好時沙嗲

營業中

休息中

好時沙嗲之前係OPENRICE已經睇左多次食評都覺得唔錯 終於出去尖沙咀買野順便過黎一試但估唔到希望愈大失望愈大  午餐時間去到都唔算多人唔使等位就入得入去就叫左一個叻沙/海南雞飯同埋椰汁珍多冰叻沙  料不見得十分多  食落去唔覺得有咩特別好味  屬於一般既水準海南雞飯  雞唔係好有雞味 點埋醬都算OK 但成個飯都幾油下另外叫左杯珍多冰算係不過不失  但同預期有好大出入 只可以話係名過於實  有少少中伏既感覺  應該唔會再黎試其他野!

小弟見有很多好與壞的食評，我就有鼓衝動同女朋友去夜晚去試下這間食店。第一次光顧，就叫了普遍的食物—海南雞飯，串燒，抄通菜。望到海南雞飯黎的時候，外觀好吸引好靚，而且份量十足，雞肉好滑，食的時候可沾三種汁—酸，薑容，食出三種不同味道，忍不住食哂雞肉，個湯充滿雞味，個飯更香濃好味道。串燒和抄通菜隨後到，串燒同通茶味道濃但不咸。全程不能停口，最後叫了一杯椰汁冰，底部好似係焦糖糖醬，飲第一口很甜，再攪一攪，椰汁與糖醬混合起來，甜得黎味道很好。整餐飯只能“嗯！”

咁耐冇嚟, 味道依然保持到星洲炒蘿蔔糕, 好有鑊氣,除左蘿蔔糕, 仲用左蝦, 菜脯, 蔥一齊炒, 好香, 好嘢味!沙嗲串燒半打, 揀左3串牛, 3 串雞, 個沙嗲汁好正, 牛肉同雞肉肉質好好, 唔嚡口, 唔肥!

餐廳位置近尖東，放工約埋同事去dinner 都唔算遠 餐廳位於商場二樓，8點半去到，唔算多人兩位等左兩分鐘就有台兩人點了半隻海南雞，油飯，炒貴刁，沙嗲串燒半打(豬牛雞　每樣兩串)落單冇耐海南雞就上，沙嗲串燒就好快上，海南雞　好正宗，去骨而且凍凍地 肉質夠滑　但好似有少少雪味/_\     而且期待已久既係佢既甜豉油...... 但點知已經轉左D普通豉油      沒有預期中吸引，油飯亦沒有油香，頗失望。沙嗲串燒半打(豬牛雞　每樣兩串)    沙嗲串燒凍冰冰唔夠熱，肉質麻麻，豬牛都比較硬, 要咬好耐先食到    但沙嗲醬調味係好既,花生味夠香濃!炒貴刁 普通貨色, 但份量算大     足夠兩個人食。唯一係缺點係比較油 一定要飲下茶消濟兩人食了$200整整體食物質素只是普通，比兩年前吃時水準下降但算係好懷舊既小店!泥緊都會試多次，希望今次只係咪間歇性失準啦

尖沙咀新加坡菜多的是剛好幾年前也在午餐吃過這店正好今天朋友提起，所以再光顧但這次應該是最後一次全因服務態度差得很因店鋪有兩間，被叫到去店鋪對面的鋪位鋪中沒有店員，所以選擇了一張剛用餐完靠牆的卡位這點最後再講如到過新加坡 馬來西亞也曾吃過肉骨茶有所分別新加坡式的會帶有濃烈胡椒味但我不太喜歡這口味所以問一位三十多歲平頭裝的男店員(看舊食評也有人道出這店員)想請問是不是新加坡那一種只見不知是否店員只是落單機器態度差，除了迴避問題之外還說重覆「說這裡只有一種！就得一種」誰不知這裡得一種？我就想知道是那一種！但，我錯了我猜想這店員應該從未吃過新馬菜我不應問這種他從未想過的問題當點完餐時，下單的平裝頭先生也像沒看到，桌上未清潔然後提點了店員麻煩想收拾桌子但卻有位中年女店員走過來「大鬧為什麼面坐這張？咁多張唔坐係坐依張？」我按奈不住正想回鬧那在這樣待客！？試想想沒帶位的店鋪自已選想的坐位有什麼問題？而且還是你店人手不足沒有人指示顧客那裡就坐你反鬧我轉頭!??還好友人禮貌好，先道歉平息但我也不能把話說出口了好了，談回食物點了兩款食物肉骨茶上菜時看到黑色的猜是巴生肉骨茶，但喝到口中才知道下了不少原粒胡椒

