夫妻沸片-台式麻辣火鍋 (已結業)

(邂逅)原來不只是形容男女朋友還可以應用在一間食店之上，跟朋友早早已經約定在某某餐廳進餐途經上址竟然俾我發現這間麻辣店、所以兩人二話不說便改變目標,。。。地庫用餐區裝修很有心思、佈置中國風之餘不失新潮,中午一時入座當日人潮不多、速戰地快快手叫上兩份午餐~半肚半肉乾拌麵HK$68.配洛神酸梅冰, 份量算多足以一個正常份量,湯底輕微帶些少麻、不愛啜骨頭之士首選，自己就喜歡它的《乾拌麵》、帶微麻香感不會太膩~養生花膠雞乾拌麵HK$88.麵質同出一本，半熟糖心蛋亦做得不俗且入味,至於花膠其實(又細又薄)只不過是《噱頭》而言、不過整碗湯完全(油膩到極點)，「如果好似媽媽般將其(隔油)那是否會好多呢?」套餐之內包括(鴨血與及滷豆腐)，不過滷豆腐個人就覺得不夠入味，還是鴨血好多了~配培火鐵觀音珍珠奶茶餐飲加HK$13. 來者其實有點嚇到因為茶色甚白，但出奇地有茶香味道~《洛神酸梅冰》是朋友仔所以並沒有試~整體來說自己就覺得所有食物不會太滿臉油光理應有加分!

#夫妻沸片-台式麻辣火鍋 (旺角)旺角彌敦道639號雅蘭中心地庫B102號舖-----今日要介紹嘅 冇錯 又係火鍋 蔡瀾唔鍾意食嘅火鍋係B仔最鍾意食嘅料理之一🤣食完又食 隔幾日再食 對我來講完全冇問題 今次食呢一間 係黎自台灣嘅過江龍 喺台灣有多年歷史 係台式麻辣火鍋嘅鼻祖之一 名字源自川菜夫妻肺片 並將當中嘅「肺」轉成「沸」以配合火鍋嘅沸騰形象 店內裝修非常具特色 以木為主材質 天花板掛上各種燈籠 牆上有好多有趣句子 整體感覺高檔次帶玩味 好適合影相打卡😄-#鴛鴦鍋：佢哋一共有四種湯底可供選擇 分別係 有鴨血同埋豆腐嘅麻辣夫妻鍋（$108/半鍋）有花膠同葵花雞嘅養顏美人鍋（$178/半鍋）有人蔘同葵花雞嘅藥膳暖男鍋（$108/半鍋）同埋有白菜同豚腩肉嘅酸菜兄弟鍋（$80/半鍋）客人可以自己揀 食單一湯底定配搭成鴛鴦鍋 而B仔就揀咗夫妻鍋同埋兄弟鍋不得不說 呢度嘅湯底真係B仔暫時喺香港食過嘅所有台式火鍋入面 最足料嘅火鍋湯底 夫妻鍋入面有極大量麻辣鴨血同埋豆腐 鴨血質感非常嫩滑 係台灣味道 索曬麻辣汁嘅滷豆腐亦都好正 兄弟鍋入面則起碼有半棵以上嘅白菜 再加大量豬腩肉片 淨係食晒湯底入面

名字叫夫妻沸片，但竟然是打邊爐？這間台式火鍋，最特別的就是他們的裝潢，處處燈籠跟牆壁題詩，實在很有詩意。食物：鍋底點了鴛鴦，一邊是酸菜白肉，一邊麻辣。酸菜那邊微辣而且帶一堆白菜跟旺菜，酸味十足像極了泡菜的醃大白菜，加上入味的韓式粉絲，實在是未放火鍋料先興奮！湯底很好喝，極開胃！麻辣那邊早有一堆慢煮鴨血跟豆腐，一滾就吃得，而且非常稔滑！不過湯底不太夠辣牛小排（半）$238量很多很稔很軟滑，似是牛頸脊部位，平衡了肉香跟口感，正瓜熟蒂落 $108有南瓜 冬菇 蘿蔔 油麥菜 生菜，款款都質素甚高，爽脆又鮮甜，讚！海鮮拼盤$298好豐富！鮑魚 帶子 蠔 蝦 象拔 魚柳，札吃海鮮的話點這就對了。薯粉$38這個才是跟麻辣湯最夾的一道菜！薯粉煙韌彈牙，配麻辣湯底，很讚！樣樣都很不錯，惟店家推薦的蒜苗+麻辣湯卻不甚刺激，有點平淡呢

