好湯好麵

營業中

休息中

呢間店係未拎米之蓮一星前已經留意！事源有次睇到某飲食YouTube channel介紹就產生好奇。因為本人對小店，尤其是有心經營，足材實料得店更加會鼎力支持！無錯，貴 店門面的確唔多起眼，好容易就會行過錯過，本人誠力推介！本人試既係 海龍皇湯面，湯底濃厚蝦味，材料足秤，有帶子蟹肉加強豐富口感，面條同湯底匹配，做到掛湯效果，唯一略彈一下，就係如果大蝦係拆殼上，就會食得更加爽快，因為湯熱，好不容易才能邊吃邊拆蝦呢^^

今日入大圍，突然想起呢度碗湯，想起嗰舊好似茶樓味道嘅棉花雞⋯⋯ 佢哋 12點開門，門口已經有人在排隊，好食嘅嘢自然係要等。麻油海蜇頭 $55份量十足，裡面仲有青瓜絲，海蜇頭及青瓜絲都十分爽口。上次食咗個棉花雞，今次豪DD揀咗個迷你佛跳牆 $142湯及麵底同棉花雞一樣。材料十足，原隻迷你海參，大大粒刺身級帶子煮熟食，非常之鮮甜，但鮑魚就有點失色，味道，口感，size 同罐裝鮑魚仔極度相似。呢款係佢哋今日嘅特飲 $22 可以選擇凍或者熱，但我今日冇飲😅

ദ്ദി ˉ͈̀꒳ˉ͈́ )✧ 好頭好尾 $106限量供應既好頭好尾由法式燴牛尾、川味和牛面頰肉、濃郁既牛骨湯同扁陽春麵組成🍜 其中最出色既和牛面頰肉充滿膠質同夠淋身 而且肉香都夠突出😍 提升整體既層次感同完整度✨Limited availability for the famous Flat Noddles pairing with Braised Ox Tail🍖, Sichuan Spicy Stewed Wagyu Beef Cheek & Rich Beef Broth🐂 Wagyu Beef Cheek was super meaty and gooey🥩, definitely bought the whole soup to the next level🤩評分: 8.5/10🌟ദ്ദി ˉ͈̀꒳ˉ͈́ )✧ 海龍皇湯 $135另一廚師精選既海龍皇湯非常足料😚 藍蟹肉、海蝦尾、蝦頭油、墨魚滑等基本材料外 連花膠都有😮 加上幼身既陽春麵掛湯能力一流 吸收哂海鮮濃湯既精華😎 特別係蝦頭既味比一般既濃得多 鮮味十足😌(試一啖即刻敏感😮‍💨) 雖然價錢偏貴 但呢個質素都算值得一試😆Fish Maw, P

結論: 真係足料嘅好湯好麵，不過天氣熱就冇咁啱食啦之前次次經過都大排長龍，今日咁啱經過竟然又唔洗排隊就二話不說入左去試下佢啦。坐低叫左棉花雞，麵底係扁陽春麵，有4舊冬菇、5-6舊魚肚同埋幾舊雞肉，湯嘅部份係雞湯黎。首先碗湯真係好足料，有金華火腿嘅鹹香但唔會過鹹，值得一讚嘅係有雞味但又冇乜油！到餸嘅部份，份量都算係ok啦唔算特別多，但可以接受，魚肚爽口而且好吸湯，雞都算滑而且冇雪藏味，至於冬菇就差少少菇味啦。最後個扁陽春麵都算ok，唔會煮得太淋而且掛湯。整體黎講算係中上水平啦。不過當日天氣真係有啲焗又潮濕，所以食完都有啲滯，相信都係啱喺冬天食多啲

