天虹海鮮酒家

營業中

休息中

正當煩緊晚飯吃什麼之際, 朋友突然來電說在海洋公園, 想吃海鮮有沒有興趣... 雖然遠在中環, 也馬上答應了... 去什麼地方, 最近的應該是南丫島了, 兵分兩路, 從香港仔及中環分別出發, 因船期問題... 大家要 7 點多才相見. 朋友早就在天虹坐下了... 不過也沒有所謂, 以往的經驗說這家海鮮不錯的...4 人只叫了一些普通的東西...豉椒炒蜆 ($70) - 天虹的食物有一個大問題, 就是偏鹹. 根據上 2 次的經驗, 落單時千叮萬囑的說少鹽, 因此味道還是不錯. 不開口的死蜆也不多, 中規中矩椒鹽尿蝦 ($90 一隻) - 我們沒那麼豪氣的找那些幾百元一隻的來吃, 普通的就算了. 肉質結實清甜, 不錯不錯.粉絲蒜蓉蒸蟶子 ($40 一隻) - 很好味 !! 蟶子很大隻, 爽甜, 配上粉絲一絕, 很後悔沒多叫一點...漁家醬蒸象拔蚌 ($35 一隻) - 漁家醬其實不清楚是什麼, 吃起來有點似 XO 醬加上蝦醬, 不過因為象拔蚌本身的味道就較淡, 較濃的醬汁正好把鮮味帶了出來... 不過個人還是覺得蟶子好味多了...椒絲腐乳唐生菜 (大約 $60) - 生菜很甜

不實店舖! 比人掠水! 二人食咗六百幾都唔飽, 員工服務態度又差! 唔洗指意有下次幫襯!因Credit card promotion 原故, 要求店員 void 單, 從新簽賬, 她竟說不可能! I will black list this restaurant. Poor service, expensive and lie to customer.

行完山,去食海鮮之前過好多間, 最後都係去番里間,新鮮好味,價格中等先黍一個主菜$480 per 4都幾貴, 不過都算物有所值龍蝦好有咬口好新鮮,而且d牛油好入味,再配上洋蔥,正!!!普普通通, 不過都okay個汁好香好入味, d硯就無咁好啦個魷魚好新鮮,好容易咬,而且炸得剛剛好。乳鴒就無咁令,可能是海鮮酒家的關系吧d肉都炸得okay,廚房不錯!!good!!!個汁不錯, d蝦好新鮮,好食最後還送了船票,下次會再來的。

明愛的樂晴軒搞南丫島旅行，在這兒吃午飯。他們叫了這個套餐：白灼海蝦椒鹽鮮魷鹽水煮蜆灼菜一碟生炒排骨蒸大石斑乾燒伊麵楊州炒飯時令生果首先出場的是：白灼海蝦－好大正，好正，及好甜，好久沒有吃過這麼大隻的的灼蝦，我得大約十年前吃過，但因為那時剛剛開完刀，所以可以吃一至兩隻！椒鹽鮮魷－好好味，好香，好甜。鹽水煮蜆－不錯，Ｄ蜆好鮮甜，不太鹹，很好！灼菜一碟－不錯，有西蘭花及灼白菜仔，我只是吃白菜仔，但好好味！生炒排骨－好正呀，而且有菠蘿及青椒在這，好健康！蒸大石斑－好正，最重要是沒有芫茜及很多蔥在這，但稍為老了及鞋了少許，但因為大條，所以鞋了少少都可以原諒！乾燒伊麵－不錯，好好味，不太多油，正！楊州炒飯－好香，好多蝦及蔥粒，但因為健康問題，只可以吃少少！時令生果－不錯，有菠蘿、哈密瓜及西瓜，我只吃了西瓜，西瓜很鮮甜，正！服務態度不過不失，但有伙記不記得找錢，事緣我叫了一罐健怡可樂，十二元一罐，我媽媽給了二十二元，要找十元，但他轉頭竟然不記得，要我媽媽提醒他才記得找回十元給我媽媽！