呢間卅幾年老字號嘅麻辣火鍋🍲終於都開到黎香港啦👏🏼👏🏼嗜辣嘅當然要試一試啦🤤🤤🤤落單全程電子化，用taplet落單是常識吧！既環保♻️又省人力...唔洗填紙仔真係好方便🤭座位好闊落，一d都唔擠迫...呢啲就係重質不重量囉👍🏼👍🏼今晚叫咗鴛鴦鍋：夫妻鍋拼暖男鍋鴛鴦鍋，上鍋底時仲有一碗「蔥」😅侍應好細心介紹呢碗係「蒜苗」...等麻辣燙滾咗加落碗就係最佳醬汁咁話喎😋招牌夫妻鍋麻辣度適中，大眾辣度而且香氣撲鼻🔥鍋底有已經好入味嘅麻辣豆腐，當然唔少得麻辣鴨血真係好嫩滑！配料仲點咗：美國肥牛肉卷/牛筋丸/菜肉蝦雲吞/油麥菜/老油條...老油條真係不得了😳😳索左d麻辣湯之後完全係另一個層次！邊係油炸鬼咁簡單💥仲叫埋海鮮拼盤用暖男鍋（人蔘藥膳雞）唔怕比麻辣搶走海鮮味，拼盤有：青口🐚大蝦🦐扇貝🐚大筒蠔，帶子，桂花蚌，台灣名物九孔鮑魚😬好滿足！差啲飽到走唔郁🤭🤭

Like facebook同追蹤IG，火鍋配料有折，就過黎食。叫左鴛鴦鍋：夫妻麻辣鍋，偏香辣型，有豆腐同鴨血，索哂d湯汁；美人養顏花膠雞鍋，頭啖湯好正，夠哂香濃，花膠又大大片，雞肉又多又滑，食完都飽左一半，煲耐左雞皮d油出哂黎又無甘好。【團團圓圓】$118有蝦丸、墨魚丸、鯪魚丸及梅菜豬肉丸四款，最正最特別係梅菜豬肉丸，又juicy又有咬口。【桂花蚌】$128口感似花膠，幾爽口，帶少少海水鮮味。【手切牛小排】$238厚薄恰好到處，好大盤肉，兩個人夠哂食有凸。【自家製手作麵】$38最喜歡甘有咬口既麵，追加多一份。

同事farewell dinner 發掘左間唔單止環境舒服 仲好好味既台式麻辣火鍋我地揀左招牌既夫妻(麻辣)鍋同美人鍋呢度既麻辣火鍋唔得個辣字 而係充滿應有既麻香鍋底內仲落左傳統台式火鍋必有既豆腐同鴨血 吸收晒d精華 辣得黎易入口 好食美人鍋都好有驚喜 雞湯濃郁 雞肉嫩滑有雞味 仲有好爽既花膠 一食就知唔係下價貨雞湯實在太好飲 我地都忍唔住飲左幾碗$178有半隻雞 仲有6-7件靚花膠 問心其實幾抵食不過淨係有靚鍋底當然唔夠 仲要有埋靚料先perfect三個人慳慳地叫左半份牛小排 估唔到半份都咁大碟最重要係好有牛味團團圓圓(手工四寶丸)勁大粒鯪魚丸好重鯪魚味, 梅菜豬肉丸口感實在 好似食緊蒸肉餅咁蝦丸同墨魚丸就超級彈牙 食得出每款都好足料響鈴一上枱就畀我地迅間掃清基本上樣樣配料都好味 連好basic既粟米同唐生菜都份甜同嫩滑最後要讚下飲品百香果綠茶 好解渴好清新 打邊爐岩晒

