夫妻沸片-台式麻辣火鍋 (已結業)

夫妻鍋（半）$108美人鍋 （半）$178手切牛小排（大）$338帶子（8隻）$88黃金魚皮$78團團丸丸（手工鮮蝦、墨魚、鯪魚、梅菜豚肉丸）$118稻庭烏冬$38洛神酸梅冰$28冷御翠烏龍珍珠奶茶 $28約朋友一齊去旺角吃火鍋，聽說有間台灣火鍋好有特色，我地四個人約埋一齊去十下十下。一入餐廳,指示牌上的攪怪文句，已經很吸睛又好打卡，醬料吧選擇多又乾淨，周圍都好舒服。叫了招牌夫妻鍋同美人鍋，各半，美人鍋湯料超正！一隻雞加上大量花膠，我地一開始就先飲湯吃雞吃花膠，雞肉超滑，所有雞肉俾我地清哂。然後補湯，就開始打邊爐了。牛小排是我最愛，在滾湯中拖二三下，點上醬料，入口即化。而且大大碟，唔駛爭！團團丸丸我第一次吃，手工丸好彈牙，梅菜豚肉味道特別，入口juicy!! 大推。帶子多肉，黃金魚皮的咸蛋黃超好味。酸梅冰解渴，四個人剛剛好最後再叫了珍珠奶茶，果然台式餐廳沖調，好飲。

一定要讚一下呢一度嘅黃金酥炸魚皮，實在係太正啦，即叫即炸，熱辣辣之餘，蛋黃醬鹹香，魚皮厚身又脆口，一定要叫。我一個人食左半碟。 海鮮🦞拼盤 份量非常多， 魷魚🦑、 大蝦 🦐、蜆、帶子、魚🐟、鮑魚都齊。 而且非常新鮮， 2 個人絶吃不完，非常低吃。 牛小排 大份 $338 ， 質量可媲美 和牛， 油花均勻 ，入口即溶， 有肉味有油香。 👏🏻👏🏻👏🏻 花膠雞🐔湯鍋 才料非常多， 半隻鮮🐔， 大量花膠， 湯底甜美濃郁！一定要encore!

鍾意打邊爐嘅我,無論天氣有幾熱,都會周圍去試下未食過嘅新野😋今次嚟到夫妻肺片,我都係上OpenRice搜查附近餐廳搵到的！我地點咗鴛鴦鍋:夫妻鍋(麻辣鍋)+美人鍋(養顏花膠雞鍋)台式麻辣鍋：本人覺得完全唔辣養顏花膠雞窩：好正👍🏻值得推介，建議先飲湯後加食材😋手切牛小排細份：無得彈！喜歡重牛味的必食！龍蝦：宜家做緊follow IG 半價優惠，抵食👍🏻扇貝：好明顯俾人偷走左舊肉嚟做帶子👎🏻青口：無特別，正常繁花似錦：其實係雜菜，但唔知點解會有沙律菜係入面，從未試過將沙律菜煮熟嚟食🤣黃金卷：正！但嚟到要即刻食，放耐咗會唔脆！鮮蝦菜肉餃：D蝦都幾新鮮，唔錯！整體嚟講都唔錯，係價錢貴咗D，但食物質素都唔差，值得一試！而家除咗follow IG有幾款海鮮半價之外(只能選一樣)，而且Like Facebook火鍋配料都做85折呀👍🏻

今日去試下台灣過江龍夫妻 沸片台式麻辣火鍋一入門口就見到好多明星支持合照既合照所以都抱有期望坐底好肚餓就叫左個鹹蛋黃魚皮食住先鹹蛋黃味極重又好脆 份量亦好多我哋一行四人叫咗個招牌鴛鴦鍋花膠雞鍋內已有半隻雞和數舊花膠我地一人一碗飲左湯先湯底香濃鮮甜濃濃雞味 雞亦非常嫩滑麻辣鍋已有嫩滑鴨血和豆腐建議食得辣嘅朋友叫中辣或者大辣會爽d手切牛小排無諗過叫半份會有咁多塊肉質鮮嫩 牛脂分佈平均 重牛味 必點!鵝腸 係我打邊爐必點好新鮮好爽 淥到捲埋就可以食竹笙亦十分推薦建議放係白湯度 可吸晒啲甜味Overall 都好滿意平版點餐都好方便鐘意幾時order 都得的，仲可以立刻知道點左乜total幾多錢上菜又快店員反而有多一點時間同客人介紹番讚👍🏻

