天鴻燒鵝飯店

營業中

休息中

一個妙齡少女勁有型地背著鏡頭站在路中心, 左手70度角向下, 手執一隻燒鵝左肶... 就是這個構圖吸引我看介紹天鴻燒鵝飯店的文章, 點知文字比照片更吸引, 一邊看一邊吞口水, 於是一到週日便長途跋涉來到元朗, 一解對燒鵝肶的相思之苦 兩個人點了例湯, 燒鵝肶飯和叉燒油鶢飯, 因為兩個人分享的關係, 還是忍著不叫免切燒鵝肶.雖然不是免切, 但食物上檯時我們仍然忍不住高呼起來, 一隻大碟分別把切好的燒鵝肶和叉燒油鶢併在一起, 旁邊還有蔬菜伴碟, 另外有兩碗份量適中的醬油白飯, 單是看見已經覺得好好味 兩個人行動一致地一人挾一舊燒鵝放進口, wow~ 絕對是皮香肉滑, 皮雖然不是勁脆口, 但仍能感覺到那燒好不久的餘溫, 鵝汁很香, 伴白飯吃一流 坦白說叉燒和油鶢是較失色了... 在沒有特別要求下, 上碟的叉燒顯得過瘦, 口感太粗鞋, 不算合格; 油鶢水準一般, 沒有投訴就是; 另外, 例湯是一般燒臘店水準, OK~假如是經常出入元朗的朋友, 可隨意選其他燒味配搭燒鵝, 當多一樣餸; 但如果是專程入元朗試食的話, 強力建議專攻燒鵝. (當然最好是選鵝肶啦 )P.S. : 引述報導中老闆話,

11點多跟男友去吃個午餐逛來逛去也想不到吃甚麼那就到天鴻碰碰有沒有新鮮出爐的燒鵝了11點多的天鴻還沒正式營業但老闆叫我們先坐下來等1會等了1會後我們就點了1個燒鵝飯和1客燒鵝頭了燒鵝飯是用碗盛的先嘗燒鵝皮真的很脆而且啖啖肉肉汁很有香味味道真的很好而燒鵝的份量不會太少也蠻多燒鵝頭十分十分香所以我們就忍不住叫了1客燒鵝頭很脆很脆簡直好味得難以形容呢!

不嬲都鍾意食熱辣辣而且皮脆肉嫩的燒鵝, 但係要預啱出爐時間都唔容易, 見食友話天鴻的燒鵝唔錯, 而且唔會燒定好多隻, 而係不斷出爐, 於是就同老婆去試下, 呢度同其他舊式的燒臘鋪一樣, 前鋪面後燒爐, 而且環境同衛生都係麻麻地...下午5點幾去到, 現場食的人不多, 只係有d人買外賣, 見只係掛住1.5隻燒鵝, 驚賣晒的我地拿拿臨叫2 隻鵝脾免切, 轉個頭兩隻野大大隻已陳放於面前, 仲俾左臘紙我地包住個柄食, 一望落去鵝皮漲漲有彈性的, 應該燒出來唔係好耐, 一咬落去, 果然微暖的, 肉汁流晒出來, 皮薄得來微脆的, 有鵝香得來又唔係醃得好入味, 食友們果然無介紹錯!!燒臘雖然只係普通食品, 但只要料靚, 工夫好, 熱辣辣出爐, 一樣可以係人間美食....

中午去食, 新鮮燒鵝出爐, 同事叫叉燒飯, 2-3成肥, 咬落一定"硬野"都無, 色澤&肉質一流!同場另有菊花茶飲用, 冰涼入心, 大熱天想食叉鵝飯不妨可以黎呢到!服務態度方面,由於店雖小, 但感覺似"街坊"生意, 又環境衛生都ok, 整體已經好好!

