太郎居酒屋

營業中

休息中

今天去太郎居酒屋用膳，餐廳是新開張的，環境都可以。叫餐後等了約15分鐘才上菜，而但當中並沒有茶水供應，也沒有說有餐飲，最後要進食時覺得口乾才叫他送上茶水，那時才告知有餐飲。壽司定食到了，才發現沒有提供豉油碟和WASABI，才是要問才有。亦見到後面座位的客人亦是問有沒有紙巾。可能餐廳較新，覺得應有的提供不足。

好耐冇食日本野啦，心癮起，搵左間新開嘅日本居酒屋試試，解一解鄉愁😂😂呢間日本居酒屋好骨子，每張枱都大大張四四方方，幾舒服。望一望餐牌，啲串燒好抵食，鐘意食雞肉嘅我叫左好多串雞試，有七里香啦，雞軟骨啦，蜜糖雞翼啦。。串燒嘅火候剛剛好，唔會老得濟，面頭燒得 焦香，味道都唔會過咸，唔錯唔錯。 最鐘意個蜜糖雞翼，甜甜地，隻雞翼好飽滿，啖啖肉，食完甘多雞肉好滿足☺️☺️☺️去居酒屋點可以唔食丼飯，我地叫左同舖頭名同名嘅太郎三色迷你丼。同舖頭同名嘅應該係鎮店菜。188蚊有3樣丼飯，有香葱吞拿魚腩蓉丼飯，加拿大海膽丼飯，同埋三文魚籽丼。三樣都係大路丼飯，冇伏野。我覺得性價比幾高。 全部食材新鮮，而且醬汁調味同配料都做得幾出色。整體嚟講，我覺得呢間餐廳嘅食物價錢合理。餐廳侍應態度幾好，都幫我地加左幾次水，可以encore。😋

同個friend行完街又未太肚餓，想搵間居酒屋食下串燒刺身先，呢間尖沙咀樓上GE日式居酒屋就fit哂。店員安排左我地坐卡位，好夠私人度，會有個屏風遮住，感覺更加安全衛生～由於我地只係想過下口癮，好多都係嗌左一串share煙肉蠔串 - 粒蠔好飽滿，同煙肉GE咸香相輔相成，估唔到咁夾雞皮 - 好香脆，同埋都夠乾身，唔會有好油膩嘅感覺荔枝豬肉卷 - 有荔枝GE清甜中和，更加提升到肉香安格斯牛柳粒 - 咬落去完全無筋，好嫩，牛味都夠濃厚切五花腩 - 呢個個質感係爽口，有D七味粉調味，食完想再encore雞骨腸 - 同我想像中唔同，裡面質地係比較實心個種，不過味道都好好蒜蓉牛油燒蠔 - 簡單調味就已經好好食，裡面仲keep到好嫩滑juicy刺身拼盤 - 有池魚、油甘魚、、赤蝦、海膽、拖羅同三文魚籽，全部都好新鮮，本人最鍾意拖羅同海膽，拖羅入口回甘順滑，十分高質，海膽就更加唔使講，超大塊之餘入口好creamy，唔捨得一啖吞哂落口 

食好西是近來唯一令人開心的事。所以今晚又去食我最愛的日本菜。這間新店裝修得好潮，門面勁靚，裏面好有特色。店子小小，但大部份都是包廂，空間格局一流，最適合和知己來相聚！刺身是新鮮空運，當然要吃來讓我心身都得到滿足。六品刺身盛。刺身種類以當日來貨而定。今次就品嚐到真錭、金錭、拖羅、池魚、生蠔和海膽。刺身肥美，色澤鮮活，吃得出每款魚刺身各自特有鮮味，味道有淡有濃郁，絕對是味覺的享受。而生蠔漲卜卜水潤奶白的色澤，已經讓人吞口水。咬下一刻海的香氣在口中擴散，是極為鮮活的貨色。海膽同樣令人讚歎。肥潤的質感，色澤金黃鮮艷，味道濃厚，甘甜帶點清苦。再來是串燒，可說是雞串燒的盛宴。雞軟骨、雞心、雞腎、蜜糖雞翼、鹽燒雞翼什麼的都點來吃吃看。燒得剛好，味道質感各有層次，吃得滋味滿足。這種特別叫一款串燒來吃都滿好玩的，下次可以來個海鮮串燒盛宴😆。不過我們還要了羊架，啖啖肉沒法忍住不吃😋。

