好湯好麵

營業中

休息中

鍾意飲湯食麵既朋友仔，一定要試下呢間獲《香港澳門米芝蓮指南 2022》必比登推介既餐廳，店舖小小，十二種湯麵全部由前四季酒店法國菜廚師精心炮製。棉花雞$98日本鹿兒島雞肉｜魚肚｜北菇｜雲腿絲｜高湯｜扁陽春麵多種配料熬出來既湯，入口非常鮮味，加埋雲腿絲一齊食，咸咸香香，將湯底進一步提鮮，真係令人欲罷不能。軟腍既魚肚同北菇吸收晒湯既精華，一咬落去就咇晒湯汁😋正! 雞肉唔會好肥好鞋，煮得岩岩好。濃香既湯底配上淡味又掛汁既陽春麵，真係好夾。最後連湯都飲晒，食後無口乾，證明真材實料，天然無味精。無骨泡椒鳳爪$50酸酸辣辣好開胃，紅蘿蔔同西芹兩款醃菜食落爽脆，鳳爪味道唔錯，但可以再入味就更加好。有米芝蓮加持既餐廳都有返咁上下水準，呢次專登11:00左右襯店舖開門就來排隊試，食完都叫不枉此行☺️好味：4/5環境：3/5客服：3/5

話說好耐之前佢岩岩開鋪個陣都食過幾次隔左一年左右今次食番，睇下佢啲水準仲保唔保持到🤫🤫（10分為滿分：🌕）味道：🌕🌕🌕🌕🌕🌕🌕🌕🌑🌑海龍皇($138)基本上呢個都係必叫既，湯底都係濃郁，飲到係好足海鮮熬出黎既湯底，鮮味極足，同埋覺得佢地改良左，以前食落會覺得有啲膩，今次反而清淡左但又不失濃味，值得推介。份量適中，女士食應該係夠飽既，同埋都係足料，有兩隻大蝦同唔同既海鮮🤓棉花雞($98)呢個都係另一個招牌菜，用日本雞肉加金華火腿為主，湯底濃郁得黎同都幾厚身，飲落係feel到極養顏🤓雞絲粉皮($45)見到粉皮通常都忍唔住要叫，都係無失望，夠曬煙韌，不過啲醬略嫌多左少少🤏🏻價錢：🌕🌕🌕🌕🌕🌕🌗🌑🌑🌑價錢當然唔算平，第一次睇係覺得貴添，但食完後覺得係足料，其實當食拉麵既價錢就會覺得合理左🤫交通：🌕🌕🌕🌕🌕🌕🌕🌑🌑🌑位於積存街，即係大圍站行出去行到去到尾尾個條街位置，食過幾次好湯好麵都唔係揸車去，不過見到周圍都有咪錶同有人泊街，係睇下你有冇運氣同膽識喇🫣環境：🌕🌕🌕🌕🌕🌕🌑🌑🌑🌑鋪面比較細，下面個層都放左好多張枱，基本上隔離講咩都聽到👂，個日隔離枱就係偷睇到我地遲過佢叫但上左菜先都嘈左輪😂😂不過

. 好湯好麵呢間位於大圍小店獲米芝蓮推介，吸引不少人慕名而來。賣成$72至$178一碗麵🤔究竟有咩吸引呢🤔係咪真係值呢個價錢😎今次我哋就黎試一試😆#冬甩仔女_大圍#冬甩仔女_粉麵🍩冬甩仔👦🏻🍩食評👅👦🏻海龍皇湯🦞🦀🦐🍜(8.8/10) $135中意海鮮既朋友，一定中意呢個龍蝦湯，係全店最濃既湯底，飲得岀幾鮮甜😆用料十足👍🏼頗為岀色🤭配料有滿滿既藍蟹肉🦀、北海道帶子、海蝦🦐、墨魚滑、花膠、蝦頭油，整體吾錯，每啖湯都飲到蟹肉😆但陽春麵吾太掛湯，差少少，略有不足，但都十分推介一試🍩冬甩女👧🏻🍩食評👅👧🏻黑口黑麵🦑🐟🍜(7.5/10) $90聽個名都幾搞笑🤣就試佢，上枱見到係黑色湯底，店舖好細心有件👙小圍裙比你，用墨汁🦑+🐟魚湯整成🙈飲到湯底少少鮮甜味，配料有北海道魷魚圈🦑、彈牙既墨魚滑🦑，正常發輝☺️扁陽春麵彈牙🤭相對海龍皇湯佢就較為清清地🍩冬甩仔女👦🏻👧🏻🍩食評👅👦🏻👧🏻棉花雞🐥🍜(7.5/10) $98湯底濃郁、飲落似好多骨膠原既感覺😆吾油膩🤭配料有日本走地雞🐥、魚肚🐟、北菇🍄、雲腿絲，將點心變左個湯麵幾特別🤣配扁陽春麵👦🏻👧🏻冷泡凍頂烏龍茶(枝)(7/10) $36茶味正常🤭🤭🍩冬甩小資