星期六放工超級無里頭，同ＢＳＭ由灣仔走入元朗搵野食．左穿右插，元朗真係幾特別，有好多家鄉食品小店賣新年油角，又竟然有好多紅酒行．齋賣雞o既又有．係條橫街見到一間賣燒鵝ｏ既小店-天鴻燒鵝，見有ｄ人等，於是去睇下．好似又幾得咁喎．係附近行多一個圈睇下仲有咩食．最後都係燒鵝吸引ｄ．．點知一睇個餐牌，一碟燒鵝飯要３６蚊．而燒鵝脾飯仲要６７蚊．．．嘩～～～本想一碟燒鵝脾飯，但個亞姐建議不如叫下莊喇，都係８５蚊．又係喎，一於咁話．由於好多人，Ｄ熱辣辣o既鵝出完一隻又一隻，大大話話都等左１５分鐘先有得食，又幾靚仔喎．食落，仲熱架喎，而Ｄ肉仲好嫩，棚骨好入味，味道岩岩好．墊底仲有一支鵝掌，一支鵝翼．以一碟脾飯６７蚊計，都抵喎～ＢＳＭ之後仲叫左一支骨，要３７蚊．不過呢樣就唔係好得，皮唔脆，又太肥，唔熱，唔得囉～不過碟燒鵝就真係好正，所以未到８點已經全部賣晒，犀利．．一定有下次．．

十月上旬•有微雨在濕地公園跑比賽，之後吃了烏煙的一餐，決定離隊「溝貨」。試試這裡的燒鵝髀，是不是傳說般出色。周日的下午來到，還未有任何客人，就要一碗鵝髀瀨，免切，分上。吃得鵝髀，當然要原隻上，原因十分簡單，將鵝髀切開了，內裡的肉汁散失，切口位也會收縮，食味及食趣也大為減少。鵝髀皮很脆，味道甘香，真是人間美味。再吃鵝髀肉，卻發現沒有什麼味道，看來是醃肉的功夫還不算是做得十分好。要了瀨粉底，淥得不算很稔，而湯底淡淡的。埋單65蚊，以吃全隻鵝髀計，還不算太貴，吃過就算。 想看原隻鵝脾的相片，來這裡：http://gourmetkc.blogspot.com/2009/12/blog-post_31.html

前兩年的除夕夜，都在西九龍海濱長廊看 IFC 倒數煙火，看得有點厭，亦不想同人迫，所以，2009的最後一天，和女友來趟大西北之旅，大時大節不吃西餐，目標直指元朗天鴻燒鵝脾，將傳統觀念來個大反轉。大約七點到達，一坐底即叫兩碗燒鵝脾瀨 ($62@)，點知今日燒鵝實在太好賣，即使燒鵝一隻接一隻的出爐，也竟供不應求，阿姐表示唔可以單叫燒鵝脾了，沒辦法下，我們要了半隻鵝 ($135)，價錢差不多，唯一遺憾是只得一隻燒鵝脾供二人分享。趁燒鵝未到，先試食友素素豬推介的例湯 ($8) 及灼芥蘭 ($12)，奇怪餐牌上明明寫著是木瓜雪耳豬骨湯，事實木瓜卻換成合掌瓜，幸用料十足，無味精自家製，味道清甜，生津解渴，年尾飲番碗湯水都幾好 feel。至於灼芥蘭，煮的時候下了少少油，令菜的色水更鮮，沾些蠔油吃，美味健康並重。主角「天鵝」(天鴻燒鵝) 賣相吸引，鵝皮薄脆，油脂層卻不多，放入口內，「卡嚓」聲此起彼落，而燒鵝肉的肉質結實，沾些酸梅醬吃就更惹味。好戲還在後頭，燒鵝脾特別吩咐了師傳「免切」，好讓我們先餵飽相機，但一隻脾如何兩份分？總不能你一口、我一口的在燒臘鋪內卿卿我我，我們亦不想吃至一手也是鵝油，遂再拜託

