夫妻沸片-台式麻辣火鍋 (已結業)

以33年正宗麻辣鍋為賣點嘅台灣過江龍「夫妻沸片」，竟然係雅蘭中心地庫登陸左，有咩理由吾去SHABUSHABU下呢.由地上一路行落地庫都有好靚嘅貓貓壁畫，可以在此影下相打下卡📸.餐廳風格充滿古色古香，木枱木椅木屏風，連天花都掛滿一個個紅燈籠🏮地庫面積好大，仲有幾個包廂添.落單方面亦採取電子化，用PAD挑選，一目了然，簡單清楚，又可以響應環保.我地揀左鴛鴦鍋 $188不得不讚，佢地嘅鍋底真係不得了麻辣鍋以牛骨湯做湯底，入面加左紅棗，蒜苗，八角，辣椒，白豆蔻，草果等，再熬足十二個鐘，湯頭極之濃郁，入口辣中帶點麻，吾係果種死辣而不香果種，而且湯面吾會有好多油添 隨湯附送嘅台灣鴨血同滷豆腐份量超多，好似食極都仲有大大件鴨血嫩滑Q彈，一D都吾韌又吾會一夾就散。滷豆腐身上嘅空洞幫助佢去吸收湯頭嘅精華，所以非常入味，口感軟嫩酸菜鍋嘅材料都吾可以睇少入面有大量嘅酸菜，豚肉，酸蘿蔔同紅薯粉，湯頭酸香開胃醒神，真係好.估吾到半份嘅份量都咁驚人，好彩冇嗌全份，如果吾係兩個人真係食吾哂牛小排肥瘦適中，油花紋理集中，帶有少許筋膜，牛味極之濃郁食得出牛肉真係新鮮嘅.巨型SIZE嘅虎蝦，真係勁大隻呀！仲要比我個手掌仲

麻辣湯底不麻不辣，酸菜湯底沒有酸菜，二人套餐份量極少，連粟米也切得非常簿，牛肉片大部分是脂肪，酸菜湯底料只有幾片薄薄的脂肪和幾條平價菜，所謂半價追加的配料份量極少，完全不值，服務態度不佳，煲到差不多沒有湯才有人問要不要再加湯，唔會再去第二次，極度失望！

夫妻沸片食到正宗台式火鍋風味!餐廳在雅蘭中心地庫，入口要在內街。由門面落到餐廳內，都洋溢著中式古舊特色。用電子方式下單，環保又方便，而且上菜速度都好快。兄弟鍋-酸菜白肉鍋 ($148)上鍋時，店員會細心提醒客人當鍋滾時候，唔好拎鍋蓋，店員要定期過黎拎鍋蓋。火鍋古色古香，酸菜白肉鍋非常足料，整個湯底都由食材淆製而成，湯味香，而且娃娃菜有醃過，食落仍有點酸酸甜甜。牛小排(小) ($238)呢款年有大&小SIZE選擇，但小分已經夠三個女仔食的分量。味道新鮮，肉質爽口，火鍋必是之選！團團丸丸($118)有四款手工丸，包括鮮蝦丸、墨魚丸、鯪魚丸和梅菜豚肉丸，用料足，食落口款款味道都好突出。鴨血 ($58)由於另一半食唔到麻辣鍋，唯有叫分麻辣鴨血過過道麻辣癮，鴨血好正，完全沒有腥味，分量十足。廣島蠔 ($138)6隻大大隻蠔，急不及待就食左隻🤣。熟左就打回原形，蠔味道仍保存住，正！皇帝菜($58)同牛小排一樣，每次火鍋都係必點之選。另叫左兩杯珍珠奶茶飲

朋友想食台式火鍋，我二話不說介紹她食夫妻沸片🤣環境乾淨企理，走中國風，某些座位設屏風增加私隱～🔸鴛鴦鍋 $278朋友唔太食得辣，所以我們簡了麻辣鍋（小辣）和養顏花膠雞鍋。麻辣鍋湯底足料，好多鴨血，小辣帶微辣，但就唔麻，適合唔太食得辣的人。花膠雞鍋裡面有半隻雞，店員會幫忙切雞，花膠可滋補養顏，所以我都飲了一碗😚🔸手切牛小排 $238份量都算多，兩個人剛剛好食得曬。雪花紋睇落好靚 牛小排厚度切得剛好，所以都好快熟，入口牛味濃，有咬口。🔸黃金魚皮 $78是必叫的黃金炸魚皮，每塊都充滿咸蛋黃味，而且好香脆💛💛🔸帶子 $88唔算好肥美，但新鮮🔸老油條 $48店員說建議碌十秒攞起❣️ 油條好香脆，碌完後吸收曬湯底精華🙈🔸手工梅菜豬肉丸 $49🔸娃娃菜 $48

