太郎居酒屋

營業中

休息中

呢日係海港城行完街，見到IG有人介紹，就過左對面呢間新開的居酒屋食early dinner。一入黎就被一片達摩牆吸引喇😍我哋唔係好肚餓，所以就簡單叫左啲刺身、串燒食下傾下計。🔸六品刺身盛有生蠔、油甘魚、池魚王、老翁、牡丹蝦同埋三文魚籽。刺身好新鮮，生蠔好大隻，加左啲特製醬汁，酸酸地，幾好食。特別鍾意池魚，肉質紥實、爽口，又帶有油香。牡丹蝦都好大隻🍢🍢串燒🍢🍢🔸雞心管、雞軟骨、雞皮、五花腩、雞腎、七味松阪豬雞心管第一次見，叫來試下，口感爽脆入味。松阪豬都有驚喜，燒出黎的肥膏爽口，唔算肥。🔸帶子手卷、炸蝦手卷我哋一人要左多個手卷，味道正正常常，夠晒飽嚕。

🍴山葵八爪魚八爪魚夠軟滑，味道刺激開胃，但鹹咗少少。🍴雞泡魚乾一上菜即散發焦香、魚香，燒得外脆內軟，好甘香。🍴油甘魚尚算鮮甜，唔腥。🍴牛油黑松露赤蝦 火炙後牛油香氣更突出，赤蝦非常爽甜。🍴三文魚三味三味分別為原味、黑松露同埋柚子，我本身唔食三文魚，朋友獨吞三件，佢話幾肥美。🍴大蔥雞肉串、安格斯牛小排粒、蘆筍豚肉卷、雞皮（兩串）、秋葵雞肉唔鞋，配大蔥食非常香。牛小排粒油脂豐富，肉質柔軟。蘆筍脆口解膩，豬肉甘香。雞皮本身已經夠香，燒完更上一層樓。全部串燒都無特別調味，原汁原味，自己可以加少少鹽同胡椒，帶出食材鮮味。🍴汁燒牛仔骨同牛小排粒一樣柔軟多汁，連骨脂肪更多，更加甘香，醬汁亦都十分惹味。📍太郎居酒屋尖沙咀廣東道82-84號流尚坊9樓

同同事去完客公司後發現落大雨，就諗住喺附近塭間餐廳坐低食個飯避下雨先，見喺流尚坊開咗間新開嘅居酒屋，不如就喺呢度食埋嘢先返公司啦。餐廳第一眼以為好細，得幾個位，但係原來間餐廳好深，坐低之後keep住有新食客入嚟。餐牌有十幾款午市套餐揀，主要係唔同嘅魚生飯同埋熟食、炒飯、烏冬等等，另外可以再加十幾蚊追加兩份壽司或者飲品。咁我同同事睇完就分別叫咗個「角切魚生丼定食」同埋「黑松露唐揚炸雞配白飯定食」。首先係個「角切魚生丼定食」，魚生份量同款式都多，而且好新鮮，另外飯底有溝咗鼓油，唔須要再落。另一個係「黑松露唐揚炸雞配白飯定食」，炸雞炸到啱啱好，外脆內軟，雞肉好滑仲好入味，點埋啲黑松露醬幾好味。兩個餐都會跟沙律、前菜、蛋同埋味噌湯，食晒都好飽。最後補多張相，我好少用呢個角度影但影岀嚟又真係幾靚。

係IG睇到廣告見新開裝修幾特別同埋魚生賣相新鮮就簡左呢間幫朋友補祝生日飯。一入到去安排我地兩個坐正中間對住切魚生師傅又對住廚房都唔緊要，問題黎啦...音樂大聲到同朋友完全傾唔到計，仲特登將音樂調較更大聲...所以食物既相都無心機影。食物方面味道係正常既，價錢以晚市居酒屋黎講係算抵既。