真正過江龍火鍋店夫妻沸片位於旺角黃金地段，從朗豪坊走路一分鐘之距4個人叫左鴛鴦鍋-美人鍋 養顏花膠雞鍋/夫妻鍋 麻辣鍋餐廳係用平板點餐嘅湯底真材實料豐富飲左花膠雞湯食埋鴨血已經飽左一半>w<鴨血豆腐雖然不是吃到飽四個人也不至於每人只有一塊而麻辣湯本身沒有辣度選擇如果覺得不夠辣可請店員加辣手切牛小排(小)香Q滑嫩。麻辣最啱桂花蚌韮菜餃 (半份)芋泥丸 (半份)有不少食品可選擇半份👍🏻鵝腸野生竹笙放係雞湯吸收哂精華好味到encore鮮腐竹䈑筍片新竹米粉配合越滾越入味嘅湯底再飽都食得哂黃金魚皮 (小吃)分量頗多好適合佐酒好好味翡翠檸檬烏龍茶芒果青桔梳打環境尚算舒適食物質素固然十分重要見到現場keep住都滿座店員都好主動加湯同反應快有問必答唯一可惜有朋友海鮮過敏望到隔離枱海鮮拼盤好吸引比個藉口自己下次再光顧😃還有有不少優惠進行中

去完韓國之後同MY BOSS黎到夫妻沸片成間餐廳好有台灣特色 好靚一場黎到當然要叫個夫妻鴛鴦鍋 ($188)麻辣鍋屬味濃厚重 香氣突出飄散出的氣味有種說不出的誘惑與魔力🤤酸菜白肉鍋湯頭酸而不嗆、口感溫和還有濃濃的大骨湯味 且配料相當豐富🤤細嫩嘅豆腐同鴨血($58) 品質十分好心中無法擊敗的第一名 當然是手切牛小排 ($238)油花分布適中 肉質鮮嫩可口👍🏻手工墨魚丸 ($59) 超彈牙的口感😌最後叫個烏冬 索哂湯底嘅精神 好味😋_______________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

雅蘭夫妻肺片已經食過好多次，座位非常舒適岩曬我帶爺爺嫲嫲過嚟食湯底方面叫咗個麻辣火鍋同養生鍋，麻辣味夠重唔會辣如果想食辣啲嘅朋友可以叫佢哋加辣，有老人家嘅關係我哋都叫咗個養生湯推介佢哋嘅鴨血，鴨血唔太腥。酸梅湯酸酸甜甜咁拎嚟解渴解辣最啱蠔鮮甜，大粒價錢都幾實惠下咁嘅價錢有成六七粒超抵另外佢哋嘅肉類都非常之出色，叫咗雪花牛肉同埋羊肉都唔錯。特別係雪花牛肉肥瘦適中。總括而言呢間餐廳嘅火鍋比較高質適合帶外國朋友過嚟食好睇又好食。

同舊同事一行6個人食最愛嘅打邊爐，試新新哋開嘅夫妻沛片，首先想話餐廳位置有啲難揾，地址寫喺雅蘭中心，以為喺雅蘭中心入面，點知原來要走番出去喺太興隔離，可能我哋唔熟旺角嘅街道。我哋叫咗一邊麻辣一邊喺餐廳職員介紹嘅椰子雞鍋，麻辣嗰邊就好一般，唔夠麻亦唔夠辣，但椰子雞鍋就好有驚喜，餐廳職員首先將2個新鮮椰青放落鍋度，跟住就放雞落去，餐廳職員叫我哋先飲咗湯，之後先打邊爐，個湯超好味，之前食過太子另一間椰子雞鍋都冇呢度咁好味!我哋order咗好多嘢食，牛小排好好食，其他食物質素都ok!同埋食到好飽都唔貴!性價比高!

今日到旺角順道午餐， 雖然天時暑熱， 但依舊想食火鍋。再次來到這間火鍋店， 環境依然舒服。 但和之前買是來光顧相比， 人客的種類卻有不少變化。 可能這裏午市專門招待內地客， 所以我們獲得了店員以普通話招待😅點了個午市二人餐， 價錢 算是經濟， 但選擇方面就比較局限。麻辣湯配其他食物配料， 對 女孩子來說這個午餐算是剛剛好。特別欣賞這個套餐所附送的飲料， 我點了一杯芒果梳打， 不消一分鐘就上餐。 相信這裏用了 優質的芒果醬， 不止色澤金黃， 甜度亦十分足夠。

食物一流，服務九流。如果仲想做落去，同啲侍應再培訓吓先，冇禮貌，態度差。問攞杯冰都要被質疑用途，講咗係可樂唔夠凍，女侍應夠膽死用佢隻手去摸我罐可樂，而家係咪你摸咗覺得夠凍就唔俾冰我?不如直接話冇冰好過做咁多小動作同問長問短啦！要咩冇咩～本身張張枱有湯勺有濕紙巾有乾紙巾，唔知點解我張枱又冇呢啲野，問佢又唔應，搞到要去隔離枱攞，勁肉酸。叫侍應加湯，三催四請，好似要求佢咁，啲野幾好食都唔會再去，本來位置已經難搵，唔會再幫襯囉。

