天虹海鮮酒家

營業中

休息中

上星期係結婚週年, 難得老婆記得, 咪同佢去南丫島玩吓同食番餐囉!不過一行有六人, 都好既, 可以食多d野嘛.....決定去呢間酒家, 我地點左幾個菜, 有三個可以特別介紹吓:1. 鮑魚: 真係好淋, 開頭我好抗拒,因為以前係其他地方食過, 覺得好實", 但佢d好正2. 龍蝦: 龍蝦仔開邊蒸, 都好入味, 我覺得好食過大隻龍蝦, 肉質好軟, 而且適合小朋友食, 我個仔食左兩隻我地仲叫左個魚湯, 連d湯都飲埋呀...下次會試元貝!!

是晚老闆請食飯, 所以冇得選擇食乜, 亦唔知食乜, 只有食定唔食, 但見到D海鮮咁新鮮, 又點會唔食咁蠢丫..............由於係星期六晚, 七點零去到已經坐到八成滿, 好彩有BOOK枱, 如果唔係一定有排等................唔知係去到先煮定係太多客煮唔切, 等咗大半個鐘先有得食, 中途餸與餸之間都要等起碼10分鐘, 不過未食得果陣個個都去shopping, 而且又見到幾個明星坐埋一枱食, 當飯前節目................ 蒜茸開邊蒸龍蝦仔我估計d龍蝦仔都有8"長, 好好肉地, 好好味, 又唔會蒸到好un 西芹炒龍躉球個芡重咗d, 而且鹹咗少少 蠔汁蒸鮮鮑魚仔唔好食, 始終鍾意清蒸多d, 佢用鮮鮑扮乾鮑咁整個蠔油芡, 但又冇去殼, 搞到唔知似乜咁!! 蒸龍躉腩好多油, 唔知係龍躉本身d油定係佢想蒸得滑d而加多d油?? 龍脊响螺湯腥腥地, 而且好勁胡椒味, 如果唔係有湯渣跟上, 我仲以為係胡椒豬肚湯tim~~~ 菠蘿咕嚕肉得奬名菜, 但我覺得都係不外如事, d咕嚕肉好肥, 個粉好厚, 但好脆, 可能好多層粉, 分好多似炸掛?? 臘味飯冇

今日特登來南丫島行山..當然唔少得食海鮮啦!!所以決定先入黎索罟灣食左海鮮先...之後再去行山...行左幾間...都係覺得好似lee 間好d...lee 間之前食過都不過不失啦...所有今次再encore...攪左好耐..最後決定唔好煩啦!! 叫餐食啦!!叫左個4人餐...好似9百幾蚊咁..之後叫左野飲0個d...加埋一,好似一千三百幾蚊吧!! 貴就真係貴啦!! 不過難得來...就豪一次啦!!都算多野食..都夠晒飽的~1. 乳鴒: 新鮮熱辣, 好味2. 扇貝: 每人一隻..稍嫌唔夠喉呢~味道ok3. 蟶子: 麻麻地..唔好味, 冇咩豉椒味4. 蒸魚: 等左好耐,不過味道ok都幾滑5. 鮑魚仔: 細細仔...每人一隻..豉油蒸冇咩特別6. 炒菜: ok7. 牛油焗龍蝦仔: 咁既價錢每人有半邊都算係咁啦! 味道ok..但冇咩肉服務麻麻地...冇咩人理你..但中午來說...都幾多客呢~見到佢既banner ...連上海都有分店...好似好勁wor最好既係...佢有免費船飛送返俾你囉~我地揀左5點半既船..諗住行完差不多吧!