如果不能旅行，就去趟居酒屋，食件壽司再加一點幻想搭救吧。六貫壽司盛有金目鯛、海膽、三文魚、魚子壽司等等。先讚一下承載壽司的碟子頗精緻。金目鯛和三文魚幾新鮮。吞拿魚壽司，吞拿魚肉鮮甜黑松露唐揚炸雞是男友最愛。脆炸表面，雞肉嫩滑，點埋個黑松露，獨特香氣令整體味道更加分。個人覺得外皮調味鹹味偏重，如果擺碟加一小塊檸檬，添加檸檬汁的鮮甜，味道會更平衡。個人更喜歡他們的燒烤料理。煙肉蘆筍、燒秋葵多汁，牛舌和牛小排牛香甚出，明太子雞翼非常惹味。這裏有瓶日式胡椒，味道帶點檸檬薄荷香，撒點在燒肉上面，味道更顯層次芳香。

行經廣東道見到這裡有易拉架，對這類樓上的餐廳都有良好印象，於是行入去試下。一出Lift，果然有點驚喜，整個樓層都以這個風格的壁畫裝飾，仔細一看是浮世繪風格的魚躍龍門圖。店內的環境則顯得寧靜舒適，但仍有統一的風格。以木材為主的裝修和家具，配上柔和的燈光。餐具很別緻，還有可愛的動物筷子托。餐牌設計也像一度古典木門。讓我很想揭多幾次。點了3樣食物。先來的是壽司拼盤，擺設很精緻。壽司整體都很新鮮，米飯和魚生的比例很好，可以一口吃下感受魚生融化滲透入飯粒的滋味，也可以小口地咬開，飯粒不會散落。Wasabi也是即磨新鮮山葵，有蔬菜的顆粒口感，保留刺激感的同時也沒有化學合成那些強烈的塑膠氣味。三文魚壽司還有柚子和黑松露的調味版本，不用點醬油和Wasabi也能充分享受魚生和新式配搭的風味。店員推薦的炸蝦，炸得香脆通透，連殼和頭也可以吃。蝦頭的鮮味和蝦殼的營養可以同時品嘗，風味十足，送酒一流。一個人食量有限，叫多幾串串燒就夠滿足了。串燒嘅炭火香氣佈滿全體，又唔燶，很用心燒製。煙肉鵪鶉蛋，蛋黃入口即化，煙肉嘅油香滲透曬入去。雞翼，肉質滑溜，鮮甜多汁。五花腩，夠大舊，成塊豬扒咁多。脂肪比例很少，啖啖肉非常滿

一齊去居酒屋開完會去對面食飯，新開曰本居酒屋，出lift都裝修埋，勁！環境好出色，有榻榻米座位，如果想私隱度大可以落簾，可能新開，店員眼見一個，但出菜都好快手！😋😋.太郎御壽司八貫定食·迷你豚骨叉燒烏冬 $138四個都叫哩個！午餐份量、質素和價錢絕對和應到😍，壽司飯有心機，新鮮好食！個蛋好出色，簡單但夠滑有蛋味，正，希望保持水準。👍🏻👍🏻.柚子梳打、提子梳打、凍檸茶飲品普通檸茶咖啡+2，梳打+$10

呢間樓上日本嘢好似啱啱開冇耐，所以決定同朋友收工之後試一試佢😎估唔到入面嘅裝修都幾有心思，有啲古色古香嘅日本風🎎打頭陣嘅有呢個一口芝士小食，外面炸得相當酥脆，入面係軟軟嘅芝士，鹹香同奶味並重芒果炸蝦卷，首先炸蝦嘅炸衣唔會成尺厚，食到蝦嘅爽甜，配埋芒果食係一個清新嘅組合，食多幾嚿都唔會有罪惡感刺身令我幾驚喜，全部都好新鮮，三文魚同油甘魚都好厚切，唔霉唔腥同冇筋，魚油味幾重；活赤背同甘蝦都爽口鮮甜，重點係甘蝦頭有好多膏！日本嘢點少得串燒，雞翼分別叫咗鹽味同蜜糖味，個人鍾意鹽味多啲😆雞翼開邊燒，肉質保持到嫩滑，咬落去仲有少少肉汁流出來第一次食嘅免治雞肉棒配溫泉蛋，雞肉棒入邊有少少軟骨碎，增加咗佢嘅口感厚切五花腩唔會食到成口油，啱啱好魷魚軟骨係限定燒物，相當脆口個人最鍾意食呢個七味松板豬，估唔到佢係幾爽口，冇豬臊味，配埋七味粉幾惹味。另外就係翠玉瓜，完全燒得唔乾，咬落去好多汁

