天天海南雞飯 (Fashion Walk)

營業中

休息中

這次約了一班朋友到銅鑼灣「天天海南雞飯」歎新加坡有名的米芝蓮街坊食，一次過嚐盡四間正宗新加坡經典美食店 。四間米芝蓮推薦的新加坡美食品牌當中包括 : 天天海南雞飯、老街坊、五十年代及超好麵，美食有海南雞飯、肉骨茶、辣椒炒蟹及50年代南洋咖啡等等。先來「黑松露墨魚蝦多士」豪華版的蝦多士，餡料十足有墨汁、墨魚滑膠和墨魚粒，再放上明蝦球，多士淋上黑松露沙律醬，以黑松露、蛋白醬、紅味噌及蜂蜜混合而成，最後面層放上椰菜絲及日式鰹魚乾，賣相澎湃，黑松露墨魚蝦味道層次豐富，香脆可口。「迷迭香火焰黑金叉燒」黑金叉燒是東南亞的經典傳統美食，肉質細嫩，油脂分布均勻。黑叉燒有很濃厚的香料味，如甘草、八角、陳皮及桂皮，口感層次分明。「鮮大蝦冬陰功湯」足料鮮味鮮大蝦冬蔭功湯酸酸辣辣，辣度剛好，開胃醒神，大蝦爽口彈牙，飲到滿頭大汗還要繼續喝下去。「『老街坊』牛筋牛腩煲」 以新加坡秘製黑磨豉醬炆煮牛筋牛腩，牛腩選用牛肋條，帶骨帶肉，肉質軟腍，入口即化。「古法肉骨茶」古法肉骨茶的湯底呈奶白色，藥材淡淡的，還有陣陣胡椒香氣。 排骨是肉質鬆化的豬肋骨，配料有豬肚、豆卜、枝竹等非常入味，還附有酸菜、指天椒和新加坡黑醬油，口

天天海南雞飯集團來自新加坡，而品牌亦已升格為 Tian Tian Authentic。今次到訪的銅鑼灣店更可以食到三間米芝連餐廳(天天海南雞飯,老街坊,五十年代.超好麵)，真係好正。天天海南雞招牌菜跟足新加坡本店的傳統製作方法，正宗文昌雞及白羽雞，肉質較為肥厚嫩滑 ，雞皮爽滑零脂肪。燒雞則用上本地三黃雞製成，皮脆骨軟，脂肪豐滿，配上秘製辣椒醬、新加坡黑醬油及蒜醬，正宗新加坡風味。迷迭香火焰黑金叉燒叉燒看似好港式，其實黑金叉燒是東南亞的經典傳統美食。叉燒選用西班牙豬腩肉，油脂均勻分布，入口肉嫩有層次，最吸引係上碟前會淋上玫瑰露點火，好食又可以打埋卡。鮮大蝦冬陰功湯即場將大頭蝦放到冬陰功湯中，本身已加入在多種材料爆香(香茅、小米椒、檸檬葉、小青檸、南薑、泰國芫茜、車厘茄等)，然後加熱20分鐘，得出味道濃郁的冬陰功湯。味道酸酸辣辣，大蝦爽口彈牙。新加坡辣椒炒肉蟹配鹹煎餅巨型肉蟹肉質結實，先油炸再用辣椒醬汁炆熟，蟹肉多汁，而惹味香濃的醬汁連埋鹹煎餅一齊食好滋味。食神魚子海鮮炒雞油飯特色在於結合中式，日式和新加坡的Fusion 料理。中式炒飯用上新加坡海南雞飯的雞油飯，配料則驚喜地用上日式飛魚子

呢個新加坡國民品牌我一直未食過終於搵咗晚去食食咗鮮黑松露墨魚蝦多士大蝦冬陰功湯古法肉骨茶「老街坊」牛筋牛腩天天海南雞南海青咖喱食神魚子海鮮炒雞油飯新加坡辣椒炒肉蟹配鹹煎餅 芒果三色糯米椰漿甜飯新加坡原味豆腐花成餐飯食得勁飽同需時都好耐😂肉骨茶比起一般食開嘅都唔同唔係濃藥材味反而淡好多，似湯而且估唔到最好味嘅竟然唔係招牌菜海南雞-即文昌雞同白羽雞雖然肉質都嫰滑但我反而覺得係甜品有驚喜特別推介豆腐花同坊間嘅豆腐花好唔同原來新加坡豆腐花質地比較水狀入口即溶，接近豆漿但杰啲口感綿密順滑

