太吉

營業中

休息中

慶祝朋友的生日, 來了這家在堅尼地城站的日式居酒屋, 這一帶較少過來. 朋友介紹說這裡的氣氛及串燒均頗出色. 店的空間不大, 大約能坐10-15人, 小店的氣氛跟日本的小居酒屋很相似. 為陪不太愛喝清酒的朋友喝一杯, 點了杯柚子梅酒. 帶柚子的酸爽, 令人安心的微甜梅酒正好打開胃口. 開餐前來個和風沙律差不多是個指定動作, 和風沙律用上牛油果並不算常見, 牛油果雖不算有特別的味道, 但豐潤的口感與新鮮配搭不錯. 開場的兩款小吃都是選了脆口的為主. 鱈魚乾看起來像是闊身的魷魚乾. 其實是又薄又脆的香口鱈魚脆片. 沾沙律醬是最理想的配搭. 炸至乾脆而沒多餘油份的一口小河蝦香口非常. 令我吃得停不了口, 加上檸檬汁後連僅餘的油膩感也消除了. 如果配上一杯啤酒更好. 這道菜好像不常在其他居酒屋看到. 說穿了其實是日式煮蘿蔔配松葉蟹肉芡汁. 但這個蟹肉芡汁與蘿蔔十分對味, 蘿蔔煮至軟淋而吸飽湯汁, 正是一道容易消化又吃得舒服的煮物. 個人覺得這道煮蘿蔔也是最好的解酒小吃. 最喜歡的其中一道串燒是免治雞肉棒, 先拌勻雞蛋再以雞肉棒沾蛋汁. 咬一口, 感覺雞肉裡頭有點帶脆的口感, 估計是有混入軟骨.

收工拖着疲乏嘅身軀，很需要一點酒精，居酒屋就係最好嘅選擇。因為有各式各樣嘅串燒可以揀，呢一間我覺得收費相對合宜。自家製免治雞肉棒（$48）咬落有啲雞軟骨香，送酒一流。牛脷（$58）係我每次嘅必選，佢呢個厚度剛剛好，又不會油膩。羊肉（$38）好有驚喜，因為羊肉味好重。牛肋肉（$42）我覺得好值得一試，因為之前去過好多間居酒屋都冇試過，佢帶啲筋，好爽口。鹽燒豬皮（$28）今期限定，煙煙韌韌， 呢個價錢好抵。豚肉蘆筍卷（$36）爽口又不會太鹹。炸雞軟骨（$58）佐酒一流，一路傾計一路摸下酒杯底，很滿足的一晚。

天氣太熱，真係唔知食咩好，想簡簡單單、健健康康食一餐，同屋企人見到有間新開嘅居酒屋就入嚟試吓啦。媽媽話想試吓漬物盛盒 （$48），我自己本身就唔會叫呢啲，但食落又幾開胃。之後再叫咗個青瓜麵豉（$28），青瓜好爽脆好fresh。之後就叫番啲熱野暖下個胃，先來個柚子鹽枝豆（$28），比起其他日本餐廳，佢呢個收費都算平。跟住嚟個翠玉瓜（$18）同青椒仔（$25）；好欣賞佢啲蔬菜燒過後，仍然好juicy。至於燒洋蔥（$22），職員話要燒耐啲，如果唔係會辣，佢呢個果然好甜！然後黎一啲熱氣少少嘅嘢，就係呢個油揚豆皮（$18），又簿又脆。最後叫一個熱稻庭烏冬，好彈牙，不過以佢呢個份量， $78有啲貴。