本人都算係一名燒臘痴. 得知 天鴻係各食評之間都有好評語. 就係今日登門造訪一吓La.好早到呀, 大約11:00左右. 見場內並無食客(有啲驚)好啦, 都到左Lor, 又見一班燒鵝列陣歡迎, 一於跟樓上食家一樣,依樣畫葫蘆, 整隻鵝脾試吓先,見師傅都冇開鵝, 只係架上随手取下半边鵝就一刀劈落去,小E見狀, 咦,中計?唔通今次食鵝脾都要食凍野? 喂大佬, 大拿拿$60食–隻脾, 開隻鵝都唔過份Ｙ, 唔係咁姐~ 嚡~心想: 時也命也. 講食都要講緣份嘅.好, 我等..........呀鵝上枱喇, (謝過飯)就一箸夾落去"Lur, 咦?咪住先, 見到係鵝肉之間有汁液湛出黎Wor~印象分有得加...眼看完, 口就動, 先嚐鵝皮, 咦脆口喎, 有淡淡油脂香氣湛遍口腔Wor(唔覺有香料味丫), 正呀! 印象分又有得加嘞,下一步就緊係到鵝肉啦, 一於唔同佢客氣, 手起嘴落, 一啖mic入去, 嚙出黎, 又有另一陣肉汁湛遍口腔, 咦, 似曾相識喎(有裕仔燒鵝feel). 但係又好唔同, 相比呀裕仔, 佢一樣肉汁豐富, 但完全唔覺香料味, 又唔咸Wor. 唔覺唔覺食哂, 求其唆吓支鵝腳骨先, 咦...再

由呢間舖開始食到現在,想起食燒味,元朗區一定這間. p.s.我食野多數會帶我太子仔小狗去,呢間舖坐出面食可以帶寵物, good!!

老公最憎食燒味呀叉燒呀咁, 仲要喺 "街邊" 食更加唔肯, 不過佢呢日就晒我, 因為我帶佢去睇跌打, 醫好佢痛咗好耐嘅背脊. 佢好開心, 所以陪我到元朗吃慕名已久的燒鵝脾.乘西鐵由柯士甸站去元朗, 真係話都無咁快就到(22分). 天鴻都算易搵, 原來在大力附近.時間尚早(12:00) 買外賣的人多,堂食仲有位. 老闆見我們兩人都是吃燒鵝脾瀨, 所以體貼地建議我們點燒鵝脾(免切)瀨 + 燒鵝脾 (免切), 他說很夠飽, 不夠再點.這是我第一次吃燒鵝脾仲要免切, 真的興奮. 老公很擔心燒鵝脾韌咬不開怎麼辦? 我答咁多人這樣食, 應該不會有大問題吧(??). 其實我都有少少擔心.很快燒鵝脾送來了! 很漂亮啊! 老闆還體貼地在脛骨包了紙, 方便我們拿著吃. 咬它一口, 不得了! 皮美香脆, 肉質軟滑, 汁多豐腴, 不用費勁就可咬開, 老公大大讚嘆, 想不到可以用這種豪快方式來吃燒鵝脾!!! 瀨粉是我最討厭的麵食, 不過老公話唔想食 "中國大米" 佢話驚硬吞唔落 (佢真係好煩ga, 我用日本米煮硬dd都話食唔到, 不過我唔怪佢, 因為佢媽媽煮d飯真係好食到不得了, 從來不吃飯的

是日晚上11時要搭飛機，老婆問晚飯由我話事，心諗唔想老婆辛苦，一於出街食飯我至愛的燒味....平日很少經過天鴻，心想未試過，不如試一下啦~~~舖內面積不大，約5、6張枱，老闆不停地切，老闆娘及伙計不停落單，生意不錯~~叫了燒鵝油雞飯同叉燒飯，用大碗上的，感覺比用碟好~~叉燒 --- 一個字，"淋"，第二個字，"正"燒鵝 --- 皮脆，不太肥，好味油雞 --- 比較一般~~~例湯要加錢，味道OK的，不覺有味精~~~總結可以再試!!!