今日lunchtime同事話去夫妻沸片食, 窒左一窒心諗下邊有時間lunchtime打邊爐, 原來係有lunch set既😂去到門口先見到原來4人同行1人免費, 咁好抵喎! 但係我地今日得兩個人咋!! 就當試下如果好食下次搵多兩個人黎食lunchset得4款, 有辣有唔辣, 好易揀! 而且用平板黎落單, 方便快捷之餘仲有好多option比你揀, 咩辣走蔥唔走蔥都可以揀夫妻麻辣湯半肚半肉配乾撈麵由於我中意食辣所以目標好明確, 麻辣湯唔算太辣, 但香味就好夠。乾撈麵就反而令我好驚喜, 汁醬沾滿左每一條麵, 唔會過多亦好均勻, 好香好好味, 麵條彈牙好咬麵上既溏心蛋蛋黃非常靚味道又濃郁另外仲有小食麻辣鴨血同埋豆腐, 鴨血好滑質感好好, 豆腐係硬身, 我就中意食鴨血多d美容養顏花膠雞濃湯配乾撈麵朋友一見到養顏花膠4隻字就叫左😂我試左啖湯係幾濃旭喎, 而且雞肉幾滑啖啖肉, 食住乾撈麵又有個花膠雞湯飲都唔錯培火鐵觀音珍珠奶茶我揀左走甜, 飲落更可以飲茶味既香醇我同朋友都對個乾撈麵讚不絕口, 其實佢可以揀配紫薯拌飯, 好似好特別, 一於下次叫多兩個同事黎lunch

上次食過佢既lunch覺得好唔錯, 環境又幾靚幾舒服, 今晚就黎打邊爐, 食佢既台式火鍋依度環境真係幾靚, 裝修好古色古香, 燈光偏暗再加上滿佈燈籠既天花, 屏風擺設等等感覺好好, 而且坐位都好寬敞, 連醬料區都佈置得好靚好企理夫妻鴛鴦鍋一半係麻辣鍋, 一半係酸菜白肉鍋。黎到先知原來鍋底本身已經好多料可以食, 麻辣鍋個邊有豆腐, 大大舊鴨血, 鴨血超好味食到我lamlam脷, 又滑又好咬酸菜白肉鍋就有豚肉片, 好足料安格斯牛柳粒估唔到份量都幾多, 一串串咁幾靚, 而且粒粒都肥瘦岩岩好, 食落好有牛香! 開頭都驚牛粒通常都會韌, 但好彩一d都無, 仲好軟腍添依個份量同質素抵食!!桶蠔大大隻新鮮肥美既桶蠔, 個人打邊爐必叫鱔片鱔片新鮮通透, 厚薄適中, 有8塊大大塊, 食落份量都幾多。肉質彈牙, 魚味好香加埋魚皮位口感好好, 讚老油條老油條係推介之選, 即管叫條黎試下~ 比一般食開既油炸鬼香脆, 用黎點麻辣湯勁香口野生竹笙野生竹笙個種口感唔識形容但係又好中意, 依度既竹笙條條都好粗身, 由於佢索湯能力太強, 一開始用黎吸麻辣湯卡油左d辣左d, 之後轉去酸菜湯個邊就勁好味推介呀! 鮮牛肉丸j