“棉花雞”($98)“黑口黑麵”($90)十年都唔入一次大圍,積咗好多想食嘅餐廳😂當中最想食嘅就係呢間好出名嘅好湯好麵😍星期六下晝去到竟然唔駛排隊好開心😝有幾款麵都想食,奈何得2個胃😂所以叫咗個棉花雞🐔同黑口黑麵🖤棉花雞係我去酒樓必點嘅點心做成湯麵都一樣咁好食🤤用咗日本地雞肉,魚肚,北菇,雲腿絲,高湯,扁陽春麵棉花份量好夠多,又腍又滑😚雞肉相對就比較少,而且切到細細粒咁不過成碗麵整體嚟講都好高質好正😋男朋友就要咗黑口黑麵,其實即係魷魚墨魚麵🦑入面有北海道魷魚,墨魚滑,墨魚濃湯,扁陽春麵墨魚湯味超級超級濃☺️墨魚滑夠彈牙連男朋友呢個嘴刁嘅人都話好食,連湯都飲哂😆

係第五波疫情之下，已經個幾月冇出街食過飯☹️ 唯有寫返之前食同影低嘅嘢啦😮‍💨 早排好多人講好湯好麵，於是我哋嗰日專程入大圍試一試佢，食後感就係失望而回🤫海龍王湯陽春面（$130）見到好多人都嗌呢碗麵，所以我哋都試試佢。一上到黎，就覺得有啲失望，份量比較少，隻蝦食落去唔係好新鮮，湯底都冇乜特別🥲 簡單講句，冇驚喜，好普通，未到好食☹️好頭好尾扁陽春面（$104）睇Menu，覺得非常吸引。川味和牛面頰肉，又有法式燴牛尾，湯底係牛骨湯🐮 就咁聽已經覺得超級重牛味，但係食完都係兩個字：普通🥲 川味係有少少少少微微辣味，牛肉係淋既，但真係一碗好普通嘅牛肉麵。泡椒無骨鳳爪（$48）成餐飯最好食嘅，竟然係呢個鳳爪☹️ 好入味，調味啱啱好，食完之後非常開胃。 山長水遠入大圍，就係為咗佢，但真係有啲失望🥲當然唔會期望食麵會有啲乜嘢超級大驚喜，但係味道同價錢真係畫唔上一個等號。滿心期待食麵，點知係個鳳爪最好食😹

已經連續幾年拎到米芝蓮必比登推介的好湯好麵，疫情下星期六晏晝竟然唔洗等位，就食返碗啦。之前食過海龍皇同濃蝦餃，今次要試下其他口味先☝🏻🔸黑口黑麵$90 🍜先試下個湯，墨魚濃湯既麵都係第一次食，個人覺得唔算好濃，不過飲得出好鮮，一啲都唔油膩，我都機乎飲晒。北海道魷魚，有魷魚圈有魷魚鬚，好新鮮好爽口。墨魚滑都幾大舊，有兩舊，不過略賺唔夠彈牙，淋左少少。個扁陽春面都煮得啱啱好，唔會淋晒，食落好滑。📍#好湯好麵 (#大圍美食)大圍積存街20號地舖

超級濃郁蝦味湯底🦞龍真材實料，有心機一碗麵連湯都飲埋😇100分支持😝海龍皇湯 $135喺大圍，好多人都識所以過去嘅時候都排咗一陣隊🤪去完車公廟拜神，就可以順便行過去食個麵啦😇😇😇😇

由一開張時的門可羅雀, 到後來不少名星和Foodie介紹後的門庭若有市, 再到受米芝連加持後的揚名立萬, 要品嚐這店的湯麵等待半個小時以上算是基本, 無奈疫情和當權者的愚民政策下, 它又回到一開張時的冷清. 無論如何, 它將Fine Dining的食材和煮食方法, 融入到中式食材之中, 得到食客和食評家的認同, 作為一家本土小店, 真的不易, 希望可以在Darkest Hours下存活, 已夠心滿意足. 今次點的是潤牛麵, 潤不但是用上比豬肝更Luxurious的鵝肝, 而且湯底是由豬肝烹調而成, 湯喝起來Creamy而且夠鮮香, 配以鵝肝的細嫩和其鵝油, 相當不錯. 牛是安格斯牛小排, 同樣是Update了不少, 脂肉層次和鮮香分明, 如果再有烤過帶出油香, 味道就更能突出. 麵底是自家的上海麵, 扁長而口感偏稔, 味道平淡, 作為吸汁的容氣不錯, 雖然我比較喜歡有咬勁, 爽口的麵身.除了我點的小食麻辣豆腐外, 它的麵食沒有辣的元素, 因為辣會蓋過湯和食材的原味, 這也是它的用心之處.Hao Tang Hao Mian obtained its Michelin star and b

