好湯好麵

營業中

休息中

🦐 海龍皇湯 $130藍蟹肉／海蝦尾／廣島蠔肉／墨魚滑／蝦頭油／皇湯／陽春麵其實就咁睇一碗中式湯麵要成$130都真係幾貴但睇返佢用既食材就知道一分錢一分貨 而且中西合璧都幾特別呢款湯底其實係先用左魚、蝦、蜆同龍蝦熬成 再淋上蝦頭油所以飲落個蝦味會比較突出 好鮮既感覺配料方面 蟹肉甜 蝦肉質好實 帶子半熟夠彈牙而陽春麵係比較幼身 吸湯能力就正正常常啦🐂 好頭好尾 $104川味和牛面頰肉／法式燴牛尾／牛骨湯／扁陽春麵比起海龍皇湯 我就比較鍾意呢個湯底牛骨湯加上牛尾濃汁好濃郁 真係飲完都唔會口渴啲牛燜得好軟腍 份量又多 好似食左好多骨膠原咁另外扁陽春面粗身啲 口感都更加好😋

開左屯馬線之後，交通上亦都便利左，去大圍真係話都無咁易😌。小編之前係大圍都介紹咗幾間餐廳，而今次唔例外都係呢頭附近搵到一間入夜就會排哂隊既餐廳，睇落雖然好似平平無奇，但入面用既料同款式mix埋幾新穎🤩。✦✦✦✦✦✦✦✦✦✦✦✦✦✦🎈好頭好尾 $104🎈川味和牛面頰肉/法式燴牛尾/牛骨湯/扁陽春麵 小編第一啖就先試下個湯底，非常濃郁，越飲越好飲，香濃牛肉味😚，精心淆製。而小編揀既呢款係限量供應架，要試下既朋友記得要早啲時間嚟排隊喇😛。而本身小編對牛唔係話太情有所鍾，但真係鐘意食牛就一定要試😋。小編覺得頰肉同牛尾係比較有咬口既部分，除左湯底飲落足料之外， 而牛肉亦算新鮮，無異味亦肉味重，好食👀。✦✦✦✦✦✦✦✦✦✦✦✦✦✦總結：原來呢間餐廳係2021獲米芝蓮，而且大廚係由名酒店出嚟再開店😳，咁就亦有一定水準。而餐廳地理位置可能有些偏遠車站，但路程只需5-10分鐘就到🚙，一條直線過幾條街就到。餐廳款式雖然不多不少，但每一款都別具特色，難以係其他餐廳搵得到，唔怪得會有咁多人捧場啦🔥。✦✦✦✦✦✦✦✦✦✦✦✦✦✦

😋味道：8.5/10📸打卡：7/10🗣服務：8/10 🏡環境：7.5/10💵人均：$100-150💰性價比：7.5/10👍🏻推薦度：9/10.🐼以為係大圍嘅隱世小店？其實呢間麵店好出名 仲攞咗米芝蓮🤤主廚係前四季酒店嘅副廚 所以每次嚟到都要大排長龍😩餐廳唔算大 得十幾二十個位到~平日去會好啲! 呢度嘅粉麵好特別😋無論係味道或者係個名 都係平時唔會喺粉麵見到🤩湯底係每日新鮮熬製 香濃又鮮味十足 食得出真係有落重料唔係味精 食咗一次會好想再試埋其他味🤣雖然一百蚊碗麵唔算抵食 不過啲味道好特別 而且好足料 個人覺得好值得試😙.（👍🏻為推薦） 🌚黑口黑面$86 (8/10)就同個名一樣 呢碗個湯真係完全黑色嘅😂其實就係墨魚汁 再配魷魚同墨魚滑😋覺得都幾得意😆墨魚滑好彈牙！不過呢個湯底就相對普通 同埋鹹咗少少🤏👍🏻🐮好頭好尾 $104 (8.6/10)呢個係指牛嘅面頰肉同燉牛尾~兩種牛肉有唔同嘅口感 面頰肉係切食薄片同腍身 牛尾相對較厚肉 但都有濃濃嘅牛香😛牛肉煮得好軟熟好入味 湯底嘅牛味都好濃郁😍👍🏻🍜棉花雞 $94 (8.8/10)好好奇點樣將一個點心變成左一個湯嘅口味🤣但真係冇失望！湯底係