其實呢間店好易評燒鵝新鮮燒出來....食落口皮脆....的肉好甜好過深井但間店環境細...的服務員好忙我個日叫杯飲品都好耐先到...但禮貌好好

早在上星期就已經在openrice睇到呢間燒鵝飯店的了仲專登由屯門搭車去元朗諗住一試點知去到元朗又搵極都搵唔到呢間野所以結果上星期都係食唔到今個星期我決定一定要搵到呢間野一試於是抄低晒地址電話先出門口去到後發覺店內已坐滿晒人了幸好門外有位可以在坐我同我朋友一坐低就即刻商量食乜我決定一定要試試原隻燒鵝脾但又心郁郁想試埋原隻切雞脾喎結果就叫左個原隻燒鵝脾拼原隻切雞脾瀨粉（飯、瀨粉、米粉、米線同價）而我朋友就叫左個原隻油雞脾拼燒鵝瀨粉以上所有脾都叫左免切及另上落單果個職員真係超好禮貌＆超好人我同我朋友邊諗邊叫野佢都全程好好笑容淨係呢個笑容都已經令我覺得好舒服等左一陣就已經有得食啦三隻脾都大大隻我朋友果份燒鵝餸都唔少而且舊舊餸都啖啖肉架我先係食隻燒鵝脾先用油紙包住個鵝脾頭就拎住成隻食一咬落去就感覺到咩叫做皮脆肉嫩果種口感真係難以形容食完隻鵝脾就梗係食埋隻切雞脾啦隻切雞脾又滑又香又好味一般平價燒臘鋪絕對唔會有呢種水準我無誇張架（真係超好味的）結果我當然係連續食晒兩隻脾咁碗瀨粉點算呀咩餸都食晒啦喎唔駛驚碗瀨粉就咁食都好好味Ｄ湯好香兼唔會太咸我食完兩隻脾Ｄ瀨粉都仲係熱的（但又唔燙口的）結果我當然係連

正所謂近廚得食，而食燒鵝就一定是近爐最好食。由奶茶王再轉戰元朗市中心的「天鴻燒鵝飯店」，由於不太熟路的關係，在此店附近環繞了一圈才找到。店子比想像中小，只十多個坐位，到達時間剛好在開鋪不久，店員正開始吃早餐，而我們是第一檯客人。冷氣有點不足，但只是吃燒臘飯，故問題不大。馬上點了鵝肶飯($62.00)及鵝肶一隻免切($60.00)，計落原來飯底只值兩元。店外的燒味師傅手起刀落，一對一切一免切的黃金左右肶送到面前。本來正弄著飯底的手馬上停下，先試了一件已切開的，熱力仍然存在，加上皮脆肉嫩，肉汁豐腴，鵝味濃郁，吃得令人感動。在吃著的途中，新鮮出爐的燒鵝不時從廚房裡送出來，因為要為中午的午市時段備貨。試過已切的，當然是輪到免切的出場，要吃原隻免切的燒鵝肶，必定要用燒臘紙包著腳骨部份，再大口大口的吃。由於是源出於同一隻燒鵝，味道當然是一樣。但原來原隻免切的皮脆感覺，與已切開的有點不同，咬下去時會感到鵝皮的彈性，是一種由牙齒與燒鵝皮接觸後再加壓，皮肉分離時於口內彈開的震動感，實在令人讚嘆。雖然中途店員曾問需不需要添多點飯，但其實原來的那一碗飯也吃不到一半，實在有點浪費。其實六十元一隻燒鵝肶真的有點

在"田中"的四十五分鐘迷幻旅程之後,下一站,就是到天鴻吃燒鵝髀.說是上一站難吃到要媾鵝,其實是一早心中有數.晚上的天鴻,門外亦有等外賣的食客,內裏堂食者就不多.同區內的日本料理,一到晚上如賓虛的場面,完全兩極化.友人沒有胃口,只能看著我吃燒鵝髀切件上,再加個扣底的飯.價錢不便宜,要成$62.但此燒鵝髀新鮮出爐,依然熱辣辣,鵝皮香脆薄如紙,"卡"一聲清脆利落,肉質豐厚嫩滑,兼帶有肉香.而且皮與肉之間更付送肥膏,感覺更為豐朕.看報導說此店的鵝是與鏞記出自同一系,大家做法就不同,鏞記屬"軟皮"系,鵝皮較為淋身,天鴻則燒得較為香脆.人人也說"皮脆肉嫩",天鴻做得到以上兩樣,其實這是燒鵝的基本要求.慨嘆現今大多地方,連以上兩種條件也做不到,作為飲食天堂的香港,不能不搖頭嘆息.