太郎居酒屋

營業中

休息中

去連鎖店食得多, 有時可以去下呢d小店又有另一種風味。呢間店嘅裝修好有日本特色, 一入門口有個六人卡座, 感覺好岩小型聚會大家飲下野咁!隔離仲有個bar枱上面掛滿左好多日式燈籠, 好似去左個小日本旅行。先點左個黑松露帶子手卷，手卷細細件但就可以食到大大粒北海道刺身帶子，肉厚鲜甜，夾開有成3大片, 都叫做幾抵食。最特別係佢面頭加左黑松露醬，令味道多左個一個層次。而且壽司飯味道有調校過，微甜自然。之後就點左個黑松露唐揚炸雞, 外皮酥脆，肉質柔軟，肉汁豐富, 好味!另外再嗌左個壽喜燒, 牛肉片大大塊, 啖啖肉好正

今日係尖沙咀工作完就搵野食，咁岩見到有間新開既日式居酒屋，係一間樓上食店，距離地鐵站只係五分鐘，非常近，當我上到去店鋪，門口已經非常有特色，傳統得黎又新潮👍🏻真係好特別。我當時大概五點上去，不用等位就可以入，職員好有善好有禮貌，雖然得一個人但都安排我坐卡位，卡位又大又舒服，仲有空氣淨化幾😌環境真係一流👍🏻又寧靜仲播左好多流行曲🤣岩哂我👍🏻👍🏻👍🏻呢間餐廳有好多野食包括剌身，生蠔，串燒，鍋物，丼飯等，佢都仲有lunch set，仲要價錢合理，唔洗加一服務費👍🏻超抵食今次我就點左火炙海鮮丼定食$98 ，叫完之後等左五分鐘就已經到👍🏻真係好有效率，另外，個定食餐內有麵鼓湯，沙津，茶碗蒸，酸瓜，仲有一杯飲品。不得不提，茶碗蒸好，十分滑😀而個海鮮丼飯都包括有火灸三文魚，帶子，鰻魚同魷魚，件件都好大舊，連個飯都有驚喜，白飯撈埋小小壽司鼓油，真係好夾👍🏻👍🏻👍🏻份量都好多，一個人食岩岩好，可以捧住個肚埋單🤣🤣🤣👍🏻下次都會介紹比朋友。

餐廳怖置豐富，當中如果多人可坐榻榻米～ ▶️壽喜燒鍋$168有牛肉、金菇、豆腐、菜、芋絲、蘿蔔、大蔥。湯係壽喜燒甜甜地，有生蛋可以點牛肉，我哋就將佢放埋落個鍋度～味道不錯！▶️太郎沙律拼盤$58分為三小碟，有懷舊蟹子青瓜沙律夠爽口🥗、凍螺絲粉，比較硬身。另外仲有薯仔沙律。▶️黑松露唐揚炸雞$58面上有黑松露粉，炸雞新鮮炸起熱辣辣，外皮厚身，雞肉夠油份。▶️吞拿魚腩蓉卷$88有6小件，吞拿魚蓉夠凍～呢度嘅杯唔錯，keep到啲茶夠熱

太郎居酒屋充滿和風特色，走進趟門，室內環境十分雅致，高闊的樓底掛滿日本鯉魚的紙燈籠，色彩斑斕，壁櫃上的達摩不倒翁維妙維肖，令人置身於日本居酒屋。餐廳內部有榻榻米位置，以屏風分隔，享受恬靜用餐時光。天婦羅盛盒 $98 盛盒以木籃盛上，有炸蝦、茄子、南瓜、蕃薯和秋葵，新鮮炸起至金黃色，十分吸引。炸蝦天婦羅入口酥化、香噴噴，外脆內彈牙，茄子、南瓜綿糯，啖啖清甜。蕃薯和秋葵內裡濕潤的感覺，意猶未盡。壽喜燒鍋 $168牛肉壽喜燒湯汁香甜，軟嫰的牛肉入口軟滑，掛上甜湯精華，肉香濃厚。湯中還有冬菇、煙韌芋絲及蔬菜，豆腐滑溜，吸收鍋底甜湯，清新解膩，蔬菜清甜順口，令人暖和。

