天天海南雞飯 (Fashion Walk)

營業中

休息中

天天海南雞係香港有幾間分店 之前係Elements 同新城市都試過水準唔錯 今日去開銅鑼灣買野 就決定到訪埋最後e間 銅鑼灣分店原來有埋戶外位係可供選擇 不過今日天氣比較焗 所以都係決定坐返室內環境燈光基本上都好舒服 適合傾計小聚一坐低店員會送上茶芥和前茶小食酸酸甜甜幾開胃 茗茶亦都可以消膩解濟今次決定試試新菜式 改點天天燒雞 另外加配細的雞油飯 千祈唔好睇細份量 可以分到4-5 碗飯 2-3 人已經非常足夠 雞油味香 配主食之選燒雞的雞皮都脆口輕薄 雞肉嫩滑 分店間的水準都維持得唔錯另外點左一個小食 - 斑斕椰香鱈魚魚肉球外脆內軟 上菜時熱辣辣 隨上的汁料班斕味和椰香味都豐富 係一個唔錯的咬口小食 最後一個主菜係肉骨茶一直用微火暖住 所以入口非常暖胃 有大約4 條肉骨 肉身軟淋 吸收到唔少湯汁 店員期間都有為我地分湯 食完已經非常飽足價錢上兩個人食左每人二百鬆d 都係一個唔錯的晚餐傾計選擇👍🏻

呢間過江龍好耐之前已經聽過，一路都知佢係星加坡老字號同埋米芝蓮。一坐低就有碟前菜，係哈密瓜配百香果醬，酸酸甜甜夠晒開胃。海南雞佢個海南雞係用咗白雞，所以比平時出面食嗰啲冇咁黃同肥，再淋上帶少少甜味嘅雞汁，唔會話好膩同邪惡感重😈。如果真係都驚膩嘅話可以再點啲青檸汁。天天石鍋雞油飯平時出面食嗰啲海南雞飯都係一小碗，佢呢個可以一鍋叫。個油飯係以石鍋上再用木蓋蓋住，唔驚啲飯咁快凍曬馬拉盞炒通菜通常出去食都會好驚佢好鹹，但佢呢個炒得啱啱好。青咖喱（牛）咖喱可以自己自由揀咩肉，我就揀左牛肉。啲肉都好淋，個咖喱汁唔辣，就算唔係好食得辣嘅朋友都可以食，送飯一流。佢呢間啲份量都叫大，啱晒re u 或者同一班friend一齊食。唔驚唔夠飽，又可以食到多款嘢食。

天天海南雞飯銅鑼灣京士頓街9號Fashion Walk地下H2號舖Shop H2, G/F, 9 Kingston Street, Fashion Walk, Causeway Bay新加坡的天天海南雞飯，其招牌海南雞飯皮薄肉嫩，海南雞飯由新加坡來到香港, 變得高級起來, 環境不是一般貝店, 裝潢帶點派頭天天燒雞 $189 因為想食香口一些，就試了燒雞而不是海南雞，雞皮香脆入味，深咖啡色睇到都流口水古法肉骨茶 $159 是新加坡胡椒辛所以是重胡椒粉味，沒有 藥材，湯頭湯色都是奶半透明奶色細心位，有蠟燭keep 住保溫，ribs 有4大條，個湯充滿胡椒味很暖胃，多配料補枝竹同豆卜豬肚南洋蒜香辣醬椰菜 $89個賣相好潮，加了辣醬同小小肉碎，椰菜清甜

天天海南雞飯係新加坡必食好店😛今日專登黎「天天海南雞飯」，睇下keep 唔keep 到水準先出乎意料地，同新加坡熟食中心既風格好唔同，銅鑼灣既店舖係走品味Chill風有戶外既坐位，每個卡位仲有電視睇添今次就揀左坐室內，氣氛都好好呢🥳 黑松露墨魚蝦多士口感超正多士超級爽脆，炸得極鬆化 中層既墨魚蝦又好彈牙黑松露味亦好香係必食之一❤️鮮大蝦冬陰功今次叫左細碗，有兩隻大蝦服務超好，所有配料都可以俾你自由選擇多少(辣椒、香菜、蒜、青檸等)為左食到最正宗版本，當然係落晒啦味道酸甜適中，好濃味同有少少辛口，好正兩隻大蝦有專人睇住火候，確保食客可以食到最鮮既狀態🦐天天海南雞伴油飯最鍾意食無骨嘅海南雞肉質都滑嫩，味道偏淡，不過有三款醬汁可以點所以都唔錯既油飯好出色，好香，飯粒亦粒粒分明😛最後叫左杯米芝蓮推介嘅金牌咖啡同埋椰香南洋拿鐵金牌咖啡好濃郁香醇椰香南洋拿鐵更加有特色，加入椰漿令咖啡變得更加香💗呢到既服務員都好親切有禮，係一個好舒服嘅用餐環境。值得ENCORE! 😋