晚市預訂了位，一行六人，店員安排的長方檯有兩個鍋，我們經商量後決定叫一個鴛鴦鍋，由於只用一邊爐，檯的設計就顯得有點不方便，坐得遠一點的人要站起來先夾到野食。而想飲茶或水都是需要額外要求，不會主動問或加水。點菜方便是按平板電腦，但感應十分不良好，多次下單都需要經理同店員幫忙下單，有點失望店員沒有打算換另一部正常，亦沒提出其他的解決辦法，令點菜好不方便，浪費了大部分時間。最後，由於是有限時兩小時，在上菜速度不是快，在飲品方面會漏單，在門口我看不到有其他客人在等位，夠鐘已即時請我們離開，但我們檯面還有小部份食物，竟然說可以給外賣盒帶走，試問我應該帶走生的還是熟的？。。。 這個價錢，這種服務質素，下次不用來了！

火鍋店唔食火鍋🍲有咩食🤷🏻‍♀️?食午市套餐1️⃣夫妻沸片麻辣湯半肚半肉 (全肉) 配拌麵 $68明明叫咗全肉，佢竟然幫我加料加咗一舊肚，哈哈好驚喜。拌麵就幾惹味，唔會太乾身。麻辣湯底就唔食得辣嘅人都食得，牛肉份量唔多。2️⃣美容養顏花膠雞濃湯配拌麵 $88花膠有兩舊，湯底比較油膩，雞嘅份量好多。成個套餐嘢食方面都係拌麵最好食，不過如果你俾我揀餸，我會覺得夫妻沸片麻辣湯全肉好食少少。3️⃣紅豆薏米水 (跟餐)薏米同紅豆都好足料，而且甜甜地幾惹味。我仲飲咗大肥肥👦🏻嘅大半杯添。4️⃣焙火鐵觀音珍珠奶茶 (+$13)呢個係好味嘅鐵觀音味好香濃，茶同奶嘅比例好適中，珍珠煙靭有咬勁。💡整體來講，可以一試佢嘅午市套餐，飲品做得較為出色。夫妻沸片地址🐾:旺角彌敦道639號雅蘭中心地庫B102號舖

打邊爐粉絲既我成日都想試盡全香港不同既特式火鍋。一聽到「夫妻沸片」，就諗起麻辣火鍋。點左個鴛鴦鍋(花膠雞窩同藥膳麻辣鍋)雞窩有大半隻雞，肉質柔嫩，重點係佢既花膠！平時出去食既花膠好似食緊舊無味既膠禁，但呢度嘅花膠軟熟，吸晒個湯，係滿滿嘅骨膠原啊！鍋底鮮甜係好濃郁嘅雞湯，打之前仲忍唔住飲左好多啖。麻辣鍋冇乜特別同出邊差唔多叫咗小辣表示唔係好夠辣下次可以試吓中辣！依家promotion可以優惠價叫龍蝦（$78）鮑魚（$88）或者扇貝（$68），質素正常，不過性價比真係好高，龍蝦亦都比我想像中大隻！牛肉叫咗首切牛小排，呢個係半份（$238），俾我想像大碟，呢個牛好好味！肉質嫩，重牛味，好推介！之後見到佢個芋泥丸好似好特別又叫黎試試！（$40半份）好驚喜！外面係普通豬肉丸，咬落去係一大啖既芋泥！想像唔到禁match! 見到好多人叫間豚肉花($118)又試試，一上到見到師傅真係堆砌得好靚，食落係普通豬頸肉，無乜特別。小食叫左黃金魚皮($78)，炸到好香脆，仲舖滿鹹蛋黃醬，令人停唔到口，好邪惡啊！總括而言，呢間食品質素唔錯，湯底有驚喜，服務幾好，而家星期五六日仲有九折，其他日子就85折，買單之後仲