步出升降機 ， 精緻漂亮的浮世繪 ， 栩栩如生，令人眼前一亮 ， 天花掛上繽紛錦鯉魚紙燈籠， 十分吸睛 ，佈置充滿東瀛色彩， 加上開放式廚房 ，可以近距離欣賞到壽司師傅，在我面即製壽司的過程，氣氛同環境都感覺不錯。香蔥吞拿魚腩蓉卷$88特別喜歡吞拿魚腩蓉卷，柔潤的吞拿魚腩蓉，魚脂豐腴，入口即溶的口感，加上蔥粒點綴， 鮮味提升。油甘魚壽司兩件$58、三文魚 壽司 兩件$38 三文魚壽司， 色澤亮麗， 豐盛油脂，十分肥美新鮮， 肉質柔潤， 口感柔軟， 鮮味十足。油甘魚魚肉呈淡紅色， 魚肉淡淡甘甜 ， 還散發著魚油香氣， 營養豐富， 清爽口感，百吃不厭。芝士年糕兩件$48即叫即製芝士年糕 ，外皮薄脆，炸至金黃色， 熱燙燙 、香噴噴，中心還填滿半溶芝士， 充滿驚喜的的鹹香，既美味又邪惡。

朋友話有一間細細地嘅樓上居酒屋新開，於是我哋兩個就去試吓，順便喺嗰度傾吓計食下野。好彩呢間樓上舖嘅位置都方便，喺海港城附近，容易搵到。1.牛肉壽喜燒（呢個嘅壽喜湯底好吸引，味道好濃郁令到牛肉吸晒啲味道，豆腐軟林林）2.壽司拼盤（三文魚🍣元貝不錯😌啲飯亦唔會好好乾，其他嘅味道都還好）3.吞拿魚壽司六個（適合港人嘅味道，食完真係飽晒）兩個女仔食都剛剛好另外環境設計都好似日本嘅感覺，有他他me位置，亦都有一張張小型嘅卡位位置，我哋平日去食Walk in都仲有位。整體感覺唔錯希望可以試吓其他菜式。

位於尖沙咀的太郎居酒屋，是一間新開業的日本料理店。光顧當天，餐廳仍在試業中，所以店內沒有客人，可以靜靜用餐。 店內裝潢充滿日式風味，四處掛上日本提燈，貼上招財貓等海報，更播放著日文歌曲，形造當地氣氛。 食物種類繁多，菜單圖文並茂，色彩豐富。不過店員只推介我們試兩款菜式，我們最多只試了刺身和鰻魚炸飯。 赤蝦 $48 深海池魚 $88 金目鯛 帶子 $78/4件 油金魚 $58 赤身 $48 刺身擺盤吸引，質素不俗，全部都頗新鮮。我最愛肥美的吞拿魚赤身，脂肪豐富，油份充足。 鰻魚炒飯 $78 鰻魚炒飯炒得相當有鑊氣，醬汁甘甜，味道不錯。但份量不多，較適合一人享用。

冇得去旅行，唯有喺香港食好啲啦，去啲唔同嘅餐廳食唔同國家嘅菜式，我最鍾意就係食日本嘢。啲人喺尖沙咀行完街，揀咗一間居酒屋，之前見過人哋嘅食評睇落好似都唔錯。餐廳裝修好型，行金屬風格，牆上面仲放滿達摩，張凳仲係一粒骰仔，好得意第一次見！餐廳仲有包廂，如果一班朋友嚟可以預早book定位坐埋一邊靜靜地食吓嘢傾吓計。今次嗌左一客刺身，六品刺身盛，六款刺身包括有生蠔、劉丹蝦、詞語、三文魚子、油甘魚同埋老翁。刺身都算係好新鮮，最特別就真係老翁，我見識少，第一次食😆識落有魚嘅鮮味同埋肉質比較實。生蠔都幾大隻同飽滿，都幾滿意！除咗刺身仲叫咗一啲串燒同朋友一齊食，除咗雞皮燒得有啲乾之外，其他都好好食😋我最鍾意食七味松阪豬，肉質鬆軟又唔會油膩，味道調校得好好。今日唔太肚餓，下次有機會再嚟要叫多啲主食。

