天天海南雞飯 (Fashion Walk)

營業中

休息中

好細心每一台都會比一點開胃水果😍 今日係哈密瓜+ 熱情果 爭啲上到埋啲熱情果落查到自製水果茶🤣 上菜速度十分之快 服務細心同敏捷黑松露墨魚蝦多士 $109母親大人大讚！ 好香嘅黑松露味 入面重有好有咬口既粒粒墨魚 多士炸得岩岩好 好香口 加埋面頭嘅椰菜絲同木魚碎 中和返個油膩老街坊牛筋牛腩 $149 抵食之選😍 $149 一大煲熱住咁上 可以慢慢食都唔驚凍左 牛筋同牛腩都炆得好琳 味道岩岩好 唔會好重口味 免頭中放咗好多炸咗嘅牛蒡 可以就咁食或者連埋啲汁煮落去先食 口感一流天天燒雞（大份） $189天天海南雞嘅特色菜係海南雞 上次試咗所以今次食燒雞 相信佢哋處理雞嘅功力都係好深厚🥰 燒雞燒到外皮香脆 肉質嫩滑多汁 燒雞都係啖啖肉冇乜骨😍雞油飯（細窩）$39值得一讚 母親大人都話好香雞油味 而且真係好大煲 適合三人以上過嚟食飯金牌咖啡（熱）$26特飲方面叫咗佢哋嘅招牌特飲 金牌咖啡 本身已經落咗糖 母親大人話好香滑 十分之唔錯

天天海南雞是一家以海南雞為主打的餐廳，但他們的菜單也有其他豐富的選擇。我點了他們的招牌菜之一——食神魚籽菠蘿海鮮炒雞油飯。這道菜以炒飯為主，加入了鮮美的海鮮和魚籽，讓整道菜的味道更加豐富多樣。菜中的菠蘿也加入了一些甜味，讓整道菜既有鹹味又有甜味，非常適合我的口味。此外，餐廳的海南雞也非常值得一試，雞肉柔軟多汁，入口即化，搭配特製的醬汁更是美味。此外，我還點了黑松露墨魚蝦多士。這道菜以墨魚和蝦為主，加入了黑松露的香味，讓整道菜的口感更加豐富。多士的外皮煎得香脆，內裡的墨魚和蝦肉鮮美多汁，非常適合當成下酒菜或者小點心。總體來說，天天海南雞的菜品讓我感到非常滿意。不僅海南雞入味，其他的菜品也都非常美味。此外，餐廳的服務也非常周到，讓我感到非常舒適。唯一的缺點可能是餐廳的位置比較隱蔽，不太容易找到，但這也讓餐廳更具有私密性和特殊感。如果你喜歡海南雞，我非常推薦來試試天天海南雞的菜品。

去過新加坡既朋友，都一定聽過天天雞飯呢間餐廳。雖然天天雞飯嚟咗香港好多年，但我今日先第一次喺香港食天天雞飯。不過今次我就唔係嗌海南雞飯，反而叫咗其他特色小菜，全部都令人有驚喜🤤黑松露蝦多士：黑松露蝦多士炸得好好，非常脆口。蝦多士上面鋪咗黑松露醬，非常之香。連埋到時一齊食都有好濃既黑松露味！肉骨茶：天天海南雞飯肉骨茶同平時喺香港食嘅肉骨茶唔同，反而好貼近我喺新加坡食過嘅肉骨茶。佢嘅湯底相對比較清淡，帶有胡椒香味。唔似平時食嘅馬來西亞style，有好重藥材味。肉骨亦都好淋，配上豉油後，非常好食。鵝肝黑椒花膠：第一次試用呢個煮法整嘅花膠，估唔到出奇地夾，送飯一流！花膠吸收哂啲汁嘅精華，仲要每塊花膠都夠哂大，食完真係好滿足🫶🏻餐廳環境好闊落舒服，仲要位置好方便，去開銅鑼灣嘅話好推介大家試吓呢間餐廳！