總結：可一可再🤩1. 難得有拉麵以外嘅靚湯麵食👍🏻2. 推薦特別湯底嘅麵 e.g. 海龍皇 牛骨湯 羊肉湯 豬膶湯好湯好麵難得係拉麵以外嘅好麵又上米之蓮又一路Keep住排長龍當晚七點入座都見有小人龍等左一陣上左樓上坐叫左羊肉麵同豬膶麵最後果然冇令我失望🤩羊肉面會附上腐乳醬雖然有別於一般羊腩煲咁 佢係用厚切羊肉片但係味道都非常好湯底名副其實 令人一飲而盡豬膶麵嘅湯底係豬膶薑湯飲完個人暖笠笠！豬膶唔會煮過頭 

難得來大圍當然要食埋呢間啦😍聽聞呢度最特別之處係佢既湯底全部都係真材實料去熬製😌非常講究！由於我本身係超鍾意食湯麵同飲湯🍜所以都真係幾期待😚-🎈海龍皇湯 $130 以價錢來說絕對稱不上為便宜😚不過湯底真的算是真材實料冇咩味精～配料來說亦非常足料，有海蝦尾、廣島蠔、墨魚滑、藍蟹肉等🥰海蝦尾肉質非常彈牙～值得讚賞的一定是它濃郁的湯底，喝上來很鮮甜🥳我係完全食哂同飲哂成碗既湯❤️-🎈棉花雞 $94閨蜜叫的棉花雞🥳湯底非常清甜好有雞味不過就偏杰身一點🙈飲哂成碗湯完全冇難度🤣🤣-🎈玫瑰豉油雞中翼 (四隻) $38比較一般，唔算太吃到玫瑰的香味～但都入味的😎-整體來說都幾好食，但如果要排咁耐就未必會再回訪～-🔸好湯好麵📍大圍積存街20號地舖

香港人長期熱愛排隊🤷🏻‍♀️近期動輒排個檢測站都冇你三四個鐘，突然覺得排半個鐘一粒鐘等食碗麵好似都唔太過份⋯位於大圍有間麵館夠薑賣過百一碗麵，teatime 依然大排長龍，實戰一下係咪值得一排？呢間主打9碗麵，其中一款係純素食，對素食者而言冇選擇就係選擇，即管試試🍜海帶菇菇🍄9款湯麵得呢款素食，而且係最平嗰碗🥳用呢個價錢食到米芝蓮一星，cp值超高👍🏻唔好以為葷食店嘅素食係hea整，無論係賣相同用料，都好特別好搶focus. 尤其即炸嘅炸腐竹，金黃色成呎長嘅巨型響鈴！🤩就咁食脆卜卜，浸湯食略帶甜味，麻煩嘅只係一呎咁長嘅炸腐竹咬起嚟有啲狼狽🥴題外話，成碌炸腐竹咁上碟好搶fo, 隔離有食客見到即刻問店員呢碗咩嚟，結果一話係海帶菇麵，佢即刻表示冇晒興趣🤷🏻‍♀️香港人對素食嘅歧視⋯幾時先可以開放啲🥴麵底係扁麵，質地好滑好掛湯，煮得略帶煙韌啱啱好，難得係扁麵條就算浸耐咗熱湯，都唔會明顯變淋👍🏻可以講呢碗麵個素湯底先係靈魂所在😍飲得出好足料，用上大量昆布、冬菇熬湯，色澤偏醬油色，味道清甜好濃菇香，飲到有after taste👍🏻🍄 由於呢碗素湯實在太出色，結果被男友搶左我成碗湯麵動態清零🤭配料有大量海

