夫妻沸片-台式麻辣火鍋 (已結業)

今晚試下旺角朗豪坊旁邊的夫妻沸片，但最近腸胃唔好要忍一忍唔食麻辣火煱😟咁點解我地仲黎這間台式麻辣火煱店呢？因為夫妻沸片除左出名食火煱，仲有乾伴麵套餐同車仔面選擇😍❤️堂食外賣都可以😙我點了美容養顏花膠雞濃湯配夫妻乾伴麵😁自家製手作麵好煙韌，個醬汁好入味微辣好正👍👍仲有半粒至愛糖心蛋🤤❤️花膠雞濃湯份量一D都唔少，睇落好似好油，飲落竟然沒有油膩感，湯底好清無落味精，雞肉嫩滑。仲有吸曬味既娃娃菜。每份餐都送飲品，加$13仲可以upgrade台式特飲，我們都選了御翠烏龍珍珠奶茶，同一般奶茶好唔同，茶味非常突出，口味甘甜，贊😍👍車仔麵的配料選擇好多又特別，而且每一碗都包括鴨血、麻辣豆腐同米血糕😊老公要夫妻麻辣湯，手作麵，配料選了原粒糖心蛋、翠綠油麥菜、爽口牛筋丸。湯底唔野少呀🤪我試左一細啖就投降了，好辣呀，唔會太濃味，配料豐富👍米血糕好特別，煙煙韌韌好好味。我地仲點了黃金魚皮，會唔會太貪心呢🤭係我暫時食過最好食既黃金魚皮😍❤️❤️魚皮又薄又勁脆，好似食薯片一樣🥰仲要配埋蛋黃牆👍👍👍唔係講笑，黎到一定一定要試💋🎉

今日嚟旺角雅蘭中心隔離見到呢度都有間夫妻沸片。門口嘅菜式招牌吸引咗我入去試😍愛美嘅女仕，一定要試「美容養顏花膠濃湯」配少少BB辣味嘅拌麵，麵質口感煙靭，花膠同雞肉，份量一大碗，雞肉鮮嫩👍🏻清清地配埋麻辣豆腐同鴨血嘅小食，仲有唔同款式飲品選擇。食台灣野，當然唔少得珍珠奶茶，非一般珍珠奶茶味道，茶底是御翠烏龍茶，比平日飲到的更甘香👍🏻「夫妻自選麵餐」揀咗自家手作麵，湯麵質感一樣好美味，仲有唔同選擇嘅配料，絕對是高級車仔麵🥰餐廳環境好舒適，原來午市一樣有台式麻辣火鍋，下次一定會再嚟試吓其他口味。

今日同朋友聚餐，又到打邊爐嘅時間於是大家都諗一間未食過嘅打邊爐餐廳，跟住行過朗豪坊近近地見到呢間台式火鍋於是就決定試吓啦！我哋係星期六大概8:00即時walk-in 入座都可以唔需要等，而且火鍋配料全場九折（如果9:30之後就七折）1.鴛鴦湯底（酸菜白肉／麻辣火鍋）酸菜白肉湯底唔錯而且個湯清清地，飲一啖覺得都幾好飲😋／已麻辣火鍋我覺得比出邊火鍋店舖好（因為佢冇乜油，我哋放啲生菜落去完全唔會索油，但有陣陣嘅麻辣香味🥰）我哋四個人每人食咗大約$250相對來講不錯👍而且餐廳環境很闊落，每張枱相隔嘅距離都有差不多一米😋食落都放心啲，而且傾偈都舒服啲啦隔離冇人。

在旺角找找吃辣的店，以為這家只有火鍋，但居然是有乾拌麵，便試試看。沙薑手撕雞配時菜雲吞 $88拌麵有三款，試一下這沙薑手撕雞。沙薑味重，手撕雞有口感。最出色是乾拌麵味道很好，微辣帶點甜味，質感好。午餐包飲料，要了百香果鮮桔綠茶，少冰，加$13，記得要攪拌好，也不會太甜！美容養顏花膠雞濃湯 $88另一碗拌麵好了花膠雞濃湯，花膠不算很多但雞很足料！拌麵自然也同樣出色，而飲料點了御翠烏龍珍珠奶茶（凍），也是加$13，少冰走甜之下味道也不錯！拍青瓜雲耳 $19小菜份量足，青瓜比較多，夠辣度，雲耳也夠脆口。黃金魚皮 $39黃金魚皮滿滿的鹹蛋黃，夠香脆，如果鹹蛋味更濃味會更加好。餐廳比較寬闊，坐得不錯，拌麵好吃呢！