上一次黎南丫島行是吃天虹，今次公司攪行山團，也是吃天虹。但不是同事今次說，我也不知道一家在南丫島的海鮮酒家，撚手的，竟然是菠蘿咕嚕肉。其實南丫島行山很容易，一小時正常必定行得完，要注意就是出發點，你應該選定從索罟灣出發行到榕樹灣，還是相反，如果你的其一目的是吃，那你就要想想是先吃後行還是先行後吃了。是日為公司包團，所以是免費，但同事話價錢唔算貴，我印象中上次黎食海鮮都唔係話十分貴，但上次印象味道只是一般，可能是期望過高吧。先黎白灼蝦，蝦新鮮唔在講，但始終是養蝦，蝦味始終差ｄ，同埋唔知係咪當日全場爆滿的關係，感覺是蒸定了或蒸耐了，過左火位自然沒那麼爽口，完全是新鮮搭夠。椒鹽鮮魷很不錯，粉唔厚但平均，包得晒件鮮魷又唔會甩皮甩骨，鮮魷唔老，個人覺得是很高水準的鮮魷，再配甜酸醬，食下食下不其然食多幾件。油鹽水花甲錯不在花甲，錯在殼和肉不是一比一，唔排除係因為大鑊煮，我地ｄ花甲去左第二碟，但也真是太多齋殼了；油鹽水也不夠濃，可以再多少少鹽花提出花甲的鮮味，但單只花甲絕對是夠鮮的。蒜蓉粉絲蒸扇貝已起內臟，只留下帶子柱去蒸，蒜蓉粉絲都好足料，入味的蒜蓉粉絲搶去不少風頭，好此味的朋友一定吃得過癮。豉椒

老闆提議週一去南丫島吃個海鮮午餐，同事們當然開心不已啦是日陽光普通，一行人浩浩蕩蕩，帶上幾枝紅酒，登上天虹接載客人的專船，不消半個小時的工夫便到了。估唔到的是，非假日都有那麼多人來離島遊，天虹酒家都有幾枱吃客。由於事前己寫好餐單，酒家在我們未逹時己開始烹煮，我們無緣審視活蹦亂跳的海鮮，惟有信佢啦，話晒有"優質"標誌嘛:-)期待已久，開餐了!!!魷魚當然好新鮮啦，炸粉不太多，啱啱好，油也過濾得好好，保持了魷魚的鮮味，本來戒吃鮮魷的我都忍唔住吃左兩件。勝在油不多和不太咸，但帶子還有少少粘殼，喜歡蒜蓉的我略嫌蒜蓉不夠多。蟶子都夠大，炒得啱啱離殼，味道不太重，吃到鮮味。大中班兩吃，炒班球都還有些腥，但菜炒得很爽口，也鮮甜。蒸頭腩好味好多，加豆醬和蔥去蒸可以避到腥味，又吃到魚的鮮甜，很快便清晒。雖然細隻左d，但好清甜，有吃魚生的感覺，但有同事話吃到沙。呢個係最精彩的，牛油好香，但又沒有搶去龍蝦的鮮甜，細細隻都有糕架，好好味呀:-)初看外貌，的確看不出有甚麼別特別，但吃落肉質細滑，外表脆香，仲起埋骨，啖啖肉，酸甜得宜，不愧為得奬菜式。最後還有雙菰扒翡翠、海鮮泡飯。加上灿爛的陽光和藍藍的海水，幾杯紅

南丫島行山一日遊，除了帶父母同來行山，另一原因是為食海鮮而來，記得每次來南丫島必會食海鮮來夠滿足，由榕樹灣向索罟灣出發行只需一個半小時左右，我們這次較特別要回到起榕樹灣食海鮮晚上才離開南丫島2010年10月19日難得天朗氣清的日子最宜效外遊1) 椒鹽鮮魷對魷魚喜歡程度極低，試了一件又吃得甚得意，雖然是椒鹽炸但仍吃得出鮮味十足，必食之選2) 蒜蓉豆豉蒸象拔蚌與蒜蓉同蒸似乎已是不錯的煮法了，可是結果未如理想，太韌了，咀嚼很久才吞下，過了火的海鮮真浪費3) 蒜蓉蒸扇貝大家一致讚好扇貝是最好味，灑滿蒜蓉同蒸味道鮮不太咸，配合無味道的粉絲最恰當4) 椒鹽賴尿蝦以椒鹽炸賴尿蝦必有原因，而這種食法最佳最有避風塘風味，蝦殼皮身不難拆開又可食到蝦肉的爽，蝦殼似擋開了油份令炸過後的賴尿蝦肉入口不覺多油5) 糕蟹糯米飯糕蟹$188一隻，其實也不清楚價錢是貴是便宜，但與家人同行定要盡情地食個夠，倒想看糕蟹“真面目”比預期有點失望，端上台時嗅到糕蟹味不夠，糕蟹不新鮮，肉質有些欄，唯有蟹糕搭夠，略嫌糯米太少了，只有薄薄一層舖在糕蟹底部，而且稍為油膩6) 上湯龍蝦伊麵龍蝦被切得太細件了，個人認為這樣令龍蝦肉質感欠爽

