夫妻沸片-台式麻辣火鍋 (已結業)

今日出雅蘭搵醫生睇報告，身體各指數非常健康，既然咁高興，又去食餐好西先😋一向對台式美食情有獨鍾嘅我，經過呢間食台灣菜嘅夫妻沸片，二話不說就衝入去。店內裝修同傢俬都非常有特色，好有氣氛！「自選同心麵」可以話係台式嘅車仔麵，配菜好多選擇。另外有「台式乾拌麵」，即係撈麵之類，仲有台式小吃。阿媽叫咗個花膠雞湯配乾伴麵，套餐包括溏心蛋、麻辣鴨血及豆腐，雞湯好清，花膠切成小段，味道唔錯我就貪心啲，點咗同心麵揀咗要雞湯紅薯粉，仲揀咗5個餸，包括牛肉卷、安格斯一口牛、梅菜豚肉丸、鮮蝦菜肉餃、同我最愛嘅鴨血。每款餸數量都唔少，而我覺得最特色係梅菜豚肉丸，真係好有媽媽的味道另外仲叫咗滷牛腱同滷牛肚，兩款都非常入味好開心今日又發掘多一間台灣菜餐廳，又可以記低佢！

嚟旺角行街前食個lunch先 好耐無食台灣野喇 search吓openrice見呢間夫妻沸片 有乾拌麵食 就搵路去 原來佢唔起雅蘭中心裡面 係起外面有條樓梯 落地庫先去到 入到裡面幾有氣氛 燈光氛煙 牆身用色比較淡雅既灰色 椅桌以木為主 仲有種中國風 我哋兩個人一人叫左一份麵食同飲品 我就叫咗個招牌滷水麵 今朝早起身無食早餐 無選擇到麻辣湯底 揀咗香濃雞湯 食得滋味又唔洗傷胃 㨂咗要呢度既自家手作麵 幾q彈 食落似平時台灣拌麵既椒麻香味 飲品方面優惠價加咗13蚊要咗杯 培茶鐵觀音珍珠奶茶 幾出色比平時專門沖手調飲品既連鎖店更加好飲另外叫既美容養顏花膠雞濃湯手作麫 雞湯幾清甜 雞幾嫩滑 手作麫放湯好軟滑 彈牙 仲吸引咗湯既精華 幾正 另外仲叫咗兩款小食 黃金魚皮同鹵水牛展 黃金魚皮好美脆魚皮沾滿蛋黃醫 幾惹味 鹵水牛展切得好均勻 食落夠薄夠入味

Taiwanese hotpot in mind is always fresh, healthy and delicated! But the trail in this restaurant totally break my previous memory of Taiwanese hotpot. We ordered mix-flavored pot with spicy and pork with pickled cabbage. The pot itself tasted not bad, average flavor. The dishes we order really made me disappointed. Every dish we ordered is not fresh and feel like they have been purchased from local supermarket and stored for a long long time. What’s more, the waiter and waitress are obviously

旺角呢一間台式打邊爐之前已經食過有啲疫情關係而家好多人都少咗打邊爐上次食係非常之好味因為佢啲配料全部都係由台灣進口見到佢出車仔麵套餐 為咗再食啲配料同埋個麻辣湯我老公唔食得辣見到佢有啲台式套餐麵好想試下.💟砂鍋手撕雞配時菜雲吞雞雞係冇骨嘅 非常大兜 有麻油香最重要係有沙薑撈埋一齊非常惹味啲雞仲好滑😘另外抵讚嘅係溫泉蛋 啱啱好流心雲吞就不過不失 入面有蝦份量都唔少另外仲送咗個台式湯 味道都唔錯 撈麵方面 爽口彈牙個汁幾香👍👍連埋啲雞一齊食好正啖啖肉 成個餐點都好滿意❤️💟招牌夫妻麵非常多餸 我叫咗懷念已久嘅麻辣湯 又濃又香又麻又辣 超正！！入面一樣有流心溏心蛋 另外仲有 七隻台灣進口嘅配料特別鍾意佢隻牛丸又彈牙有juicy😁另外又可以食到其他地方好少見嘅蟹爪菇黃金卷加埋湯真心正💟小食方面我叫咗滷水牛肚分量非常多 個辣汁好正啲牛肚整到又淋唔會黐牙非常正😁😁如果散嗌跟套餐可以再平啲就咁完美.🎀夫妻沸片-台式麻辣火鍋🎀旺角彌敦道639號雅蘭中心地庫B102號舖

