太興

營業中

休息中

太興一向以燒味馳名，但近日發覺質素下降了。上次點了燒味雙拼，燒鵝拼火腩，結果兩者都膏多肉少，味道也偏鹹。這晚點了燒味小菜二重奏，燒味就選了半隻切雞，小菜就點了蝦皇醬通菜炒鮮魷。今天是工作日，所以送了白飯兩碗，另加點了冰鎮奶茶 （ 加$13 ）。切雞半隻，份量頗多，不過雞皮比較乾，口感不夠柔軟，雞肉反而質感不錯，味道也是偏鹹。蝦醬通菜炒鮮魷，鮮魷口感柔軟，通菜也炒得香口，味道好，份量也算不少。冰鎮奶茶，也是太興名物，有茶味，不過今次也好像略甜了一點。

食咗粒牛角包，正！🥐包外酥內軟，啖啖牛油香，好有層次感。搽上厚厚嘅芝士同火腿，咬落去既多汁又惹味，一啖口芝士拉絲，咁滑咁滋味，真係好正！西多士餐嘅雞翼😋，皮唔算最脆，但係肉汁保持得唔錯。咖喱味足，辣香挑逗味蕾，雖然可以再猛烈啲。西多士就算唔特別，足料就真。公司三文治餐，較有彈性🥪。料豐富夾雜鮮嫩，雖然無大突破，但食落開胃勁足。每次食完都暗暗嘆息，依家啲三文魚都重口味，但係做得好實在。港式燒味，飛咗幾千海里，原來唔洗喺香港，太興嘅叉燒脆皮乳豬飯，味道鮮美多汁，一啖又一啖，燒鴨好香味，皮脆得黎唔膩，賣相靚，食落嘅感覺更完整。八寶飯濕潤香甜，配料搭得宜，正中秋虢！凍奶茶順滑香濃，飲一口氣爽神怡。總括，呢家店勁好食👍，真係港式情懷實力派，值得再嚟！

Sunday，生活節奏自自然然的放慢，加上連續多天下雨，讓人更不想動！午後，天氣終於好轉，可以出外走走，順便吃東西。到達太興已經近下午3時，點了兩份下午茶餐，包括以下的：#公司三文治：賣相佳，好足料，味道好！我喜歡吃公司三文治，太興的定價50元 (包熱飲1杯)，比Café de Coral的貴12元 (約31％)，但太興用料比較好，麵包烘得香脆，而且是“飛邊”，成功勝出！#紅腸油雞飯：我自小喜歡吃燒臘檔的紅腸，太興下午茶餐竟然有“紅腸專區”，surprise！滿滿的童年回憶！#熱奶茶：紅茶底沒有澀味，入口順滑，好喝！#鹹檸水：不想喝奶茶、咖啡的話，鹹檸水是個很好的選擇！

三栟燒味黎講貴錢偏，但高味道還可以。找數時見佢好咭機，所以問一問佢收唔收VISA。點知個女店員個樣好似我依家冇錢畀咁樣串串貢話：“唔收咭喎！一係八達通，一係就cash！” OK咁我畀八達通！即係我唔介意你太興可能唔收信用咭或者部機壞咗，咁有禮貌D建議用其他付款方法就可以！無端端畀人串一串，食飽都冇晒mood了！

下午茶啦⋯⋯🥰🥐牛角包嘅火腿芝士三文治。二話不說就叫咗呢個餐-火腿，芝士加生菜仲有蕃茄添。一個包已經可以滿足晒我一日應該要有嘅部份營養。-牛角包好鬆脆，牛油香味都好香，好貼心佢已經將佢用牙籤插開做兩份。我只要用一把刀切開中間就可以分開兩份食。就唔需要好狼狽咁成舊咬😝。🧈雞翼西多士餐-雞翼個皮就有啲炸得唔夠常識，但係入面係好好味嘅。西多士就一般貨色。🥪公司三文治餐-佢哋嘅公司三文治不嬲材料都好充足，仲會係特別新鮮。每次叫親嚟食都好有滿足感，因為佢真係樣樣齊。我通常食兩件已經可以頂到一個下午茶餐而又跑肚嘅。剩返落嚟嗰兩件咁點呢，當然我梗係外賣帶走啦😛。