🌟🌟🌟🌟🌟🌟🌟🌟🌟🌟🌟🌟🌟🌟🍽 夫妻沸片-台式麻辣火鍋 (旺角)📍旺角彌敦道639號雅蘭中心地庫B102號舖🌟🌟🌟🌟🌟🌟🌟🌟🌟🌟🌟🌟🌟🌟喺旺角是但搵啲嘢食下，見到呢一間發現未試過，就決定試吓啦，又唔係太貴鹵水拼盤 HKD108首先叫咗個滷水拼盤，裏面有豬大腸、牛展、牛肚、雞腎，份量都唔少性價比都OK，豬大腸好好味！我哋兩個人叫咗兩個夫妻自選麵餐，男朋友要左麻辣湯配紅薯粉，配料就有美國牛肉卷、安格斯一口牛、西班牙黑毛豬、滷大腸同台式糖心蛋，滷大腸真係好好味，糖心蛋都唔錯，麻辣湯底可以再辣d我費事食辣想清下腸胃，就要香濃雞湯配自家手作麵，配料就揀咗美國牛肉卷、安格斯一口牛、西班牙黑毛豬、鮮製魚皮餃、滷牛腱。餐廳唔小心比漏咗美國牛肉卷，但之後到態度好好，即刻跟進返，抵讚😊✨如果喜歡我的文章，可以關注我及讚好以作鼓勵喔✨

星期五晚同好友試下呢間過江龍，叫左個招牌煱，一邊麻辣，一邊花膠雞湯（半隻）。我好鍾意個湯底，麻辣得黎又唔太辣，我唔係好食得辣既都接受到，而個花膠雞真係堅料，我地都飲左兩三碗湯。食物就係每碟計，因爲我地兩個都係鍾意食牛，就叫左碟大既牛小排，都ok大碟，另外叫左個78元優惠既龍蝦，這個價錢，當然唔會係大隻龍蝦，但size都ok, 算爽口好味，另外就叫左油麥菜，響鈴，四寶丸。四寶丸共8粒，成百蚊，不過，四粒都大大粒，係彈牙好食既。但呢度已經成千蚊，所以無叫咁多野了😅食物黎講，真係好食😋😋....... 不過啲服務真係麻麻地，人手較不足，最攪笑既係：其實個menu有好多款台式特飲，不過全部售罄，我問侍應，他說因為太忙，無人手得閒沖，所以無得供應🙄🙄雖然今次唔係點了好多野，但結果最後都係飽既，因爲飲左花膠雞湯😅😅

與媽媽到旺角行街， 經過雅蘭中心附近剛好到午飯時間，兩母女即興去夫妻沸片吃午餐。 上次試過這裏的乾拌麵非常好吃，所以今次叫媽咪試下～夫妻乾拌麵套餐$88， 而我今次就想吃招牌夫妻麵$78、 再加兩款小食～麻辣嫩鴨血拼豆腐$38、 鹵水牛展$54。夫妻乾拌麵套餐～ 沙薑手撕雞拼時菜雲吞， 配麻辣鴨血和豆腐。 沙薑手撕雞非常嫩滑， 醬汁惹味帶點微辣， 推介這裏的乾拌麵。招牌夫妻麵～ 選了雞湯和手作麵， 雞湯入口香濃， 手作麵煙煙韌韌的口感，配上豐富的餸，有台式溏心蛋、 日本蟹柳、黃金卷、 手工梅菜豚肉丸、 極鮮牛肉丸、 韭菜豚肉餃、 蟹爪菇和時菜。 香滑的溏心蛋有流心效果， 手工梅菜豚肉丸肉質新鮮，爽口的牛肉丸， 食得好滿足。鹵水牛展～ 牛展鹵得好入味， 軟腍的口感， 值得一試。麻辣嫩鴨血拼豆腐～ 麻香撲鼻， 鴨血和豆腐真是同麻辣很夾的， 最緊要辣度適中， 適合 港人口味。很喜歡夫妻肺片的乾拌麵， 仲有這裏的麻辣鴨血， 每次食完之後都會回味一番。