揾食、樓上無位、只好試新嘢啦！結果…好開心、去左日本啊！環境：有家嘅感覺（日本）我朋友話！ 就係有好舒服嘅環境食。食物方面、好夠食、好足料、full set 有埋燉燉蛋、真係無得頂！

太郎居酒屋位於流尚坊九樓，一打開電梯門恍如進入左一個異度空間。餐廳以黃色為主調，樓底高。- 牛油果沙律🥑牛油果係我飛彿，整體味道清新，蔬菜好新鮮。- 串燒嚟到居酒屋當然要試埋串燒，我地叫左包括厚切五花腩、鹽燒雞翼、白菌、安格斯牛柳粒。牛柳粒好juicy，肉味香濃。- 喜之次喜之次作鹽燒一流👍🏻。估唔到魚頭都有好多魚肉，加左蘿蔔蓉之後份外鮮甜。- 三文魚三味總共有三款三文魚壽司，包括三文魚，松露三文魚同柚子三文魚。三款各有特色，尤其柚子三文魚，脂肪甜美既同時多左一份清新感覺。無論壽司、串燒同海鮮，味道都唔錯，環境非常舒服，值得一試。

依間餐廳嘅間隔好正，可以有自己嘅獨立空間，唔洗同其他陌生嘅客人左望右望，好啱同朋友嚟依度竊竊私語🤫。我點左個太郎特上六貫壽司盛同埋燒魷魚筒。🏷太郎特上六貫壽司盛（$178）侍應話依個壽司盛每日都係唔同嘅壽司，今日嘅有海膽、三文魚籽、赤身、老海、油甘魚同埋大拖羅。小妹本身唔好魚生，但係依度嘅～我竟然食晒🤤。哥哥見到話：你又食生冷野。事關我有個公主👸肚，最近食日式刺身放題食到唔舒服😣。我應哥哥：依間ok嘅😋好新鮮。親身體驗，過左⏱16小時，我暫時仲係無事☺️。原本以為成個壽司盛細細份，會食唔飽，點知我食完，已經覺得有少少飽肚🤪。赤身同埋大拖羅都好厚身，三文魚籽粒粒都有魚籽油😚。海膽沒有腥味，係一塊厚實海膽，但係我對海膽有少少高要求🤣，如果有多少少鮮甜味會更完美。🏷燒本地魷魚筒（$38）魷魚筒係新鮮燒製嘅，眼睛同埋嘴都俾廚師👨‍🍳切走咗。裏面嘅肚都清走咗，好乾淨。燒完嘅熟度同平時食開嘅唔同，廚師燒出嚟嘅魷魚筒啱啱好易咬，唔會太煙韌👍🏻。

要同友人慶生，見呢間野間隔幾私密，又係食日本野，就上去試一試。睇完Menu 都幾多野揀，叫咗幾款串燒share~首先有煙肉廣島蠔，味道唔錯，煙肉配合到蠔嘅鮮味。荔枝豚肉卷，呢個有驚喜，豚肉本身會有啲滯，但係同荔枝一齊食成件事唔同晒，好清甜好fresh, 好正！七味松坂豬，幾厚實，豬味濃！牛柳粒，燒得好香，肉質嫩滑！雞骨腸，未試過腸入面會有雞骨，幾特別～雞皮，香脆得黎唔會好油！牛油蒜蓉燒蠔，擠咗檸檬仲好味，好juicy 嘅口感～蠔好大隻又肥美，推介！食完串燒就叫啲刺身啦，質素都唔差，都好新鮮～海膽好鮮味，又大pat~拖羅色澤粉粉嫩嫩，入口即融，好味！仲有蝦，魚子同時令刺身，都好鮮味，友人都食得好滿意！

