天鴻燒鵝飯店

營業中

休息中

選堂食還是外帶? 要不要$8的例湯? 選例牌上裝還是下裝呢? 最後淨選外帶下裝$95. 不過我坐低試一件先走, 怕一小時後燒鵝凍了, 影響味道, 避免不公平地說不好味, 堂食的一件外皮小小脆, 熱度十足, 令我安心地往街市買七元菜回家煮飯, 經濟一點.附上的酸梅醬雖不是自家製, 可是香港製造, 也值支持.開飯前燒鵝被叮暖, 我的加工也影響了外皮的脆度, 這點我亦明白. 幸好隻鵝應該經常做運動, 偏瘦似的, 外皮也薄薄的, 肉汁仍有不少, 不過不是件件厚肉, 有部份是外皮包骨, 尤其位於盒內下層的燒鵝, 下層還加送數件鵝翼鵝掌. 到食完才記得忘記飲啤酒啊.其實鵝比雞及鸭貴得多, 幸好我嗜切雞或油雞, 否則便要多些行過來光顧了.平時想吃燒味, 便簡單買盒十多元的义雞飯外帶吧, 味道當然一般而已.

已離開我八年多的老爸，生前最愛食燒鵝脾，記得有年暑假，老爸特意回家跟我食午餐，我亦特意買一盒免切鵝脾飯給他，他見到後臉上那種歡欣喜悅，廿多年後的我亦常湧現在腦海...今日特意到元朗天鴻，一嚐馳名燒鵝脾之餘，亦懷念一下爸爸的笑容...呢度嘅燒鵝瀨粉價錢上絕不便宜，以呢間小店裝修格局黎講，更加係令人有少少吃驚，不過呢度燒鵝水準之高，跟老字號鏞記及海外聞名嘅深井燒鵝絕對有得揮，同樣皮脆肉香，肥瘦剛好，加上留有微熱嘅餘溫，實在掂到爆～！瀨粉雖然係小配角，但咬落質感唔錯，而且帶一點米香，非常討好～！P.S. 爸爸，好想你可以跟我再嚐燒鵝的滋味⋯i miss you！

提起燒鵝難免想起名揚海外的鏞記和深井燒鵝吧！其實，坊間亦有不少用心小店製作出美味燒鵝。天鴻就是其中一間燒鵝水準足以媲美名店的燒味飯店。事先聲明，此店的燒鵝飯不算便宜，普通一碗燒鵝飯已超過三十元，要是指定吃鵝肶、鵝胸要額外加錢，吃一碗鵝肶飯已過半百塊錢。但論份量與水準，個人而言則絕對認為值得。燒鵝由於每天自家燒製，且去貨快，雖不至於每次有幸吃到熱騰騰的燒鵝，但是，總不會是冷冰冰貨色。再加上燒味師傅豐富的經驗與技術，因此，燒鵝皮脆肉嫩，咬一口，鵝油甘香充斥口腔每一個角落，鵝肉仍能保留肉汁，而且，燒鵝味道調校得正合心意，不會淡出鳥來，亦不會過鹹，配著梅醬入口，既可減去油膩感（罪惡感？），更能進一步打開胃口，實在錦上添花。白飯雖說是配角，但同樣不馬虎，飯粒均勻，軟硬適中，個人而言是對路之作。通常光顧燒味飯店，多數贈送例湯，不過，十分抱歉！在天鴻要飲例湯，則另外付錢，但亦有不少捧場客甘之如飴，事關店子的例湯不含味精，老實說，論香濃一定不及家中自製湯水，不過，要是對於平日少飲湯水的朋友來說，不失為一道健康的清泉，因此，也頗受客人歡迎。個人特別喜愛天鴻的霸王花煲豬骨湯，因為清洗霸王花要花時間和心機，

今日八點多去食已賣晒义燒, 燒肉, 雞.叫了燒鴨飯加例湯例湯來時, 全無湯渣, 清湯一碗,喝了一口, 和水没分别.湯就喝了那一口没再喝.可能湯己賣完, 夾硬弄一碗出來.但不可當食客是傻瓜,不成就不賣.埋單就留下了滿滿的湯, 當然要付款呢,他們全不覺有問题,以後也不會來了,不成的也照賣,生意良心 ........... 看不到.

