天虹海鮮酒家

營業中

休息中

Went there after hiking last Fri, Only two dishes strike us heavily... Sweet and Sour Pork - since we have 9 ppl, I think they have mkae this dish in large portion, its really great but later find out it cost $140... but still I reckon its value for $$$: Worst dish have to be the fried noddles in soy sause, really bad, tasteless...u'll find that no seafood were mentioned coz its all below standard...

南 Y 鳥海鮮出名───貴, 就係人都知啦~但係劏人一頸血都唔好做得咁離譜！！今次就唔同你講$$$：1. 一入去, 六支香棟係度都無人理！自己搵張枱坐低又話唔夠坐, 坐第張啦~擺你出路邊坐, 仲巧立明目話"獨立位"？！係呀, "獨立地坐開, 俾錢食飯仲俾路人當觀景點咁望吖嘛！！"！！！2. 問個侍應價錢, 佢話出去睇。OK, 海鮮價呀嘛！睇完價錢, 大家商量好叫乜, 我仲親筆全體正字寫中文編埋號碼寫要乜, 口覆都無錯, 竟然單又落少！算, 我當你大蒙。再出去同佢講, 仲老屈我朋友話同咗佢講要私一粒鐘, 話我朋友話唔要住！你真係當我傻, 唔想做生意可以出聲！！我銀包唔係為奸商開放！！！3. 續樣上都算, 仲要體貼到驚你辣口, 暖暖地啱啦, 唔怕熱嘛！4. 頭頂把風扇足以比美季侯風。問可唔可以關咗佢 W: NO!!! 一熄熄哂唔得架~ P: 咁隔離嗰把呢？ W: 壞咗...... (仲要悔氣..)5. 究竟碟餸仲嚟唔嚟架~ 等咁耐問吓唔係好過份嘛。P: 唔該！ W: 等等... (真係無呃我, 等足3分鐘！) W: 又點呀~ 吓... 請你返嚟唔係服務客人咩？！斟茶, 倒水 我都無打搞你啦

假期來到南丫島行下山, 吹下海風, 吸啖新鮮空氣, 天虹位置好方便, 係正碼頭附近, 索罟灣落船一定搵到, 可能已經係下午三點幾, 我地一行五人好容易搵到海景位坐低, 侍仔先送來一碟花生鹵水牛展為餐前小食($20), 牛展有十多片, 算係有交待....好過好多餐館收幾十蚊都係得碟花生或酸菜我地無選擇套餐, 首先叫左三隻牛油焗龍蝦($420, $140 一隻), 我自己幾年前試過一次就愛上這招牌菜, 呢個龍蝦用左中西合璧的煮法, 走油後用上大量牛油和洋蔥去煮, 味濃之餘亦啖啖肉, 龍蝦雖然個子不大, 但係肉質都算爽口彈牙, 充滿牛油香, 食到家人讚不絕口, 喜歡牛油香同唔怕肥的朋友 一定要試!!另叫了碟細的吉列鮮魷($80), 份量不少, 其實它和椒鹽鮮魷差不多, 只係較淡口和少了椒鹽味, 鮮魷新鮮可口, 炸得剛剛好, 粉漿夠脆, 而且厚薄適中唔太油膩, 唔會炸太熟或太老, 盡顯廚師功架, 記住一定要襯熱食...還點了清蒸鮑魚($150, $30一隻), 用上比較大隻的大連鮑魚, 肉質爽口彈牙, 真係可用刀义來慢慢食, 而且蒸的時間頗準確, 唔會太老, 配上自己調教的豉油, 水準之作,

To be fair, I have to say in the beginning that the food quality is not bad and everything we had were fresh and tasty. The problem is we had a non-Chinese at our table and the restaurant staffs tried to sell us "tourist seafood" at "tourist price", eg.Lobster, "baked with cheese and noodle" - $1300Garoupa, "rainbow fillet style"- $1000AND, we had only 6 of us. We requested for a smaller lobster but they just don't have! the staff there was trying to tell us "it's the usual size for 6 people

