太吉

營業中

休息中

震撼原條鰻魚蛋包炒飯今日中午要去要幫老闆去厚和街順豐取件，撞啱排長龍，又未食飯，見到隔離店門口放左d花籃，知道有間新店進駐，就試試啦～一個人坐在吧位，餐牌定食選擇不多，就叫左個原條鰻魚蛋包飯，姐姐仔話係招牌菜。現時其實都好興用呢個Style 出鰻魚飯。個餐會跟小前菜，沙律，麵豉湯。主菜到時，我真係<嘩>左一聲，除左條鰻魚比預期中大條，蛋包住既竟然係炒飯黎，一個午市定食，都咁多工序～～無論賣相與味道都有驚喜，可以一試。

得閒無聊去咗西環行下，見到有日本餐廳就諗住入去試下，環境上都ok既，但地方就比較細，餐牌亦不多野食揀，可能係lunch掛，去到話2點15就last order，可能趕收工，咁我地就叫野食，我同朋友各自叫了一客定食同飲品，食物黎到，我叫果個安格斯牛定食個賣相都可以既，但就真係得個樣囉，因為個牛基本上係冇牛味，得小小黑椒味，個汁我個人覺得就太甜，我朋友個定食就慘啦，佢形容為同吉X家既牛肉飯冇分別，啲牛肉仲要好un，個汁又係好甜到呢，好似用糖來煮咁，我地仲叫咗個燒黑毛豬腩，呢個黑毛豬真係唔值咁貴，個汁又係甜既，又好油淋淋，一食落口成口都係油同肥膏，我知果個係豬腩，但以我所知，好食既豬腩唔會食到一口都係油🤮🤮呢間野可以話係.....，啲味道碟碟都係一樣~>甜既，啲牛肉就un既，個麵豉湯係好普通係7x9到好平既湯包味道,不如唔好用我仲覺得佢地落咗超多味精，因為我同朋友食完都好口乾，埋單之後飲咗成支水以上，成餐飯咁就食咗5百幾，食完都覺得我自己係白老鼠。總結：好睇唔好食，要比呢個價錢去食呢個午餐，我寧願去食快餐店冇咁嬲，咁可能更加合適