太郎居酒屋

營業中

休息中

日本野幾時都咁吸引，首先係被餐廳既裝潢所吸引，每一個角落既位置都設計過好有特色，亦令係置身係一個好折舒服既用餐環境。 今日見到是日精選，當然二話不說要試下，西非生蠔 $42 油甘魚刺身蠔本身吾係好大隻，但味道出乎意料好，好鮮味，咬落去質感都好新鮮，清新得黎，好重蠔味。今次叫左油甘魚刺身，與朋友一人一件試下，味道都幾鮮味，而且都幾厚切。 吞拿魚蟹肉軍艦，全部都係即叫即包，新鮮! 三文魚頭連鮫這是今日第2樣係黑板寫著的是日推介，我自己本身好鐘意食魚，魚頭唔係好多人識欣賞，但我絕對係非常喜歡，魚頭裡面啖啖肉，每一口都好滑。佢又唔會好油，有時三文魚頭都會連湯，但冇湯又連一番風味。 雞泡魚乾居酒屋好多時都會叫黎送酒，兩人吹下水，食住雞泡魚乾又一日。燒雞軟骨都一樣咁好味，吹水真係好岩

香港既餐廳多數都比較迫，已經好耐冇見到榻榻米，餐廳位置唔多，但榻榻米設計真係好有日本feel. 壽喜燒近日天氣已經開始凍凍地，在轉天氣最好就食一個壽喜燒鍋，上面有著牛肉，豆腐，金菇。慢慢食，慢慢噗。加上壽喜燒一向都唔會好油，咁就唔洗怕肥啦。 鰻魚卷卷物始終都係要食既，卷中有卷，有著青瓜，鰻魚等等。 串燒，去到居酒屋點可以唔食呢，而且日式串燒有樣好，就係唔會太重口味，鹽燒或簡單調味，少少辣味已經超級好食。免治雞肉棒 - 這個佢配有生蛋醬油比你沾，裡面其實有D肉粒，幾有咬口。香辣松阪豬 – 加上少少辣味，肉係腩肉部分為主，比較脆身。燒秋葵 – 燒秋葵作為蔬菜,個人覺得比平日火鍋秋葵或煮秋葵更更更好食。

去不了旅行 積下一堆年假 奈何最近工作量之多 想放自己一天假也有難度🙈好在還有公衆假可以抖抖 •北海道珍寶帆立貝壽司 $38 each 牡丹蝦壽司 $78 each 兩件壽司都份量十足 火灸壽司魚油味濃 香口吸引 兩件實在太過唔夠喉😂•炸雞 🐔 炸雞脆卜卜 雞肉味道濃郁好食 啖啖肉 吃得過癮 •友人提議食三文魚頭 係屋企屋企煮之外 在出面餐廳我非常少食嘅一碟餸因為通常賣相都麻麻😂 但友人堅持下 fine, try this time 想不到賣相還可以 深藍色像海水一樣顏色的碟和魚頭頗匹配🎣看上去扁身的魚頭 想不到肉的份量頗多！食極都仲有嘅感覺 新鮮熱騰騰的魚肉 十足鮮味 值得一試 • 串燒 炸雞完點都要來點蔬果中和一下 隨意點了幾串健康串燒😝 價錢合理 款款都不錯•特別一讚餐廳環境 裝潢有心思 天花的魚吊燈 一整排的達摩祖師私隱度高的座位 空氣感十足 有驚喜🤩•As usual, menu for ref :-