朋友問那兒打邊爐的湯底最正，想想非旺角的台灣《夫妻沸片》莫屬啦，台灣多年歷史，香港更採用台灣湯料，晤駛飛去都食到！ 興起之際，再幫襯～ 原來除了火鍋，下午時段更推出不同套餐 — 有麻辣牛、花膠雞、龍疐及野菜雜菌套餐。 價錢由 58 - 88 蚊而已！ 浴路環境、檯、椅、牆上的字句都有台式古店味道。美容養顏花膠濃湯跟台式乾伴麵（微辣）套餐有麻辣乾伴麵，味道好正～麵質感厚厚呈偏身，微辣而已令我回憶以前吃一包包的「撈麵」😌～ 隨餐還有濃濃花膠雞湯，仲要有花膠肉、雞隻😍 雞肉質多。最緊要端來時已經細心地把湯表面的雞油去除了讓我喝起來時津津樂道。紅豆薏米水 原本薏米水較為淡，原來加入了紅豆又幾配，跟薏米口感相似。

今日同舊同事食飯，佢介紹咗一間新嘅打邊爐餐廳，話湯底好正。可能係平日，人唔算好多，所以唔駛兩小時內1交枱。大家要留意，如果多人，佢要兩小時交枱，所以人多嘅日子，最好齊人先入。介紹返食物:湯底: 鴛鴦鍋美人煱 + 酸菜白肉煱兩個湯底都好多餸美人煱: 係未加食物前要飲返碗先，湯有好鮮甜，有雞味同，湯料仲有花膠，靚女好啱食酸菜肉片煱: 酸度啱啱好，好開胃，之後淥粉絲一流安格斯牛肉:雪花好靚，好有牛味，新鮮好食手打丸: 左起 豬肉丸/墨魚丸/梅菜豬肉/丸蝦，好彈牙，大粒，熟咗後有乒乓波咁大粒。不過最期待嘅梅菜豬丸，比較鹹，有d失望。登登，龍蝦: 今日龍蝦半價，我地叫咗一隻，新鮮，有膏。半價野講size 都唔錯。水餃: 個皮唔似攞貨，應該係佢地自己搓皮， 餡料新鮮，好食。油炸鬼: 一般，無特別門口嘅畫，好有台灣feel

同一班朋友一齊食飯 打邊爐就最岩 叫左肥牛 都新鮮 仲有豆腐都唔會好易散 放下鍋到唔會唔見 之後呢到仲有珍珠奶茶 有少甜揀 所以都好岩我口味 珍珠都彈牙既 梅菜豬肉丸特別要試 丸夠彈牙 味道梅菜味較輕 豬肉味重 整體黎講 食物都有水準 但服務態度有待改善

星期日晚唔使點樣等位都好快可以入去食...場地好大，坐位都幾多..好多卡位適合兩人去食。環境係優雅嘅...不過卡位張台下面可能係啲爐位，有啲頂腳...坐耐咗無咁舒服嗰日去食間鋪咁啱有promotion做，Like Facebook後配料有85折(即係你嗌嘅餸有八五折，湯底同醬料係唔包括在內嘅）！不過有一樣野真係要投訴，就係佢哋個點餐部機，我真係用到火滾...滾過個鍋！噤嚟噤去都噤唔到嘅...終於噤到啦...以為submit埋啦...到最後原來無落到Order..到最後我直接叫Waiter嚟幫我落算啦..搞咁多野...搞到哩餐由7點9食到10點我地嗌咗鴛鴦湯底(夫妻鍋&兄弟鍋），餸就嗌咗「美國肥牛肉卷」「紅薯粉」「皇帝菜」「老油條」先講個湯底...夫妻鍋（麻辣鍋)感覺係有落藥材去熬製，但係啲辣有啲嗆喉，同埋有少少苦味。而兄弟鍋（酸菜白肉鍋)感覺有啲似無胡椒味嘅豬肚湯再加酸菜。兩個湯底嘅味道都不過不失咁啦，正常台式火鍋咁嘅水準！不過湯底入邊嘅配料份量就好足...麻辣鍋嘅鴨血差不多有10塊，仲有豆腐。而酸菜白肉鍋入邊有少少類似米粉的東西、菜！其實兩個人食完成個湯底入邊嘅配料同六成飽...其他