Ouiii。WeeeEat - 大圍米之蓮2021 麵店 - 好湯好麵🍜🌝Lunch之前喺大圍做完Facial之後就想喺附近到食，係網上做research 個陣竟然搵到間係米芝蓮推介嘅餐廳！！😍睇到佢啲相都好吸引，就決定咗去一試。 餐廳有兩層去到都要排一陣隊， 上菜速度都比較快，星期日中午時候去都係等左10 分鐘左右！ 佢主打有12款唔同湯底嘅麵，有小食可以另叫，最估佢唔到嘅就係連甜品都有賣！ 😳👱🏼‍♀️好頭好尾 $104牛面頰肉加牛尾再配埋個牛骨湯。啲肉加埋d 筋真係好軟熟😍，不過個牛骨湯濃味d 就更加好～👱🏼‍♀️海龍王湯 $130有蟹肉， 蝦（x2)，蠔肉(x1)同墨魚滑(x1)。鍾意濃湯嘅人必選✅👱🏼‍♀️泡椒無骨鳳爪 $48自稱鳳爪達人😎可以食鳳爪當正餐！ 呢個泡椒味唔算好重， 加上自己就prefer比較軟身d 既鳳爪。👱🏼‍♀️自家製檸檬薏米水 $20定期都有d 唔同嘅自家製特飲, 鍾意硬身啲薏米嘅人可以考慮叫喔💕 健康之選，同埋可以中和下濃湯嘅質感～所有嘅湯都係配陽春麵，想食嘅人記得帶定現金， 因為佢哋只係收cash💸 平時一卡走天涯嘅我，差啲就唔夠錢比要去洗碗😜 價錢偏貴，

🇭🇰好湯好麵·呢間我地想黎食好耐架啦 但係次次都超級多人 今次下奏黎等左大概20分鐘終於食到啦😍😍·黑口黑麵$86 l 迷你佛跳牆$138 l 雙冬羊肉$102 l 好頭好尾$104今次我地總共嗌左4碗 大家一齊分 開心🥳佢個黑口黑麵係墨魚湯底既 飲落去個湯好鮮 而且超級掛麵 之後佢個墨魚滑超大舊 好彈牙 我自己幾中意🦑之後佢個佛跳牆超級足料 入面好多鮑魚 海參 魚肚咁 全部都炆到好淋 加埋佢啲素翅口感好好 而且佢個湯係好似燉湯咁 飲落好舒服 超足料🥰🥰之後佢個雙冬羊肉係真係好似食緊羊腩煲咁 真係好多羊肉 不過我自己就覺得佢啲羊肉有少少騷🤭最後個好頭好尾係牛骨湯底既 呢個都唔錯既 牛面頰口感唔錯 不過就好似無其他幾碗咁有特色🤣🤣·📍大圍積存街20號地舖

睇youtuber推介大圍餐廳呢間米芝蓮麵店都係其中一間據聞係前五星酒店主廚做廚房，相信質素唔差但就好多人排隊，連中午都好多人，唯有照排排隊期間望下餐牌，價錢都唔平，過百一碗人地話佢地既招牌海龍王湯$130，就試下呢碗啦湯底係超香濃，感受到佢個湯底係真材實料煮出黎好濃既海鮮鮮味 蝦味都幾出 感覺上好補 絕對要成碗飲曬佢麵係有咬口，唔係過熟果款，煙韌質地配菜有芽菜、蔥，同幾款海鮮粒墨魚疼丸係超有咬口　彈牙　墨魚味好突出又新鮮絕對唔係街市買到既墨魚丸蝦係成隻蝦上 新鮮 唔係死蝦