國慶日，連去南丫島榕樹湾既船都爆滿！一行9人决定去索罟灣行山。到1730，唸住早早食完飯搭早船返去休息；點知變成法國菜速度，最後搭9點鬆既船先走得，真系等到火滚... 有乜理由我地早過旁邊康X旅行團（成3-4圍）半個鐘，到人地1930走人，我地半個餐都未到丫！就算厨房忙於招呼旅行團，人地一走有乜理由仲要等到2015吹左第三次先有個禮貌啲嗰哥仔話，今次真喺整緊！就算餐飯有幾好食都無晒心機啦! 最後雖然包船飛出返香港仔，但喺轉車返到屋企都成11點幾~話分兩頭，我地‘外来人’怕食海鲜散叫比人宰割，最後選擇安全既套餐盛惠$1688 8人套餐再加100-200蚊野。不過我地等待期間都叫多過平常叫既啤酒同汽水！

每年都有一次機會去南丫島, 而每一次都係去天虹食 (即使去完榕樹灣都要轉程去索罟灣食), 就係因為被芝士焗龍蝦深深吸引了. 連續試左三年海鮮, 只可惜今年食物退步不少, 而且海鮮價更海鮮, 貴了不少! 環境方面, 是離島風情最基本的室外海景. 雖然天氣比較熱, 不過有風扇助陣, 不算太熱. 服務方面, 這裡有優質服務嘉許, 不錯. 侍應有禮貌, 還會時常換碟, 和詢問食物質素等等. 至於食物, 一行8個人叫了__道菜:蒜蓉蒸扇貝比之前少了香味. 同以前一樣既做法, 但竟然食唔出扇貝味. 幸好扇貝尚算鮮甜.海中蝦蝦本身好似唔太新鮮, 而且殼既質地好怪, 不是光滑的, 令人有點不安. 同樣地, 蝦味有缺, 而且因為唔夠薑, 蔥去腥, 腥味重了一點. 炒聖子調味尚佳, 又再一次被選料將分數拉下來. 難道聖子不可以大一點嗎? 只有食指左右的大小, 比自助餐食到既仲要細!辣酒煮花螺 (無試到)芝士焗龍蝦芝士用得恰到好處, 剛剛好鋪在龍蝦肉上, 不像平時食到的是稀的芝士汁. 芝士用的好, 自然夠香, 而且不會蓋過龍蝦味, 是一貫的高水準. 只不過焗得唔夠乾身, 否則會更加香口!瀨尿蝦今次食到大瀨尿

E日叫左個2人餐, 大概況三百多元,包括以下:2隻細鮑魚(好細隻)2隻一龍蝦(好大隻,味道不錯)2隻細細的象拔蚌一碟蜆,味道還好一隻大賴尿蝦不包飯不包飲品,比其他店好像貴了些但另外叫左天虹炒飯,炒得幾香口...聖子蝗2條大大的,肉質鮮美可口,咬下去爽!!!

今日約左朋友行山食飯，我地搭１點半既船由中環去榕樹灣，３０分鐘船程即２點就到達榕樹灣，我地落船就即開始慢慢由榕樹灣→索罟灣。行到沙灘附近見到有士多，我地４人坐低每人食左碗麵又行過，全程我地行左約１小時３０分左右，３點１５分開始至４點４５分左右畢！我地去到索罟灣就揀返一向食開既天虹，食過冇數次，今次質數比以前食既差左小小，但係整體都ｏｋａｙ！椒鹽瀨尿蝦瀨尿蝦好大隻，而又多肉，最緊要係好新鮮，必食之選。豉椒蟶子雖然唔係蟶子皇，但係隻隻睇落去都好肥，體積雖小勝在啖啖肉已足夠！辣酒煮東風螺我地真唔好彩，花螺無貨，所以由東風螺代替，不過唔緊要啦，因為個汁先係主角。清蒸游水海鮮其實我係一個好鍾意食魚既人，但係呢條游水海鮮我食左一啖就放棄，唔知點解肉質味道怪怪。有一位人兄係唔食魚既，不過都比另外２位食到得返棚骨。天虹秘制蟹秘制醬汁幾特別，可以話係大膽創新，同平時出面食開既煮法唔同，值得一試，但係個人比較喜歡薑蔥炒。芝士薯蓉焗元貝呢個係我必食既，因為真係好好味呀，無論芝士、薯蓉、元貝都係１００分。天虹炒飯因為我地各人都飽飽地啦，每人係咁二啄左幾口就放棄，幾好味，但太飽吃不下，我們真浪費！ 蒜蓉白菜仔N