喺附近住，難得咁啱過去朝聖，晚上8:12左右黎，點知唔使排隊。以為係幸運之神呃眷顧，入門口已被安排樓上雅座台都未執好..諗住坐底時，差啲台都入唔到去就知位置夠闊啦。對面台落單..職員不停推介兩位加野飲..佢哋都表明唔使住..仲要再推多樣檸檬薏米水特飲…一轉身就輪到我地落order…睇到都即刻唔敢怠慢，落完order之後要加番句「係咁多」嘢食大概等咗15-20分鐘就來，先來左杯檸檬薏米水，跟住再來海龍皇麵，都貼心咁再俾送條毛巾仔俾剝完蝦之後可以抹手。黑口黑麵去錯左另一張台，好彩舉一舉手叫返碗麵嚟。如果食黑口黑麵，會俾條圍裙你。食完之後要埋單時，你會發現台係冇單嘅。落到樓下肥肥地姐姐佢會話俾你知食左咩嘢，心諗嘩…咁好記憶力唔錯喎..點知佢同我哋講淨收現金」明明網上還有其他支付方式。咁都算數，攞現金俾佢再確認多一次過金額係幾多時，即刻「唉」一聲，即刻面都變晒勁唔耐煩咁樣再答多一次，係我小氣定係佢不適合從事服務性行業？找完錢之後仲要大大力咁放嚟嗰個手嗰度？咁嘅服務態度仲再推介俾大家食咗成肚氣出嚟。本人唔會再去食，唔推介。人係需要食物嚟填飽個肚，而非受氣受飽個肚。

一直到聽過好多同呢間舖頭有關嘅報道今日終於有機會去試平日六點幾去到完全唔需要等位上菜速度都算快等咗一陣嘢食就到可惜當日”好頭好尾”賣晒冇得試第一啖同朋友試咗啖湯已經覺得好驚喜飲得出個湯頭好俾心機絕對係誠意之作第一啖食個麵覺得個麵身比較偏硬感覺有少少失望但係食食吓 湯嘅餘溫令到碗麵質變軟成碗麵嘅軟硬度就十分理想仲十分之掛湯希望餐廳可以一直keep住呢個水準

平日晚8點半無乜人排隊，等咗5分鐘入座🤭唔使排長龍碗麵都好食啲！有人覺得索價過百元一碗麵太貴，但講真湯好花心機煲🔥比好多西餐/Cafe嘅意粉高質好多🤌🌊喜歡就記得CLS 再加Bookmark🔖🙂#小胖遊大圍🐠 #小胖遊銅鑼灣🐠———————————————🔹潤牛麵 $148法式煎鵝肝片/慢煮美國頂級牛小排/豬潤高湯/扁陽春麵呢個好有驚喜🤩完美中西合璧嘅麵🍜 煎香鵝肝，封住裡面鵝油香，一咬入口既溶✨牛小排有3片，牛味超濃，都算幾軟腍🐮🐽豬潤湯好好味😋(平時我哋唔愛食豬潤都話正🤪)味道濃郁，完全唔會有腥臭/粉粉結塊，真係好花心思處理👨🏻‍🍳融合鵝油絕對畫龍點睛🥰飲左大半碗！扁陽春麵掛湯，又唔會輕易變淋！🔹棉花雞 $98日本地雞肉/魚肚/ 北菇/ 雲腿絲/高湯/扁陽春麵💛湯相對平實，但充滿雲腿絲咸香，熱辣辣飲係心靈雞湯🥣嘅溫暖🫶🏻(不過係少少偏咸）🐓雞肉肉質紮實但幾嫩口，魚肚吸晒湯精華Keep住爽口😛其實有啲似平啲version嘅迷你佛跳牆，私心當然迷你佛跳牆正啲(多好多料，但又貴啲🤣）—————————————————🧜🏻口水度：🌕🌕🌕🌕🌗🤑性價比：🌕🌕🌕🌑🌑🧚🏻打卡值：🌕🌕🌕🌑🌑🥰舒適度