友人喜吃南洋菜，選址這裏是因它集合了四間新加坡米芝蓮街坊食店於一身(天天海南雞飯,老街坊,五十年代及超好麵)；每間都各有特色。餐廳就位於早前到訪過的「鮨政x大湖」旁邊，如天氣好，於戶外的太陽傘底下用膳都未嚐不是一個好選擇，可惜今晚雨水下過不停。大廳約可容納三十多人，而兩間VIP房則可坐大概12人吧。看過餐牌，選擇了以下的食物。黑松露墨魚蝦多士 $109～蝦多士食得多，但加入墨汁、墨魚滑膠和墨魚粒粒作餡料的，就第一次食；爽口彈牙的明蝦球、香脆的多士、再淋上黑松露沙律醬，起菜前更在多士表面放上椰菜絲及日式鰹魚乾，層次感豐富，每一口也是美味。迷迭香火焰黑金叉燒 $109～從小吃橡果長大的西班牙黑毛豬油脂分布均勻，肉質鮮嫩，質素自然更勝一籌。大廚先將叉燒切條煎香，加入秘製醬汁；炆煮約45 分鐘，奉桌前加入迷迭香、桂皮及玫瑰露酒，在炙燒過程中，不但增加視覺效果，也添了一份煙燻香味，打卡更是一流！鮮大蝦冬陰功湯 $89～要令到個湯惹味，一點都不能馬虎，先將大頭蝦煎香，再將其它湯料爆香(冬陰醬、香茅、小米椒、檸檬葉、小青檸、南薑、泰國芫茜、車厘茄等)，熬製大概 20 分鐘後，湯底變得更加香濃，非常開

今次同朋友一齊到新加坡米芝蓮餐廳「天天海南雞飯」，座立於銅鑼灣升格為Tian Tian Authentic，提供傳統新加坡及fusion菜式！🥪黑松露墨魚蝦多士 多士勁脆脆中間餡料勁香黑松露味，餡料混合黑松露、蛋白醬、紅味噌及蜂蜜🍯🍖迷迭香火焰黑金叉燒 黑金叉燒用上西班牙豬腩肉，油脂感滿滿入口軟腍惹味😋🍤鮮大蝦冬陰功湯 冬陰功湯味道帶有刺激感嘅酸辣🌶新鮮大蝦喺上菜時先至放入冬陰功湯內煮熟，大蝦超新鮮口感彈牙爽口！ 🍲古法肉骨茶 豬肋骨好大條吸收哂肉骨茶嘅味道😝 配埋豆卜枝竹材料好豐富！肉骨茶一上枱就聞到勁香濃嘅藥材味，有當歸、甘草、八角等藥材，以及馬來西亞胡椒增加辣味；肉骨茶用上新鮮豬骨和洋蔥熬製一小時而成～🍖「老街坊」牛筋牛腩煲以明火熱住個牛腩煲，裡面牛筋超軟腍好滑溜😻牛肋條腩位肉質唔會黏牙味道好濃郁！加上炸牛蒡好脆口！ 🍗天天海南雞招牌菜式！雞肉肥厚又超嫩滑🤩雞皮彈牙帶有啫喱，一定要沾上獨門秘製辣椒醬、黑醬油同蒜醬，味道更加香濃！店員話採用海南文昌鎮正宗文昌雞及白羽雞，每天新鮮供港～🦪南海青咖喱南海青咖喱味道香濃稠掛汁，裡面仲有菠菜和班蘭，配上大蝦🍤青口🦪蔬菜🥦唔會太辣好易入口！🦀

新加坡過江龍天天海南雞飯早於多年前已經去過圓方分店朝聖，事隔多年後很想再去試試一於約埋好朋友去銅鑼灣店止止我的新加坡癮。來自新加坡的天天海南雞飯最深入民心莫過於是招牌海南雞飯，但銅鑼灣店除了天天外原來同場更可品嚐同來自星洲米芝蓮推介的3間食店，包括有出名黑松露牛腩牛筋麵的老街坊、以慢煮叉燒及廣東雲吞作Fusion菜的超好面、及以煉奶淡奶調成的五十年代咖啡，一頓晚餐便可以滿足四間星洲美食實在太划算了吧。於去年天天海南雞飯更升格為Tian Tian Authentic，為迎合香港人口味研製及改良多款廣東小菜來奉客。甫坐下見到檯面上的酒杯非常漂亮，這天大家雖然也不喝酒但我忍不住拍下了這美美的酒杯。這天的Welcome Food是百香果密瓜，鮮香甜美非常醒神我現在胃口已經被打開了。首先來一杯清爽的鴨屎香香水檸檬茶＄35，鴨屎香是鳳凰單叢的一款小眾茶，茶葉本身自帶上陣陣蘭花香氣，喝下柔順口味清甜回甘力強，配襯香氣特別濃的香水檸檬超可口。先上檯的是黑松露墨魚蝦多士＄109，薄脆的多士內藏著有粒粒墨魚的墨汁魚膠另外還有大蝦球，多士淋上以黑松露、蛋白醬、紅味噌及蜂蜜組成的黑松露沙律醬，再鋪滿椰菜絲及鰹