上個月同朋友做壽後, 尋日冇咩做, 閒閒地, 同老婆 & 外父外母入黎食下海鮮啦. 既然上次既經驗 ok, 一於照版 copy. 今次我地 5 點半開波... 4 個人又叫左 5 樣野, 全海鮮...1. 吉列鮮魷 (80 蚊一碟), 同普通炸魷魚唔同, 但唔知點樣 "吉列", 因為同豬扒既吉列係唔同既. 個人感覺只係脆漿較稀較薄而已, 未算好特別, 但可以收貨2. 薑蔥肉蟹 ( 2 隻 @ 168蚊一隻), 同上次一樣, 蟹既肉質好甜美 ^^ 3. 豉椒蟶子 (半斤 @ 8 蚊一兩), 經上次既教訓, 落單時直頭叫佢走鹽. 結果... good !! 好食, 汁到撈埋4. 清蒸鮑魚 ( 4 隻 @ 30 蚊一隻), 好彈牙, 但冇咁鮮味 wor....但都比酒樓好好多5. 椒鹽瀨尿蝦 ( 4 隻 @ 12 蚊一兩)... 今次唔知點解斬開左 2 段黎炸. 冇錯, 係會快熟 d.. 但 d 肉質就好似因為咁樣而差左啦總括黎講都仲算好食 ok. 但睇食評見到同一地點有幾間的食物水準都差唔多, 下次應該會試下新野啦 !!

原來只係想去南丫島行下, 點知有對朋友 join 埋一齊, 其中一位更加係壽星仔, 咁樣就一定要賀下佢啦... 由榕樹灣出發行去索罟灣, 最後揀左天虹同佢做壽.點解係下午茶 ?? 因為我地 4 點半開始食嘛... 4 個人叫左 5 樣野, 全海鮮...1. 白灼中蝦 (12 兩 @ 12 蚊一兩), 好鮮味, 蝦肉好鬼彈牙, 加埋 d 豉油真係一流.2. 薑蔥肉蟹 ( 2 隻 @ 168蚊一隻), 即劏既蟹真係 d 肉實 d 架, 好好味, 早知叫一隻肉, 一隻羔啦...3. 豉椒蟶子 (半斤 @ 8 蚊一兩), 差少少... 好咸呀...4. 椒鹽瀨尿蝦 ( 4 隻 @ 12 蚊一兩)... 原來 2 位朋友未食過瀨尿蝦... 好唔好食 ?? 佢地兩位食到連頭, 連腳都冇埋...5. 清蒸鮑魚 ( 4 隻 @ 30 蚊一隻), 新鮮彈牙... 比酒樓好好多其實海鮮只要新鮮, 基本上唔會難食既... 只係同好友一齊食, 睇住個海, 飲下啤酒, 別有一番風味... 如果 match 到時間, 仲可以搭埋酒樓船去市區... 又慳返幾十蚊 ^^