獲米芝蓮推介嘅好湯好麵bookmark咗好耐，雖然一碗麵賣近$100，但係都想試下值唔值餐廳比較細，坐得有點迫，不過湯麵嘅種類頗多，而且有唔同嘅湯底，我叫嘅棉花雞就有高湯底配扁陽春麵，材料有日本走地雞、魚肚、北菇、雲腿絲，高湯湯底的確落足心機，飲落好濃厚，似係用真材實料去煲，唔似嗰啲沖粉或者開水嘅現成湯底，所以最後都清晒成碗湯，以依個湯底我覺得係值得賣貴少少嘅，陽春麵煮得軟身咗少少，個人比較喜歡硬身啲嘅麵

想去呢度好耐，但每次見到排隊都唔想排，今日適逢點半鐘去到，竟然唔使排隊，梗係把握機會，同男朋友入去食返碗好湯好麵啦呢碗棉花雞，食落好似中式酒樓嘅金華火腿高湯一樣，傑身少少，但好好味，尤其是係個魚肚，索埋啲湯汁，每一啖都感受到嗰個精華所在，我飲到一滴湯都冇海龍王湯都飲得到每一啖海鮮嘅味道，亦有好似飲緊龍蝦湯嘅感覺，但係就稀身少少，飲落去冇咁膩，整體都屬於好味嘅依兩款嘅面都係屬於扁身陽春面，口感屬於爽身，但本人對於麵食未有深切研究，所以不設評論住。🤪呢個雞中翼，炆得好入味，就係慢煮感覺，所以偏向淋身嘅，個人口味，屬於唔錯。整體最美中不足就係麻油海蜇，懷疑佢當日唔記得落麻油，亦都冇調味，所以個海蜇只係一個水浸海蜇，完全冇味道，連相都唔想影。幸好湯麵搭救，所以整體感覺不錯可以再食（除咗海蜇）😜

Intro:大圍好多野食，呢一間出名在好多濃湯嘅選擇，價錢$80-200之間係另類嘅湯麵🍜🤤記住要飲哂成碗湯阿，包保你番唔到轉頭😝___________________🍽 棉花雞💰98 （免加一）⭐️9/10✍🏻 湯底好濃雞味而唔鹹，可以飲哂成碗✍🏻 雞肉好多好綿好滑✍🏻 魚肚吸滿雞湯嘅精華✍🏻 略覺扁陽春麵不能掛湯🍽 芝麻醬雞絲粉皮💰46（免加一）⭐️8/10✍🏻 價錢少貴，份量不多✍🏻 粉皮彈牙爽口✍🏻 與雞絲簡直係絕配___________________🏠好湯好飲📍大圍積存街20號地舖⭐️Score: 8.5/10

利害喇，好湯好麵開門前半小時已經有人開始排隊，我地仲要係最早排🤣佛跳牆：海參，鮑魚，花膠，帶子作為好湯好麵嘅招牌個人覺得佢足料湯底香濃且具特色，但餐廳對食材嘅處理就好似有啲馬虎，海參未完全發得開有啲地方好韌，海參裡面要清理野都無清走，花膠同樣無處理過有啲腥同韌作，唔怪知得叫好湯好麵🤣蠔皇豬豬：有蠔仔、豬肉片、有啲類似蝦籽嘅物體係面頭，湯底有啲肉碎，湯底大啲似蠔仔粥，麵就無咩好講 好正常嘅白麵。總結：我覺得招牌麵對唔住佢收嘅價錢，之前食過幾次都係食牛，羊，蠔都覺得物有，難怪網上睇到嘅人評語都係煲偏不一，下次我會再去不過唔會再叫呢款麵。