2022年第一餐好堅持去食好湯好麵期待了很久✨ 到門口 剛好12點 一望餐廳入面已經滿座 等了5分鐘左右 我和男友被安排上樓上坐 一早已想好食黑口黑面 不過新年第一日就食好聽D的名菜 😂 海龍皇 轉扁麵 男友點了棉花雞我幾乎將整碗海龍皇湯飲曬 海鮮鮮味好出 沒有味精的感覺 🤩棉花雞湯 可能用真材實料 雞會出油 比較油膩 好大食的我 當然點了小食 雞絲粉皮, 手工豆腐, 仲有隻蛋 （餐單上面有個名好長）男朋友激讚雞絲粉皮, 粉皮軟硬度岩岩好,芝麻醬好就夠！會再戰 ❤️

今日去開大圍就上網搵下大圍有咩好野食，搵到哩間話係米芝蓮推介湯麵，所以就去左試下啦睇返網上資料原來哩間店鋪係由前四季酒店三星法國餐廳Caprice副主廚❤️質量有保證👍🏻佢地分上下場開鋪，果日我地5點50幾分去到出面已經排緊隊啦（下場係6點開）🏃🏻‍♂️🏃🏻‍♂️🏃🏻‍♂️同男朋友一人叫咗一碗麵，一碗棉花雞，一碗海龍皇湯❤️-棉花雞用左鹿兒島地雞肉/魚肚/北菇/雲腿絲/高湯配扁陽春麵，湯底真係同平時係酒樓食嘅棉花雞汁一樣味😙雞肉好幼嫩好滑，食落口好彈牙👍🏻-海龍皇用咗藍蟹肉/海蝦尾/廣島蠔肉/墨魚滑/蝦頭油/皇湯/陽春麵，個湯底好好味，好濃好香，每一啖都充滿著海鮮🦞嘅味道😋藍蟹肉嘅蟹肉碎，海蝦尾鮮味啖啖肉👍🏻廣島蠔肉大隻冇腥味，鍾意食海鮮嘅真係不能錯過💯一碗好食嘅麵湯底同食材都好重要‼️哩間湯底真係不得了，最重要係食完冇口乾口涸，證明真材實料，不添加味精💪🏻唯一唔太好係坐位有D逼🥲 肥D都坐唔到😮‍💨下次去開大圍都可以試下

最近天氣太凍，好想食一碗熱辣辣嘅湯麵⋯即刻就諗起上次食過嘅好湯好麵🤤-🍜好頭好尾 $104除咗海龍皇湯，最多人推薦嘅另一款就係好頭好尾，餐牌仲寫住係限量供應👀呢款湯麵只有兩款餸 - 川味和牛面頰肉、法式燴牛尾，剛好就係呼應番好頭好尾呢個名。湯底係牛骨湯，未食已經見到膠膠地🤣入口味道果然非常濃郁，仲感受到有啲漿口🙊牛肉軟嫩份量多，不過所謂川味、法式都唔係好食到咩味😂但係湯底絕對可以搭夠！呢款個麵底用上左扁陽春面無咁淋身感覺更佳😋✨-🍜西班牙火腿 $158呢款其實無乜人特別推薦純粹自己一向鍾意西班牙火腿私心想試下😛除咗另上嘅52個月西班牙火腿，湯麵就只有少量金華火腿絲同埋竹笙。湯底係比較清淡嘅高湯，個人感覺有啲似飲緊史雲生雞湯，當然係好味啲嘅！不過重口味人士還是更喜歡像海龍皇湯、好頭好尾呢種濃味湯底🤤當然我明白配上夠曬鹹嘅西班牙火腿同金華火腿湯底要淡味啲係好合理嘅事，唔係成碗麵就會變左超級鹹。不過好老實講呢碗麵係全場最貴嚟講會有少少失望，真係貴在果份52個月西班牙火腿。雖然整體係好食，不過試過一次就好了😌-總結：依然係非常滿意嘅質素，會再訪試埋其他湯底🧡