天天海南雞飯係一家喺新加坡有米芝蓮推介嘅餐廳，之前去新加坡水門市場都食過，唔知嚟到香港嘅味道係點！今日收工同朋友去咗呢一間係銅鑼灣名店坊嘅天天海南雞飯，地點都非常方便，距離銅鑼灣地鐵站E出口好近，去到好好彩地坐到最後一張枱，依一間餐廳嘅晚市都好多人，我哋就會被安排咗喺近門口嘅一個位置，餐廳亦都戶外嘅位置，方便需要吸煙嘅食客。我哋就叫咗一個海南雞（大），一個油飯，一個老鼠粉同埋一個炒西蘭花！首先必須推介就係佢嘅海南雞，呢道菜係天天海南雞飯做得非常好。雞肉非常鮮嫩，食得出本身隻雞嘅新鮮，而且加了店舖本身特殊既調味，令雞肉有一種特別風味，亦都可以配搭甜豉油薑蓉同埋辣醬，令到雞肉嘅味道更上一層樓油飯亦做得好好，有一種微微芳香，再搭配上雞肉同醬汁，實在非常配搭。除左海南雞飯之外，其實天天海南雞飯既其他菜式都非常好食。老鼠粉亦都係新加坡傳統嘅小食，老鼠粉配以辣椒，雞蛋，脆魚仔，花生，肉碎同埋辣椒撈埋一齊食，有一種非常特別嘅口感，口感非常豐富。佢嘅調味亦都唔會太鹹，味道適中！蟹肉炒西蘭花亦都係值得推介，蟹肉嘅鮮味同埋西蘭花嘅清爽口感互相融合，廚師喺個面度再加以炒蛋白同埋蟹子，令到成個菜式嘅味道昇華。

今日同朋友嚟到銅鑼灣食呢間好出名既天天海南雞，新加坡傳過黎，又拎到米芝蓮推介，真係好正味道好好啊！👍👍 一坐低就拎左飯前果比我地，有百香果哈蜜瓜☺️天天海南雞 ($289) 加大份加大份大概有半隻雞份量，個雞肉好嫩滑，啖啖都係肉汁，去左骨同埋油完全唔膩，加上啲青瓜，食落去好清新，仲有每日新鮮製造既秘制辣醬，少少辣幾夾。當然仲有常見既黑醬油同薑蓉可以點啦～ 火焰沙嗲串串 ($129)串串燒得啱啱好，啲肉質地好嫩同juicy，豬牛雞3樣齊哂，啲沙嗲醬好香濃，好適合同朋友一齊食吓，夠味又一d 都唔辣。雞油飯 ($39)雞油飯係必食之選，飯粒緊實，加埋啲鹹香嘅雞油，食落去好香好滑。小份既份量都好多，兩個人都食左幾碗🤣🤣📍 天天海南雞飯 (Fashion Walk) (銅鑼灣)銅鑼灣京士頓街9號Fashion Walk地下H2號舖#香港美食 #香港必食#hkfoodie #hkfood #hkfoodblogger #hkfoodlover #hkfoodpic #hkig #hkfoodie #hkfoodies #food #foodie #foodstagram #foodblogger #

與朋友相約銅鑼灣shopping，朋友建議晚餐去一間米芝蓮推介的餐廳用餐！位於銅鑼灣京士頓街9號Fashion Walk地下H2號鋪這間名叫（天天海南雞飯），餐廳裝修精緻！地方寬闊，坐位舒適，設有室內室外的多張餐檯！景觀各具特色，任食客喜愛！入坐之後，餐廳奉送的生果盤。哈密瓜🍈加上少許百香果肉！酸甜適中！打開味蕾的前奏👍古法肉骨茶熱氣騰騰的古法肉骨茶用瓦煲再用火加熱！香味四溢，湯汁味十足！排骨的口感淋而且很有肉味豬肚又淋又香！還配上豆味濃郁的腐竹！這裡的肉骨茶相當足料😋天天雙拼賣相討好的 天天雙拼，海南雞拼燒雞！兩者都已拆骨。海南雞雞肉嫩滑！蘸上或者淋上餐廳的自製醬汁吃起來更有風味！燒雞皮脆肉滑，兩種的做法都很出色！😋白飯（細窩）配上海南雞吃，一流！新加坡原味豆腐花（加美祿）豆味濃郁的豆腐花，滑滑的口感！加上美祿甜度剛剛好！飯後甜點😋

