好時沙嗲

營業中

休息中

朋友推薦，可能因假期前所以都幾多人，去到都能立即入坐。我們一行五人，叫了蟹煲、串燒、咖哩牛腩、海南雞、喇沙及法包等，菜上得很快，可能肚餓我們吃得快，跟住叫第二輪，蝦煲、貴刁等，但菜未到，職員走來問係咪已上哂菜，話有人等位叫我們快啲，我哋話叫咗菜，佢依然叫我們食快啲，但我們坐下一小時都未有。所有菜拿出來不夠熱 ，蝦煲的蝦不新鮮也比較少，只有蟹煲可以。上第二輪菜時那個男職員又來叫我們快啲食，我們不理，但他不停在我們坐位後行來行去，把水壼弄響、又把碗筷放在我們的枱邊，弄完一樣又一樣。我們總共坐下未夠一小時半，但有半個小時被不禮貌對待。食物沒有預期出色，而且對客人不禮貌，我不會再光顧。

好時中心的一角，已漸漸成為好時沙嗲的天地。多了鋪位，解決當年等位之苦。數數手指，快2年没來了~店員的好客招待，有點不習慣~HAHA價格依舊經濟先來半打串燒，不夠JUICY海南雞飯依舊美味~ 黃油飯夠香，雞皮薄肉嫩~ 不用點醬汁調味也很好吃！還叫了椰漿飯 (椰汁辣飯＄45)~ 魚仔輕輕煎過，很香脆，佔了差不多碟的一半。蝦仁剛好灼熟，很爽~隻隻差不多有半隻手指公大，還有7隻咁多~~ 加點花生、煎蛋，足料又惹味~ 如果可以辣一點就更好！美味又解渴的椰汁~但啫喱少了很多啊⋯⋯  只是$18，當飲椰汁都抵！學森美「識貨之人」話齋：平嘢有好嘢！

Lunch 同事提意食哩間，可能落雨，等咗一陣就有位，雖然環境麻麻，服務麻麻，又漏單，但 d 野食就真係幾好味，價錢吾貴，全日同一個餐牌，加$4 仲有支我最鍾意 ga 支裝可樂。

加多加多$46 - 份量大，菜很鮮甜，仲有蘿蔔薯仔，汁也很好味！我bb最愛胡椒蝦$80 - 得四隻，同就咁用黑椒半煎炸一樣，唔好食，同喺東南亞食完全不能比較椰汁辣飯$45 - 有小魚干、煎蛋、花生，未食已經聞到好香椰汁味，所有野撈埋一齊食好好味沙嗲$45 - 沙嗲汁正常好味，牛有d難咬，個人覺得豬最子味這個價錢這個質素會再來，不過胡椒蝦就咪搞

之前曾在好時沙爹吃過粉絲蝦煲，至今仍念念不忘~~平時不少人的，但今晚我們9時才到，所以不用等位喔﹗雖然店名叫好時沙爹，招牌沙爹（$45）沙爹汁都頗香，味道OK，但不要抱太大期望而配襯的串燒可選豬牛雞，但燒得很乾，肉質很鞋... 不好味的期待的粉絲蝦煲($87)，除了比較多油之外，非常好味﹗鮮蝦很爽很彈牙粉絲吸收了鮮蝦味道，超超超超正呀~~鮮蝦湯很香呢，應該下了不少香料，正到痺呀~~~!!總結也會給個好評的~~ 因為粉絲蝦煲實在太出色了~~

兩姊妹相聚一刻，晚餐二口同聲要食雞飯，一於決定捐入呢個怪怪嘅商場，時間尚早，希望唔洗等位啦！到埗6:00pm，門口已有唔少人等緊，剛好仲有啦屎一張細枱，唔洗等，正呀！二人我地一共點咗1客海南雞飯，馬拉盞通菜，同半打沙嗲。先講雞飯，個雞好滑好滑，係平實嘅雞飯味道，雞味清淡唔肥無骨，唔似街外個d 刻意醃到個雞好濃味。雞飯先係重點，雞油味好濃好正，同個雞一齊食，味道就剛剛好！個湯就太咸了，試過味就棄湯lu。重有不得不提嘅3個指定雞飯醬，青bb 嘅薑茸同辣醬係預期中咁好食，但會黑醬就失望咗d 啦，太甜啦！overall 水準都係中上級嘅，$4x 蚊嘅平民雞飯，出面好難搵架啦，難怪咗多人排隊啦！呢個菜反而係清得最快嘅一個餸，通菜剛炒起上碟，熱辣辣仲要唔會太咸，好爽口，馬拉盞真係好野味呀！至於個沙嗲，個醬好甜，或者係太甜啦，本身支沙嗲就塗咗好多呢個咁甜嘅醬，想避都避唔走。d 肉又好似一大舊肉碎串埋一齊咁，唔個食緊d 乜，唔... 唔好食嘅～呢餐飯真係食得好快，7點未夠就埋單走人lu。一出門口就見到好多好多人排隊，咁滿足又抵食嘅雞飯，一d 要encore，不過都係早d 黎到，唔係次次都有咁好彩架麻！