上星期同朋友去咗西環呢一間在居酒屋食飯。雖然地方有啲遠，但係見到佢嘅裝修，好似去咗日本咁。佢哋買嘅酒種類都好多。首先叫咗個青瓜麵豉$28，青瓜都好新鮮， 青瓜嘅清新加埋食中和返麵鼓嘅鹹味。之後叫咗個安康魚乾$68，食落有啲似鵝肝醬， 不過冇咁鹹。跟住叫咗個厚切牛舌$68，好軟林， 牛嘅味道亦都好夠。仲有燒雞肝$36，一樣都係好軟熟，計過冇乜腥味，亦都唔會燒到好乾，加埋少少甜嘅醬汁好味。我仲有牛肋肉$68， 好煙好夠牛肉味。另外仲有墨汁腸$38，有好濃郁嘅墨魚汁味，腸本身都好意銀好有咬口幾唔錯。之後就叫咗個蔬菜嘅串燒。裏面有燒白鱔$68 ，好新鮮，就咁加咗少少鹽嚟燒都好好食好彈牙。着就係臀肉蘆筍卷$38 ，蘆筍只係用咗中間嘅心去燒唔好食都有查煙肉嘅香味好配搭。仲有燒秋葵$18 ，同埋燒翠玉瓜都係$18。跟住就食咗個炸豆腐$28 ，揸過嘅豆腐放想去堅魚汁上面，堅魚汁嘅香味帶出豆腐嘅鮮味，幾清新跟住就去食咗個面子雞肉棒比較貴$98 ，但係就給足了，應該係自家製裏面仲有啲蔬菜點埋啲蛋汁一齊食就一流。最後就食埋個凍嘅到庭烏冬作總結。

最近好多野都令我好唔開心、無助及憤怒！所以其中一個方法就係食多啲好味既野西環係一個幾舒服，又唔會好迫人，所以得閒去西環覓食也是不錯的選擇呢間日本居酒屋雖然唔係過好多位置，但一入到去就好有日本氣息牆壁貼滿好多不同日本的資訊安格斯肉眼定食份量一點都唔少架足足有兩塊食得出係靚牛黎架食到好raw既牛味，唔會被調味搶左啲味口感好soft, 全塊都係肉黎，唔會有根原條鰻魚蛋包飯定食即燒既鰻魚，所以要耐心等等蛋包飯係用左秘製既醬汁整，所以特別惹味而鰻魚亦好出色一啲幼骨都無架肉質好滑燒蘆荀煙肉車厘茄我好鍾意食煙肉蕃茄，外層煙肉既油香滲左落蕃茄度，特別好味，加上呢度既煙肉唔會話好肥咬開蕃茄勁juicy夜晚既串燒都好吸引有我想食既白燒鰻魚呀同埋呢間居酒屋好特別，有每日精選既sake架sake配串燒最perfect

西環出名多小店，聽講呢間居酒屋新開，即刻來一探究竟。前菜我地叫左酒盜芝士，配梳打餅乾，把酒盜鋪在像雪糕的軟芝士上面，獨特濃郁鹹香味十足，用黎做下酒小菜一流。自家製免治雞肉棒配合新鮮雞整出來既醬加日本蛋黃，既食到燒烤過既味道，肉又冇燒到乾哂，仲有啲juicy，口感十足。再黎就有牛肋肉，口感柔軟嫩滑，有一流牛肉水準。紫蘇雞肉餅方面，佢煎得好香，再上紫蘇葉調味，令人欲罷不能。串燒方面就有墨汁燒腸，免治豬肉墨汁去燒，墨汁包住鮮甜既豬肉，表皮又燒得香脆，十分出色。雞肝亦都好好味，味道濃郁。居酒屋必叫既清酒煮蜆都有驚喜，蜆肉大隻，酒味濃郁，我忍唔住飲曬d酒tim。至於廚師推介-汁煮油甘魚鮫，佢用汁煮方法魚肉軟滑，好入味，油脂豐腴，肉質嫩滑，不喜食魚既人都可以一試。