喺雅蘭中心唔知食乜嘢好見到呢間夫妻肺片嘅名記得意所以特登入嚟試吓。環境非常之舒適座位非常之大都幾適合大家聚會湯底方面我哋就叫咗個麻辣火鍋同埋養生鍋，鴛鴦鍋最能滿足大家唔同嘅需要啦。麻辣火鍋湯底夠辣，另外不得不提佢哋嘅鴨血係超級好食勁入味。真係忍唔住想再添加幾份不過留肚食下其他嘢先。由於都真係幾辦所以就叫咗個酸梅湯黎解辣我哋都叫咗幾隻蠔，都幾鮮甜下大大粒放喺養生鍋度個味道都幾夾。另外到咗今場嘅VIP ，佢哋嘅肉類選擇非常之多仲要超新鮮好重牛味，我哋叫咗雪花牛啦肥牛啦差唔多有三款屋每一款都非常之滿意總括嚟講雖然呢一餐嘅火鍋唔算特別平但係食材新鮮高質都值得黎試

晚上選擇唔到要食咩, 就打邊爐啦, 大家唔知有無咁既想法, 而鍾意食麻辣既你, 當然要試一試台灣麻辣火鍋鼻祖之一既夫妻沸片, 入到去地方夠大, 重點是坐位非常舒適, 不會逼狹, 完全沒有焗促感. 可tablet落單又或者拎份夫妻沸片meun去點餐。㸃左佢個招牌鍋底,鴛鴦鍋(夫妻麻辣 + 美人花膠雞)。鍋的料如下, 勁滑麻辣鴨血+麻辣豆腐; 半隻雞+足料花膠一開波職員幫手開鍋同剪雞, 服務一流, 飲一飲花膠雞湯先, 雞味濃,花膠膠質杰身到痴口,我就知我無黎錯.半份牛小排, 牛味濃,油脂平均, 無牙佬都食到圑圑丸丸, 4 款手工丸(梅菜豬肉丸、蝦丸、墨丸、鯪魚丸)材料十足, 鮮墨魚粒WOR,質感一絕蓮藕片 爽脆索哂湯底,必點！娃娃菜 湯底控必食。黃金卷響鈴 5秒上碟, 豆味濃香,配上鴛鴦湯底,入口軟脆。團團丸丸、牛小排及美人花膠雞絕對有驚喜，整體食材新鮮足料，湯底控必點夫妻麻辣 + 美人花膠雞.

我正式宣佈!!!夫妻沸片未必係一間好起眼嘅火鍋店,但絕對係一間有誠意嘅火鍋店! 今晚咁啱要去旺角買運動衫褲,就趁機去咗雅蘭中心地庫嘅夫妻沸片打邊爐!一坐低我哋就先揀咗鍋底,餐廳標榜麻辣湯底都係可以飲得嘅,因為係用牛骨湯同埋接近20款湯底材料熬製而成! 我哋就揀咗麻辣湯底同埋椰子雞湯底! 麻辣湯底質素好高,裡面已經有鴨血同麻辣豆腐, 鴨血好似啫喱咁，配麻辣湯一流! 但係我想講椰子雞湯底係非常非常有誠意,首先係有竹笙,半隻雞,兩個椰青,同埋一支蒸餾水,店員首先幫我地預備好椰子雞湯嘅湯底,幫我地將兩個椰青嘅嘢做都刮出嚟放入湯底裏面一齊㷛!湯底滾左之後,我哋即刻試咗椰子雞湯...係超鮮甜湯底質素咁高咁梗係要叫返d正嘅材料! 牛小排: 雖然只係叫左小份，但份量兩個人食其實都夠! 牛味十足! 正! 虎蝦: 有手掌咁長,肉質好結實，鍾意食海鮮嘅不妨一試黃金炸魚皮: 邪惡! 但充滿着誘惑,上枱嘅時候炸魚皮依然熱熱地!每一啖都係罪惡感! 菜: 我哋叫咗皇帝菜,唐生菜仲有萵筍,放入去椰子雞湯嗰邊煮好清甜! 我到而家仲諗緊好想去encore!