同事介紹，想不到大圍有間米芝蓮推介食店，係一間小小的麵店。我平日12.30到，已經滿左八成。有小吃，麵食，甜品，飲品。啲麵一啲都唔平，只有蔬菜的麵都要70元，最貴過150元。我點了人氣的海龍王麵138元和甜品水中花26元。麵有一層油，湯有濃的海鮮甜味，應該不是MSG，不過又未到好驚豔的感覺，料兩只有殼蝦，一隻蠔，一粒墨魚滑，及蟹肉。份量ok。水中花係豆腐切成細條，放在黑糖水中成一朵花。賣相靚，豆腐不太滑，但就係豆腐放响糖水的味道。

咁arm喺大圍附近整嘢 bookmark左呢間都幾耐 亦有唔少食評介紹過 就嚟呢間食下湯麵舖頭唔算好大 大概6張四人枱到 有少少窄 裝修有少舊 唔算光猛 但係都乾淨嘅 去嗰陣係平日 下午三點到 唔洗排隊 但係都已經坐左3-4枱 之後都陸續有人嚟入到去已經聞到好大陣海鮮湯味 所以就叫左個海龍皇湯麵、 好頭好尾 同埋涼拌豆腐 都有唔少街坊叫左棉花雞 但係驚食唔曬 就叫住咁多先個涼拌豆腐好快就嚟左 🤩 五分鐘都唔洗就上左菜凍凍地 d麻辣汁適量 我自己覺得比例arm arm好😼豆腐好滑 不過相對就有d容易斷 難夾d 亦有可能係我筷子功唔好啦 😂唔算好辣 或者好麻 過過口癮 係一道唔錯嘅開胃冷盤跟住個好頭好尾都上左個湯超級鮮甜 亦好濃 有d似台灣牛肉麵嘅湯底 但係更清同甜 忍唔住要飲多幾淡d麵有少少硬同煙韌 口感見仁見智 我自己就幾鍾意d麵有少少彈牙嘅 所以都頗為滿意🥰不過d牛就有d太難咬+ 韌 亦有可能係我食嘅部位 每碗都有兩個部位而且量都唔少👍可以試下最後就係個海龍皇湯足料 （蠔x2 蝦x2 墨魚滑 同埋 蟹肉）一堆蟹肉+ 墨魚滑超大塊！湯底好香 雖然唔算好杰 但係超濃味 啖啖都有海鮮嘅精

每次經過都有好幾十人排隊，於是每次都退而求其次食其他 。我知道佢接受訪問話個廚之前係酒店做，儲夠經驗就自己開店。今次把心一話，好啦，我抱著好高既期望排啦 。半個鐘倒 終於到我 係排隊期間我躊躇食邊個味好 碗碗都好吸引 最後揀左 「好頭好尾」 朋友揀左「海龍皇湯」。第一啖湯 OMG非常濃郁 尤其係冬天 飲完成身暖哂😍 然後食一舊牛腩 好淋 最後試埋個陽春麵 痴線架 學家燕姐話：「好好味啊~~~~~~」友人嘅同樣係無失望 湯好鮮 麵好煙韌 我終於明白點解佢keep住都咁多人食啦👍值啊 👌好湯好麵 （大圍）score ：5/5👍👍👍👍👍