是日長洲太平清礁,由於跟團去玩.所以先黎呢到lamma island 行下同食海鮮餐!(ps.因為同其他唔識ga人同枱食..所以唔係咁好意思碟碟送都叫人停1停俾我影下相)粉絲蒸帶子: 應該蒸得唔夠熟.所以粒帶子都仲好stick住stick住.清蒸石班: 好味! 好滑蒸得岩岩好! d sauce 又好味!炒飯: 個料同味都似似地揚洲炒飯.. 但食到鹽味粒粒鹽!豉椒炒蜆: ma ma地.因為d蜆好細隻無咩肉食... 我地成枱都食唔哂.薑蔥炒蟹: 好甜 雖然食到有黑椒味.但同時佢又甜嫁wor! 好似唔係好夾咁. 我亞媽都覺得唔係咁好食.炸魷魚酥: 好味! 熱啦啦最好係!又唔會太salty !唔會太油! 層炸炒ok唔會好厚!咕嚕肉: 普通野.唔係太特別!白灼蝦:正! d蝦好甜好好味! 點埋佢俾ga 辣椒油好好味!!凍雞: 最初都驚驚地雞唔熱食凍食唔會好味. e.但食落又幾特別好味wor ! d蔥香香地咁夾埋d雞! 最後我勁食d 雞!gdgd! 又要點佢ga辣椒油overall 係好味ga!但唔知自己入黎食要幾錢呢..應該好貴下.別團食就抵返哂xdover

友人邀約一眾好姊妹到其位於南丫島居所敘舊，我們打算先到索罟灣吃海鮮，再步行往榕樹灣順便遠足，有益身心。落船一刻才知原來今天是天后寶誕，整個索罟灣都人山人海，充滿熱鬧的小島風情。索罟灣是漁港，天后廟亦在海邊，加上沿岸有不少海鮮酒家，遊客眾多，因此天后誕來得十分熱鬧。這裏的天后廟規模不算大，但拜神的人卻絡繹不絕，而廟前廣場建了戲棚，所餘空間不多。原來進入古廟也有其規定，遊客先入古廟「添香油」祈福，然後取三支香到外面油燈燃點，廟祝說燃點了的香不能拿進廟內，只能在廟外插起，之後就可入內祈福或求籤。 為免人多擠廹，婦女兵團決定提早吃飯，目標就鎖定了這好評如潮的「天虹海鮮酒家」。我們被安排坐在一張近海邊的四人桌，點了一個 4人餐 ($880)，就悠閒地等著享受我們的美食。牛油焗龍蝦 -- 據聞大當初研製這道龍蝦菜式時，試用了十多種牛油，用了 6 個月時間才能滿意推廣，咬落去感覺龍蝦肉牛油味濃郁，食味清爽，加上肉質彈牙，每一啖都吃出龍蝦的鮮味金粉銀絲蒸元貝 -- 金粉是指蒜蓉，而銀絲當然就是粉絲了。元貝都算大隻兼新鮮，加上鋪了勁多的蒜蓉和粉絲於元貝面，吃到口腔滿是蒜蓉味，可惜元貝有點黐売，吃得小小

趁復活節長假同兩老去個小旅行，爸打媽打想去個既有山有水有家樂徑又有沙灘，有得食有得玩交通又要夠方便！嘩，咁複雜？不過都難唔到我，Yo，去南丫島咪得囉！我地由榕樹灣開始玩到索罟灣，番中環前一於試下地道海鮮！見碼頭左近成條街都係食肆，我地來回＂過目＂左一轉之後，最後由媽打話事去天虹海鮮酒家！ 豉椒炒蜆滿滿一碟，又唔會剩係得Ｄ殼冇肉，呢碟豉椒炒蜆可以話係絕無欺場呀！味道方面，佢個獻同個汁份量岩岩好，食到豉椒和蔥炒香嘅惹味之餘又唔會太鹹，Ｄ蜆肉完全入晒味，最最最重要係啖啖肉又冇沙，值得一讚！ 紅燒豆腐用煲仔上嘅紅燒豆腐，大大件得黎又滑，層皮煎香左又唔會燶。佢除左主角豆腐之外裡面仲有好多孤菌同菜，賣相一Ｄ都唔齋，用黎送飯一流呀！媽打食到lam lam脷，我就話呢個絕對唔係小菜咁簡單，直頭係紅燒豆腐煲黎呀！ 薑蔥炒蟹唔知係咪自己出去揀蟹所以特別好味？當店員問我地Ｄ蟹想點整時，爸打諗都唔諗就提議用薑蔥整！爸打話，用最地道最簡單嘅薑蔥炒，先睇出廚師嘅真功夫喎！估唔到又岩喎，整體黎講真係幾有鑊氣，碟邊又冇＂掛油＂，而且個獻汁較得好好，唔會杰撻撻一pat，Ｄ蟹夠晒鮮甜，無論個殼定係蟹肉都非常入味，兩個字─