去新加坡旅遊的必食餐廳：天天海南雞飯，黎到香港開門市，當然要試試！香港的天天海南雞飯行精緻路線，餐廳裝潢、餐具都好典雅！同朋友一入坐就奉上一大壺茶同前菜，前菜係哈密瓜配百香果汁，前菜味道酸酸甜甜，非常開胃！餐廳菜單嘅選擇眾多，除左主打的海南雞，仲豬肉、牛肉、海鮮的選擇都好多，最後同朋友叫左最經典的天天海南雞(大份）同古法肉骨茶，仲有參巴辣椒炒通菜同新加坡原味豆腐花！天天海南雞(大份），雞肉鮮嫩又無骨，上面有甜滷水芡汁，隨碟附上薑蓉、酸辣汁和黑醬油可以俾食客隨心搭配！古法肉骨茶，上枱嘅時候已經好有驚喜，侍應連爐帶煲上枱，確保肉骨茶可以保持溫度，用料有大排骨、豬肚、腐竹、豆卜等，湯底用中藥和香料熬製而成，我係最怕肉骨茶嘅中藥味，但哩個肉骨茶，湯底飲落無難聞的中藥味，更多係豬骨湯的鮮甜，好飲！大排骨肉質都好軟嫩，可以輕鬆起骨，而且煮到好入味！大推肉骨茶！參巴辣椒炒通菜，用辣椒同醬料將通菜爆炒，通菜有鑊氣又滋味！最後叫左新加坡原味豆腐花，同港式豆腐花唔同，呢個新星加坡嘅豆腐花似奶凍的質地，沒有港式豆漿花的一層一層的layer，味道上豆味香濃，口感好水嫩，作為餐後甜品一流！整體嚟講呢間餐廳環境舒

朋友帶左我去銅鑼灣一間結合四間新加坡經典品牌的米芝蓮街坊食店，「天天海南雞飯」、「老街坊」、「超好面」及「五十年代」，可以食到多款傳統各具特色菜式外， 佢哋亦研製及改良多款廣東小菜， 又好食，又可以打咭。天天海南雞必試招牌菜，海南雞肉質肥美嫩滑， 燒雞皮脆骨軟，可隨喜好沾上秘製辣椒醬、黑醬油及蒜醬。鮮大蝦冬陰功湯 上菜時，喺客人面前將新鮮大蝦放入冬陰功湯內煮，大蝦非常新鮮，啖啖肉，冬陰功湯，酸酸辣辣，好開胃。古法肉骨茶湯底奶白色，加入當歸、甘草、八角等藥材， 有藥材味，有胡椒微微辣，排骨肉質軟腍，仲有豬肚、豆卜、枝竹等配菜，自己加入酸菜、指天椒和新加坡黑醬油。芒果三色糯米椰漿甜飯賣相精緻，糯米飯好軟腍，有白色原味、酒紅色火龍果肉汁和淺綠色班蘭汁，再配合新鮮芒果，香濃椰漿及椰子脆脆，好味道。另外仲食左黑松露墨魚蝦多士、迷迭香火焰黑金叉燒、「老街坊」牛筋牛腩煲、南海青咖喱、新加坡辣椒炒肉蟹配鹹煎餅 、食神魚子海鮮炒雞油飯，有特色給美味，最後仲有新加坡原味豆腐花， 非常香滑，飲品係50 年代南洋咖啡， 好順滑。

呢日有口福老婆大人帶我去食來自星星嘅美食，不過冇都Manage同千小姐份嘅！哈哈！講緊嘅係星加坡米芝蓮星級餐廳天天海南雞飯，今次我哋就去咗銅鑼灣店開大餐喇。我係第一次嚟呢間天天海南雞飯開餐，入面嘅裝修都幾靚仔仲有VIP房，連啲餐具都好靚淨係酒杯都已經夠吸引。先嚟杯年代奶茶嘆吓先飲落口感滑溜茶味仲好濃郁添正喎。未開餐之前枱面有兜百香果密瓜原來係餐前小食，味道酸酸甜甜咁啱晒老婆大人口味。第一味上枱嘅係黑松露墨魚蝦多士，金黃香口嘅蝦多士入面夾住咗墨魚滑，鮮味之餘仲好有口感香噴噴好正呀。然後呢味火辣辣嘅係迷迭香火焰黑金叉燒，用咗西班牙豬腩肉嚟煮呢個菜會唔會零舍好食呢？答案係叉燒食落好淋好滑口感錯。跟住呢個鮮大蝦冬陰功湯就會喺你面前即刻煮，睇住將啲新鮮大頭蝦放入去冬陰功湯度煮，跟住即刻遞到我面前淨係呢份誠意已經值得嘉許。呢個冬陰功湯個大蝦好新鮮食落爽口彈牙好正斗，湯嘅辣到對我嚟講都唔少嘢仲有酸都幾勁！我老婆大人就覺得好好味呀。我就鍾意呢個老街坊牛筋牛腩，食嘅時候放啲炸牛蒡絲入去多啲咬口配搭得好呀。呢個牛筋牛腩食到我豎起手指公讚好，啲牛筋炆到軟滑得嚟唔會黏口，牛腩呢却炆到入口鬆化仲勁入味爆好食呀。