同男朋友行完老銅Donki，順手響附近搵下野食醫肚，試左呢間新加坡過江龍海南雞飯，雞肉嫩滑又惹味，環境仲幾靚坐得好舒服。❀黑松露墨魚蝦多士❀多士炸到香酥可口，墨魚煙韌蝦肉彈牙，夾埋一齊食口感豐富，黑松露醬好香，好好食😋❀天天海南雞❀天天海南雞係會比較滑，而正宗海南雞就會比較有雞味，雞肉份量大概係1/4隻雞，D雞唔會好肥，肉質嫩滑，仲有薑蓉、辣醬+甜豉油可以點住食。❀古法肉骨茶❀肉骨茶係用上胡椒豬肚湯湯底，個湯呈奶白色，有少少胡椒味，飲落幾鮮甜，肉骨煮到好腍，好開心有好多枝竹同豆卜🫶🏻❀食神魚籽菠蘿海鮮炒雞油飯❀個飯都幾大份，覺得夠3-4個人食，個飯有好多飛魚籽鋪面，係有蝦、蟹黃、木耳、青豆既雞油炒飯，D飯粒粒分明，又有雞油香味。❀班蘭汁燕窩椰汁奶凍❀見唔太貴同埋幾靚就點左，事實證明係值得試下，奶凍好香椰奶味，面頭都幾多燕窩，班蘭汁唔太甜，整體配合得幾好。

Lunch time特登過嚟試，餐廳裝修幾靚，乾淨，座位闊落又好坐，坐得好舒服，食物點咗招牌海南雞飯，飲品點咗豆花美綠同豆花奶茶海南雞好滑，幾款醬都好食，油飯都香，糖心蛋都整得好好食，兩杯飲品都好飲，唔怕太甜，奶茶夠奶，香滑，美綠夠濃，面頭仲有粉，好好飲，整體質素唔錯

Extremely disappointed at the new menu at Fashion Walk. TIAN TIAN is meant to be an authentic Singaporean restaurant. Ordered a 'laksa' with an expectation that it would at least somewhat resemble a traditional laksa but there were no noodles and the laksa was reduced to a sauce that was green. I would have expected their head chef to know what a 'laksa' is and name their dishes accordingly. Service was also a mess. Waitresses circled around our table constantly and were very distracting. Very d

忍唔住回頭佢哋既咖喱同海南雞真係好高質，今次帶舊同事黎食因為佢話想食海南雞飯，而我想食咖哩就即刻唸起天天，上菜前已經有熱情果汁配哈蜜瓜醒胃，酸酸甜甜，今次我地叫埋黑松露墨魚多士，即叫即炸既香脆多士，口感非常鬆化，滿滿既黑松露醬，墨魚十分彈牙煙韌，第一次食真係幾好味，海南雞飯加油飯必定係餐廳經典同必叫，飯粒油而乾爽，上枱好香，提提大家係二至三人份量架鍋飯，海南雞皮嫩肉滑，廚師清理得好乾淨，擺碟又靚，連埋基本海南雞醬真係好高質，我就揀左咖喱牛肉，餐廳可以任你配咩肉類，牛肉其實係牛筋腩，咖哩汁甜而不辣，可以撈幾碗飯食，牛肉煮得夠稔，一咬就得，好juicy，份量十足，唔怪之得佢哋咁多分店啦🎉

一坐低就送上前菜，熱情果汁哈密瓜，酸酸甜甜好開胃🥰 餐廳環境好好，特別適合慶祝活動冬陰功我哋叫咗兩人份，黎到係有兩隻生既大蝦，即場開爐煮俾我哋🤣 夠晒新鮮，味道好正宗，辣辣地又係開胃既前菜👍炒通菜好食！成日去食東南亞餐廳嘅炒通菜都係有少少太鹹，但係呢度味道啱啱好👍蟹籽海鮮菠蘿炒飯🔥冇預計過佢會咁好食🤣 炒得好好，蟹籽又增加咗口感，最後兩個人竟然可以清到碟飯串燒通常都係好食嘅😌 最特別嘅係佢哋嘅沙嗲醬食得出自己整，好重花生醬味，我朋友就好鍾意，差啲淋晒成碟醬😂