之前公眾假期來了尖沙咀這間居酒屋食lunch! 估唔到午餐時段有set lunch！100元以下，在尖沙咀這個地點，算是不錯，而且每份定食都跟配沙律、麵豉湯、茶碗蒸，份量充足。天花鯉魚裝飾好靚，令到好似置身在日本嘅感覺！我叫左「太郎什錦海鮮丼定食」！用上舖名太郎，就試試吧。海鮮丼五顏六色、七彩繽紛，十分吸睛。魚生主要是三文魚和一種白身魚，加上玉子和青瓜，全部切成差不多的大小，所以一啖可以吃到幾款餸，感覺豐富。三文魚算是肥美幼滑，白身魚則比較有咬口爽口，玉子亦軟滑，青瓜脆口，令整體口感豐富。細看那些飯，發覺顏色不是白色，而是帶點淡黃色，估計是加了壽司醋，但沒有太酸，不會喧賓奪主。整個丼頗大碗，吃完非常飽啊！屋企人鍾意食雞肉，所以叫左「黑松露唐揚炸雞配白飯定食」！唐揚炸雞，一上來已經好香噴噴。份量不少，大概有六至七塊。旁邊的不是普通沙律醬，而是加了黑松露的沙律醬，好香。炸雞要趁熱吃，外皮幾脆，入面的肉亦夠juicy。跟餐嘅茶碗蒸夠熱，而且都幾滑，入面有一塊鳴門卷和一塊蟹柳。而且白飯上面加了飯素，錦上添花，令飯更好吃。整體成餐午飯感覺唔錯，感覺夜晚居酒屋嘅氣氛都會好好呢！不過餐廳唔大，夜晚去

趁著呢幾日放假，夜晚約左朋友係尖沙咀酒吧飲野，聚會之前都想搵啲嘢頂頂肚。（果時仲係五點幾）喺附近搵吓有冇日式居酒屋可以坐下，又唔使食咁飽。於是乎就黎到位於海運對面嘅流尚坊，聽講呢間野裝修好有日本風情，於是就想去試吓果然冇令人失望，就咁睇個門面，唔講仲以為自己真係去咗日本仲有好多畫報，裝飾品淨係坐喺度都已經感受到個氣氛講返食物方面，佢提供左居酒屋必食嘅特色食物，包括卷物、炸物、鍋物等，當然仲有全消或者其他飽肚嘅食物，不過我叫啲就好啦第一道菜：香蔥吞拿魚腩蓉卷賣相已經值100分食落去嘅時候發現魚腩入口即溶嘅感覺，而且飯團更加沾上日本醬油，配合埋香蔥同內膽魚腩一齊食嘅時候，鮮味係更加突出呢一道菜我認為係必食嘅！第二道菜：黑松露唐揚炸雞同平時食嘅唐揚炸雞好唔同，佢喺上面加上好多黑松露粉，配埋黑松露蛋黃醬嘅時候，令到味道更想一層樓。炸雞咬落去好爽脆，完全係即炸嘅感覺入邊仲有醬油慢慢滲出來，簡直為口腔入邊逗留炸雞嘅香味減緊肥嘅朋友～呢個真係一個好大嘅誘惑！第三道菜：壽喜燒鍋（人氣之選）鍋入面好足料，有肥牛卷、金菇、黃菜、葉洋蔥、豆腐、冬菇、芋絲，配埋壽喜燒醬一齊慢煮，食落嘅時候完全係又甜又好味呢個

太郎居酒屋既裝修風格好日式，仲有Tatami 座位添！😆今日食左Lunch set之中既太郎御壽司八貫定食 $138，非常高質！大大力推薦比大家！💪🏻💪🏻🥳🥳魚類刺身壽司方面，每塊刺身都好厚切、新鮮、爽甜，三文魚刺身既油脂簡直喺口腔入面爆出黎！😍😍😍壽司飯size細細舊，又鬆散，可以一啖放入口😋😋軍艦方面，紫司唔會韌，三文魚籽好大粒，又爽，可以逐粒咬，好過癮🤣海膽同蟹肉蟹膏都好鮮甜😋高質享受過後，食埋迷你豚骨叉燒烏冬、沙律、醃蘿蔔、茶碗蒸、麵豉湯，就好好好飽了！大滿足！😋😋😋