今日中午想簡簡單單食碗麵，行到雅蘭中心見到呢間台式火鍋店，原來都有做麵餐，車仔麵咁叫，仲係火鍋湯底，就入去試吓啦。我朋友好食得辣，叫咗呢個麻辣湯底，見到個樣都覺得出晒汗，全部都係紅色，仲有特別嘅紅薯粉，本身個湯麵已經送香港好少食嘅米血糕，麻辣豆腐同埋鴨血，朋友在叫咗啲餸，佢話最好食評安格斯一口牛，肥瘦均勻，入口即溶，美國牛肉卷OK，都幾滑。我就簡簡單單叫呢個砂礓手撕雞拼時菜雲吞，仲有個豆腐小食。砂礓手撕雞味道濃郁，啲雞都幾滑，特別讚好佢個糖心蛋煮得啱啱好。另外一個雲吞嘅雞湯湯底好濃，我溫都有大隻蝦係入面，真係想試吓下次夜晚嚟打邊爐。見到餐牌有大大張圖寫住黃金魚皮，即刻忍唔住想試，除咗炸魚皮啱啱炸好之外，上面嘅蛋黃醬都仲係熱嘅，溶晒係魚皮上面，唔使點湯就咁擺入口都覺得正。另外呢個滷水牛展都做得唔錯，啖啖肉，味道龍得來牛腱整到好林，都係入口溶化嘅感覺希望下次會約埋成班朋友過嚟，一齊試佢個麻辣打邊爐

夫妻沸片-台式麻辣火鍋@旺角成日都想食椒麻乾拌麵首先吾多地方有其次椒麻味都吾夠今次試下一間火鍋店的乾拌麵仲要襯埋花膠雞湯一齊品嚐😋美容養顏花膠雞濃湯配椒麻乾拌麵先講我的最愛乾拌麵麵煮得剛好 好彈牙椒麻味好重 但吾會太咸好好食😋花膠雞湯又係不得了一整隻雞腿的花膠湯湯濃雞滑 花膠麵有吾少食完濃味的椒麻拌麵飲啖雞湯就好完美😌仲有麻辣鴨血拼豆腐做前菜鴨血辣得足夠食完辣 再食椒麻麻辣得好有層次感😋味道：7.5/10💰消費：$88

之前都有試過這間晚市食麻辣火鍋，相比之下晚市同外賣比真係相差好遠好遠，今日呢個套餐，賣相都尚算可以，但一打開盒乾撈麵，真係乾得好緊要，一個麵餅咁，麻辣湯一打開得一少半，餸又少，仲要湯底少少辣味都無，只有咸味同少少麻；而花膠雞湯一打開份量又係好少，仲要有一片油係面，攪勻左就好少少，但雞同雲吞數量又係少之又少。。。個湯麵最終都加一大半湯先分得開一條條，食完之後大家都好口渴，大家都決定唔會再叫呢間外賣。

#夫妻沸片-台式麻辣火鍋 (旺角)除了火鍋仲有麵餐。2個人食飯時，食火鍋食不下太多，價錢亦比多人貴。忽然2個人食飯時，想食台式火鍋湯底同麻辣鴨血，揀夫妻沸片麵餐/車仔麵係唔錯既選擇。美容養顏花膠雞濃湯 乾拌麵套餐 $88好好彩分到雞髀，雞同花膠塊都幾多。花膠湯唔算濃郁，清清香香，好順喉，略嫌唔夠熱。 乾拌麵惹味，乾蔥蔥椒油撈後好香，麵質好掛汁。食完麵飲湯濕返喉嚨，很不錯。仲有一碟仔，麻辣鴨血同豆腐各一舊。😍我為 麻辣鴨血而來。兩者都很入味又嫩滑。招牌夫妻麵 $78有選擇困難症既我，直接要了預先設定好的招牌夫妻麵。湯底很麻辣刺激，可惜紅薯粉應該係預先煮好，所以吸唔到湯底既味道。整體配料都好豐富。鹵味拼盤 $128有牛𦟌、大腸、牛肚同雞腎。全部都鹵得好入味。牛𦟌、大腸、牛肚，鹵完後都保持到彈牙同嫩，好食。