之前有朋友同大食妹介紹呢間夫妻沸片嘅沙薑手撕雞配台式乾拌麵套餐好好食搞到大食妹又心郁郁, 搵埋朋友仔特登走去旺角食<沙薑手撕雞配台式乾拌麵>大食妹就係衝住呢個套餐黎夫妻沸片, 黎到梗係要嗌返份嫩滑嘅沙薑手撕雞裏面主要係雞皮, 食落鹹鹹地手工麵非常有咬口, 配上清爽嘅青瓜絲同埋獨有嘅麻辣醬汁, 一級棒套餐仲包括雲吞雞湯、麻辣鴨血拼豆腐同汽水, 食物種類非常多元化<夫妻麻辣湯半肚半肉跟台式乾拌麵>朋友仔就揀咗份夫妻麻辣湯麻辣感係拌麵嘅雙倍程度鍾意辣嘅朋友不妨嚟試一試<麻辣嫩鴨血配豆腐>因為大食妹覺得跟餐嘅鴨血食落唔夠喉, 再加多份鴨血配豆腐, 食埋就好滿足啦<老油條>鍾意煎炸野嘅朋友仔就揀咗份老油條, 食落都幾有台灣風味

  最近成日食外賣，來來去去都係食個D野，真係好悶~~~難得家下可以放鬆一D，就如朋友出來抖抖氣，食下台灣風味的午餐~補償一下冇得去台灣的失落感先得~!   店內的設計好古色古香，呢到本身是主打火鍋的，不過夏天的午餐，同樣有供應SET LUNCH。SET LUNCH主要是麵食，包一個飲品。仲有D台式小食，都幾多選擇。先來一客牛腱，好厚切而且非常入味，正呀~!再來一客牛肚，哇~真係好耐冇食了, 好林唔痴牙~!又爽爽地~好味呢~$88沙薑手撕雞拼時菜雲吞，另配台式幹拌麵。麵比較粘，好咬口，味道調得不錯。招牌夫妻麵，配香雞濃湯及自家手作麵。$78其中有好多配料，都抵食夾大份。夏日炎炎，最好飲呢個洛神酸梅冰，好開胃呢~

本來以為呢間餐廳只係得麻辣火鍋，但今日經過見到餐牌有麵食，決定入去試一試🍜今次揀左一份夫妻同心自選麵同美容養眼花膠雞濃湯乾伴麵，仲叫左滷水牛腱同牛肚做小食，試左佢既台式特飲洛神酸梅冰夫妻同心麵可以自選吾同既配料、湯、麵底，推介牛筋丸爽口彈牙，而溏心蛋呈流心狀，而手作車仔麵夠煙韌彈牙，另外叫湯麵套餐仲附送左米血糕、豬紅同豆腐😛唔洗驚唔夠飽啦花膠雞濃湯乾伴麵份量大，麵質同手作車仔面一樣但加入左微辣既醬汁，更加惹味，花膠雞濃湯湯底清甜，雞肉肉質結實煙韌，值得推介滷水牛腱同牛肚既味道入味，牛腱既筋肉比例平均，牛筋同牛肚咬落軟腍，鐘意食牛內臟既朋友仔要試下啦天氣熱辣辣試左一杯洛神酸梅冰，酸梅味道偏重，飲落酸酸甜甜，好開胃解渴呢間餐廳雖然以火鍋為主，但如果選擇麵食會安排另一邊既枱比客人，吾會令客人滿身都係麻辣味，不過當晚為我地落單既店員態度一般，感覺可以有所改進，但食物不俗