同一大班朋友聚會，就來到天天食海南雞啦😍黑松露墨魚蝦多士好香松露味，蝦多士好香口！迷迭香火焰黑金叉燒現場即場再點火燒香，叉燒焦甜而十分嫩，肥瘦岩岩好。鮮大蝦冬陰功湯冬陰功湯十分正宗惹味！即場加入新鮮大蝦，十分鮮甜古法肉骨茶肉骨茶有濃濃胡椒香！非常暖胃。「老街坊」牛筋牛腩煲牛根入味而好軟綿，十分讚。天天海南雞主角天天海南雞，雞肉嫩滑而有口感，加上姜蓉汁/酸辣汁，啖啖肉香好好食！南海青咖喱新加坡辣椒炒肉蟹配鹹煎餅食神魚子海鮮炒雞油飯芒果三色糯米椰漿甜飯新加坡原味豆腐花

呢排見到好多朋友去咗新加坡旅行，見到佢哋狂食地道美食，真係流晒口水🤤 我最近就去咗 天天海南雞飯 開餐，原來佢結合咗四間新加坡經典品牌嘅米芝蓮街坊食店: 天天海南雞飯、老街坊、五十年代、超好麵，依家响香港都食到傳統正宗新加坡菜式！先食個 黑松露墨魚蝦多士，炸到脆卜卜嘅多士內有墨魚滑膠和墨魚粒做餡料，配埋黑松露沙律醬，咬落香脆。多士上層放上椰菜絲及日式鰹魚乾，食落滋味。期待咗好耐嘅 天天海南雞，知道佢係用海南文昌鎮正宗文昌雞、白羽雞，所以特別肉質嫰滑。而另一邊燒雞就係本地三黃雞製成，皮脆骨軟。配埋秘製辣椒醬、黑醬油及蒜醬，就更加惹味！鮮大蝦冬陰功湯 酸酸辣辣好開胃，上菜時先會將新鮮大蝦放入冬陰功湯內煮熟，大蝦口感爽口彈牙！迷迭香火焰黑金叉燒 選用西班牙豬腩肉，油脂分布均勻，秘製醬汁以多種香料製成，上碟時淋上玫瑰露加埋火焰效果，啱晒打卡👍🏻「老街坊」牛筋牛腩煲 加入新加坡秘製黑磨豉醬炆煮牛筋牛腩，肉質淋、入口即化，上面嘅炸牛蒡脆卜卜增加口感。古法肉骨茶的湯底呈奶白色，結合咗馬來西亞同新加坡肉骨茶嘅做法，藥材味唔太濃。豬肋骨做排骨，肉質軟腍，其他配料有豬肚、豆卜、枝竹等都好入味。新加坡辣椒炒