前四季酒店廚師開既小店，仲要係米芝蓮榜上有名，我一直都好想試😛假日既中午一點幾到，等左足足九個字🥲食完出黎接近三點，唔知係咪晚市無堂食既關係，都依然係大排長龍🤯值得一讚係個湯真係真材實料無咩味精，我都仲係會想試埋餘下幾款😍不過當然要排咁耐隊，環境擠逼侷促，以粉麵店黎講定價偏高，值唔值真係見仁見智🧐▪️ 海龍皇湯（8/10）💲130上檯噴曬煙好熱辣辣，配料幾足料，有新鮮蟹肉絲、正常Size但係口感夠曬嫩滑既廣島蠔、紮實而且墨魚味重既墨魚滑、兩隻爽口大蝦，順帶一提侍應貼心地比埋濕紙巾剝蝦🦐湯底採用左蝦頭油，同埋落左少少薑絲，感覺非常香濃會係飲完一啖又一啖，最後飲左大半碗都唔口渴😳唯獨係個陽春麵屬幼身，浸係湯內比較快腍，但掛湯力都可以🤔▪️ 黑口黑麵（7/10）💲86配料有新鮮魷魚同埋兩舊墨魚滑，相比下單調一點🦑侍應會比埋圍裙，咁就唔駛驚比墨魚汁湯底彈到🤣不過入口係雞湯味，薑絲味更為突出，整體依然清淡🤭扁陽春麵就粗身有咬口啲，可惜湯底較淡既緣故無話掛湯入味既作用🔎 整體評分（7.5/10）

好耐之前就聽過好湯好麵嘅大名，早前啱啱拎到米芝連推薦個時差唔多開門就要排隊😳今次係平日晏晝大約12:15到，12:30已經全店滿座有十幾人排隊🙈同朋友一人嗌咗一碗黑口黑麵($86)🖤魷魚煮得幾軟稔唔會好難咬😛墨魚滑超足料，稱唔上好彈牙，但唔會落好多粉個種，仲有少少墨魚肉，墨魚味超重😋反而墨魚濃湯飲落唔算好濃😂不過都幾好飲，飲得出唔係味精個種🤤麵底係陽春麵，就算食到最後浸咗咁耐都保持到口感值得一讚👍🏻另外幾欣賞店家會提供圍裙，咁就算着白色衫都唔怕食到件衫污糟晒🤪

今日咁好彩路過一間咁有名氣嘅麵店，一定不可以錯過啦。餐牌上推介嘅小食，泡椒無骨鳳爪辣味不濃，雖然冇骨但口感偏硬，雞皮亦不爽口，未有預期的好味道，坦言有點失望。芝麻醬海蜇雞絲粉皮芝麻醬及海哲分量都好多，雞絲偏淡口，整體都係好味嘅，一定比鳳爪好😋黑口黑面北海道魷魚、墨魚滑、墨魚濃湯、扁陽春麵先來一啖湯，果然名不虛傳，入口已經立刻感覺到濃烈嘅墨魚味道，墨魚滑彈口👍🏼👍🏼 ，魷魚就只得三件左右，size 細細件，係唔係來自北海道就唔知道，陽春麵係滑滑嘅，整個配搭係正呀，非常適合墨魚控😂😂棉花雞鹿兒島走地雞、魚肚、北菇、雲腿絲、扁陽春麵入口超級濃濃雞湯，咬啖魚肚，立即覺得自己好似食緊茶樓嗰隻棉花雞裡面件魚肚咁，味道完全係一模一樣，令我立即產生錯覺，好得意 👏🏼👏🏼👍🏼👍🏼件數都多，好似食極都有⋯⋯北菇就三件左右，雞肉切得細件，比雞絲粉皮𥚃面嘅雞仲細。食完成碗麵之後，湯開始轉冷就會覺得偏鹹，所以已經不可以再多飲了😔如果師傅可以搵個方法解決呢個問題就好啦 🙏🏼。