一行六人, 由榕樹灣行過黎食晚飯, 諗住天虹有保證, 點知大失所望! 1) 椒鹽鮮魷 - 好多粉漿, 又好鬼咸 (60分)2) 蒜蓉蒸元貝 - 超失望, 粒元貝得五毫子銀大。最過份係同個殼甩開哂, 重要有雪味! 有冇攪錯呀 (<30分)! 3) 大花竹蝦 - 每人一隻, 味道不過不失。不過@%蚊两就贵咗D (70分)4) 豉椒炒巨勝子 - 都唔"巨"嘅, 味道就唔錯 (70分)5) 椒鹽大尿蝦3隻 - 算係成餐飯最好, 味道可口 (80分)6) 大連鮑 - 每人一隻, 有D煮過火、更可能係D料唔新鮮! (60分)7) 上湯浸才遠 - 普通灼菜, 好難整得唔好食 (70分)8) 砵酒焗美國生蠔 - 落單時講明係桶蠔 (一桶有五隻), 之後行埋黎話支砵酒用哂, 迫住轉咗薑葱焗, 都算。最過份係上檯時變咗＋隻左右, 啲咁大隻嘅蠔仔 (真係好細隻架)! 最最過份係D蠔仔隻隻爛溶溶...... 結果半煲冇食! (<20分) 9) 菠蘿咕咾肉 - 呢個係後加嘅, 知點解冇.....................因為真係冇啖好食, 但又係好厚粉, 唉! (60分)埋單, 位位4舊,

聖誕假同一班frd行吓南丫島,之後去咗呢間食嘢,時間大約三點.一去到,有個阿姐好寸咁行過嚟問幾多位,佢咁,我哋都唔多like,不過為食嘢,忍 !! 跟住點菜,一睇,所有嘢冇價錢,食海鮮都預佢海鮮價,都冇所謂,只要唔過份......跟住叫人過嚟點菜,點知佢話要行出去搵著紅衫的人點,無奈吓行出去.......我哋叫咗五碟海鮮一個炒飯,海鮮嚟講,真的好食,冇話可說,但個炒飯就真係......炒得又乾,又冇蝦槳味 (我哋叫咗蝦槳炒飯),都算,食海鮮出名的地方,預咗其他未必咁好食.....食完埋單,多謝千三......當堂嚇咗一跳.......一碟炒食,居然叫我一百五十......三隻瀨尿蝦,收我三百八.......其他全是一百五十左右.......俾完錢後連生果都唔送......不過唯一好的就係佢送我哋一程返香港島......大家放假去食要有心理準備.....

上星期日同女友去南丫島旅行,回程時經索罟灣走,路過天虹海鮮酒家,睇見食物十分新鮮,正想下次先嚟試食,但係有個哥仔話幫襯佢地就有免費船返尖沙咀,我聽到後立即講"唔該兩位",哈哈.我地叫左聖子,瀨尿蝦,貴妃蚌同天虹炒飯樣樣都好好食回程仲可以夜遊維港,好滿足呀!

之前見到網上介紹過呢間野~~沉日一早入左南丫島，行左索罟灣、東澳、模達灣一週~~跟住就黎呢度食LUNCH+下午茶~~我地兩個人，嗌左個SET，$380 + 10%，另外嗌左兩罐可樂，-牛油龍蝦-扇貝-蒸立魚-酥炸魷魚-炒菜-天虹炒飯-生果盤樣樣都幾好味呀~~而且都算大份~~食完老闆就問我地會唔會坐佢地船返香港~但我地仲要去榕樹灣，怕一來一回仲晒時間~所以冇搭服務方面，不好不壞~~OK LA~~見你隻碟好多骨~~會即刻幫你換~~但如果多D笑容就好喇！