#太郎居酒屋 大食怪出動😋😋一個人走去食日本野 居酒屋！呢間餐廳應該新開成日趕時間的我鍾意試新野因為暫時仲唔使排隊🤪一入到去服務員服務不錯幫我調教冷氣 （怕凍的我🥲很讚❤️）我鍾意佢有屏風嘅設計 私隱度極高 加上好寧靜 👍👍牛油果軟殼蟹卷 $78唔好睇佢得八件 食到一半嗰陣已經好飽肚😌😌 入面主要軟殼蟹牛油果同埋一啲蔬菜🥬 第一次見咁健康嘅壽司🤪 我係超鍾意食軟殼蟹 不過唔太鍾意佢入面嘅蔬菜🥲 佢啲飯係本來巳有調味 不過建議如果有醬汁會更好味 因為食到最後有少少乾 呢個正正常常 但唔係話特別好好食😉蜜糖雞翼兩隻 $23豚肉蘆筍卷 $28我一直都好鍾意食串燒 反而呢間串燒我覺得不錯 不過價錢方便偏少少貴加一服務費太郎居酒屋 尖沙咀廣東道82-84號流尚坊9樓#生活小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #相機食先 #hkig #hkgirl #食好西 #西餐 #餐廳 #香港美食 #香港好去處 #甜品控#cafe #拍拖👫#打卡#jessicafoodhunt#jessicafoodie

尖咀美食多，知道最近新開日本餐廳，就決定係時候叉叉電，食好野。新店裝潢有特色，感覺似古代衙門既地方。地方最然唔大，但都空間感十足，仲有榻榻米房添，最岩同朋友黎吹密計啦。新鮮空運刺身冇得去日本，就黎呢度食返啲新鮮空運既靚刺身過下癮。話明空運刺身，所以日日都會唔同款。六品刺身盛今日刺身有真鯛，金目鯛，池魚，拖羅，海膽和生蠔。先嚐白肉魚，真鯛。肉質細膩柔滑，味道清淡，要先吃，否則會被其他濃味既魚蓋過其獨特既甜和香。然後再嚐金目鯛，池魚。同樣魚肉肥美鮮嫩，值得慢慢細味。接著才吃濃味既海膽。海膽肉厚且餘韻長一睇色澤就知係靚貨，金黃色，味濃，沒有紫菜伴吃。今次就用左隨碟上既紫蘇葉包海膽，味道更勝紫菜包食。生蠔又是肥美肉厚，可惜有得睇無得食。剛病好，所以兩隻都讓左比朋友吃。 睇到我流晒口水。串燒款式多，有啲仲好少見，一於就樣樣都試下。吃串燒既好處，係一邊吃，一邊吹水，特別過癮。密糖雞翼，鹽燒雞翼雞心串，雞腎串，雞頸肉串，雞軟骨串。好誇張，雞既任何部分都可以燒來吃，有啖啖肉既，有煙煙韌韌既，亦有爽口彈牙既，吃出唔同既口感。呢個雞之盛宴好特別。無得食生蠔，朋友order左件燒羊架比我補返數，算佢啦。

今日要去尖沙咀出差，喺廣東道行下行下， 見到有棟流尚坊商廈，全棟都係食店來，喺樓下見到有個二奶架寫住太郎居酒屋， 咁就一於呢間啦。餐廳位於9樓，笠門一開，一條白色巨龍就喺眼前，極具日本風， 睇黎無揾錯啦。今日唔係好肚餓， 於是就叫左個午餐Lunch Set 豚骨差燒烏冬，糖心蛋定食。Lunch Set 重配，沙律，前菜，茶碗蒸，味噌湯。沙律的蕃茄仔香甜多汁，醬汁酸酸地，醒神醒胃，啱哂夏天食。 茶碗蒸，蒸蛋蒸得剛剛好， 蒸蛋又香又滑，加埋冬菇味，好食。味噌湯，昆布超多，味噌香濃。主菜，豚骨差燒烏冬，先試啖豬骨湯， 豬骨味濃，唔太咸，味道帶點甜味。 差燒燒得甘香，豚骨好軟，烏冬份量多，有煙韌感。本人唔鍾意食太林的烏冬，呢個剛剛好。