很少寫食評, 但今次愈諗愈唔抵, 要呻下..去lamma行徑, 索罟灣完, 見到海鮮街, 一場來到, 食餐好既開心下啦..行完一圈, 只有天虹有人坐, 同埋佢標晒價錢, 好似好老實(但其實標價唔平), 所以揀佢無叫餐, 自己揀左瀨尿蝦皇($210) , 扇貝($27x4)同小鮑($25x2)瀨尿蝦來到我呆左, 碎上4件, 我勉強好似砌到一隻, 所以無嘈佢, 只係confirm佢呢隻真係瀨尿蝦皇扇貝同小鮑no problem, 正常..之後再叫蝦羔炒飯($80), 鹹魚介蘭同椒盬鮮魷..炒飯ok, 鹹魚介蘭無鹹魚味, 椒盬鮮魷好濕...埋單2位$730..咁貴! 輕輕check單, item 岩, 無去計數..但之後覺得蠢左, 鹹魚介蘭同椒盬鮮魷, 佢應該計我$2xx先有呢個數..食完呢餐有以下感想:1/ 第一次幫襯, 要格外小心2/ 索罟灣已經俾天虹玩晒, 點解仲要咁樣去賺?! 瀨尿蝦皇$210, i dont care, 但碎上, 愈諗愈funny.. 介蘭同鮮魷條數就點都計唔明..如果有朋友想去lamma食海鮮, 我會反對, 流浮山/西貢/布袋澳, 任何一個地方都好食兼

在南丫島食海鮮.最出名是天虹.而在離島食海鮮.對住海食.當然環境優美.2人套餐.有3個價錢選擇.350.398.468元.我選了中間價錢.點了菜後.店員很快就上菜.服務亦算不俗,令客人有種上賓的感覺.酥炸吉列鮮魷:十分乾身.炸粉很薄,雖則不會有香口的效果,反而吃出鮮魷十分新鮮.爽而清甜..牛油焗龍蝦:牛油味極重.蝦多膏.十分精彩.只是我口味問題.我覺得海鮮不用花巧.原汁原味更好.清蒸游水海鮮:是紅鮭,店員主動幫我起骨,不過味道有點失望.味道欠決.肉有少許梅..或者只係有點煮過火.真係好普通.什至完全不合水準油菜:有點生.呢點可以理解,可能要保持上枱青綠..天虹炒飯.上枱不夠熱.但勝在乾身.其實是揚州炒飯....水果盆.菠蘿勁酸...橙沒有味道....埋單後..就拿船飛返尖東...仲有啤酒,埋單486元..食物係有點失望.加上價錢貴.下次去南丫島都想試新野.有機會先會再來.

来了南丫岛，肯定要大快朵颐吃顿海鲜；吃海鲜，当然要选最出名的天虹。天虹酒家可是周润发等名人所大力推荐的，当然，水涨船高，这种情况下价格也便宜不到哪里去。不管怎样，来了南丫岛，还是尝尝最出名的天虹海鲜吧！我们5个人，点了4人套餐，带子螺和鲍鱼各另加一只，其他的是大家共享。食材很新鲜，卖相也很好。大家都赞不绝口，明确表示相当满足！豉椒炒花蛤，很香。豉椒汁好好吃，拿来拌饭真是开胃啊！牛油焗龙虾，龙虾肉多，味道鲜美！蒜茸粉丝蒸元贝，这道菜是道常菜，味道也差不多，木有惊喜。豉汁蒸鲍鱼，很入味！豉椒炒圣子螺，我的最爱！辣得相当入味！连我这种不敢吃辣的人都禁不住诱惑，磨刀霍霍。可惜我们的套餐里没有包含濑尿虾，郁闷啊~我看着水箱里特大的濑尿虾，没有口福呀！最后还送果盘和回中环的船票~天虹是专门有船免费接送客人来南丫岛吃海鲜的！真是不错的地方，值得下次再来！

自己愛吃亦愛煮, 吃海鮮大多在家裡弄一番. 煮不難, 清洗卻煩之又煩, 工序之多令我卻步. 適逢小弟牛一, 秋高氣爽, 友人提議到南丫島郊遊兼食海鮮, 我當然卻之不恭.以天虹酒家的名氣, 相信我不用細述. 這所由家庭式經營至今已可容納超過八百位食客的食府, 食品素質已不言以喻.一行人六位乘坐酒家專船於9號碼頭出發, 不到一小時便到達索罟灣. 一坐下便點菜. 海鮮可自行到酒家的魚缸選擇或簡單的選例牌, 豐儉由人.未上菜前侍應自行放下一個餐前小食, 香醋醃拍青瓜海蜇頭, 吃過就要付五十元,不好者記得要求侍應拿走. 而我是海蜇的粉絲, 當然不會放過. 海蜇爽脆, 不錯的前菜.第一道來的是豉椒炒花蛤1斤(自選), 份量看上去有點少, 像不夠1斤, 豉汁辣味適中, 能吃到花蛤的鮮味.接著是椒鹽鮮魷(例牌), 魷魚新鮮彈牙, 脆而不油, 我認為椒鹽味可再香一點, 更為惹味.然後是海鮮湯, 平板之作, 湯裡有沙. 不要也罷. 接下來就是招牌菜牛油焗龍蝦2隻(例牌), 牛油味香濃, 未放低已經閒到牛油香, 連汁吃, 牛油與龍蝦配合恰當, 不過龍蝦始終難入味, 不黏汁的話, 牛油味不大, 怕肥的, 只好