這晚和朋友來了這家串燒居酒屋用餐一步進店裡就聽到日文看來有不少的日本客人捧場呢再看看四周的環境、的確很有日本居酒屋的氣氛我們點了不少小菜和串燒青瓜麪豉用上原粒麪豉醬味道不會過鹹有點咬口、配合清甜爽脆的青瓜味道簡單而滋味安鱇魚肝上面放有薑泥提鮮口感粉嫩而且沒有內臓多餘的腥味帶點魚油香很好吃非常適合佐酒清酒文蛤文蛤新鮮又清甜用清酒煮過鮮味更加突出厚切牛舌很爽嫩、好吃！牛肋肉肉味香濃味道也很棒墨汁腸味道香甜有點像台灣腸而雞肝味道香濃亦很惹味呢！日本青椒仔很鮮甜不苦澀豬肉蘆筍卷的蘆筍很爽嫩清甜加上豬肉味道十分豐富冷稻庭烏冬烏冬非常彈牙、好吃！炸豆腐外脆內嫩滑亦重豆香味、配上湯汁十分香口自家製免治雞肉棒雞肉棒很有份量、調味不會過濃很得我心免治肉充滿彈性而且肉汁豐富、加入了軟骨增加了口感、再沾上蛋汁味道一流

星期六在家附近買完日常用品，經過厚和街，發現了一間新開的居酒屋，叫太吉。反正家附近真的沒太多這類型的小店，就跟細佬入去試下！小小的店，內裡裝潢很有日式居酒屋風格，貼上了很多日式酒的貼紙，還有酒瓶裝飾！我點了枝富士山柚子梳打，有氣的柚子蜜感覺，挺清新的！我們點了不同的食物，前菜、燒物、煮物等等。螢光魷魚沖漬就是非常小小的魷魚，咸鮮，用上醃漬方法加上秘製汁，濃味一點的前菜，也是佐酒小吃！自家製免治雞肉棒雞肉刴碎了而成，鬆軟中帶爽脆，將蛋黃與濃厚鮮甜的醬油伴勻，與雞棒同吃，鮮味！厚切牛舌十分推介，味道濃厚，牛舌有彈性又軟嫩多汁！不需太多調味料都好吃！燒白鱔鱔肉飽滿，不會烤得過度，表面帶金黃，控制火候得好好，突出鱔香。咬一口，皮好脆，肉質結實但有彈性！醬燒豬皮沒有多餘脂肪，燒完捲起來，有厚度，口感好Q彈，在其他居酒屋少見！餐廳推介了吉列紫蘇梅子雞肉卷給我們，紫蘇加上特製梅子醬調味而成，外層好鬆化，加了紫蘇跟梅子醬，口感很清爽！松葉蟹大根煮很清甜的蘿蔔，加上好鮮甜的松葉蟹，很適合夏日的菜色！韮菜銀芽炒豬肝首先是會想到廣東菜，韭菜鮮嫩，豆芽脆爽，豬潤炒得好香，也很適合佐酒！整體感覺是很有heart

今日去HKU揾Dr.傾揀藥既野，之後约左瑪麗既舊同事落去堅尼地城食街(厚和街)揾食，行到街中間見到間舖面細細似足日本橫街內既居酒屋咁，由窗外望入去見幾有氣氛，一於入去試下呢間 "太吉居酒屋"。佈置上，牆身貼滿清酒既Label, 吧枱上放左唔小得意裝飾，同時特式菜牌都掛左在牆上，播住輕快日本歌曲，再加上柔和燈火，營造出輕鬆舒服既氣氛，真係可以放鬆心情談天說地一番。黎到居酒屋，第一件事梗係每人先叫draft beer啦，我地4個人重帶左支清酒去，店員話幫襯佢地一支啦，可以free左開瓶費，咁就叫店員介紹一下，拒推薦左兩支給比我地揀，佢仲話我地帶二割三分黎飲，唔可以揀支太差喎⋯⋯咁識做生意😬。先叫左d 餸酒必備小吃：枝豆/ 雞泡魚干 / 燒雞軟骨，店員亦推介了雞胸軟骨食住先。隨後叫左MENU 上有👍的串燒，"牛肋肉"，"一口牛柳"，"雞脖側肉"，"雞腎"，"雞心"，當然唔少得必食既 "雞翼" 啦。樣樣野食落去真係牛有牛味雞有雞味， 味道適中 唔太喊又唔太淡，最緊要唔係味精囉。我特別鐘意有咬口既肉質，所以"牛肋肉" 同 "雞脖侧肉" 真係我既至爱呀😍🤗。店長偷聽到我like有咬口既野，就叫我試