朋友建議來到,就近公司附近的好時沙嗲,前一天打來預訂8點6位,臨時朋友有事缺席,變成4人台加一張圓椅另外座位相隔較小,環境不太舒適...只要食品可以,我是從不介意服務態度的,因為要打食評.所以就說一下:服務態度一般般,感覺不太好,好像指點你要什麼一樣薄餅最先上台...口感一般同普通炒通菜無分別,一般雞肉嫩滑,值得一讚,一口接可能不太合口味,白飯加上椰子味...怪怪的...蝦片,涼的...口感一般椰汁香濃,雞件入味,一盤有三件雞,但賣相一般...串燒是餐廳主打.但口感普通,差不是即叫即整的,無論雞,牛,豬,及沙嗲汁都無任何特別之處用了腊腸,蝦,芽菜,唯一有驚喜,荷葉烤得香脆難滅開,雞肉鮮嫩,胡椒香味重,惹味,必點之選

尖沙咀貴為香港的中心路段和熱門旅遊區，每天人潮都熙來攘往。昂貴的租金，滿街的藥房，高檔的食肆，彷彿都是為了迎合遊客而設。到底在鬧市中還有沒有一個寧靜的角落，可以享受一下美食，遠離一下煩罌?答案卻是肯定的，至少還有這裡- 位於好時中心的好時沙嗲。來得這裡的，都是很有目標的。因為場內都是一些小店舖，食肆不多，要介紹的這間是位於走廊的盡頭轉角位置，稍一不留神就很易錯過。在openrice上獲得眾多好評，當然要一試箇中因由吧。店子有兩間互相對望的鋪位，甫到埗旋即被安排到對面的鋪位就座。由於用餐時為六點多，時間尚早，人不是太多，可以任意坐下。看過食評的關係，拿起餐牌就不斷找尋串燒的位置，找了良久，原來印了在封面的底部，串燒拼盤是48元而己。而最後決定點了串燒拼盤，荷葉包雞，和泰式辣飯。率先到來的是泰式辣飯。在點菜時，也有點猶豫，這泰式辣飯到底是什麼名堂。到送來的時候，看見蛋，蝦仁和花生，還有炸魚仔，就滿心歡喜了。獨特的醬汁，甜甜辣辣的交錯，令到胃口大開。可能是個人較喜歡食花生的關係，覺得花生很脆，表層的椒鹽尤其惹味。而滑蛋則恰如其名，做到細滑的質感，因為在這個時代，很多餐廳的滑蛋都只是虛有其名，

好時沙嗲屹立於好時中心多年，名氣之大早己有聞一提到香港既星馬菜，就不能少數它連蔡瀾蔡先生都曾撰文稱讚其出品，大概差極有限度，唔會係伏既今晚輾轉之下同呀媽去到好時中心老老實實個格局真心有點複雜，要搵到佢都有點難度幸虧我的方向感不差，不消一會已到目的地，唔驚！去到發現好似冇咩人喎，入座完全暢通無阻……咦？唔係！原來其他枱，幾乎每張都放左個「訂座」牌亦不時有電話致電去確認訂座以及預訂其他日子時段似乎……這小店真的不能小覤海南雞飯　$47上桌感覺係出乎意料之外既豐盛，單睇雞件份量已感大方海南雞賣相普普，主要原因係比較淡白既雞皮同平日睇到黃油油既黃油雞感覺截然不同不過賣相不是一切，味道質感才是重點入口雞皮嫩滑順口，固然已去毛，食時不會覺得口參參雞皮帶有少許雞油香，但有別於黃油雞雞油既濃郁，未有其霸道雞肉稔滑可口，雖然未至於嫩身及一抿即化，但帶點嚼勁反而更去膩也許係雞油味道較清，唔會掩蓋到雞肉既肉香要求濃味既可以醮點醬油蔥油，味道應該會更合胃口雞湯調味頗重，飲落係冇雞既腥膩味道油份感覺不多，只是覺得味太濃了雞飯當然是個重點，固有雞油香，都係果句，佢雞油既味道係比較淡香入口唔會覺得太過油膩滯胃，但重

而家係香港, 想食好味d既野多數過百元, 除非食茶餐廳! 但係朋友上星期帶我黎依度食飯, 4個人食到飽灑竟然每人唔洗80蚊, 仲要好好味, 而且尖沙咀地段, 真係講都無人信!!依度除左食到沙嗲, 最令人驚喜係食到馬來西亞肉骨茶!! 前年去過檳城飲過後就一路念念不忘肉骨茶的藥材香味, 回港一路都沒有再嚐過, 今次無心插柳竟然可以俾我懷念下, 實在太好了, 依度既肉骨茶都好足料, 一樣有好香既藥材味, 肉都好好味, 好稔身, 可惜沒有跟上油炸鬼, 始終覺得欠了一點點。 仲有一個荷葉包雞都好好味, 好特別, 每一件打開既雞都好似個三角形, 沒有皮但出奇地滑同惹味, 唔知點整但我想係必食! 其他沙嗲串味道都好惹味, 唔乾身仲有好多沙嗲汁包住啖啖肉, 啱灑我地成班暴龍!! 唯一係呢度設有時限, 1.5個鐘要還枱, 仲要人齊先入座, 不過以依個價錢, 我覺得都好合理, 我會再回來品嚐的!!

