太興 (寶輪街)

營業中

休息中

一直都覺得太興d野食好少選擇，好頹。今天原本以為又系焗住食頹餐，結果有個開心大發現，系佢出左d新菜。限量供應，售完即止。58蚊元蹄仲跟埋餐，仲想點！鵝都好抵食，無奈岩岩病好，唔敢食鵝。原以為58蚊元蹄會好細隻，結果嚇人一跳，勁大隻，勁抵食。豬皮勁入味，豬肉炆得非常爛，夠晒入味。跟埋餐飲，白飯，好滿足。不過另一個餐原本想食蒸魚，結果無貨，成日都冇貨，晤知搞咩。但餐牌日日都有哦。唯有食豆腐魚柳煲。不得不順帶講聲，呢個真的頹，食左咁多年，只有價錢在加，份量糸越來越少，整煲野里全部糸豆腐，魚柳就又少又細舊，仲要包好多粉。不過呢篇食評講的系開心大發現，新菜式系絕對值得表彰，所以點都系比正評。希望太興多d新菜式，轉轉花樣，晤好咁悶啦！

今晚星期日晚，老公偷懶不煮飯，選擇落街食，我地有太興現金券，用埋佢啦！兩個人叫三個小菜，好大食！！我地叫左胡椒湯魚肚雞鍋入面有好多料，紅棗魚肚雞木耳冬菇，同埋好強烈既胡椒味！！！仲叫左蝦醬通菜炒鮮魷，蝦醬味濃，幾好味！不過又係好細碟！仲有回味菠蘿咕嚕肉，份量細碟左d, 咁兩個人實夠食既，同埋都好好味！！！仲有兩份餐加$19 配白飯同野飲，有我最鍾意既冰鎮奶茶，雖然夜媽媽，飲甜野不太好，但人地真係好想飲呀嘛！！！同埋熱咸檸水，好細杯！！

食左咁多年太興，真系從來冇見過佢轉餐牌，悶到呢！奈何美孚真系冇咩好食，今日又來食頹餐。不過太興始終都系好多客，最近仲要出動划線等住排隊，可惜九成九街坊生意，大多數人冇望到排隊等位區，直接推玻璃門就入內。職員又冇講清楚，所以等位情況都十分混亂。好在今朝大把位。我地揀左窗邊卡位，幾舒適。嘆個早晨頹餐。我地揀左一個餐蛋面，一個雪菜肉絲米粉+炒蛋多士。餐飲糸熱奶茶同熱華田。不過不失的香港特色早餐，加上位置舒服，都算系咁。可惜N年不換餐牌，食到好悶，最重要系侍應態度好差，黑面又惡，既懶又冇記性，成日調亂晒野食或者漏單。餐蛋面：午餐肉薄切，炒蛋同面堅普通。午餐肉仲好肥添。

今晚放工又是孤獨一人晚餐，我揀左太興。其實小菜配飯都好吸引，但我一個人又食唔晒！最黎揀左燒味，三拼配米粉配油菜，$77揀左墨魚醺蹄同埋燒鵝，不過可能燒味八寶抵d $81 喳 差幾蚊， 可能份量唔同呱。墨魚爽口 唔硬，燒鵝好岩我，脂肪不多，醺蹄都好好味！一個人食，份量都好夠。去太興，我最鐘意就係佢杯冰鎮奶茶，茶香味濃，我完全係為左佢杯奶茶而黎，縱然係度食野有點貴！

當日二人下午茶, 坐低環顧店面, 客人不多, 約三分一; 做食肆生意難!我見當日凍凍地, 點咗個湯飯, 飯脚吃叉燒湯河; 食物算快上枱, 可能食客不多關係.陳皮鴨湯飯份量算足料, 湯底夠濃, 不过味道不太配合送飯, 下次都係食翻燒味較有保証; 叉燒湯河既叉燒還不錯! 

而家做近promotion 乳豬飯1200-1500 $46係同區係幾抵既 （如果真係好似餐牌影咁大舊既話）但好快12點9左右就會賣哂啲呀姐唔優做咁你舉手舉左好耐 佢都可以炸睇唔到行開其餘餐牌上四十幾蚊既燒味飯全部頹飯 普通燒味檔食既仲多 同仲好味過佢我叫左個叉燒紅腸飯 $44瘦叉燒 紅腸薄過我塊面Rubbish 中的rubbish我朋友叫左個鹹蛋肉餅飯。遲半個鐘 我食哂先上 等得黎都餓死仲要油淋淋 好難食唯一值得推介嘅係佢嘅冰鎮奶茶，側邊擺咗啲冰 ，先特別啲總括嚟講，有錢都唔好食

今晚落了單, 要自己去找吃的.居所附近的太興, 早已知名, 但未試過, 只知它的傳聞是: 價錢貴, 質素佳, 一於今晚去會他一會.六點多的時間, 有三幾枱客, 於是直入, 找位全無困難, 於是隨便坐了一個單人位.打開膠套著的餐牌, 圖文並茂, 但選擇郤並不多. 主打是小菜與燒味, 可加錢變套餐, 但是這集團以燒味出名, 一心要試試.選定了切雞燒肉飯, 加紅豆冰, 菜心的套餐, 75 大元.餐具是自助式的, 在枱底的抽屜內, 跟著便舉手叫侍應, 豈料那店的侍應都生有直望的眼睛, 在不可能看不見的情形下揮手都得不到回應.差不多揮到第五個時才有一位阿姐有反應. 好傢伙, 最佩服的是一位小哥, 在距離三呎左右向他招呼也可以直過. 這店僱了些甚麼高手做侍應?落了柯打後便安心等吃, 先來的是一隻膠杯, 因為水是自助的, 每一枱都有個小水壺, 跟著是紅豆冰, 味道正常, 可幸不太甜.十分鐘後, 燒味飯到了, 賣相可說是沒有驚喜: 構圖是不錯的, 一小塊燒肉, 相信不足二兩, 是全瘦的, 外皮已經剥落, 很薄, 一段雞背脊, 一匙水煮椰菜. 菜心嗎, 是正常的, 原條沒有切斷, 有一小匙蠔油, 賣相青