今個月少出街吃飯, 因為工作忙, 晚晚 OT.   今日難得清閒, 袋中份糧仍未郁動, 女友話去居酒屋好嗎 ?真好提議, 我喜歡日式串燒, 又可以飲清酒.  夠悠閒, 可減壓.   女友揀去西環 太吉, 由地鐵站行去不遠. 依一般居酒屋格調,   有吧檯, 半開放式廚房.燈光柔和, 拍拖晚餐, 談天說地, 很不錯.日本酒選擇多, 我點了支日本清酒,  店員送來特式小酒杯, 大家各選喜好.清酒味道濃淡相宜, 醇厚清香, 更可提升食物味道.大葱葱味濃, 爽口無渣.厚燒牛舌厚切的牛舌燒得香脆, 咬落好彈牙, 入口滿滿的油脂感和淡淡的牛味, 滋味滿足。豚肉蘆筍卷薄薄的豬肉片包裹著爽甜的露筍, 細嚼那燒香的豚肉, 加上鮮嫩蘆筍, 吃得稱心.雞翼串燒少了要吃雞翼, 上檯已聞到香氣, 外皮香脆, 肉質嫩而多汁, 女友話好想吃多兩隻. 鯖魚燒工相當好, 火力平均, 鯖魚營養價值高, 啖啖肉, 吾腥, 又無骨, 好好食.自家製雞肉棒入面有雞軟骨碎, 好有咬口.   蘸上温泉蛋, 更添美味.松葉蟹大根煮汁煮松葉蟹是一個創意菜式, 松葉蟹一絲絲, 好滑, 味道鮮美, 特調的醬汁簡單清甜, 連蘿蔔也煮得非常入

平時多在銅鑼灣覓食, 因為購物商場集中.  今晚朋友約我去西環吃串燒, 大家約好在地鐵站等, 只行 4 分鐘便到 太吉. 發覺西環有份寧靜感, 也吸引. 餐廳內外環境, 裝修及佈置,  都好似日本既居酒屋,座位整齊, 坐得舒適,  侍應有效率地安排座位, 送來熱熱的日本綠茶, 清香解渴.  食物方面, 主打燒物. 我們先點了, 八木酒造 原熟梅肉梅酒. 酒質淡麗清醇, 味道溫和而不太濃, 正合我們心意.看看今日推介, 食物也有特式,  我們點了多款.翠玉瓜 ~厚切, 非常新鮮,  爽甜且多汁, 我和朋友各分一塊.豚肉蘆筍卷 ~很香口,  薄薄的豚肉卷著蘆筍,  經過燒烤後, 保留蘆筍本身的水份, 吃起來不乾.  好滋味.原條茄子 ~有木魚絲伴著, 及甜甜的醬汁, 把茄子原來又香又滑的口感, 更令人吃得開胃. 雞頸肉 ~非常香口, 脆脆的沒有肥膏,  還有點鮮雞的油香味道.白鱔燒白鱔肥美而不油膩, 肉質嫩,  邊位燒得脆脆, 既香口又惹味.  加點檸檬汁, 更滿意.紫蘇雞肉餅   日式紫蘇雞肉餅, 燒得香,  肉質鬆爽多汁,  免治雞肉混合紫蘇, 清香解濕, 嫩脆甜美, 夏天 吃最合時.

現在香港差不多區區都有食街，從東至西，東區有筲箕灣的東大街，西灣河有鯉景灣，銅鑼灣都有條食街，西環就有厚和街。今日下午就喺厚和街搵食。自從地鐵通車到堅尼地城，堅尼地城變化很大，經過舊區重建，以前狹狹窄窄的厚和街，也變得乾淨企理。眼前見有一間居酒屋，叫太吉，外觀不算太吸引，但勝在實而不華。推開又高又重的木門，店裡散發微黃燈光，佈置以木椅木桌為主，加上不少日本酒樽和日本小飾物，牆上多幅浮世繪和一些舊日本電影海報作裝飾，頗有心思。店子不算大，有20多個座位，可以坐得親親密密，很有日本居酒屋氣氛。午市定食有8款選擇 ，定食配沙律、前菜、麵豉湯及白飯，而且不收加一 。坐下選了超人氣的 安格斯肉眼定食及原條鰻魚蛋包飯定食。先來沙律、前菜和麵豉湯。沙律是簡單的新鮮沙律菜、車厘茄，配上醋汁，微酸開胃。前菜是醃漬蒜子和日本青瓜，醃漬後的蒜子不帶辛辣，反覺清新爽口。麵豉湯則熱辣辣，麵豉味香濃。安格斯肉眼定食，肉眼色澤均勻，薄切的安格斯肉眼非常鮮嫩，油香滿溢，牛味和份量都十足，而且白飯更可以添加。原條鰻魚蛋包飯定食，原條鰻魚放在蛋包飯上，賣相吸引。鰻魚大大條，啖啖肉，夠肥美。蛋包飯的飯底也不欺場，飯粒事先經