當日同隻狗狗去南丫島玩由榕樹灣行到索罟灣去左天虹食晚飯三個人點左五樣茶，包括辣酒煮花螺蒜蓉粉絲元貝 x3豬頸肉炒白菜椒鹽瀨尿蝦 x2白飯 x3最正係瀨尿蝦, 好入味, 好正!!元貝好新鮮!!花螺, 個汁就好辣, 但d 肉就唔辣, 但都好好味Total: 600 + 10% = 660

因為OPEN RICE, 我信le 間.......話說同女朋友仔去避世, 係榕樹灣行到0黎, 終於行到街尾0既le 間啦. 點左個2人餐...扇貝x2牛油龍蝦1開2椒炎鮮尤海上鮮油菜炒飯-------------------------------------------------------------扇貝都幾好食, 好多粉絲, 亦都好爽口, 作為第一道菜, 清清地幾好牛油龍蝦, 聽聞係招牌菜, 亦都真係幾好食, 不過真係好多油, 如果香口得0黎少d 油會好d, 食完隻蝦成口都油, 感覺肥利鮮尤no comment, 同茶樓中點無異海上鮮唔知係乜魚, 不過就幾好食, 好大條, 我咩d食唔哂, 面豬俾左女朋友, 唔知滑唔滑.油菜都係茶樓品質炒飯好唔得, 我食炒飯咁多年, 好少話會食剩半碟飯, 好乾, d 料又少, 你有幾隻蝦又點? 少飯唔係咁0架, 要d料平均分布係飯ge 周圍, 等飯粒吸收到料0既鮮味至得0架嘛是日生果係波囉同哈密瓜, 很凍, 非常好. 至怕d生果唔凍, 唔知擺左幾耐咁.........---------------------------------------

終於用咗個幾鐘時間由榕樹灣行到索罟灣,好彩天氣唔係太熱,都唔係行得咁辛苦,行咗咁耐,梗係要揾間食海鮮嘅醫吓肚,由於係第一次嚟索罟灣,都唔知去邊間好,呢個時候,揾間最大間嘅最穩陣.不知是否國慶特別多人的關係,還是唔夠人手,等咗好耐張檯都無人執,耐性少啲都死.椒鹽瀨尿蝦--瀨尿蝦很新鮮,炸得剛剛好,不會太油,椒鹽亦剛剛好.蒜蓉貴妃蚌--貴妃蚌很鮮味,特別係粉絲做得很好味,估唔到連粉絲都可以咁鮮甜.豉汁象拔蚌--象拔蚌亦很鮮甜,豉汁亦做得很好,唯一美中不足就是豉汁味不能滲入象拔蚌內.清蒸老虎斑--條魚非常滑,亦夠熟,蒸魚豉油亦做得很好味.總括而言,這是一餐有意外驚喜之海鮮餐,食完仲有免費船返尖沙咀添.

於尖沙咀公眾碼頭乘免費專船到索罟灣天虹吃海鮮，約40分鐘。交通方便過去西貢，亦更省時，還可以遊船河。揀天虹，就是貪有專船免費來回接送。我們叫了1. 清蒸東星斑(最後汁都撈埋，隻碟可以照鏡)2. 薑蔥紅蟹3. 豉椒炒蜆4. 蝦醬通菜加5個白飯。看照片也能感受其美味。每人二百幾元，結賬時預約回程船期。船未到，可去附近商舖買一買「手信」，甜點代表有茶粿、雞屎藤、砵仔糕、糯米糍及蛋卷等，風味代表有蝦膏、魚肚、鹹魚等海產，手工藝代表有雞泡魚匙扣、彩石、貝殼鍊及草帽等。有免費遊船河、購物、漁排景緻、美食(有力氣還可以去行山)，一晝滿足以上幾個願望，很豐富的一天。