聽就聽得多，終於有朋友開口話去食呢間係尖東嘅好時沙嗲。八點上到去，冇book位，四個人等咗十五分鐘就有位，環境係一般般架啦。喇沙米粉，必食！有魚旦 豆卜 蝦仁，個湯杰杰地，米粉都算爽，好好味！四個人一人分到一碗。炒蘿蔔糕，用咗菜脯 蝦仁粒 蛋 一齊炒，似食緊甜嘅炒蛋。炒芥蘭，用蝦米仔炒，好香魚露 蝦醬個d味，應該每枱都有叫炒菜。肉骨茶，味精湯，好大碗湯 但得幾舊肉，後悔。咖哩雞，好杰 偏向酸味的咖哩，侍應話用咗酸籽去煮 酸係正常。唔好期望有一舊舊雞，因為已經煮爛哂 同個汁溶埋一齊。薄餅，脆嘅 好味！油飯，重椰香 少少甜， 唔似海南雞個d油飯，勝在夠大碗。四個女仔 埋單每人$100，飽住走，仲有好口渴 因為味精都幾勁。

.............好時沙嗲的 叻沙😍$45👍👍👍👍👍 (5分滿分)有個問題 到底叫#喇沙 定 #叻沙😂？？？👉非常濃郁既椰汁湯底😍😍💋雖然不愛椰子 但我愛#coconut既湯底 好香！👉幼米粉掛住d湯食 好好味😛👉有魚蛋有蝦有豆卜👉蝦無左條尾可以成粒食 可惜無乜味😯魚蛋無乜特別係好彈牙👉推薦：豆卜💋💋索埋湯汁 💕💕💕💕正.............好時沙嗲 的 海南雞飯 💋$48👍👍👍👍👍 (5分滿分).............201x年明明係openrice好hit 而家好似無乜人討論咁🙈第一次去 係好時中心行左三個圈先揾到🙈地方好細😯👉#油飯 好正正💋 澱粉控最中意依d吾洗配菜就可以狂巴飯✌ 我認為油香可以再多dd👉黑鼓油 無敵正😍杰杰地既彭油 撈飯同點雞都很好 但撈飯比較好吃😍👉湯 好咸😂👉綠色既醬 好似係蔥油d fd👉紅色既醬 雖有辣椒吾太辣 吾知點解我食到泡菜味😂👉#海南雞😌 好滑好滑 都夠味既 但我覺得可以再濃d👉👉👉最要改善既係 不 夠 熱😬食個陣暖既😥

有一次老公買咗一隻去骨海南雞返屋企做餸，我食過之後覺得好好味，我見呢排得閒就叫老公親自帶我去食一次，原來呢間食店唔止海南雞出名，喇沙湯粉都好出名，我最鍾意就係食喇沙，所以今次兩樣點哂．先黎喇沙，濃濃嘅椰香味，再加上喇沙本身嘅香辣味，絕對係食指大動，每一啖米粉都沾上喇沙汁，而且配料都多，有魚旦，蝦，最重要嘅豆卜當然都冇缺少啦老公就食海南雞飯，去骨嘅海南雞，入口嫩滑，啖啖肉；雞油飯足滿油香味，係水準之作．

午飯時間繼續約朋友食, 今次輪到好出名既好時沙嗲, 1點去到剛好有二人位, 唔使問一定要試海南雞, 見枱枱都係叫呢樣野食, 海南雞飯, $48好搞笑, 連個盤一齊送上, 仲有湯送, 無骨雞好滑好香雞味, 岩晒我鐘意啖啖肉既人, 個底有D生菜, 等D雞油滲落生菜度, 配汁有薑溶(同出面比無咩特別), 辣醬(唔辣), 黑豉油(好濃),三個汁最鐘意黑豉油, 而個飯係油飯黎, 對我黎講偏油, 下次試下叫白飯先呢一餐好鐘意隻雞, 食完後真係可以令心情變好, 絕對無誇張, 下次會再黎食試其他野 要留意, 午市都有加一, 埋單要$53,諗左好耐呢個係咩收費....