五月最後一個星期五，天陰有雨。好友在西環辦事，難得有人在堅尼地城約我午飯，在附近找到這家新開的居酒屋，就進去看看。店面不大，很有日本居酒屋的親切感，牆上貼滿清酒瓶標籤，感覺舒服放鬆。中午時段有數款定食選擇，我點了安格斯肉眼定食，肉眼份量十足，已經先切件排好，裡面是燒得剛剛好的五分熟，色澤紅潤均勻，肉質鮮嫩多汁，牛味重，太適合配白米飯。雖然是中午，我們各點一杯Suntory Premium Malts，一款充滿麥芽香氣，100％使用天然水釀造的啤酒，悶熱的天氣可以清涼一下。朋友的鰻魚蛋包飯定食又厚又長的鰻魚非常吸睛，外面烤得焦香，帶點點酥脆，有適量辣椒絲提升味道，一口咬下，盡是滿口柔美軟嫩 。最特別的是蛋包著的米飯，是師傅自家調較的醬汁，混合日本山椒粉煮成，配合鰻魚燒汁跟蛋漿，簡直讓人欲罷不能。定食要做得出色不容易，在堅尼地城可以找得到實在是太方便了。有機會要晚上來試他們的燒物，感受一下日本上班族下班後在居酒屋的滋味。

我們在附近上班，選擇了環境別緻的太吉午膳。修身中，不吃澱粉質，並告知主廚。他竟然百忙中為我炮製了燒烤野菜代替了飯。十分感動！和牛配搭燒烤野菜實在是一番風味。拍檔叫了一碗咖喱牛肉飯，嚐了一口，發覺這不是牛肉，而是牛腩，嫩滑可囗。與員工們閑談，聽到他們早前有一對食客來「搞事」並劣評，原來都因為他們要求不能合理。在這網絡世界，人們可以隨意宣洩自己的情緒，所以安慰餐廳經理不需要太在意食評。用心做事，問心無愧就可以了！事實上是：此餐廳員工態度友善。價廉物美！希望再次光顧！

朋友慶祝生日想吃日本菜 ，聽聞堅尼地城近年開了很多不同菜式的餐廳，我們決定到該區搵食。碰碰撞撞來到厚和街，這條小街竟有大大小小十多間餐廳。繞場一周後，我們揀了這間裝修日本味甚濃的居酒屋。一進門便碰到掛在門上的小銅鈴，店略小，裝修以木為主，簡約拙撲，牆上貼滿了日本畫和大量清酒標籤，感覺很像去了日本的居酒屋。我們4人分別點了Suntory生啤和柚子酒，朋友喜歡吃雞內臟，點了心肝腎和店員推介的雞頸側肉，再點了澳洲M5和牛腹肉、牛舌、一口小河蝦、燒原條馬友魚、韮菜銀芽炒豬肝（好耐無食過）、酒盜芝士和一些蔬菜串燒。我們邊吃邊喝，啤酒喝光了又隨意點了酒牌上中價的清酒（因為唔識😅）。以小店而言，清酒的選擇不少，食物質素超出預期，特别是燒物，燒得恰到好處，外不燶內仍juicy，我們挺滿意的。全晚店員及年輕店主十分友善，服務周到，讓我們過了一個十分愉快的晚上。太吉，我們會再來的。