錯。🔺黑口黑麵🌚 $90 北海道魷魚/墨魚滑/墨魚濃湯/扁陽春面🔺迷你佛跳牆 $142鮑魚/海參/素翅/魚肚/日本地雞肉/ 日本刺身帶子/ 北菇/ 雲腿絲/高湯/扁陽春麵全部都好足料，真係一分錢一分貨🤑🤑

嚟到大圍搵有咩好食，大部分人都會提起呢間餐廳好奇心嘅驅使下今日就去試吓～今日係平日下晝，其實開店半小時內已經滿座可見呢間餐廳好受歡迎👏🏻小食我哋叫咗麻辣手工豆腐豆腐都滑但無咩豆香，不過整體味道都唔錯嘅～我哋叫咗兩個麵share食一個係黑口黑面，另一個係好頭好尾兩碗麵嚟到都夠熱嘅～ 但我個人覺得墨汁湯底無咩特別墨魚丸好食又彈牙，魷魚鬚都好爽脆陽春麵都唔會過冧，但麵底太少😅不過有個貼心嘅位係店員會問邊位客人食黑口黑面，會準備好圍裙，以防湯汁濺到件衫呢個位係值得贊賞嘅另一個好頭好尾我就好期待😚一飲個湯底都有好濃嘅牛肉湯勺兩種牛都好冧而且好入味，牛肉嘅份量都適中但麵底都係偏少🙈其實可能因為太多人話呢間好好食，令我對佢期望太高當然價錢都唔平，所以我又未必會再光顧不過呢間餐廳啲食物係唔錯嘅～

呢間店係未拎米之蓮一星前已經留意！事源有次睇到某飲食YouTube channel介紹就產生好奇。因為本人對小店，尤其是有心經營，足材實料得店更加會鼎力支持！無錯，貴 店門面的確唔多起眼，好容易就會行過錯過，本人誠力推介！本人試既係 海龍皇湯面，湯底濃厚蝦味，材料足秤，有帶子蟹肉加強豐富口感，面條同湯底匹配，做到掛湯效果，唯一略彈一下，就係如果大蝦係拆殼上，就會食得更加爽快，因為湯熱，好不容易才能邊吃邊拆蝦呢^^