每次去台灣都總要食一餐麻辣火鍋，知道香港都有正宗嘅台灣麻辣火鍋，當然唔可以錯過，試過正嘅話咪唔駛特登去台灣食囉! 去"夫妻沸片" 梗係要同老公去撐枱腳啦！話得食麻辣火鍋，當然點都要叫一個鴛鴦鍋，由於我唔太食得辣，所以叫咗小辣麻辣鍋同埋一個唔辣又補身嘅美人鍋，即係養顏嘅花膠雞鍋! 佢真係無呃你，有大大舊花膠同埋足半隻雞，侍應會即場幫你剪開隻雞，等你容易d食! 第一樣當然係試吓啖湯，好濃好鮮嘅雞湯，d雞都好嫩滑，非常好味! 小麻辣我係完全接受到，勁鍾意食佢嘅鴨血，超好味，少少辣，剛剛好!淨係鍋入面嘅嘢都已經好多同好正，但當然唔少得另一主角~牛! 我哋兩個人，叫咗碟細嘅手切牛小排，份量其實剛剛好，牛小排好重牛味，可能脂肪均勻關係，食落非常腍，唔會韌，正!另外非常推薦海鮮拼盤，尤其係兩個人，真係食唔多，海鮮拼盤每種食物有兩件，又可以食多種類，又唔怕食一樣食到飽食唔到其他，所以呢個拼盤非常好! 佢嘅蝦非常新鮮，蠔非常大隻鮮味，鮑魚唔會韌，其他海鮮都非常唔錯，真心推薦!團團丸丸有4款丸，每款兩粒，都非常啱兩個人食，每款丸都非常爽口彈牙，蝦丸有好重鮮蝦味，墨丸口感特別好，梅菜豚肉丸就真係未食過，好似

台式麻辣火鍋初體驗，感覺十分好！😘😘侍應殷勤款待、食物質素高、環境舒適、裝修雅致特別，尤其是冷氣十足食得暢快無憂。估唔到夏天都咁多人食火鍋，我地入座嘅時候，大半座位都有人！😅點咗個午市二人套餐 鴛鴦鍋底✨夫妻鍋(台式麻辣鍋)，又香又辣 越食越想食，鍋內有鴨血和豆腐，索左啲麻辣汁超好味，鴨血好味嫩滑得來又唔會一夾就散！份量仲好多㖭！✨美人鍋(養顏花膠雞)，有半隻雞+好多嚿花膠😁，湯底超濃雞味，入口仲有啲膠膠哋！好養顔哦。滾咗一陣，有專人幫我地將隻雞剪開，方便進食真貼心！雞件嫩滑鮮味，肥美多肉，齋食鍋內啲食物都飽咗一半！😆套餐包括：美國西冷片拼美國肥牛肉卷，手工鮮蝦丸，手工梅菜豚肉丸，菜肉蝦雲吞，鮮蝦菜肉餃，黃金卷，炸魚皮，雜錦菜盤，紅薯粉，兩位送一口牛2串。擺到成枱都係，食到超飽超滿足。食材非常新鮮，蝦丸彈牙鮮味！啲蔬菜都好新鮮，蘿蔔清甜冇喳，款式又多樣化！紅薯粉又滑又彈，就算好飽都繼續食 清枱！🐷🐷

放咗工同朋友去食麻辣火鍋鬆一鬆， 上咗呢間叫做夫妻肺片嘅火鍋店佢再落喺旺角 正中心地理位置非常方便。睇完menu決定要佢嘅鴛鴦火鍋，鴛鴦火鍋一邊係麻辣火鍋，另一邊就係酸菜白肉鍋， 不過酸菜白肉鍋稍嫌味道淡咗少少，不過都可以的，至於佢嘅麻辣火鍋我哋要咗少辣，不過可能佢嘅小辣真係適合一啲完全唔食得辣嘅人，個人覺得我哋下次可以試中辣。至於佢嘅配料方面個人覺得佢嘅美國肥牛， 真心唔錯好重牛味。 蔬菜都好新鮮。 佢嘅老油條就反而咋得好似老咗少少。我哋叫咗一個麻辣鴨血味道好好， 超入味， 雖然原來麻辣火鍋都有唔少鴨血，不過個人認為真係冇叫錯，好值得食。至於嘅黑柏葉方面，佢嘅牛味都好重，而且好脆，不過唯一美中不足嘅係，我覺得佢太大片， 感覺上食嘅時候有啲辛苦，如果可以再切細片少少好似會好d, 方便食多啲。至於咁多種配料方面，我最欣賞其實係佢嘅牛舌切得厚薄適中，而且牛味重， 新鮮又淋。打邊爐點少得嗌嘢飲，我哋叫咗洛神酸梅汁 ，呢個嘢飲超好飲，酸酸甜甜， 開胃消滯。