經過半個鐘頭既船程抵達南丫島既索罟灣, 已經入夜, 其實入黎既目的都係食海鮮, 沿岸有好多海鮮酒家, 但唯一天虹海鮮係特別多人, 其他只係得幾檯食緊。先黎椒鹽鮮魷, 真係脆, 同埋成碟係我最愛既魷魚鬚, 因為我唔太鍾意食身體個部份。再黎辣油煮花螺, 不過份量真係好少, 個煲就大囉, 以呢個價錢, 絕對唔抵食。坐低之後, 可能因為多人關係, 等左5分鐘都無人理望望四處都有不同國藉人士開緊餐, 見到餐牌上所有野都無價錢既, 有散叫又有套餐, 最後我地選擇左散叫, 因為套餐所有海鮮都係細隻既同份量小。牛油龍蝦係推介菜, 真係好熱辣辣, 分邊用牛油炸, 所以食個時要浸一浸低下既牛油至夠味。最後埋單 真係嚇死我,比預期貴左2百蚊, 因為餐牌上無價錢, 每樣都係出去出面睇價, 所以花螺根本唔知有幾多隻同幾重身, 我建議改食東風螺或者象拔蚌好過.... 但好在佢都送船飛回程同生果甜品。

今日同朋友們入南丫島食海鮮, 天虹的客戶服務做得很不錯, 有船直接在TST 或中環接載食客入南丫島. 服務也很街坊得來, 又很周到 !今晚點了好多海鮮: 炒蜆、瀨尿蝦、黑椒蟹、芝士龍蝦、鮑魚仔、扉貝、招牌炒飯, 樣樣都火喉足、鮮味無窮. 真係食到'lam lam ' 脷不過掛住食, 只記得影黑椒蟹、芝士龍蝦, 哈哈. 因為上菜後, 真係忍唔住手要起筷先 !

食午餐時間，一場黎到南丫島，食個海鮮做午餐都好。原先諗住去另一間，不過望下d魚缸，呢到魚缸d海鮮選擇夠多，亦生猛，都係好似呢到吸引點，最後都係選擇黎呢到開餐。有咁多魚缸，循例都出黎睇下食乜好，瀨尿蝦非常活躍，一致都認為係不二之選，扇貝好大隻下，又試試，奄仔蟹，好少食，又叫黎食下，再加多一兩款，三個人，應該都夠飽。大熱天時，少不了叫枝啤酒，亦叫碟魷魚黎送下酒，見餐牌裡頭，吉列魷魚有粒推介星，是日就要吉列唔要椒鹽。吉列魷魚炸粉薄薄，不過鮮魷確實係出色，鮮魷厚身彈牙，唔洗點醬都好好食。不過好食還好食，用黎送酒始終少了椒鹽既惹味，下次還是食返椒鹽好了。辣酒花螺，聞落辣味幾香，不過食落就無咩辣味，酒味亦都唔夠，花螺就叫做唔錯，份量都ok，一大鍋。水準真係一般，令我更想再去花盃食果度既甜酒煮花螺。先黎係瀨尿蝦，咁生猛當然係要鹽水蒸，是日的唔算大隻，不過食落都好鮮味，亦夠哂彈牙，滿意的。市區真係唔係間間做蒸瀨尿蝦，椒鹽都唔係差，不過蒸的確實係更吸引。牛油焗龍蝦，係呢到既名物之一，牛油味強勁，未食都聞到，雖然龍蝦細細隻，不過都可以叫做多肉，牛油雖然強勁，不過無蓋過龍蝦既鮮味，係好味的牛油焗龍蝦。是日的