自己個人好鍾意食日本嘢，上OpenRice見到呢間新開嘅居酒屋🏮，就即刻去試吓😋首先講吓入面嘅環境，超級有去咗日本嘅feel呢度嘅嘢食都有都可以選擇因為自己唔太鍾意食凍嘢，所以我就叫咗一個壽喜燒定食，家姐就叫左一個魚生丼定食🌟壽喜燒定食🌟我自己好鍾意食鍋物，所以超滿足非常之記得個湯底，超級好味！😋壽喜燒入邊嘅材料都有好多，包括金菇、牛肉、粉絲、豆腐等等，份量好足！牛肉有滿滿嘅肉汁，豆腐超級滑。由於係類似一個套餐，所以有包埋烏冬、麵豉湯、茶碗蒸等等❤️烏冬都好彈牙！（ps仲有我最鍾意嘅茶碗蒸都超好食！）🌟魚生丼定食🌟個賣相已經好高分家姐超級滿足，佢話份量好足夠，入面包括左油甘魚、吞拿魚、三文魚等。三文魚肉唔單止有油脂香(脂肪比例剛剛好)，亦都有超濃嘅三文魚肉鮮味。油甘魚亦都充滿咗魚油香氣，吞拿魚亦都好有咬口，魚肉味濃郁，厚度適中。同樣地佢都有沙律、中華沙律、麵豉湯同茶碗蒸做配菜。總括嚟講我自己覺得如果能夠喺香港食到呢種水準嘅日本菜，已經係好滿足加上環境同食物都好配合，所以都幾滿意！題外話：自己發現咗一個幾搞笑嘅位😂係呢堆黑色公仔入邊混雜住一隻紅色你又搵唔搵到呢

尖沙咀流尚坊開左間新派居酒屋<太郎居酒屋>，感覺除了有日式居酒屋嘅元素外，仲帶點潮流型格感覺，仲充滿年輕活力感。平日Lunch time都幾受歡迎，客人不少。午餐有各式各樣嘅定食套餐，而且仲吾洗加一，抵食吖！!午餐種類有好多選擇，有刺身、壽司、鍋物、烏冬、丼飯等等。<黑松露唐揚炸雞配白飯定食 $82>定食下單後好快送上，套餐包括有前菜、沙律、麵豉湯、茶碗蒸、主食及白飯。茶碗蒸嘅蛋做得非常細滑，入面仲有鳴門卷同埋蟹柳。麵豉湯味道濃郁，前菜酸酸甜甜的味道好開胃。主角黑松露唐揚炸雞非常驚喜，炸雞炸得金金黃黃，賣相不錯。炸雞外面嘅炸粉非常之薄，雞肉每一件都相當厚肉，咬落去仲依然充滿肉汁，雞肉的肉質仲相當之嫩滑，除了有淡淡的黑松露味道外，亦醃得非常惹味好食，值得推薦呵！！～餐廳的環境其實都非常舒適，佢亦都有私隱度較高嘅卡位廂房，滿有特色的。另外還有吧枱座位供應。整體來講，餐廳嘅效率非常之高，午餐繁忙時間上菜都好快，而且食物質素水準非常之唔錯，價錢亦都非常抵食，又唔使加一，值得再來吖！！～

今日要去尖沙咀拎啲野 所以就係呢頭附近搵啲嘢食下經過樓下見到個易拉架 就上咗去搵呢間日本嘢食下 同lift嘅人都係去呢間日本嘢 睇嚟冇揀錯🤭午市套餐有丼/鍋物定食選擇 我就叫個火炙海鮮丼喇佢呢度係open kitchen黎 可以畀你睇住佢整嘢食 衛生方便就令人放心曬啦定食仲會包沙律 前菜 味噌湯 茶碗蒸同餐飲大約十分鐘到就有野食啦 個擺盤都精緻值得讚賞嘅係佢嘅wasabi係新鮮磨製嘅 坊間比較少有呢個火炙海鮮丼有三文魚帶子魷魚仲有鰻魚添三文魚呢油脂分佈剛剛好唔會話太肥膩👍🏻 帶子大大粒 魷魚咗花 彈牙唔韌茶碗蒸 個蛋非常之滑！令我好意外 因為之前食過嗰啲都係整到好老 所以令我怕咗食茶碗蒸喺尖沙咀食肆嚟講呢間算係 價錢相宜 唔錯嘅選擇 下次有機會晚市再黎過