Weekend去饒宗頤文化館上工作坊午飯唔知食咩好🤔就行去對面九巴商場食太興😆唔想食澱粉質 所以齋叫燒味🤔叫咗半隻切雞🤣 自己一個食😆上枱賣相都幾靚 斬得都幾整齊🧐仲有兩碟薑蓉 好貼心👍 隻雞肥瘦剛剛好😋而且雞肉都好滑😋就連雞胸肉都幾好食👍👍 另外加錢叫咗個燉湯🍲杏汁煲豬肺湯好耐冇飲過呢個湯 杏仁味相當突出! 豬肺洗得好乾淨 完全無異味👍而且燉到好淋👍口感就好似食緊一舊肥豬肉咁😂上枱熱辣辣♨️ 燉到好出味❗推介👍

外賣再次被偷走多士！！！話說上次到美孚曼克頓山太興買外賣，買三個餐有兩個餐跟多士，但太興俾漏左一份多士，咁諗住佢都係唔小心架姐，一次半次我落去拎返就算啦，但係都已經嬲到震。點知今日又係咁，外賣明明叫左三個餐，一個D餐扎肉米跟多士熱檸水，兩個K餐雪菜米跟多士熱檸茶，三個餐都有跟多士。佢一袋咁包好比我咪拎返屋企囉。返到屋企，食食下先發現袋入面又係只得兩塊多士，谷鬼氣！！！今次就豪比佢，唔落去拎啦，咁鐘意扼多士，塊多士就留返俾佢食啦，以後無幫襯！！！

老公很愛吃下午茶，太興是他喜愛的選擇。燒鵝湯米粉：本來我覺得$38有點貴，但食物上桌，嘩，竟然是燒鵝髀，立即變得超值！太興燒味一向美味，這燒鵝很好吃，皮脆肉香，高質！太興牛肉麵：似乎是牛𦟌，嫩滑好味道。麵條軟滑，湯頭也不錯。冰鎮奶茶是太興的招牌飲品，奶底香滑，冰鎮保持奶茶的濃度，每次老公必點。柑桔蜜不太甜，也不錯。

太興是區內食物較美味的一家食店，這晚到太興晚飯，點了鹹魚蒸肉餅和鮮茄蝦仁炒蛋，前者是特價小菜，只要48元，後者是正價小菜，送白飯和飲品，我們不要飲品，加28元轉要豬肺湯。鹹魚肉質太軟，肉餅味道不錯，份量也不少。鮮茄蝦仁炒蛋味道也好，蛋炒得很滑，蝦仁頗大隻，番茄則不夠鮮味。豬肺湯材料足，味道好，份量有3-4小碗。這兒環境尚算不錯，侍應工作勤快，不過今晚點的是豬肺湯，侍應卻為我們點了鯪魚粉葛赤小豆湯，湯上桌後我們提出，侍應立即為我們更換，雖然忙中有錯，但也算可以接受。

2019年2月11日（星期一)晚飯選擇幫襯開嘅美孚太興，因為隔鄰有間新開嘅南記，所以今晚特別容易搵位。落單叫咗兩個套餐，一個係薑蔥焗龍蝦另外一個係榨菜蒸雞。薑蔥焗龍蝦龍蝦肉質麻麻哋，唔多新鮮好彩亞廚功力有返咁上下，夠鑊氣，啲薑蔥炒得好惹味，變咗做主角，最快食晒！榨菜蒸雞香滑大大件，熱辣辣上枱，賣相吸引，味道都幾好。破解最抵食之謎星期一至五套餐唔使比$19就已經送白飯同熱飲抵食指數爆燈，唔係間間太興都有呢個優惠，一於咪走寶仲有，記得要揀柚子蜜；「美味好飲」