由榕樹灣走到來索罟灣，雖然天陰舒適，大家行程也極其緩慢，始終也會感到累的。所以完成行程後，也不想別的了，六點未夠就提早來到晚餐地點--天虹海鮮酒家。又要再次感恩當日天氣陰涼，大家往酒家洗把臉後，對住開揚的海灣景觀吃飯，感覺非常不錯! 打開餐單密密麻麻的選擇（其實網上也一樣查得到），不想煩就點了一份套餐，再加椒鹽鮮魷及酒鬼老公專享的白酒，就成豐富一頓：先以頗入味的收費前菜開胃，當中花生我沒多吃，但其實碟中還有好些牛展、螺肉粒等，幾足料的，我也挑了些來吃味道不錯。至於老公的白酒($45)份量實在很小，見他一兩啖就飲完了。　　然後是例牌的椒鹽鮮魷，這裡炒得香脆不油、可口美味，趁新鮮淨食已十分好食；同鮮魷又陪上三色醬料，其中要以甜酸醬與鮮魷最夾，香脆得來又開胃，是款多吃也不覺膩的開胃菜。之後來到豉椒炒蟶子，蟶子肉質幾爽口的，鮮不鮮就不太吃得出來了，因為調味可是相當的香辣惹味，平日少吃辣的老爺奶奶幾乎給嗆著呢! 但純以味道來計實在是不差的。蒜茸粉絲蒸元貝吃得出帶有味精，粉絲也蒸得較稔身，算是較失色的一味，奶奶絕對煮得比它好呢!　跟著是令人興奮的主角上場---牛油焗龍蝦，色澤鮮麗，牛油香氣即時撲鼻

從島的一邊行到去另一邊, 尾站當然是一連串的海鮮店子. 已經是第二次這樣子去行, 上次的終點揀了天虹, 但感覺好差, 這次本來打算直接搭船出中環, 怎知剛就了船, 下班船要等一個半小時. 天已黑, 不適宜再行山, 想起這裡有免費船, 與其在無聊的等船, 不如就再試一次, 看看這次水準又如何.正如在豆腐花那邊是不用大排長龍, 天虹這邊也不是很多人, 坐得比上次舒服得多. 大家還有點飽, 不能吃太多, 就叫四款食物好了.椒鹽鮮魷 $80: 9分, 只需2分鐘就上檯, 一早整定? 但效果就相當精彩, 炸得熱辣辣, 夠香, 脆漿非常之脆, 魷魚也有鮮味, 這個椒鹽鮮魷, 滿意. 牛油焗龍蝦 $320: 7分, 要了兩隻龍蝦, 沒有出去揀了, 只要例牌, $160一隻, 其實份量也足夠兩個人分吃. 坦白講, 出去揀也沒有大意義, 你怎也不能認得到隻龍蝦是否一樣, 不如就吃個經濟一點的選擇吧. 龍蝦都幾好肉, 肉質還算嫩滑, 但就嫌牛油香不太足夠. 不過來到這裡, 怎也要吃海鮮的, 這個牛油焗龍蝦, 也是個好選擇.南丫島蝦膏炒飯 $70: 8分, 炒得夠鑊氣, 幾乾身, 飯粒分明, 蝦膏下了不少,

一行五大一小,先前訂左位,所以唔駛book 位,唔駛等位,但坐埋d 加枱位,好似唔多穩咁.因為有學校攪團,好多位都比佢地包左個蟹真係麻麻地,d 肉好似唔多新鮮咁..其實餸都好ok..尤其係蒜蓉開邊蒸蝦.有couple 先去食..唔係應該都幾貴

在團購網買了四張優惠卷，南丫島的天虹酒家$110美食卷，祇需$49，而且見是包來回船票，覺得好抵，便購買了！終於在上星期約好共四個團友成行。因為是閒日，酒家的私營船班次很少，要下午四點後才有，決定自費入去，然後乘下午的免費船出來。臨出發前因為天氣很好決定行山，由榕樹灣上岸，用兩小時行去索罟灣（酒家個邊），所以本來是預算搭11:50 p.m.船，現在要等多10分鐘至12點才開船！一路上的空氣很清新，差不多三點到達酒家，經過第一間天虹，詢問過知道有兩間既，兼且優惠卷兩邊都用得，便諗住去前D望下，點知行到去，見到拉左閘，惟有返轉頭去番第一間，佢話唔係個間，再行至盡頭個間至係，費時（再沒有氣力）再行多一次，便選擇係呢間坐低！個伙記好似不大熱衷的招呼我們，祇強調用優惠卷不可揀套餐，望下個D套餐的價錢都好貴，連餐牌都要自己出去羅！個伙記剩係叫我出去海鮮檔處揀海鮮就得！係呢分鐘真的以為去左黑店。但心想既來之則安之，橫惦都有$440消費額，咪用盡佢！海鮮檔的大叔比較友善，見到的魚的價錢都幾拿利，$25一兩海班，一條咪成500蚊，硬係唔食啦！D鮑魚有20, 30, 40元的價錢，要左四隻$30，都幾大隻