夫妻沸片-台式麻辣火鍋 (已結業)

6 折 一開始聽落去幾抵，一於去試吓！坐低左，店員話湯底，飲野冇折。睇睇價錢當堂O晒嘴，單係湯底已經 $160-$210 左右。除非你好幾個人叫一個湯底，否則如果 2-3 個人去食，個正價湯底會佔全單好重比例。6 折優惠感覺係數字遊戲！個麻辣湯底味道唔錯，做到台灣麻辣味道 9 成，鴨血同豆腐份量都充足。(但煮耐左開始苦）食完後更發現口好乾，相信係味精副作用！至於美人湯，個湯似清雞湯多D ，有 D 失望！隻雞越煲越鞋，相反，養生殿首次食好有驚喜，美人湯用上烏雞，隻雞越煲越淋，湯底足料，味道鮮甜，完全比下去！失望！火鍋料方面，手切牛小排幾新鮮，以6 折優惠算抵食，叫左份細份，2 個人食好夠份量，值得推介！團團丸丸，4 種丸都好大粒，用足料！食落去好膠好彈牙，6 折左太約 $10 粒，C/P 值可以！兩人叫一碟岩岩好野生竹笙，份量適中, 夠晒爽口，索晒個湯底食一流！至於其中一個 IG 優惠，$58/ 4 隻鮮鮑，味道一般，不過不失！培火鐵觀音珍珠奶茶，味道唔錯！但未至於印象深刻！$28 收費合理，如果同樣有 6 折會更合理！