Lunch time 响公司有同事叮飯，忽然傳來陣陣燒鵝香，搞到我食指大動兼流晒口水，於是決定今晚食燒鵝上嚟揾吓邊度有靚燒鵝食，先發覺原來元朗有間好出名嘅天鴻燒鵝，咁近我無理由唔試吓嘅！本來有想過試吓佢嘅燒鵝肶，但一個鵝肶飯居然要$70　肥師奶雖然未至於慳家，但用成大半佰响間地茂舖食碗飯，越諗越赤......所以最終都只係叫咗碗油雞肶併燒鵝飯！第一次食用碗裝嘅燒味飯，平時食開嗰d都係碟頭飯，反而覺得碗飯個陳設好靚噃，未食先加分　首先當然係試吓燒鵝，提供嘅部位就唔多靚喇，得兩舊仔係全肉，其餘幾舊都係肥膏同骨　可能唔係剛出爐，鵝皮已經唔脆，但肉質鮮嫩，帶有淡淡嘅鵝香！　跟住到隻油雞肶，雞肉滑而入味，雞皮直頭滑到"sir"落喉嚨咁，再加埋ｄ唔太油又夠辣嘅薑蓉，簡直就係蓋過燒鵝嘅鋒頭！可惜今餐嘅燒鵝稍為失色，未能滿足我對燒鵝嘅渴望　但我應該會再俾機會天鴻嘅，但下次真係要等到佢ｄ燒鵝出爐先好買，免得再次吊癮

今天終可來到天鴻試一試他們的燒鵝。和斌斌分別叫了燒鵝例牌(下裝)和油雞例牌另加白飯一碗。兩個燒味賣相吸引。油雞十分嫩滑,而那些豉油汁撈飯亦十分好味但又不覺肥膩。更欣賞是那些蔥油已隔去了油,點多一些也不怕啦~(至少心理上)反而燒鵝令人失望呢!原因是咬下去時覺得那些皮有點"UN",也不太入味。問斌斌覺得陳記還是這裡好。他作出了另一個選擇:三聖的興記。我也舉腳贊成呢!

一直以來都聽聞元朗有間燒味店,日賣近百鵝,有點兒不大相信,就找一個星期天,十多個食友,反轉大西北,先去爽爽麵店,國記,再來太陽與海台式店,大發的奶茶,果之郎的魚蛋蘿蔔,德善堂的百花蛇舌草,到了主菜的是天鴻. 由於是街坊生意,店內坐位不多,大家在門外分兩圍排排坐,帶點大牌檔風味,雖然有天氣悶熱,大家說說笑笑都不在意. 有地膽食友安排,跟老板一早打個招呼,先來幾樽五花茶消暑,細心得很,菜式亦由老板拿主意. 南瓜豬骨湯 : 是晚有點熱,無味精湯又清甜滋潤,好味. 蒸炸饅頭 : 原本用作夾東坡肉之用,老板亦安排了椰漿而不是常見的錬奶給大家蘸點,感覺幾特別,但味不夠濃.而炸饅頭是炸得幾香口,個人幾喜歡. 東坡肉 : 五層肉處理得晶瑩剔透,脂肪位蒸煮過變得不會太油膩,濃油赤醬做得有色但味不足,可以更強些就好了.海哲萵苣 : 海哲萵苣頭面灑了一層芝麻粒,令嘴饞時增加香味,海哲夠清爽,而萵苣頭亦嫩脆,令人很滿意的前菜. 紅酒燴牛尾 : 自家製出品竟然比坊間不少食店還要好,用紅蘿蔔及西芹的蔬果甜品,加上紅酒炆牛尾,肉質夠軟綿又夠香. 燒鵝 : 日賣不過百,至少都幾十,單是大家食飯時的一段時間,老板是斬過

見咁多人推介呢間飯店，尤其是燒鵝，作為食家的我點會唔試.. 但係D燒鵝係完全唔得囉.. 又凍、肉質差、味道差....同深井(YK) o個D差得遠..地方尤如大排檔一樣.. 上菜速度極慢..