吃了沙嗲，炒貴刁，叻沙。食品真的不錯，沙嗲的醬又甜又有點辣，不錯！ 炒貴刁是正宗星洲的那種，不是茶餐聽的“星洲炒河“，不過就是油膩了點，整體是可以的叻沙的湯酸酸甜甜，椰汁未沒有“toast box“的濃 我很喜歡而且都是$40多，算便宜何耐店主的服務態度真的有待改善，以這服務質素還要我給10%服務費就是不甘心一進店，因為只是4點多，沒什麼。老板要我們坐2人臺。我們說想坐卡位。老板記吃飯時間快到了，不給。 後來是老板娘說算了算了才給我們坐

成日聽人講好時沙嗲好抵食，但老實講，今次去食我都幾失望，唔係食物質素問題，係店員態度好差，食咁耐野都未試過遇到個咁冇禮貌既店員，真係嬲嬲地。先講食物，我地五個人黎到，等左十五分鐘有位，個日個場都好爆。咁我地諗住一齊叫幾款食物share黎食，當然有點最出名既海南雞，我地五個都覺得好味，雞肉好嫰，就算連雞皮食都唔會好油， 果然名不虛傳。另外炒通菜我自己嫌太辣，串燒就普普通通，冇咩太特別，粉量都唔太夠，我地前後叫左幾次。可能個日多日啦，d樓面又唔夠，所以其中一個樓面阿叔好似好燥底，我地落order叫左幾次都冇咩問題，但幫我地落order個陣態度就好有問題啦，我地問親佢野佢都唔想答或者好串，咁因為我地發覺唔夠食，前後點左三次野，佢係第二次就鬧我地，叫我地一次過點哂，真係幾嬲下，真係想比負評呢個阿叔，最後我地叫左場內另一位女士幫我地落，嘩，呢位女士態度極nice，我地本身叫半隻海南雞，我點左海南雞飯，呢個女士知道我點錯左，仲即刻主動幫我換，好好人！除左個阿叔外，其他整體都幾好！

真係唔知點講，昨天放假先黎食完碟【海南雞飯】，今日油麻地放工，唔知想做乜，冇野想做，唔想喺旺角食野，就行咗過黎尖沙咀了。。。又係為咗哩間【好時沙爹】。。。我上癮了，人工又唔高，又要養家，就黎破產了 長話短說，聽講【星洲炒蘿蔔糕】幾好味，就哩味啦，感覺上好似惹味咗少少，再單就碗【椰汁飯】啦～話咁快，真係話咁快，碗飯就上檯了。。。。。。真係我望住碗飯，碗飯又望住我，如果佢有眼睇嘅話，碗飯應該都會覺得好。。。算，當我冇講過，照食！ 味道唔錯啵，感覺同碗油飯一樣，好夠味，不過唔知係咪隔夜嘅原因，有飯焦wo，一粒粒硬硬的，美中不足囉，希望下次運氣（？）好啲。。。蘿蔔糕黎喇，顏色深深地，一睇就覺得鹹，但哩個只係睇嘅感覺，食落味道就啱啱好了，冇錯，味道係有少少濃，所以我咪有先見之明，要多碗椰汁飯囉，如果你地又係一個人又食得落嘅話，咪同我一樣咁食囉，不過如果食唔曬就唔好浪費喇。。。蘿蔔糕軟軟的，唔係粉粉的，真巴閉食到有蝦（之前食過碟炒飯，見到有蝦，但食唔出有蝦的），唔係話好好食，但感覺已經收貨了，一啖蘿蔔糕，一啖椰汁飯，感覺就好似喺屋企食飯咁，舒舒服服的～如果啲飯唔硬就更好了。。。整體黎講食得舒服，但