雖然早陣子看新聞的專欄報報導説開著冷氣打邊爐會對身體不好😂，但是又怎能夠就這樣放棄好味的東西，而且麻辣火鍋更是包子的最愛！之前經過旺角雅蘭中心已看到新開了一間台式麻辣火鍋，今日趁着有空便拉着夫君一起來吃😉！內裏裝修寬敞，帶着點古色古香的味道，都是以木製的家具為主！雖然餐廳裝修帶點懷舊，但卻用上了最Modern的方式以tablet🖥來點菜！外面設有醬料區🥣，客人可根據自己喜好調配適合自己的醬汁！⭐️招牌鴛鴦鍋 - 麻辣+養顏花膠雞鍋在花膠雞鍋中有半隻肥美的雞🐔，店員很貼心在水滾之後為客人將雞剪開，方便食用。 入口帶有漿漿的感覺，用料十足😋，有數舊富有口感的花膠在內。湯頭十分鮮味，很有雞味，感覺滋補，很適合不能吃辣的朋友。麻辣鍋中已經有鴨血和豆腐，我們叫了小辣，但不是太辣，所以包子推介嗜辣朋友可能要選中辣或大辣🌶！⭐️手切牛小排 - 雖然叫了小的，但仍然份量十足。肉色紅潤，油花分佈平均，切得頗厚的，口感不錯牛味🥩濃郁，入口軟腍！必點！⭐️羊肉捲 - 以羊肉片🐑來說是比平常的大片和厚，正因如此燙過後的羊肉依然能保持口感，肉味香濃但不是太羶！⭐️蟹爪菇 - 容易索味的一道配料！賣相有趣！平時一般都是吃

中午忽然間想去打邊爐，但又諗唔到去邊度好，就即是醒起旺角有一間台灣過江龍「夫妻肺片」，聽講係台灣開到成行成市，而旺角分店就係佢哋喺香港開嘅第一間，既然我地係呢一間野附近，梗係去試吓啦。呢度午餐有供應午市優惠火鍋套餐，係晚市嘅4.5折，兩個人都只係$308，相當抵食！湯底我哋揀咗夫妻同美人鍋✨美人鍋養顏花膠原隻雞和夫妻麻辣鍋✨花膠雞鍋係原隻雞，個湯滾起後就會幫你切雞，啲雞即刻食零舍嫩，仲有大大隻雞脾！二人套餐包括美國西冷片拼美國肥牛肉卷、手工鮮蝦丸拼手工梅菜豚肉丸、菜肉蝦雲吞拼鮮蝦菜肉餃、黃金卷拼炸魚皮、雜錦菜盆、紅薯粉，仲包括飲品汽水兩罐和番薯糖水二人套餐仲會送一口牛兩串添，同埋其後所追加嘅食品都可以獲得半價優惠！美國西冷片拼美國肥牛肉卷手工鮮蝦丸拼手工梅菜豚肉丸 手工鮮蝦丸特別爽口彈牙，手打嘅果然不一樣，梅菜豚肉丸唔係得個名，真係有梅菜味菜肉蝦雲吞拼鮮蝦菜肉餃餃子🥟皮薄餡料多黃金卷拼炸魚皮炸魚皮香脆可口，黃金卷層次分明雜錦菜盆最後食埋個紅薯粉，吸收左湯底嘅精華，特別好食喺炎熱嘅夏天加上打邊爐梗係要飲野解渴，而呢個餐仲包括飲品汽水兩罐 或者加錢轉特飲分別係芒果青桔梳打、百香果鮮桔綠茶（