好多朋友同媒體都推薦過位於大圍既呢間《好湯好麵》，今次踩完單車之後就試試佢啦！今次只係排隊都排左半個鐘，店鋪分上下層，座位都多，而且出餐快，turn over rate快，等得都唔算耐，可以接受。今次就叫左小食海哲頭，同埋海龍皇麵；小食方面，海哲頭新鮮冇沙，每舊都好大粒，質地爽口，調味方面比較淡味冇驚喜，較為遜色。海龍皇湯麵湯底濃郁，食得出係用上大量既蝦熬製出來，真材實料，配料方面都有蟹肉帶子鮮蝦等等，每樣都鮮味十足。唯一值得改善既係麵，用上幼麵，但掛湯能力一般，麵質亦比較淋。整體嚟講十分出色，值得再次光顧！

好湯好麵一直都係名氣餐廳，幾次經過都大排長龍食唔到，今次預岩時間唔洗排隊都食到喇花膠佛跳牆＄178，價錢不菲，但確實物有所值。可以見到用料一啲都唔馬虎，而且份量都好多。魚肚洗得好乾淨，唔會有沙，鮑魚帶子鮮甜入味，生熟度都掌握得岩岩好。湯底濃郁順滑，飲哂成碗都唔會覺得口渴，而且感覺到黏口，充滿骨膠原。麵方面用上扁粗陽春麵，掛湯能力十足，有咬口唔會太淋，整體來說十分出色，絕對可以再次回顧！另外當日天氣炎熱，係外面等開門時店員有遞上紙扇，值得一讚

好耐冇黎大圍食野，係網上一search就見到好多人介紹呢間獲得米芝蓮推介既【好湯好麵】所以就決定同朋友黎試試。我地分別叫左個海龍皇湯同棉花雞，整體性價比唔算太高，價錢稍為偏貴，不過海龍皇湯絕對值得一試🤤🦀海龍皇湯 $135 (味道：4/5)海龍皇湯個湯底入味鮮甜但唔會太濃太油，飲落明顯唔係淨係用味精淆出黎既味道，海鮮配料整體都唔錯，分別有蟹肉、海蝦、帶子、蠔肉、魷魚，特別一提粒帶子咬落結實肉質帶少少甜，但隻海蝦冇咩味，而主食既陽春麵亦都口感彈牙🐓棉花雞 $98 (味道：2.5/5)棉花雞個湯底雖然都係唔會太油，但味道我個人稍嫌太咸，比較適合重口味既人，雞肉口感平滑唔會嚡，反而另我失望既係扁陽春麵，食落口太糊

大熱天時 出面排勁長龍明明店內有四至六個位 唔俾客入再有客人入 樓下講梗有八個位 樓上仲有四個唔知點解都唔俾客入 非常不理想叫左牛肉麵 過百蚊一碗 牛肉件 有4-5件男仔食未必夠 湯底濃郁唔油 但性價比見人見智

好湯好麵有幾咁好食,  一路都只係聽過,   無機會試.      今次終於有機會喇,   位置係喺好多老牌食店嘅積存街,  油站對面,   六點幾去到,   已經要排隊喇,  可能咁啱頭輪入晒去,  所以等嘅時間都幾耐,  加上37度高溫,   唔係講笑..    反而走嘅時候係無人排+有吉枱嘅,   但係就已經有款式售罄,   如果唔係必要食某幾款的話可能夜少少去都得. 入去前已經有店員落晒單,  坐低好快就有野食喇,   好鍾意食牛羊,  最後揀左雙冬羊肉,   份量都幾好,   有羊肉片, 冬菇冬筍, 枝竹 同埋肩扁陽春麵,     先講湯底,  係羊腩煲果啲嚟但無咁渴,  但係一啲都唔稀嘅,  濃味,  如果鍾意食羊腩煲應該唔會有投訴,    兩冬都好腍好入味,  羊肉片係比一般邊爐料厚啲,  好食嘅但係係幾乎唔羶嘅.   但係佢跟上嘅「羊醬」(腐乳?) 就真係扣分,   儀式感係大過味道昇華,  因為羊肉片本身唔肥唔羶,  所以配上腐乳味嘅醬其實唔係好夾,   唔蘸醬我覺得好食好多.  再嚟就係蠔皇豬豬,   廣島蠔, 蝦配黑豚五花腩片,  都係配扁陽春麵,    佢個湯亦