岩岩係台灣番黎，今晚跟朋友仲好掛住台灣味道既火鍋，所以就黎左夫妻肺片打邊邊！menu成份報紙design好特別，之後就用ipad來點菜！夫妻鍋（半）$108+ 美人鍋 （半）$178: 朋友喜歡食台灣正宗麻辣鍋，用左20多款既原材料去熬製，再加上台灣鴨血及鹵水豆腐，入口麻辣甘香，鴨血很滑，鹵水豆腐很入味！而我就中意美顏養生既美人鍋，主要材料有花膠、枸子、紅棗及半隻雞，首先飲啖雞湯，味道湯郁，花膠很黏滑，補充骨膠原，雞肉都好嫩滑，岩晒女士享用！西班牙黑毛豬 $168: 肉質很軟稔，黑毛豬果味重，肉質肥瘦均勻，入口嫩滑腍身！老油條 $48: 沾上湯底的味道等幾秒，令油條更加鬆脆可口！海鮮拼盤（鮑魚、青口、蝦、墨魚仔、扇貝、生蠔、帶子、桂花蚌）$298: 海鮮拼盤每款材料都十分新鮮，鮑魚、桂花蚌爽口彈牙，而海蝦都好實肉鮮甜，扇貝、帶子都係灼一灼就食得，鮮味十足！萵筍片$38: 切得適中厚度，味道吸晒湯底超可口香甜，仲好爽脆！紅薯粉$38: 煮後晶瑩剔透，入口滑溜，煙韌帶嚼頭，食完都很飽肚！百香果鮮桔綠茶（酌）$68: 百香果+鮮桔綠茶🍵酸酸甜甜咁有助消化，百香果味道香氣滿溢，芳香可口！紅豆

從來未食過一間打邊爐裏面竟然有台式茶飲，而且做得比在外台式茶飲專門店嘅珍珠奶茶一點都不遜色。珍珠是QQ彈彈的，奶茶茶味濃郁。另外還有一款芒果青檸梳打，非常解渴非常好喝，估不到火鍋店的飲品竟然這麼出色。火鍋湯底一邊選了麻辣，令一邊選了花膠雞湯，麻辣確係非常滋味，既麻且辣，一路吃一路爆汗 好爽。牛小排分量非常多，質素異常地高，油花均勻，入口即溶，係每台客人必然嘅選擇。 另外要推介這裏嘅黃金炸魚皮，上桌時候熱辣辣，炸得酥脆，蛋黃醬鹹香味十足，非常回味。

這天朋友相約一同前往旺角逛街，我們最重要的目標就是朗豪坊，商場大不在話下，內裏食能選擇眾多，但我們的目標並不是這裏，而是在他對面的商場內，餐廳名為夫妻肺片，從名字聽起來充滿中國特色，沒想到這是台灣的過江龍。我們到達的時間剛好是午飯的時間，餐廳更有午飯套餐供應，喜愛的定必選擇。我最欣賞的就是他的飲品，檸檬烏龍茶，檸檬與烏龍茶配搭不錯，甜度剛剛好，帶點烏龍的茶香，加上檸檬的配搭，帶有點點的酸味，酸和甜的配搭剛剛好，如果作為飲料店一定再次光顧。

鍾意打邊爐嘅人，打邊爐真係冇分季節㗎。今日就嚟咗旺角雅蘭中心地庫嘅呢一間夫妻肺片打邊爐，佢係主打台式火鍋嘅。雖然佢主打台式麻辣火鍋，但吸引到我嚟呢度嘅並唔係佢嘅麻辣鍋，而係比佢更加吸引嘅美人鍋。所謂美人鍋， 即係養顏花膠雞鍋，開頭有諗過叫雙拼， 一半花膠雞鍋，一半麻辣火鍋，但細心考慮過之後，一半嘅雞湯實在唔夠我哋飲，所以我哋就決定叫一整個嘅美人鍋啦。一整鍋美人鍋嚟到嘅時候，我哋就見到有一整隻全雞，湯滾左之後，店員就會係你面前親自展開隻雞，店員好細心咁展開隻雞方便我哋食，而雞髀佢就冇將佢展開，我哋兩個人可以一人一隻雞比拎着食，超正。至於呢度其他嘅配料都唔算好貴，幾十蚊有交易。我就推介一定要試呢度嘅老油條同埋手工鮮蝦丸。老油條即係油炸鬼，我哋香港人好少用油炸鬼打邊爐，但原來台灣都幾興，食法同我地食響鈴差唔多。另外如果你食得辣嘅話，就一定要叫呢度嘅麻辣鴨血，真係超正架。

湯底點了鴛鴦鍋 麻辣夫妻鍋拼美人鍋! 麻辣鍋是台式麻辣 辣度溫和 而香氣十足 內附鴨血和豆腐 好入味 而美人鍋是花膠雞湯 內有半隻雞 店員會幫助把雞剪開 雞肉是意外是不韌 花膠也有好幾塊 沒腥氣 而雞湯香濃 未打邊爐已喝掉了幾碗😋美國肥牛肉卷 份量是比想像中多 這個價錢還蠻抵食的滷水拼盤有大腸/牛展/牛肚/鴨腎 可以就咁食 亦可以放進邊爐裏 我就喜歡放進麻辣湯 味道更加香濃 另外亦叫左墨魚丸和韮菜餃 都不錯 蔬菜亦新鮮 整體火鍋質素不錯 而且枱面寬闊 食得舒服