往旺角雅蘭中心購物後，便舆友人May晚饍，並预祝她明天生日！她一向愛吃火鍋我選了新開食店夫妻沸片~(台式麻辣火鍋店)先來暖男鍋(人蔘药膳鍋)，先讚光雞很嫰滑，取料也精選有靓雞件，鮮人蔘、黨參、准山、紅棗、枸子！此湯底一看滲著濃香湯味及奶白色！向愛吃火鍋的May先來小半碗頭啖㻛，即叫好湯底！這當然啦，是我選，十分正！海鮮拼盤取之食材新鮮，拼盤豐富，有(鮑魚、青口、虎蝦、桂花蚌、生蠔、帶子、扇貝、墨魚仔)！取之海鲜材料百花斉放是我們所喜的，價錢不贵，吃得很滋味！再配上店子的台式經典地道醬汁(蒜苖醬)之配合！我們笑著說好味呀！團團丸丸(手工丸)鲜蝦、墨丸、鯪魚、梅菜豚肉丸！手工製及新鲜，團圓大大粒！丸味道好又丸咬口有質感，慢慢吃熱騰騰丸子，點著自選醬汁，滋味啊！美國肥牛肉卷牛肉是涮火鍋必選，我是牛魔王喜吃牛，當然一大碟，來個大清場入肚子了！黃金卷(脆响鈴)必選，向來此一放湯一索湯材，夾著濃湯而入口，口感無得輸！店子裝修精緻，有格局，店內設備細心，各店員服務態度非常專業，有笑容細心！當然下次我們會再來，再吃其他未吃的東西此是很好的店夫妻沸片~值得推薦给你們的火鍋店

同朋友仔一齊去完行山當然要食餐好既滿足下自己個肚仔啦!咁岩架車係旺角附近落~~見到而間又唔錯！一於決定食佢啦湯底方面🍴🍴當然要叫個美人鍋啦聽個名就知夠哂養顔啦~~湯底入邊有唔少軟綿綿嘅花膠 連埋個雞湯一齊飲真係夠晒滋補養顏仲有一邊我哋就叫左一個夫妻鍋呢個係餐廳必點鍋底之一當然要試一試佢啦！ 由於我哋唔太食得辣嘅關係所以叫左小辣而且鍋入面仲有大量嘅鴨血同豆腐！ ！ 啲材料吸晒啲湯汁 再點埋台式地道醬汁- 蒜苗醬就very gooood la牛小排 🍴🍴因為見到隔離枱叫咗望落去好正咁我哋又跟住叫咗一碟黎試下 我哋果然冇叫錯~~牛小排雪花分佈得十分均勻 放落湯底度淥十零秒就食得 牛味極濃原隻鮑魚🍴🍴打邊爐當然要叫少少海鮮黎食啦鮑魚十分鮮甜爽口 而且size都算大粒下藉得一試喔！ ！ ！老油條🍴🍴平時打邊爐炸響鈴就食得多啦~ 今次見餐牌有老油條貪得意試一試佢 又真係幾正下 就咁食又得 ~放落湯底浸幾秒又得 夠晒新奇有趣蔬菜🥬🍴冬瓜同金菇可以講得上係必嗌架 冬瓜煮到溶溶地咁吸d湯汁！金菇好味程度已不用再解釋了叫埋個椰青一齊真係夠哂消暑

台式麻辣邊爐+花膠美人雞湯打邊爐又想不燥熱 女仔又咁貪靚啊 識叫就一定要美人雞湯啦又想坐得耐 打邊爐就最啱啦首先花膠夠滋潤味道夠豐厚 炆得夠滑夠林仲有半隻雞 服務員還會幫我們剪開一件件容易進食 非常細心 還會叫我們飲多啲雞湯先至開始打邊爐 雞湯非常清甜好滋補另一半嘅麻辣湯底 因為我哋唔係好食得辣所以叫咗小辣 幸好香而不會太辣 Order之後大約10-15分鐘內到齊嘢食,有效率. 牛小排 牛舌 脂肪非常平均 不會太多又不會太瘦 啱晒我哋食肉獸 特別介紹牛小排入口非常知重嘅牛味 很香好軟熟 牛舌 又非常軟熟不會太韌鮑魚 帶子 好新鮮 味道亦很鮮甜 再加埋老油條浸一浸個湯底不得了啊 吸哂d湯汁！！溫馨提示:麻辣湯湯底已有食唔完嘅鴨血同豆腐花膠雞湯又準備了半隻雞 正啊 ！同埋可以等湯底到齊再加Order👍🏻👍🏻👍🏻