隨便落個太興食早餐~真係不幸, 因為今日本身就好迫, 迫得黎仲要裝修緊...嘈到爆~D 細佬仔又係度喊.......都無計, 唯有拿拿聲食完快D 走~可能真係因為好爆場, 張台都抹得有D 求奇~~我叫左個炒蛋, 通粉, 凍檸茶~太興炒蛋依然係無失手既! 又滑又重蛋味, 一定唔係用蛋粉開架啦~個通粉就一向我都麻麻地 , 湯底好重豆味, 好清淡咁~~凍檸茶就茶味算少, 但糖水都幾重手! 呢度既奶茶完勝~~

太興的雪菜肉絲米一直都是我杯茶。討厭的是，一般日子的早餐菜單，雪菜肉絲米要配搭多士、炒蛋、火腿等等什麼的，弄得份量未能滿足口慾。幸好周六、日、假期的早餐菜單彌補了這缺陷。米粉是主角，一字記之曰爽。雪菜甜甜的、肉絲質素不錯、湯頭喝下去也不太會感覺口渴，大大的一碗，吃下去，非常滿足。價錢有人批評貴，但老娘不管，吃到心頭好，值得的。

點左個香辣札肉碎湯米早餐，跟好立克走奶。個早餐一上黎就變成零食慾，賣相差到無朋友，湯蓋過米粉，啲肉碎似有還無，條扎肉直徑同個一蚊銀相約，厚薄如75g的A4紙一樣。令我對太興過往的影像徹底幻滅，如果餐版上的圖片只屬參考，我會話係同餐牌上圖分大纜都扯唔上，圖片已不具任何參考價值。

對於糯米雞這種邪惡食物，饞咀的我無可能戒得掉啦。年紀大了，為了健康的緣故，對此物變得越來越挑剔。到目前為止，我要把票投給太興。先從饀料説起，太興的糯米雞除了有雞塊外，葷的部份有义燒一大塊，臘腸一小塊，還有混有醬汁的肉碎；素的部分有馬蹄和蓮子，加上一頂小冬菇。葷素相當均衡，顯示了食物製作團隊的心思。值得一讚的還有，糯米皮薄薄的，餡料都包在中心位置，每一口都能吃得到皮饀，非常美味。

自從被醫生勸告要注意飲食後，自設的餐蛋麵配額大多數都是給了太興的頂級午餐肉滑蛋公仔麵。 一般餐蛋麵都不會配菜上，就算有菜都不會是菜心。太興用一條青葱翠綠的菜心，置於邪惡的餐肉和公仔麵上，真的是天使與魔鬼的結合。麵底滑溜彈牙，勝過一般的丁麵。趁麵還硬身，我喜歡把麵先吃完。慢慢品嚐的話，麵會太腍。滑蛋的做法與別不同，是把一大片嫩滑的蛋皮往裏包住流心的蛋汁，很是美味。兩片厚切的餐肉聽說是用某質素比較好的品牌，吃下去感覺良好，不用擔心是劣質肉。湯頭比較清及少油，減低了罪惡感。價錢是比較貴的，但此物已不能多吃了，就選個優質一點的來享受吧。

翻開放在門口的菜單，首頁見有足料燉湯。聲稱燉足6小時，絕不添加味精，原汁原味。 白肺湯是我喜愛的湯品。走進店內，馬上來一客。塊頭比一般盅湯大。打開盅蓋，杏香撲鼻。冒著熱氣，呷一口濃湯，有膠口的感覺，火候是足夠的。 令人失望的是，伴湯上的湯料不足。我至愛的白肺只有三件，不會食過翻尋味了。 常言道，要考廚師的功夫，要選簡單的菜式。今次試了鮮茄蝦仁炒蛋。賣相不合格。鮮茄偏少，蛋偏多。蝦的份量不欺場，且用大蝦。遺憾的是，食蝦仁炒蛋，我更愛用細蝦，可與蛋更融和。 因叫了小菜，原本48元的燉湯，優惠價38元。

趁住下午茶就完既時間衝入去叫碟頭飯，就係呢碟青衣魚柳枝竹豆腐飯。賣相OK, 魚柳都有好多塊，加埋枝竹同豆腐，份量係夠飽既，下午茶黎講算無欺場。枝竹同豆腐都索晒入味，無淡謀謀既感覺。而主角魚柳由於炸過，但外皮唔會厚，裡面魚肉雖稱唔上新鮮，但並無雪藏味。下午茶埋單46元包野飲，最後我6點前一刻先叫，基本上係晚餐時間。

這間行中高檔茶餐廳，感覺像比一般茶餐廳歡迎。因為裝潢較靚，食物質素也較高，所以價錢也較高。燒味固然好食，下午茶較抵吃，價錢約四十元。我經常光顧下午茶，最常點是瑞士汁炒牛河。賣相看的確是和其他茶餐廳的干炒牛河很像樣，但吃下便知有點分別。這碟牛河也是干炒的，配料也用上牛肉塊和河粉，精髓在於瑞士汁，比傳統用豉油真係唔同，味道略帶點甜味，效果算好。牛肉塊夠大，也爽口但不會好林身。要批評是干牛河的通病，太油利了😞