唔好比個名呃到，呢間「天天海南雞飯」唔淨止食一款菜，其實佢有四間不同類型餐廳一齊合作，可以點四間餐廳的菜式，好鬼死多選擇，啱晒不同朋友想食唔同菜式時有多點選擇。黑松露墨魚蝦多士黑松露混合在墨魚滑裡面，墨魚滑非常彈牙，蝦鋪在多士上面，多士非常香脆，菜好爽口，非常美味😋迷迭香火焰黑金叉燒香口外皮，淡淡酒香、迷迭香，叉燒好淋好入味，配上濃濃的蜜汁，可一可再鮮大蝦冬陰功湯大蝦好大隻又好好食，好爽口架，冬陰功味道適中，香茅、酸味、辣味剛剛好，最後清左😋「老街坊」牛筋牛腩煲牛腩汁味香濃，牛腩、牛筋勁淋又入味，美味😋天天海南雞有水煮和焗的兩款，肉質滑溜，這兩款都一定要沾醬食。南海青咖喱青咖哩好好味，海鮮有蝦、青口、魷魚，海鮮新鮮好食。食神魚子海鮮炒雞油飯魚子和炒飯混和口感非常爽口，飯粒乾爽，整體好食😋甜品有芒果三色糯米椰漿甜飯，一定要落椰汁，椰汁非常好味，又香又甜。另外，新加坡原味豆腐花，好滑，口感似食布甸，唔實，好味😋飲品有恐龍美祿，朱古力控很愛😋。朋友飲50年代南洋咖啡，說香濃味甘好飲😊

相信來自新加坡既「天天海南雞飯🐓」大家都唔陌生，會順利成章咁諗起海南雞飯，而事實係早係2017年已經升級成為Tian Tian Authentic🆙，引進左額外3間米芝蓮推薦既新加坡美食品牌👍🏻— 「老街坊」、「五十年代」、「超好麵」，係大中華區既獨家永久經營權，性價比都好高💰🫶🏻迷迭香火焰黑金叉燒 ($109)上菜時淋上玫瑰露，有火焰效果🔥，係有趣既打卡位📸，用既係西班牙豬腩肉，非常腍香😚鮮大蝦冬陰功湯($89) 非常吸睛🍲，酸酸辣辣好醒胃，用料亦很新鮮，係新鮮既大蝦🦐～ 新加坡辣椒炒肉蟹配鹹煎餅 ($389)🦀🫓用既係肉質結實既肉蟹，經油炸後以辣椒醬汁炆熟，醬汁味道相當惹味～ 特別想提既係作結既「新加坡原味豆腐花」🥛，質感上似係豆漿狀，入口相當綿滑； 「50 年代南洋咖啡」☕️既原材料據知就係由新加坡每星期新鮮空運到港✈️，加入左煉奶、淡奶，入口相當順滑☺️～

這次約了一班朋友到銅鑼灣「天天海南雞飯」歎新加坡有名的米芝蓮街坊食，一次過嚐盡四間正宗新加坡經典美食店 。四間米芝蓮推薦的新加坡美食品牌當中包括 : 天天海南雞飯、老街坊、五十年代及超好麵，美食有海南雞飯、肉骨茶、辣椒炒蟹及50年代南洋咖啡等等。先來「黑松露墨魚蝦多士」豪華版的蝦多士，餡料十足有墨汁、墨魚滑膠和墨魚粒，再放上明蝦球，多士淋上黑松露沙律醬，以黑松露、蛋白醬、紅味噌及蜂蜜混合而成，最後面層放上椰菜絲及日式鰹魚乾，賣相澎湃，黑松露墨魚蝦味道層次豐富，香脆可口。「迷迭香火焰黑金叉燒」黑金叉燒是東南亞的經典傳統美食，肉質細嫩，油脂分布均勻。黑叉燒有很濃厚的香料味，如甘草、八角、陳皮及桂皮，口感層次分明。「鮮大蝦冬陰功湯」足料鮮味鮮大蝦冬蔭功湯酸酸辣辣，辣度剛好，開胃醒神，大蝦爽口彈牙，飲到滿頭大汗還要繼續喝下去。「『老街坊』牛筋牛腩煲」 以新加坡秘製黑磨豉醬炆煮牛筋牛腩，牛腩選用牛肋條，帶骨帶肉，肉質軟腍，入口即化。「古法肉骨茶」古法肉骨茶的湯底呈奶白色，藥材淡淡的，還有陣陣胡椒香氣。 排骨是肉質鬆化的豬肋骨，配料有豬肚、豆卜、枝竹等非常入味，還附有酸菜、指天椒和新加坡黑醬油，口