最鍾意捐窿捐喇搵野食嘅同事今次又搵到個唔錯嘅好去處！之前都無諗過原來廣東道會有樓上餐廳一出𨋢門就見到好日本風嘅裝潢入到餐廳見到啲有個日式榻榻米座位，不過我同同事今次就唔係坐榻榻米一坐低就有份生薑方便一陣配壽司食/香葱吞拿魚腩蓉卷/吞拿魚食落好新鮮，成份卷物好大份，配香蔥一啖食落去超滿足！/蝦天婦羅/食得日本菜點可以唔食大大隻嘅天婦羅整體炸得好香脆，啲蝦好有口感就算上左檯一陣先食都唔會淋，差啲忍唔住食晒/煙肉鵪鶉蛋卷串燒/煙肉嘅鹹香配鵪鶉蛋又係無得輸每舊個size都可以一啖食晒，唔使驚食到跌晒／好狼狽🤣/蘆筍豚肉卷串燒/見到個名幾特別就試下，食落口感幾得意如果再濃味少少就更好！/鷄皮串燒/雞皮係邪惡但必食嘅串燒！成串都燒到脆卜卜，食晒都唔會膩最衰聽日要返工，唔係嗌埋杯sake就完滿了啲座位都有“社交距離”，坐得好舒服，傾計都唔使驚隔離聽到會尷尬🙊

喺尖沙咀廣東道開完會已經12點，望吓手錶，差唔多食晏了，就順便走進附近的流尚坊，試試他的太郎居酒屋吧。在芸芸午餐系列中，既想食海產，又想食熟食，於是便揀選了一客火焰海鮮丼定食。果然海鮮非常豐富，包括有三文魚、帶子、魷魚和鰻魚。火焰三文魚，生熟程度適中，所以入口軟綿綿的；帶子大隻且鮮甜，加上火焰了，入口淋甜；魷魚則非常爽口，有鮮味，還有爽脆嘅感覺，別忘了還有蜜汁鰻魚。一如一般的定食，還包括了前菜沙律、味增湯和茶碗蒸。成個午餐連埋一杯凍飲，只需百多元的消費，在尖沙咀黍講，性價比高了。

又到食午餐的時候，同事們話不如去返上次，性價比極高的太郎居酒屋，日式的午餐，百多元消費，係我哋午餐常去嘅地方。我本人呢，就比較鍾意熱食，所以通常我都係揀佢嘅壽喜燒定食，同我個人一樣烚吓烚吓咁。一如過往，鍋中有四片牛肉、蔬菜、豆腐、烏絲和冬菇等等，配上一碗白飯。牛肉數量剛剛好，蔬菜淋甜，豆腐入味，芋絲和冬菇中和番肉類嘅油滯，忍唔住連湯都飲埋。就如一般的日式定食，配上沙律前菜、蒸蛋和味增湯，最後包一杯飲品，作為一個白領的日常午餐，性價比高，已經很滿足了。

好耐無去居酒屋食野啦🥳 呢間啲食物都唔錯！海鮮沙律（$78)都幾足料！有好多三文魚同油甘魚粒，食落幾肥美😋配埋新鮮沙律菜，開胃！厚切和牛牛脷芯（$78)呢到嘅牛脷芯可以話係必嗌❗️牛脷口感非常爽口又帶點嚼勁，但又完全唔韌，冇得輸🤩雞軟骨串（2串）（$24)雞軟骨咬落去充滿口感，呢個價位食到兩串，都幾抵🤪香蔥呑拿魚腩卷（$88)份量都幾多😚反卷大大舊，中間夾左好多香蔥呑拿魚腩，味道正常發揮，食完呢碟都飽飽地😆安格斯牛柳粒（$48)牛柳粒每舊都燒到好入味好軟腍，平時喺外面食都好怕會食到好韌好多根嘅牛柳，喺到食完全冇呢個問題😋荔枝豚肉卷豚肉卷食得多，卷荔枝就真係好罕見🤣一咬落除左有豚肉香之外，荔枝嘅汁都爆左出黎，甜甜地又幾夾喎🤤三文魚腩三味（$72)三文魚腩三味分別係原味、黑松露同柚子，三文魚腩魚油充滿魚油香🤤黑松露味道都幾重🤩柚子味就比較清新😋芥末松阪豬（$20)松阪豬其實就係豬頸肉，加左少量嘅wasabi喺面頭～ 食落啖啖肉，而且都幾有咬口！