係夫妻『沸』片，唔係夫妻『肺』片吖。前者係來自台灣嘅台式麻辣火鍋店，後者係四川菜的一個菜名。呢日中午來到旺角雅蘭中心地庫嘅『夫妻沸片』，装潢唔錯，地方比想像中大，可以坐得好舒服。點咗份『招牌夫妻麵』，既然係麻辣火鍋店，咁就要個麻辣湯底喇，好香好順口的湯底，怕辣就唔好飲湯，一般人都頂得順嘅，除非你完全吃唔到辣，材料亦多，有溏心蛋，蟹柳，蟹爪菇，黄金卷，牛肉丸，手工豚肉丸及韭菜豬肉餃再連埋自家做彈牙手工麵，满足。而随餐附送嘅麻辣嫩鴨血，豆腐和來自台灣的血米糕都係充分體現了台灣美食味道。另一份『美容養颜花膠雞濃湯乾拌麵』係朋友叫嘅，佢亦都好满意啲濃郁有營養嘅雞湯同埋養顏的花膠。小食拼盤有滷牛肚，滷牛腱，滷大腸和滷腎片，全部滷得好入味，但又唔會太鹹，可以話係醇香可口，來到嘅話建議試一試呢味舔舔脷嘅食物。

我哋試咗兩個乾拌麵套餐美容養顏花膠雞濃湯麵好有嚼口但啲麵一餅野咁 好難分開 而乾拌麵唔算好辣 係微辣 雞湯入面有雞件、花膠同紹菜 雞湯既味道好濃郁 反而食落既雞就失色咗少少沙薑手撕雞拼時菜雲吞沙薑雞好有沙薑味 個沙薑既味道好均勻咁鋪滿雞絲上面 滷大腸好入味 滷水味好香濃麻辣鴨血拼豆腐味道好惹味 但上枱唔係好熱 豆腐係偏紮實既 鴨血無血腥味 食落有少少麻焙火鐵觀音珍珠奶茶好香茶底味 珍珠帶有啲黑糖嘅味道 我揀咗少甜 配搭埋奶香 甜度啱啱好👍🏻👍🏻翡翠檸檬烏龍茶凍檸茶來的😂😂😂

依家先知除咗打邊爐，夫妻沸片既午市原來係有台式拌麵同台式車仔麵食。港式嘅車仔麵就食得多，台式嘅係香港就比較少見。落單嘅時候需要用電話掃QR code下單，十分鐘左右就有熱辣辣嘅食物送上枱面了。美容養顏花膠雞濃湯可以配搭乾拌麵或者紫薯拌飯。紫薯拌飯真係第一次聽，而我就冇乜冒險精神🤣所以就揀返傳統嘅乾拌麵，可以選擇微辣或者走辣，加$12可以另外轉其他台式嘅飲品。花膠雞濃湯嘅湯底濃而不膩，入口幾舒服，而雞件都夠滑嫩。而我非常鍾情於呢到既乾拌麵，入口有少少甜品，個醬汁好開胃。雖然係「乾」拌麵，但係麵條唔會好乾身，乾濕度適中，條條分明，口感幾彈牙，相當唔錯，尤其係個醬汁要大讚。而流心蛋亦都夠流心，亦都好入味。另外我地又點左一份麻辣湯既車仔麵套餐，揀咗美國牛肉卷、麻辣鴨血、日本蟹柳同台式溏心蛋。車仔麵嘅配料選擇都算豐富。麻辣湯底既辣度真係幾辣，麻味就唔算好突出，但係就唔會話辣到要不停飲水個種，純粹係覺得好辣，應該差唔多接近中辣既程度。麻辣鴨血好入味，口感滑溜，而且喺香港比較少食得到。夏日炎炎當然少不免要飲返杯凍冰冰嘅台式飲品，培火鐵觀音珍珠奶茶可選擇少甜或走甜，我一向都好鍾意濃郁既茶味，所以呢一杯

之前嚟過依到食台式邊爐係幾高質，今日又行過但係唔想打邊爐，就決定嚟試下佢嘅台式麵。珍珠奶茶食麵set可以加錢轉飲珍珠奶茶，本來對食嘢地方嘅飲品都無乜特別大期望，但係依到嘅珍珠奶茶絕對驚豔到我！首先我哋叫咗小甜，餐廳真係有做到小甜俾我哋，奶茶嘅奶同茶比例balance得好好，會飲到香濃嘅茶底，加埋煮到入晒味同彈牙嘅黑糖珍珠，十分推薦加錢轉飲！滷牛腱🐮我哋好肚餓，除咗麵set仲叫咗兩個小食😛見依到滷味小食好多款揀就叫咗個滷牛腱。值得一讚嘅係依到小食嘅份量都好多，至少有十幾塊牛腱，牛腱滷得好入味，好香花椒八角味，悶得好林，好值得食👍🏻鹹蛋黃魚皮🐟我食麵好鐘意加魚皮😗難得依到有咁出名嘅鹹蛋黃魚皮食緊係要試吓。魚皮嘅份量同樣好多，脆卜卜，上面掛滿鹹蛋黃，好惹味，忍唔住係咁食😂沙薑手撕雞乾拌麵 + 時菜雲吞 + 鴨血豆腐🐔🍜個餐一嚟到就聞到拌麵嘅香味！食落係老媽拌麵嘅好食version😂少少辣令到成個面更加香，完全係食唔停口。麵上面嘅沙薑食得出係嫩滑嘅雞脾肉，沙薑雞撈埋落個麵到更好食，另外隻溏心蛋都好流心。時菜雲吞碗湯唔會係死咸味精湯，隻雲吞好飽滿，食完拌麵飲碗湯岩岩好。另外個set仲包咗麻辣鴨血