由於芭蕾舞劇7:30就開場，所以我們今天要早一點吃晚飯，諗住近文化中心，所以在廣東道吃飯。行過廣東道，見到這個水牌，佢有擺埋Menu出嚟，望落去都唔太貴所以想去試吓。餐牌上面有唔少選擇，唔會因為係尖沙咀廣東道就特別貴，正常價錢。好彩我哋抬頭望吓黑板上面的餐牌，原來這些煮餐牌是沒有的，所以我們叫了一個三文魚魚頭。另外費事食到咁飽，所以淨係叫咗一份壽司，少少碳水化合物。這個吞拿魚卷物10分好吃，吞拿魚肉入口即溶，除咗上面有吞拿魚肉，中間也是吞拿魚蓉，吞拿魚的鮮味配合芝麻。很滿足。飲茶是有少少米味的，可以消滯。這份炸雞有黑松露味道，很脆。脆粉很薄，雞肉嫩滑。三文魚魚頭油粉十足，千萬不要浪費魚眼，魚眼啖啖肉，廚師已很貼心拎走了眼珠。面珠燈的肉特別嫩滑，配上檸檬及鹽燒味，一流。

今次去到尖沙咀廣東道嘅一間樓上餐廳，地理位置十分方便，同座仲有好多唔同嘅餐廳，絕對係一個美食集中地。一入到門口，即刻睇得出餐廳用左好多心思去佈置餐廳嘅裝修😌最引人注目嘅係一入餐廳右手邊一幅有近兩百隻可愛達摩公仔嘅主題牆， 傳統達摩公仔通常都凶神惡煞，但餐廳內嘅達摩公仔極之可愛，一聚黑色達摩公仔中間仲混咗一隻紅色達摩，絕對係一個引人注目嘅打卡位。餐廳中仲有唔少其他畫作/掛飾，除咗單純食野，不妨用啲時間欣賞下😌當晚食咗壽喜燒，炸雞拼黑松露沙律醬，壽司，燒三文魚頭，整體食物水準不錯👌🏻壽喜燒口味偏甜，配料充足👌🏻炸雞不會油膩，黑松露沙律醬香味十足😍壽司飯夠結實不會鬆散👌🏻三文魚後燒得夠香，為當晚晚餐畫上句號😌

尖沙咀想搵日本野食，上嚟搵到海港城對面有呢一間《太郎居酒屋》，見都幾近就一於揀呢間食個lunch～一出電梯就見到黑白色龍嘅牆，然後金色寫住「太郎」2個字，感覺好有型！！Staff安排咗一個卡位比我哋，坐得舒適🙆🏻‍♀️晏晝時間有lunch set! 有主食、湯、茶碗蒸、沙律，好豐富！最後我揀咗食炸雞定食🐓🥢 黑松露唐揚炸雞配白飯定食炸雞份量都幾多！炸得夠脆，咬開亦都juicy，而且唔會話炸得好油🙆🏻‍♀️ 而白飯上面都落咗啲飯素上去～跟set嘅麵豉湯唔會太鹹。茶碗蒸入面有日本鳴門卷同埋蟹柳，啲蛋都蒸得滑～ 另外仲有沙律🥗 咁就令成餐有返啲纖維😂👍🏻同行朋友揀咗食什錦海鮮丼飯，見到都多刺身，我都偷咗幾粒食🤣另外見到menu有啲串燒、炸物，有機會可以再同朋友夜晚嚟，一邊食一邊飲返杯！🍻

得到朋友介紹，特意來試吓呢間尖沙咀新開嘅隱世居酒屋。居酒屋細細間，但係睇得出花咗好多心思裝潢，好似去咗日本咁😌仲有一面牆放滿上百個左日式不倒翁😍場面好壯觀💛黑松露炸雞塊炸雞新鮮熱辣辣，外脆肉嫩，同黑松露配搭新奇得來都幾夾。蛋黃醬要俾個like，食得出係日本嘅味道而唔係普通餐廳的雜牌。💛壽喜燒鍋 入秋食返個熱辣辣嘅壽喜燒暖一暖個胃😍雪花牛肉高質有口感，其他食材都正常，整體來講都好食，不過個湯底略甜咗少少🤏💛壽司拼盤壽司魚生都正常發揮👍🏻要讚一讚佢個日式芥辣，食得出佢嘅新鮮感，唔似普通日式餐廳用粉溝出嚟嘅芥辣😌💛季節限定燒三文魚頭燒三文魚頭都好大份，肉質好嫩滑。不過火候可能唔夠充足，外皮燒得唔夠脆👌🏻整體來講呢間嘢食都正常，唔會中伏，如果同班朋友嚟食飯傾偈，都唔會太迫同嘈，環境比較舒服👌🏻