星期六去左尖沙咀新開嘅日本餐廳食野。餐廳充滿日本風，仲要係型格日本風。餐廳有四五張枱，有一張枱係包廂榻榻米。整體座位闊落， 私隱度高。二人行叫咗佢推介嘅太郎三色迷。另外再叫咗個天婦羅。太郎三色迷你丼有香蔥吞拿魚腩蓉丼， 加拿大海膽丼，三文魚籽丼。 性價比高，一次過可以滿足三個願望，食到吞拿魚腩蓉， 海膽同三文魚籽。 每樣野都好新鮮，海膽控嘅我表示海膽creamy鮮甜！舖底嘅飯亦都好味， 日本米煙韌，加咗醬汁嘅飯都唔會太鹹。天婦羅：有蝦，冬菇，秋葵，南瓜，蕃薯。食物上枱嘅時候，侍應哥哥仲同我哋講旁邊好似樹枝嗰抽擺設物都可以食。 食落的確幾好食脆脆地。 講番個天婦羅先，蝦同冬菇各有兩嚿，啱晒兩個人share。炸粉唔厚，脆，唔太油，點埋啲蘿蔔蓉同埋豉油，好快就食曬成碟😂唔錯唔錯🤤

今日黎試試呢間係流尚坊新開既日本餐廳～食物賣相同味道都唔錯👀入面有一個6人座位既卡座～有一個特色牆係舖頭，連電梯大堂都有～午餐定食選擇好多～每個餐仲配沙律🥗、茶碗蒸🥚、味噌湯～有需要仲可以加配飲品同壽司🍣角切魚生丼定食🍱 $98角切魚生好充料！刺身既數量都幾多下，而且幾新鮮，飯底🍚都好夠味👍🏻黑松露唐揚炸雞🍗 $82一碟5件炸雞🍗，炸雞唔會炸到好燶，入面雞肉仲好滑同有少少肉汁👏🏻 配黑松露醬更加加分🤗

想食好嘢都係要周圍捐窿捐罅，周圍試新野係我最鍾意嘅習慣，當然都會試過唔少中伏嘅經驗啦，而今次真係令我覺得喜出望外啊！太郎居酒屋係喺尖沙咀新開嘅日本風格嘅居酒屋！位置喺Hermès對面！真係超級易搵啦！好彩我哋早啲嚟到，未撞正lunch時間，遲多少少就要企喺門外都等到！新開嘅舖頭來講，人客都算比較多，見呢度應該都有質素嘅保證！我哋食午市套餐，呢度嘅套餐包括有前菜蒸蛋沙律同埋麵豉湯！今次我哋就揀咗三文魚親子丼飯，同埋黑松露堂楊炸雞定食配白飯！兩個都係好好食，炸雞熱辣辣好新鮮，完全係即刻炸嘅水準，油而不膩！好食！而三文魚親子丼，都幾足料，食落都幾新鮮嘅三文魚！下次會再嚟試吓食晚市，睇Menu有好多串燒嘅選擇！勁吸引！

黎到尖沙咀，想搵間新開嘅日本餐廳食飯，上網搵吓，竟然比我見到呢間太郎居酒屋，呢間係位於海港城嘅對面，位置好方便，成幢大廈都好多嘢食，今次就揀咗呢間新開嘅日本嘢試一試。呢度一上嚟裝修好鬼靚，仲有private corner，比六個人嘅朋友一齊聚會，嗰個位好有feel，好似坐緊她他me咁！因為我同老公兩個人嚟食，所以呢就坐出邊嘅卡位啦，佢張凳好似酒莊酒桶咁！好特別，未試過坐呢啲櫈！講返正題先，今次黎食午市套餐！都有十幾樣選擇，諗咗一陣先至揀到！首先第一個係三文魚親子丼定食，超級多魚子，超級好食！完全係勁足料！仲有前菜同麵豉湯仲有蒸蛋添！$150真係抵食到爛！而第二個餐就係黑松露炸雞定食，而呢個就係配白飯嘅，啲炸雞真係有黑松露嘅味道，旁邊仲有黑松露味嘅沙律醬，增添個黑松露嘅味道！而呢個仲係$82咋！啲人話寫試新野會中伏，今次真係完全冇中伏仲好有驚喜添，下次一定要再嚟試其他嘢！

今日lunch 約左好朋友食飯，尖沙咀廣東道流尚坊有好多餐廳，知道最近有間新開嘅日本🇯🇵餐廳好似唔錯，依家仲係試業期間，今次可以先睹為快，正呀！首先講講餐廳嘅裝修，超級日本🇯🇵風，好似去左旅行咁，如有三五知己，又想要私人空間，可訂tatami 位呀！Lunch set 價錢合理，$72 起，好多選擇，有丼飯，烏冬，定食或咖喱🍛飯等等，而且仲包沙律🥗，前菜，麵豉湯，茶碗蒸，份量甚為豐富！豬骨濃湯讚岐烏冬配天婦羅蝦，芝士竹輪，$88，份量好大碗，有3大隻蝦，炸得金黃，蝦質感亦好彈牙，而且天婦羅炸漿夠薄身，好脆口！湯底呈奶白色，超濃郁，充滿骨膠原，烏冬好彈牙，最正係個芝士竹輪，一咬咇哂啲芝士出黎，正👍🏻👍🏻