天天海南雞飯集團來自新加坡，而品牌亦已升格為 Tian Tian Authentic。今次到訪的銅鑼灣店更可以食到三間米芝連餐廳(天天海南雞飯,老街坊,五十年代.超好麵)，真係好正。天天海南雞招牌菜跟足新加坡本店的傳統製作方法，正宗文昌雞及白羽雞，肉質較為肥厚嫩滑 ，雞皮爽滑零脂肪。燒雞則用上本地三黃雞製成，皮脆骨軟，脂肪豐滿，配上秘製辣椒醬、新加坡黑醬油及蒜醬，正宗新加坡風味。迷迭香火焰黑金叉燒叉燒看似好港式，其實黑金叉燒是東南亞的經典傳統美食。叉燒選用西班牙豬腩肉，油脂均勻分布，入口肉嫩有層次，最吸引係上碟前會淋上玫瑰露點火，好食又可以打埋卡。鮮大蝦冬陰功湯即場將大頭蝦放到冬陰功湯中，本身已加入在多種材料爆香(香茅、小米椒、檸檬葉、小青檸、南薑、泰國芫茜、車厘茄等)，然後加熱20分鐘，得出味道濃郁的冬陰功湯。味道酸酸辣辣，大蝦爽口彈牙。新加坡辣椒炒肉蟹配鹹煎餅巨型肉蟹肉質結實，先油炸再用辣椒醬汁炆熟，蟹肉多汁，而惹味香濃的醬汁連埋鹹煎餅一齊食好滋味。食神魚子海鮮炒雞油飯特色在於結合中式，日式和新加坡的Fusion 料理。中式炒飯用上新加坡海南雞飯的雞油飯，配料則驚喜地用上日式飛魚子

呢個新加坡國民品牌我一直未食過終於搵咗晚去食食咗鮮黑松露墨魚蝦多士大蝦冬陰功湯古法肉骨茶「老街坊」牛筋牛腩天天海南雞南海青咖喱食神魚子海鮮炒雞油飯新加坡辣椒炒肉蟹配鹹煎餅 芒果三色糯米椰漿甜飯新加坡原味豆腐花成餐飯食得勁飽同需時都好耐😂肉骨茶比起一般食開嘅都唔同唔係濃藥材味反而淡好多，似湯而且估唔到最好味嘅竟然唔係招牌菜海南雞-即文昌雞同白羽雞雖然肉質都嫰滑但我反而覺得係甜品有驚喜特別推介豆腐花同坊間嘅豆腐花好唔同原來新加坡豆腐花質地比較水狀入口即溶，接近豆漿但杰啲口感綿密順滑

友人喜吃南洋菜，選址這裏是因它集合了四間新加坡米芝蓮街坊食店於一身(天天海南雞飯,老街坊,五十年代及超好麵)；每間都各有特色。餐廳就位於早前到訪過的「鮨政x大湖」旁邊，如天氣好，於戶外的太陽傘底下用膳都未嚐不是一個好選擇，可惜今晚雨水下過不停。大廳約可容納三十多人，而兩間VIP房則可坐大概12人吧。看過餐牌，選擇了以下的食物。黑松露墨魚蝦多士 $109～蝦多士食得多，但加入墨汁、墨魚滑膠和墨魚粒粒作餡料的，就第一次食；爽口彈牙的明蝦球、香脆的多士、再淋上黑松露沙律醬，起菜前更在多士表面放上椰菜絲及日式鰹魚乾，層次感豐富，每一口也是美味。迷迭香火焰黑金叉燒 $109～從小吃橡果長大的西班牙黑毛豬油脂分布均勻，肉質鮮嫩，質素自然更勝一籌。大廚先將叉燒切條煎香，加入秘製醬汁；炆煮約45 分鐘，奉桌前加入迷迭香、桂皮及玫瑰露酒，在炙燒過程中，不但增加視覺效果，也添了一份煙燻香味，打卡更是一流！鮮大蝦冬陰功湯 $89～要令到個湯惹味，一點都不能馬虎，先將大頭蝦煎香，再將其它湯料爆香(冬陰醬、香茅、小米椒、檸檬葉、小青檸、南薑、泰國芫茜、車厘茄等)，熬製大概 20 分鐘後，湯底變得更加香濃，非常開