星期日行完海港城食咩都要排隊, 唯有就再搵下附近有咩食啦見到呢間居酒屋價錢唔太貴就上左去睇睇佢嘅裝修都幾有日本風, 有d日式卡座岩哂幾個fD上嚟飲返杯因為好肚餓就直接叫左個壽喜燒食住先, 佢一鍋過上上面鋪左6塊牛小排, 都幾厚肉ga 而且肉質都軟嫩, $168嚟講都幾抵食。仲有提供一隻生雞蛋俾你點~另外就點左個吞拿魚饅魚卷物, 每件卷物上面都鋪上吞拿魚蓉, 入口軟綿黏笠。而且 d飯都有調味, 幾好食啊!

公司對面開左間居酒屋，已經去了幾次。我今日點了一客壽司八貫份量看似很小，事實真的很飽！因為除左壽司外，仲有一碗豚骨叉燒烏冬定食，烏冬好細滑。另外蟹肉蟹膏軍艦，海謄軍艦及三文魚子軍艦也非常美味138元一個餐，而且午餐不設加一服務費，非常抵食！

流尚坊呢個位一向有食肆，呢間新開無耐嘅日本野就試試～餐廳多野揀，熟食、串燒較經濟。叫啲前菜食，見平平地，只係$58就有3款前菜嘅太郎沙律拼盤，抵！有薯仔沙律、蟹子青瓜沙律及螺絲粉，飽肚～小食叫咗炸物。黑松露炸雞都幾抵食，只係$58。一份大約有6件左右。有沙律醬～仲有灑上黑松露調味粉，松露味濃郁！壽喜燒鍋擺得唔錯。牛肉淥一陣就可以，$158 都ok. 肉質算不錯，菜吸到壽喜燒湯，幾好～最後就上個吞拿魚腩蓉卷～ 飯同吞拿蓉比例適中～ 兩個人加埋埋單約$400，平呀！

太郎居酒屋 (廣東道流尚坊)尖沙咀廣東道82-84號流尚坊9樓壽司店位置就大概喺海港城附近，都搵咗一段時間先見到棟大廈。上到去舖頭環境五光十色，佈置都好有特色，牆上面放咗好多個神社擺件，完全好似去咗日本小店，仲有一個吧枱。枱數目唔多而且偏矮，地方都比較細，環境舒適度就一般，雖然環境雖小但係都有卡位，相對上私人度高d。 吧枱我都見放咗唔同嘅洒類，可以同朋友去小酌一杯。食物方面除咗刺身壽司卷物，都仲有好多定食～～ 兩個人叫咗個牛肉鍋，份量唔多，味道不過不失。壽司方面，都新鮮，同埋算大件，價錢來講都算係平，而且刺身係大件過飯。

放工後到尖沙咀太郎居酒屋食晚飯，餐廳嘅裝修好有日本風情，有紙燈籠，有吧檯，又有日本嘅出名嘅北斗翁公仔做裝飾， 感覺好似置身於日本一樣。呢度有唔同嘅刺身，選擇很多，價錢都好適中。仲有好多唔同壽司軍艦可選擇。手捲嘅選擇都好多， 有帆立貝手捲，有三文魚籽手捲，有飛魚子手捲， 睇落都好吸引。黎居酒屋又點少得串燒去送酒呢?呢度嘅bar台裝修得好有日本居酒屋嘅風味， 招財貓燈籠好靚。我點了羊肉串燒， 豬肉串燒同雞肉串燒， 串燒好香口，啖啖肉 ，仲有好香濃嘅肉汁 ，好適合送酒。吞拿魚手捲，無論賣相同味道都一流， 吞拿魚好新鮮 ，壽司飯團食得出用咗好靚嘅壽司米做。燒三文魚頭， 肉質好鮮嫩，燒得好香口，食得出用料都好新鮮，好肥美嘅三文魚肉。四色壽司，用料新鮮，肉質鮮甜美味， 肥美嘅肉配壽司，簡直一流， 食完好有去咗一轉日本嘅感覺。