好時沙嗲在尖東區已屹立多年，個人近年少了幫櫬，主要還是一個懶字。少了在尖東覓食固然是一大原因，所以近來每當想起星馬菜，也必定會選擇沙嗲軒和莎巴為先。數載不見，好時依然以不變應萬變，餐廳的室內佈置仍是破舊和簡陋。不變的還有菜牌上的價錢，這些金融海嘯年代的價格已經不見了多時，現在再見，真有點仿如隔世的感覺。 星洲炒蘿蔔糕 $52, 4/5分當然先點星洲炒蘿蔔糕打打頭陣，蘿蔔糕的味道的確不錯，辛辣度剛剛好，入口外脆內綿，令人相當回味，倘若可以再加一點冬菜，效果必定追得上沙嗲軒的水準。 炒貴刁 $43, 3.5/5分另一道這裡最愛的菜式是她的炒貴刁，味道雖然沒有之前的炒蘿蔔糕那麼辛辣，但同樣是十分惹味。除了河粉之外，材料還有魷魚、魚蛋、臘腸等等，口感自然更豐富，仍然不俗。 香蘭葉包雞 $44, 3.5/5分還是第一次品嚐這款香蘭葉包雞，感覺比預期為佳。切成三角形的雞肉用香料醃過後，再以香蘭葉包成糭的形狀蒸熟。雞肉充滿着香蘭葉香，使雞肉更加味美。唯一感覺美中不足的是之前所下的醃料略為重手了一點，令整體的味道稍微偏鹹。這裡無論環境、食物和價錢都好像停落在十年前一樣，美好時光仍留在好時，實屬難

約左朋友一齊去3D展, 去之前就黎呢度食個lunch, 久仰好時沙嗲之名, 所以黎一試午餐黎講呢度幾貴...冇餐叫, 全部單點平平既炒飯($17) 味道唔錯, 蛋味突出, 不過冇諗過炒飯會咁裝同呢個份量...排骨茶, 同肉骨茶有D分別...味道中上叫左半打串燒, 的確唔錯, 個汁幾好味呢個味道唔錯...但係咩黎呢...已經唔記得左另外最好味既係海南雞, 不過冇影到相汽水$8定$10支, 係最平既飲品嚕...由於早一星期先去完馬來西亞, 當地所有餐廳既野食都好好食...黎到呢度就覺得普普通通午餐黎講4個人每人$80, 未算食飽...不過都廢事再叫味道係中上既, 不過價錢就太貴了...

因看演唱會的關係，來到這間很多年沒有去的鋪頭。現在的它已不止一間鋪位了，厲害！Satay當然小不了啦。$45有半打，味道如一的它，燒／烤得較乾身，當然不是乾到吃不下啦，汁偏甜。仍是很像星加坡的街邊satay。馬拉棧通菜，不會很濃味，外間的一般較重味。蝦米咬落有味。馬碲蟹肉肉丸湯，喜愛濃味的朋友一定不會喜歡。人它是淡淡的，有菜，肉丸，豆腐卜，我喜愛它當水飲。咖喱牛腩，又係果句，鍾意一舊舊有咬口的牛腩亦不會喜愛，因為牛腩煮得很溶，但它的香味很好，香香的咖喱味，再加香草味，不是只有spricy 的味道，可惜很多人只愛spricy的咖喱。薯仔都有味道，不是煮好了才放入去。以價錢論，好時還是很值得去食。難怪可以生存咁耐。

某日, 豬大人忽然向青蛙提出想到''好時沙嗲''吃飯,希望從而可以回味多月前到星馬遊, 嚐盡各種美食之好時光。事前青蛙已叮嚀豬大人不要有太高的期望,皆因青蛙多年前曾光顧一次,覺得毫無特色可言~~~中午時分, 食客不多,不用等位, 感覺還好~排骨茶 ($57)其實即是我們常叫的肉骨茶。不過不要被其深色的外表誤以為,定必是有濃濃的藥材味.......事實上, 它就只有咸味,有顏色的有味水, 真的中伏了~雞、牛、豬沙嗲 (半打, $45)吃東南亞菜, 沙嗲串燒少不了~這裡的三款肉類串燒中, 以豬肉最香、嫩及有肉味;其餘牛肉非常韌、雞肉無味......至於其靈魂沙嗲汁則酸酸甜甜, 但香味欠奉。海南雞飯 ($48)幾乎每一檯食客都有order的海南雞飯,已去骨的雞肉不如想像中嫩滑; 三款調味的醬汁中, 黑豉油及辣醬出奇地是完全沒有味,而綠色的薑蓉醬跟平時吃叉雞飯的薑蓉一樣味道~整個午餐算得上最好吃的, 就是香口的油飯!!今次飯的顏色總算沒有騙人, 而且能為整頓飯挽回一點點分數~闊別多年, 再次光顧,整體上, 依舊沒有值得令人留戀的一刻。

見電視節目介紹，決定一試。點左個海南雞飯，半打豬牛羊沙嗲。先講海南雞飯，油飯夠香，可惜雞唔夠味，海南雞三款醬料都好淡，嚴格黎講稱不上招牌菜。沙嗲反而個醬夠香，好重花生醬味，但肉串太乾身。總括黎講，以價錢比較，不過不失