今日又係去尖沙咀. 上次食過係廣東道Apple Store 🍎 旁彩星集團大廈.原來隔離流尚坊都勁多餐廳. 今次簡左呢間位於9樓日本菜🇯🇵 .我係2PM去到, 都仲有SET LUNCH 🔖, 價錢相宜.雖然我係自己一個人食, 但店員都比左個小包廂我. 入面仲有部空氣清新機, 感覺好安心!! SET K 三色刺身丼 $138 🍱刺身好鮮甜, 份量都係幾多, 食完真係好飽. 🦐大蝦有驚喜比到我, 爽口同埋好新鮮. 個飯係MIX左鼓油, 基本上你係唔需要再加.另外跟餐有個面鼓湯+蒸蛋+沙律. 我最滿意就係蒸蛋, 超滑.串燒而家做緊PROMO, +$5 就已經有一串.我簡左秋葵, 墨魚咀, 和牛牛舌, 翠肉瓜, 粟米🌽. 全新都係即燒, 好好味. 😋😋😋總結: 呢間係新開既餐廳, 我係OPENRICE 完全搵唔到相關食評, 都係膽粗粗試下. 點知上到去又好乾淨, 環境都幾舒適, 食物質素都唔錯. 👍🏻

跟朋友吃完晚餐後，感覺沒有太飽，所以就打算找找附近有什麼好吃的，結果看到這間最近新開的餐廳，就來嘗一下新吧！芒果炸蝦卷（５８元）這個意外想不到份量挺大的，一共有六大卷！吃起來炸蝦非常香脆，芒果又非常香甜，還有酸甜的沙律醬作醬汁，配合起來味道挺不錯！厚切五花腩（２３元）這個是燒完以後再加上七味粉，所以吃起來會帶點辣辣的感覺，而且油香十足，肉味香濃！雞皮（２串）（１８元）這個用上鹽燒的手法，雞皮的燒得非常香脆，吃起來完全不會油膩！三文魚壽司（１６元）三文魚挺嫩滑的，而且有魚香味，配合帶點酸的壽司飯，吃起來味道也不錯！

跟朋友下午茶食得比較飽，於是找了附近一間新日式餐廳吃一點點。原來開業的八折優惠已經完結，但透過訂座還是可以享有。北海道帆立貝伴海膽 - $58正方形的紫菜墊著兩片厚大的帆立貝，雪白的肉富彈性，兩面煎得略帶焦香；再上面有豐腴的海膽，入口即溶，鮮中帶清；還有一粒粒三文魚籽增添爽口鮮甜感。煙肉廣島蠔卷  - $42特別一讚煙肉真的燒得非常香脆，增添一份油香。出名肉厚的廣島蠔更是一咬爆汁，富海水甘甜風味。七味松阪豬 - $23一粒粒的豬肉好軟嫩，肥膏位更是爽口，不油膩，七味粉略帶少許辛辣。蜜糖雞翼 - $23兩隻雞中翼燒得皮脆肉嫩，充滿甜蜜蜜的味道。

我們一行3人見新張期間八折優惠就試試😆卡位再加上屏風，地方舒服我們叫了半打生蠔$180侍應話係即日空運到港好新鮮，爽口味鮮，吃完留有餘香還有軟殼蟹卷、帆立貝壽司、赤蝦壽司壽司尤其出色，非常新鮮再加上其他小吃如：枝豆、山葵八爪魚、雞泡魚干、一口芝士、芝麻雞翼都係好有水準我們決定會再嚟食

朋友有開心事請食飯，誤打誤撞黎咗呢間仍然係試業階段中的居酒屋。開頭都有少少肴底，不過新餐廳就當然要比機會試試，結果我地食完之後都對餐廳評價讚不絕口😋😋✨電梯一出，望入餐廳已經感受到好有日本居酒屋feel，另外亦都睇得出有好用心裝修detail位，連電梯門都係裝修既一部分🙈坐低之後，職員會上茶再介紹當日有咩新鮮食材抵港，推介比客人👍🏻👍🏻一向冇乜主見既我，就交由朋友發板，我淨係負責食就得啦😜😜📍刺身嘩！嘩！嘩！個賣相好靚呀😍d魚生全部都好新鮮，一望落去就好有光澤，仲要係厚切架🤤🤤🤤果件大拖羅顏色淡粉紅偏白，油脂甘香，入口即溶，比油脂包圍果種滿足感覺簡直難以形容😌另外我哋仲試咗深海池魚、三文魚、油甘魚同埋赤蝦，正！🤤🤤📍鹽燒三文魚頭呢樣係朋友鍾意食既，我淨係撩咗少少肉食，生熟程度啱啱好，都好滑又好香又唔覺有腥味👍🏻不過我都係唔明點解有肉唔食，食魚頭。不過就正如我朋友都唔明點解我鍾意食腳趾(鳳爪，鵝掌）🤣🤣🤣📍香芒炸蝦卷甜甜既芒果、脆脆既大蝦再加埋蟹籽同沙律醬係我最愛既組合🤤🤤朋友努力損魚骨果陣我一個人都已經食左大半條蝦卷😋😋📍大蝦天婦羅炸粉鬆脆唔會厚，顏色金黃，蝦又大隻有蝦味👍🏻👍🏻📍 帆