好！話返黎就返黎，上次食過碗【喇沙】，感覺驚為天人～ 記得餐牌上仲有好多好吸引嘅食物，就同自己講一定要再返黎（亦同大家講過）今日1月1號又放假，日頭自己一個人入咗長洲行咗成日，都唔知食過啲乜，好唔滿意，坐船出返黎之後再過海，黎到尖沙咀就忍唔住再過黎【好時沙爹】了。黎到已經6點半了，對行咗成日嘅我黎講哩個時間已經唔早，想食完快啲返屋企，坐低，食乜，上次話乜幾耐之前先喺西貢【金雞去骨海南雞】（下稱西貢雞）食過【海南雞飯】所以唔食，今次冇藉口啦 就要一份啦！真係話咁快就到，雞飯上檯，快快開動，我係飯桶，中意食飯，食啖油飯先～ 好味！ 香香嘅油飯，鹹味啱啱好，雞油味唔錯，飯嘅硬度亦啱啱好，我幾滿意的，對比西貢雞嘅特色飯黎講，我都係中意哩碗雞油飯囉 試下件雞先。。。冇乜雞味。。。雞亦唔係好滑。。。西貢雞好似好食啲，雖然佢地嘅雞味都唔濃，但感覺上比哩間重亦滑啲。。。兩間都有跟湯，西貢雞跟一碗南瓜湯（好似係），好時雞就跟碗雞湯，碗湯入面加咗少少椰菜嘅物體，西貢雞碗湯味道其實唔錯的，南瓜味啱啱好，碗湯入面舊紅蘿蔔都好入味，感覺良好。。。好時雞嘛，係有雞油香的，同碟飯好配合，左食啖飯右飲啖湯，感覺上好

今日去過唔少地方，由淘大商場食午飯，到去APM捐血，再去海港城買馬卡龍，5點半喇，哩度就係我為自己定嘅最後一站【好時沙爹】好耐之前已經聽過哩間食店，之前唔喺香港住，每年返香港一次，一次唔記得，下個機會就係一年後了，宜家返香港定居，終於俾我搵到機會黎了～ 對我哩個對尖沙咀幾乎冇概念嘅人黎講，【地鐵站地圖】，就係我嘅恩物，走落地鐵站地圖前一睇。。。咪就喺嗰度囉，一出地鐵站行冇幾遠，【好時中心】個名就喺左手邊出現了，行入去，左望右望，真係死城一樣，今日係咪真係公眾假期黎架，冇人嘅。。。咁間食店喺邊? 我大把時間，隨便行下，總會搵到嘅～嗱，咪搵到囉，上一層，就喺個角落度，好易搵姐～行入去，時間仲早，客人唔多，可以慢慢食了，坐低，睇菜譜，食咩好呢。。。海南雞飯？?？ No，上個禮拜喺西貢食過，食其他啦，好多野都好好食咁，最後決定食【叻沙】，個字點讀？ 陳百祥個別名? 阿叻？ 照讀啦。。。。。。。。。我要份叻沙。。。。。。喇沙一碗。。。塊面有冇紅呢。。。唔知。。。。。。再黎碗。。。o麼。。。o麼。。。喳。。。喳。。。。。。（突然對自己啲中文好冇信心😓）等咗陣，碗喇沙就上檯了，幾香啵，飲一啖湯，好味

去睇子華TALK SHOW前醫肚!! 因為朋友說這間很出名及好吃, 我們又很多人沒去過, 所以就帶我們搵食, 我們下班早, 六點半前不算太多人, 愈來愈多人, 地點是有點難搵的!!!幾個人叫了不同的款式!!! 滋味滋味~~~朋友推介的, 其實我唔知加多加多是什麼, 是一種傳統的名字, 但那個汁再配合脆薯片及椰菜, 又真的是有種奇妙的化學作用啊!!! 汁很濃, 有點似咖喱混椰汁及沙嗲, 還有少少辣, 但很野味!!!朋友說她妹妹很喜歡吃的, 我覺得上桌有點似之前吃印尼菜的黃薑飯佈置(當然這不是黃薑飯~), 因為又是有魚仔, 蝦肉, 花生等的配料, 不過我蠻喜歡那個蛋奄列, 而飯真的很有椰汁味, 很香還稔~~不過, 不可吃太多, 因為會很飽~~~嫩嫩滑滑的海南雞, 出色~~最喜歡那三款醬汁, 雞油飯不太油適中, 還有一碗清清地的湯配一起, 很不錯!!!我出街吃飯很少吃, 因為有兒時害怕的回憶, 不過這個菜老闆們很識揀, 因為很嫩, 不是那麼多...不過不失, 肉有些燒得比較UN, 不過醬汁很出聲, 最喜歡有花生粒的, 野味!!!非常好吃, 怪不得是這個的推介, 朋友說一定要叫, 我覺得有很多