天天海南雞我細細個就聽過哩個名，之前去新加坡好熱既天氣見到條長長既人龍最終放棄左，成為叼旅程既遺憾之一。行開銅鑼灣唔知食咩好就決定去填補一下我地遺憾。餐廳有份室內外位，空外每枱都有暖爐同電視，就算冬天去唔會太凍；空內既裝修一入眼係大大個天天海南雞既招牌，好有新加坡熟食市場既風味。．鮮大蝦冬陰公(2隻蝦) $89大蝦係真係新鮮大蝦，店員會用gas 爐滾到個湯熱先再放大蝦同配料落去煮，所以大蝦真係好火喉岩岩好，好爽口彈牙；個湯好足料，但唔會太酸太辣剛剛好，份量多到就算我地叫細份應該可以分到5個人飲．天天海南雞(例牌) $189+ 雞油飯(細窩) $39同店員查詢左天天海南雞同正宗海南雞既分別主要係烹調同有無骨，由於想用海南雞拌飯食，所以揀左無骨既天天海南雞再加選細窩雞油飯，師傅好用心地去哂所有雞既肥膏，變左雞皮都可以食埋，雞身好滑切成細細舊好易送飯；另外油飯係用石鍋連蓋，食到最後啲飯都仲保溫，而且細窩都可以同4個人分。．新加坡麥片大蝦 $189本身想叫黑椒炒蝦，但見到有麥片蝦即刻唔洗諗，麥片蝦好大隻，每隻都均勻沾上奶粉同麥片同埋師傅係蝦背已經界開，所以好入味甜甜咸咸好好食，而且每隻蝦除左好

🚶🏻‍♀️去開銅鑼灣，朋友約我去米之蓮食府食好嘢，😋緊係奉陪到底啦！✌🏻步入「天天海南雞飯」，裝潢很有氣派，每枱都有射燈照明，📷加上波希米亞風的餐具，別有特色。👏🏻未點餐已上餐前小食，酸甜的熱情果與哈密瓜作為豐富晚餐的引旨，❤️清新開胃。🔖黑松露墨魚蝦多士 $109香脆的多士，單是晚上已經很吸引，墨魚蝦軟心，以木魚絲點綴，邪惡但停唔到口。🔖天天海南雞 $189（大份）配上獨家風味醬汁，啖啖肉的招牌海南雞。🔖蟹籽蟹肉西蘭花 $109爽口西蘭花，包含蟹籽和蟹肉鮮味，一口滋味。🔖食神魚籽菠蘿海鮮炒雞油飯 $139超豐富的粒粒蟹籽口感，混合海鮮雞油香味炒飯，以酸酸甜甜菠蘿乾伴碟，色彩繽紛的可口主食。

喺銅鑼灣行完街去左天天海南雞飯醫肚餐廳氛圍非常熱鬧親切仲有露天座位入面墻上掛著照片展示左美食同歷史茶位每位十蚊啲茶都唔錯餐前果附送百香果蜜瓜醒醒胃我地揀左天天海南雞拼燒雞一次過滿足晒兩個願望海南雞口感嫩滑 雞皮爽薄獨特的香氣令人回味無窮配上特製的雞汁、辣椒醬和醬油每一口都非常美味燒雞外皮香脆 咬落香味濃郁 雞肉保持嫰滑多汁 口感一流細鍋雞油飯份糧夠3-4人食飯粒飽滿唔相相黏 糯軟中帶有嚼勁黑松露墨魚蝦多士非常美味主要材料包括墨魚、蝦仁和黑松露醬搭配埋一起非常完美同驚喜外層係金黃色嘅多士炸得非常酥脆蝦仁鋪面而裡面就鮮嫩的墨魚墨魚同蝦仁的口感非常鮮嫩配埋黑松露醬的香味同味道外層炸得酥脆但內部卻非常嫩滑令人忍唔住一口接一口參巴辣椒炒通菜參巴辣椒辣度唔係好辣但風味一流通菜新鮮嫩口現炒現吃非常好味叫咗杯50年代系列嘅奶茶Size都幾大杯茶味濃郁入口感順滑飽滿呢餐晚飯食得非常開心滿足！