一直都覺得太興d野食好少選擇，好頹。今天原本以為又系焗住食頹餐，結果有個開心大發現，系佢出左d新菜。限量供應，售完即止。58蚊元蹄仲跟埋餐，仲想點！鵝都好抵食，無奈岩岩病好，唔敢食鵝。原以為58蚊元蹄會好細隻，結果嚇人一跳，勁大隻，勁抵食。豬皮勁入味，豬肉炆得非常爛，夠晒入味。跟埋餐飲，白飯，好滿足。不過另一個餐原本想食蒸魚，結果無貨，成日都冇貨，晤知搞咩。但餐牌日日都有哦。唯有食豆腐魚柳煲。不得不順帶講聲，呢個真的頹，食左咁多年，只有價錢在加，份量糸越來越少，整煲野里全部糸豆腐，魚柳就又少又細舊，仲要包好多粉。不過呢篇食評講的系開心大發現，新菜式系絕對值得表彰，所以點都系比正評。希望太興多d新菜式，轉轉花樣，晤好咁悶啦！

今晚星期日晚，老公偷懶不煮飯，選擇落街食，我地有太興現金券，用埋佢啦！兩個人叫三個小菜，好大食！！我地叫左胡椒湯魚肚雞鍋入面有好多料，紅棗魚肚雞木耳冬菇，同埋好強烈既胡椒味！！！仲叫左蝦醬通菜炒鮮魷，蝦醬味濃，幾好味！不過又係好細碟！仲有回味菠蘿咕嚕肉，份量細碟左d, 咁兩個人實夠食既，同埋都好好味！！！仲有兩份餐加$19 配白飯同野飲，有我最鍾意既冰鎮奶茶，雖然夜媽媽，飲甜野不太好，但人地真係好想飲呀嘛！！！同埋熱咸檸水，好細杯！！

食左咁多年太興，真系從來冇見過佢轉餐牌，悶到呢！奈何美孚真系冇咩好食，今日又來食頹餐。不過太興始終都系好多客，最近仲要出動划線等住排隊，可惜九成九街坊生意，大多數人冇望到排隊等位區，直接推玻璃門就入內。職員又冇講清楚，所以等位情況都十分混亂。好在今朝大把位。我地揀左窗邊卡位，幾舒適。嘆個早晨頹餐。我地揀左一個餐蛋面，一個雪菜肉絲米粉+炒蛋多士。餐飲糸熱奶茶同熱華田。不過不失的香港特色早餐，加上位置舒服，都算系咁。可惜N年不換餐牌，食到好悶，最重要系侍應態度好差，黑面又惡，既懶又冇記性，成日調亂晒野食或者漏單。餐蛋面：午餐肉薄切，炒蛋同面堅普通。午餐肉仲好肥添。

今晚放工又是孤獨一人晚餐，我揀左太興。其實小菜配飯都好吸引，但我一個人又食唔晒！最黎揀左燒味，三拼配米粉配油菜，$77揀左墨魚醺蹄同埋燒鵝，不過可能燒味八寶抵d $81 喳 差幾蚊， 可能份量唔同呱。墨魚爽口 唔硬，燒鵝好岩我，脂肪不多，醺蹄都好好味！一個人食，份量都好夠。去太興，我最鐘意就係佢杯冰鎮奶茶，茶香味濃，我完全係為左佢杯奶茶而黎，縱然係度食野有點貴！

當日二人下午茶, 坐低環顧店面, 客人不多, 約三分一; 做食肆生意難!我見當日凍凍地, 點咗個湯飯, 飯脚吃叉燒湯河; 食物算快上枱, 可能食客不多關係.陳皮鴨湯飯份量算足料, 湯底夠濃, 不过味道不太配合送飯, 下次都係食翻燒味較有保証; 叉燒湯河既叉燒還不錯!