好耐之前有睇過youtuber推介大圍既呢間好湯好麵，由前四季酒店主廚坐鎮，質素絕對有保證🤩雖然店鋪細細，但係日日都好多人排隊。呢度每一款湯底都係真材實料熬煮，各有特色，唔同既湯底配埋唔同既麵同配料，每一款都經過精神設計，絕對值得排隊值得一試！1⃣️海龍王湯（$130） 呢款可以話係佢地既招牌！黎到必試😍湯底極度香濃，第一啖飲落已經有驚艷既感覺！真係好香既海鮮味，蝦味濃郁，而且唔會太油太鹹，飲曬成碗絕對冇問題！配上陽春麵，幾煙韌，細麵掛上濃郁海鮮湯底，啖啖鮮味，好滿足🥰黎到呢度真係唔可以錯過呢款！  配料方面亦多好豐富，除左基本既芽菜、蔥之外，仲有唔同既海鮮，有籃蟹肉、廣島蠔、海蝦尾🦐墨魚滑。蟹肉份量都幾多，同湯麵一齊食令鮮味更加升級！另外墨魚滑都令我幾驚喜，個樣望落去好似普通墨魚丸，但係食落墨魚味重好多！而且食到粒粒墨魚肉，口感亦都比普通墨丸紮實有彈性。唯一要挑剔既位係蝦係未剝殼既，雖然店家會比濕紙巾你方便食用，但係食食下麵又要剝殼食蝦，港女表示，有啲麻煩😮‍💨  2⃣️迷你佛跳牆（$138）比起海龍王湯，呢款湯底係飲落相對清甜既雞湯，配上扁陽春麵，又係另一種美味👍雖然價錢相對貴，但係呢款既

今晚見天氣轉涼就好想食返個熱辣辣既麵暖肚！收工特登揸車去到大圍買好湯好麵返屋企嘆！點知返到屋企發現其中一碗湯（佛跳牆）倒瀉左！！得返1/3碗🤯我坐私家車！唔係電單車架喎！又冇超速又冇香港腳發作亦唔係經過秋名山！而且落左車行返屋企段路都係一分鐘咋喎！呢一分鐘內我又冇仆過街🤔又冇拎野拎到打晒千秋咁！點解啲湯要離開個碗呀😭原來個外賣碗唔知係熱得濟凹左，定係店員冚蓋時大力得濟冚凹左個碗！導致到個蓋冚唔實漏晒啲湯出黎😭😭😭！真心好唔開心！之後我打左電話返好湯好麵反映啦！個店員態度又唔好，而且一句唔好意思都冇，仲問我想點！我話我只係想反映下，希望以後可以留意返！佢就話下次黎賠返半個湯俾我！留意係半個湯！半個湯！我話唔洗，我只係想反映！之後店員堅持要我留低電話俾佢！我最後都俾左電話佢！不過最後我想講，我真係唔會去攞返嗰半個湯咁乞衣！只係覺得好唔開心特登去俾錢買難受💔得唔到一絲歉意同安撫唔到我既心情！天寒地凍一收工就好期待買到自己鍾意食既湯麵，返屋企途中成個車都係個陣湯既香味，好期待快啲返到屋企！百幾蚊買到個湯返屋企即刻第一時間煲水諗住煮個麵，期待快啲煮好有得嘆嗰種心情！到打開個袋，突然間一下子咩都幻

2021年米芝蓮的認證⭐️究竟係咪值得$100 一碗麵？（係大圍放工就順便食lunch）一碗麵 除了食材之外 湯底都是精髓之一對於能否吸引客人起着決定性作用好頭好尾$104（限量的）牛骨湯和牛尾濃汁作為湯底 也融合了牛尾骨膠原 較為濃稠製作需時兩天，所以限量供應（我都飲左一大半）其中川式燜牛頰肉先煎後炆既鎖住肉汁 又炆得腍 筋腱好像啫喱般軟滑和法式燜牛尾作中西配搭 頗為新鮮整體來說 係值一百蚊 不過 試下都已經好滿足如果趕時間就唔建議去食 下單後要等15分鐘因為湯同麵係需要時間返熱及煮熟小店播放台灣流行曲的鋼琴版 座位較為狹窄 但都足夠 之前去過兩次 要等位 所以就走咗今次咁岩有位 如果真係好想食就預早少少la