聽佢個名係元朗賣燒鵝都有d知名度,今次終於試咗天鴻燒鵝,因為我下午5:30左右去買外賣,未係最新鮮出爐嗰隻,但係都一樣皮脆,而鵝肉都入晒味個豉油汁重係用隻紙杯另上,真夠細心而食到底重有驚喜,通常半隻鵝都唔包鵝翼,同掌,但佢地就滷咗d鵝翼同掌,齊比你貨真價實,足半隻

之前見到大家的食評都大讚"天鴻"的燒鵝很好味！今日終於忍唔住去元朗買半隻回家考敬父母先！我6:45pm去到既然得幾個人排隊;太好啦,可以快d回家品嚐一下！起初,媽媽知道價錢後說有點昂貴、不過她一打開外賣盒；見到滿滿一盒、連鵝掌及鵝翼(滷水味)也有。媽媽十分滿意，之後她再嚐一下燒鵝；她就覺得物超所值了！聽到媽媽的讚賞,我們也立刻試下先，果然皮簿肉滑、又唔會有一陣"騷"味；連囡囡也吃了不少燒鵝肉。下次我一定會再幫襯啊！

在出這篇食評之前，已先把鵝脾的照片放在Facebook，有食友甚至留言認為似燒鴨多於燒鵝，大概可知水準如何。鵝脾上桌，急不及待咬一口，發覺皮不脆，肉味不濃郁，肉瘦就更加不用多說，實在是失望。還好，肉質尚算鬆軟，所以都不會太難食。明白到已經過了清明，又唔係重陽，鵝肉是沒那麼肥美，但也不該是這個水平吧！瀨粉不太稔，湯底亦淡口，反正是配角，也沒有太過在意。$67的鵝脾瀨，實在不值。

1隻燒鵝脾免切再加燒肉再加一個靚仔再加 Ice Lemon Tea = $80熱辣辣而且皮脆肉嫩的燒鵝脾, 雖然有點貴，但一定值得！ 推介美食: 燒鵝

一行三人搭乘西鐵往元朗話咁快就到, 今日的主要目的就是往天鴻吃燒鵝,時為中午12 時, 但天鴻已坐滿街坊客, 好彩祗等了一陣就有位.點了燒鵝下莊$85 再加一條燒腩骨$37, 一靚仔. 二瀨粉, 燒鵝不愧是招牌菜, 鵝香肉熱, 一口咬下去, 皮脆又帶着鵝脂香, 肉汁豐腴, 好味到我不能停口 相比之下燒腩骨就比較失色了, 芝麻皮是脆的, 但可能是太瘦吧! 缺少了肉脂香, 唉 這也沒辦法, 時代變嘛, 講求健康嘛, 現今在香港吃到的豬都係瘦肉多過肥肉, 豬就祗是豬, 早已不能叫肥豬了. 瀨粉也要讚一讚, 粉帶米香, 湯底夠味道( 不是味精味) , 連一向不好瀨粉的我也棄飯投粉這些還保留着傳統風味的街坊燒臘店是越來越少了, 現今大部份燒臘店的燒臘全都選用冰鮮貨色, 一味得個平字, 但食味全無, 味如嚼腊我早排就在家附近的燒臘飯店吃過一碟全無味道可言的燒鵝肶飯,不停的點酸梅醬也祗吃了半碟就放棄了 這碟難吃無比的鵝肶飯也要$50 大元呀 錢付多點我是絕不介意的, 但連基本的味道也欠奉就太過份了天鴻是值得我山長水遠去支持幫襯的

久未嘗到天鴻燒鵝？母親節為表孝意於是買娘親的最愛「天鴻燒鵝」加餸星期天我都預咗買天鴻會大排長龍？我們約好一家七点鐘食晚飯，於是六点鐘到天鴻斬料？去到的時給嚇了一跳？比了錢落單還要等個半鐘才有得攞冇計原來咁多人識欣賞天鴻:燒鵝肶？？等了个幾鐘終於等到了熱辣辣的出爐燒鵝！回到家裡第一時間拿隻大鵝肶孝敬娘親她一口咬下肉汁濺出還大讚皮脆肉滑水準仍舊非常穩定保持質數！在這香港競爭這麽激列的飲食天堂裡能保持食物的質數才是我們大多的要才要求？有很多的食店寧願花費於裝修而忽略了食材的品質！好彩現代有這麼多渠道給我們收、發及查覧食物館的數質？真是要在這裡多謝創辦開飯的揸fit人！多謝！

Honey 愛吃燒鵝~ 入到 元朗玩~ 試下天鴻我們就要了1個燒鵝飯 share~用碗盛的 燒鵝飯~ 賣相一般. 先嘗燒鵝~皮真都是 脆脆~ 飯林汁太甜, 吾點好d.而燒鵝的份量太少~不是啖啖燒鵝肉~ 可能這部分 有 較多 骨...肉汁 都 很有香味~味道 其實 好一般, 沒有想像中 好~ too high expectation. 燒鵝飯 又是 好普通呀~~~~燒鵝的份量太少~ hk$30+價值都吾平 呀. 燒鵝比 很貴