一行5位同事過來吃午飯，人很少。點餐一定要自行掃二維碼落單，我們叫了5個午市套餐。上餐後，有一杯奶茶要求凍轉熱，服務生死都唔卑轉，話order唔可以改，只能重新加。態度極差。稍後又在雞湯套餐食到頭髮......以後都唔會再來。

為了滿足旅行心態今日去火鍋店食午餐 當去左台灣夫婦沸片餐廳位於雅蘭中心地牢 好寬躺 雙雙選擇麵食套餐QR落單夫妻麻辣湯半肚半肉肥牛牛肚爽 麻辣湯底夠麻 辣度剛好 食時小心 不要污染到衫😂乾拌麵超彈牙 蔥油麵味道？！ 不太肯定不過好夠味 半隻流心蛋麻辣豆腐麻辣鴨血各一舊 包飲品一杯我呢 沙薑手撕雞配時菜雲吞手撕雞份量足 重重沙薑味 麵食一樣彈牙雲吞兩粒 內裏包有隻隻蝦仁小食呢 當然少不了麻辣鴨血黃金魚皮 必食脆卜卜 新鮮熱辣 每塊魚皮包滿鹹蛋黃粉同包裝鹹蛋魚皮無得比建議3人或以上點 唔係會好漏🙈喂呀 啲間好食呀 可以試🙂

花膠雞湯乾拌麵 $88成個雞湯都飲得，飲晒都唔會覺得口渴。花膠係簿簿的，食落好滑帶少少爽， 補充骨膠原，係女士既恩物。雞肉皮薄肉嫩。 乾拌麵口感煙韌，帶蔥香味， 整體來講值得一試。招牌夫妻麵$78麻辣香味十足，咪睇湯面佈滿辣油，但其實只係微辣，會愈食愈上癮的香辣。半熟溏心蛋，甜甜的醬油味，蛋香味濃。有台灣直送鴨血同豆腐，鴨血大件爽口冇異味，吸晒麻辣湯汁，好食！鹵水牛展 $54以小食來講份量都幾多，有15片左右。牛展鹵得好入味，鹹甜適中，肉質有彈性，筋位唔會韌，如果再熱辣辣就仲好食啦。黃金魚皮 $39炸得非常酥脆，滿滿一層鹹蛋黃漿，食落好香濃有起沙既口感，好邪惡，要2個人share食先得，如果唔係會有膩感。鐵觀音珍珠奶茶 $13店員推介可以，果然好飲，茶味非常突出，唔會好甜，啖啖鐵觀音香味， 但珍珠偏淋，唔夠煙韌。芒果青桔梳打 $13酸酸甜甜好開胃，冰涼解渴。

今晚同同事係旺角放工之後係附近找晚飯食。雖然已經夏天，但大家都好耐冇食過辣野，所以就㨂左這間係雅蘭中心的四川菜食。佢係雅蘭中心的則門位置，即係山東街，正門反而入唔到去。晚市佢除左打邊爐外仲有亁撈麵同車仔麵餐。同事冇咁食得辣，點左美容養顏花膠雞湯乾撈麵。個雞湯好入味、好補，而且乾撈麵都辣辣地，溏心蛋亦都好味。我點的麻辣車仔麵唔算好香，略為失色，但啲餸的質素相當出色，安格斯牛柳粒牛味好重、鴨血、牛丸亦都唔錯。小食黃金魚皮岩哂啲鐘意食咸蛋的朋友，而滷水牛腱亦煮得好淋、好入味。