雖然旺角唔係咩大嘅工商區，無工商區嘅傳統食肆賣平靚正野食，但都有好多本身淨做晚市嘅鋪兼做埋午市，等我附近番工都有好多選擇。呢間鋪應該專做晚市火鍋，雖然我入到黎見到有人真係食火鍋，但大多數人都係叫我呢一種午餐，有麵有湯，加多個小食真係飽到上心口！可能佢本身做火鍋，午餐配送嗰個湯真係似落左心機嘅！清甜香濃！至於個撈麵，少少辣，好開胃 至於黎野食嘅速度，可能佢平時做開火鍋晚市，大家未必好趕時間，午市黎計真係算慢左少少，叫左差不多20分鐘先有小食、麵要大約30分鐘先有。要預多少少時間食野

近排我突然心血來潮，想去食下台式火鍋，就上黎揾左呢間餐廳諗住試下佢,但點知真係有d失望。一開始門口的哥哥仔都算有禮貌，解釋詳盡，但入到店內開始點餐時就覺得d員工態度一般，問佢地餐單的問題時，他連答都懶答，只用手指一下就算。叫左啤酒唔夠凍，問佢攞冰桶又無，就咁開左支酒就焗我地飲。入門時有提過用餐時間有2小時，但我地食左未夠一個半鐘就有人催枱，話有人訂左等緊。食物質素都算ok，但對我個人來講，台式火鍋應該係服務態度同食物質素並重，今次呢間真係有待改善。

過咗咁耐冇去旅行嘅日子有啲掛住台灣所以今日同朋友去食台式餐廳lunch 回味一下😍 環境仲好舒服，好有台灣餐廳的感覺~Lunch餐牌食物選擇包括 我至愛既伴麵套餐，自選麵同各式小食夫妻麻辣燙半肚半肉(可以選擇雞湯湯底)首先個麻辣拌麵真係一流，真心推介！另外雞湯比較鮮味，所以個湯辣辣地又有雞湯味幾好👍🏻美容養顏花膠雞濃湯配紫薯拌飯紫薯加花膠本身就已經係一個高度養顏之選。紫薯飯食落甜甜地都幾開胃黃金魚皮100分咬落去超級脆又有蛋黃味，好好味啊~推薦！麻辣鴨血拼豆腐鴨血同豆腐好入味，唔洗去至台灣都食至一至既水準👍🏻

這間店舖位於旺角人流好旺的位置！這間店舖係地舖十分之唔錯！店舖裹面都算好寬闊！環境好特別！裝修古色古香真係好有feel！。至於食物方面:店舖唔至係麵食！同時有食火煱相當唔錯！食物大部份都係台灣特式食物！味道相當唔錯！如果喜歡食辣嘅朋友可以選擇！另外還有濃郁香濃雞湯非常唔錯之選擇！。自由配搭麵食:我就叫咗鴨血、豬腸、牛筋丸、台式溏心蛋烏冬夫妻麻辣湯！味道十分之唔錯！鴨血十分之唔錯！食入好腍身！十分之滑口又有口感味真係唔錯！台式溏心蛋好正！十分之軟滑又夠流心味道又唔錯！真係好正！牛筋丸又夠味道！咬入口夠爽口彈牙！豬腸十分之腍闯！又夠味道又唔會過靱恰恰好！好有水準超正！另外一碗香湯雞湯做湯底！雞湯十分之濃郁！味道真係好夠！好好味道！雞湯味道好重！稻庭烏冬食入口好彈牙！軟硬適中恰恰好！食物方面又有質素！真係唔錯！優惠套餐優惠額外奉送:麻辣嫰鴨血、麻辣豆腐、米血糕一件！價錢方面一般！台灣道地食物值得試吓！