行完夜山，趕得及來兩位要好食友慶生會，又順手執執水尾掃下幾味海鮮大匯集。遲了大半小時，麻煩了兩位靚女食友待留菜式，整天沒東西落肚，極速掃下聖子皇、蒸扇貝、蒸象拔蚌仔．．．還有新鮮又靚的鮑魚仔，大大隻肉厚有彈性，美味。說海鮮鮮味，其實最期待的反而是Daivd及E.T千里迢迢送來的兩款蛋糕，用David帶來的藍莓芝士蛋糕打頭陣，替靚女露露送上祝福，然後是將專兄嚇得呆又呆的雜莓氣酒果凍，師姐親手造的美意，由E.T由灣仔運到索古灣，在坐的亦無不驚訝！吃完鹹到甜，Sally又替大家追加炸子雞及椒鹽鮮魷，炸子雞熱辣辣又醃得入味，專兄笑言是「安祥」版，椒鹽鮮魷漿薄亦吃得出鮮而略帶彈性肉質，但椒鹽味聞起來雖強，吃下口卻無乜料到，奇怪。招呼周到份量亦足夠，每人不過二百元左右，抵食又滿足，謝謝搞手細心安排！亦在此祝專兄及露露生日快樂！

海鮮係我既至愛，之前試西貢、流浮山、布袋澳‧‧‧今次輪到南丫島最多人去既天虹~豉椒炒蜆：個汁幾辡，都算有肉食，唔會殼多過肉~蒜茸粉絲蒸元貝 ( 4 隻共 $100 )：元貝大粒和鮮味，有兩隻重係橙色既元貝~ 問店員點解平時元貝通常白色肉，今次點解係橙色？店員話佢都唔知原因，但通常幾十隻之中會有一隻係橙色，甘我食四隻有兩隻係橙色，真係好彩~ 白色和橙色既味道都係差唔多~豉汁蒸鮑魚 ( 4 隻共 $120 )：幾大粒，爽口，但唔夠鮮味~ 另外，分開鮑魚和內臟時要小心，佢既綠色內臟好"核突"椒鹽瀨尿蝦 ( 2隻共 $320 )：一隻肥美有膏，一隻好瘦無肉食，但肉質幾鮮味，椒鹽較平時食既淡 D，食完無甘口渴~清蒸東昇斑 ( $480 好貴 )：蒸得啱啱好，魚肉剛好離骨，魚肉滑溜，完全沒有鞋，但就唔夠魚鮮味~ 所以，我覺得條魚好唔抵食！西芹炒腰果：西芹爽口，腰果唔夠香脆，碟小炒唔夠鑊氣~涼粉綠豆沙布丁甜品：味道無特別，$20杯唔值！

天虹海鮮正斗, 煮功出色, 價錢公道, 服務一流, 交通便利, 所以我同大胃決定將天虹定為我地ge飯堂!大胃牛一, 梗要嚮佢遠征歐州前同佢擦番餐. 上次入南丫島大家食過天虹都讚不絕口, 今次慶生喎, 梗要揀度有信心保證架啦, 於是就齊齊過大海來天虹.唔好以為入南丫島食飯好似好麻煩, 其實天虹有專船嚮天星同中環2個碼頭往返接送, 我一程巴士去到碼頭, 一程半個鐘ge船去到天虹, 不知幾方便.去到唔駛壽星仔操心, 我就走去揀下有乜海鮮食. 上次個侍應比我慢慢遂樣揀, 咁今次都唔例外, 好燙貼呢.今次d野全部好食, 想排名都唔容易呢!1) 蒜茸粉絲蒸大黃妃蛘 - 初初上檯, 見到無乜豉油汁, 仲驚會唔會唔夠味呢? 原來好夠味嫁, 因為d蒜茸浸過鹽水的. 而d粉絲亦非常爽口煙韌, 連埋d蒜蓉, 好食到爆. 至於主角黃妃蚌, 就真係無得頂. 大隻又飽滿不特止, 新鮮又唔在講, 而且蒸得剛好, 霹靂爽脆鮮甜. 一致通過, 全晚至正!!1) 椒鹽鮮魷 - 聞落好香, 脆漿夠薄又夠脆, 鮮魷嫩甜到唔知講乜好, 係有史以來食過最好的椒鹽鮮魷呀!!!!! 所以要同黃妃蚌雙冠軍.3) 蒜蓉蒸扇貝 - 肥大