天天海南雞飯 銅鑼灣京士頓街9號Fashion Walk地下H2號舖三大區域 各有特色 環境舒適，用餐放鬆身心1. 坐出面每一張枱有一部電視，非常奢華享受 度假風情喺 出面飲酒吹水一流2. 裏面高雅 兩部大電視，燈光影射氣氛非常溫馨3. 更設有雅座內房 商務 家庭聚會一流 私隱度高 除了提供美味的海南雞飯和其他海南美食，天天海南雞飯還注重使用優質的食材，確保食物的品質和口感。他們使用的雞肉來自於優質的農場，並經過嚴格的篩選和處理，保證食材的新鮮和健康。此外，他們的米飯也是優質的泰國香米，口感鬆軟，讓人一口接一口黑胡椒大蝦大蝦為主料，加入黑胡椒 洋蔥、蒜和青椒 紅椒及香芋， 惹味可口大蝦鮮嫩多汁，配上黑胡椒的香味和辣味，佐飯食一流酥炸鮑魚配新加波奶油汁有創意和獨特風味的菜式，結合了酥炸和奶油汁的口感炸製的鮑魚使得口感更為酥脆可口 奶油汁淋在鮑魚上，酥炸鮑魚口感更加豐富和滑順手打香水檸檬茶茶飲清新香氣四溢 清新怡人的飲品，口感酸甜適中，非常適合在炎炎夏日飲用“香水”二字令成杯野更加優雅 高雅椰奶炸龜苓膏 現代傳統結合龜苓膏 具有清熱解毒、滋陰潤燥的功效港式甜品的一種 將龜苓膏切成小

🌟餐廳：天天海南雞飯 📍地址：銅鑼灣京士頓街9號Fashion Walk地下H2號舖💰價位：$101-200⏰營業時間：星期一至日12:00 - 21:15📱電話：31082181每次去新加坡旅行都必食街坊小店，包括海南雞飯、肉骨茶、辣椒炒蟹等美食！想係香港都可以食盡新加坡特色餐點，新加坡國民經典品牌「天天海南雞飯」就結合四間新加坡米芝蓮街坊食店：天天海南雞飯、老街坊、五十年代、超好麵，一次過可以歎哂各款經典傳統既正宗美食！2022年天天海南雞飯更升格為Tian Tian Authentic，精心研製及改良多款廣東小菜，以高貴典格調新方向，令每位食客感受更高質量用餐服務同享用創新美味菜品～今晚約埋成班朋友歎盡多款新加坡經典美食，以下就逐一介紹比大家：———————————————————🔹 1. 黑松露墨魚蝦多士多士烤至金黃薄脆，內餡有齊墨魚滑、墨魚粒粒及墨汁，口感豐富。面頭仲有明蝦球，再淋上黑松露沙律醬，每啖都香脆惹味！———————————————————🔹 2. 迷迭香火焰黑金叉燒特別選用從小就食橡果長大既西班牙豬腩肉，口感比起一般馬來西亞豬肉更具咬口。師傅會將黑叉燒切條煎香，加

今日朋友話約食新加坡菜，啱晒我胃口，最好一次過可以食到海南雞飯，肉骨茶仲有辣椒炒蟹，揀咗呢間米芝蓮食店，Tian Tian Authentic更加迎合港人口味。來自新加坡嘅天天海南雞飯店，原來除咗海南雞之外，仲可以品嚐來自星洲嘅三間平民食店: 專門食牛腩麵嘅老街坊、食fusion菜嘅超好面以及50年代咖啡，全部都好正宗，真係食得到新加坡風味。#黑松露墨魚蝦多士 蝦多士內加入咗墨汁、墨魚滑同埋墨魚粒粒，仲有沙律醬同明蝦球，好豐富呢。炸到金黃色嘅蝦多士入口香脆，大人細路都鍾意食。#迷迭香火焰黑金叉燒 叉燒選擇西班牙豬腩肉，比普通叉燒更嫩，而且每舊叉燒肥瘦均稱，就連叉燒個醬汁都好吸引，酸酸甜甜令人好開胃。#鮮大蝦冬陰功湯 冇諗到喺呢度都食到泰式嘢，新鮮大蝦喺上菜前先放入冬陰功內煮熟，好新鮮好彈牙，另外個冬陰功湯好出色，酸辣味好突出，令人開胃到不停咁飲。#古法肉骨茶 肉骨肉身軟淋，湯底有胡椒香味同淡淡嘅藥材味，肉骨吸收湯底精華，非常入味，肉骨茶配搭辣味又幾夾，養生又好吃。#「老街坊」牛筋牛腩煲米芝蓮推介食物之一，用新加坡秘製黑磨豉醬炆煮牛筋牛腩，牛腩選用牛肋條，更加多肉，牛腩炆得好軟腍，入口即

成日喺銅鑼灣都諗唔到食咩好？「天天Plus」係間新加坡美食餐廳，坐落銅鑼灣Fashion Walk，「天天Plus」嘅裝潢非常時尚，比起新加坡嘅麥士威熟食中心裡面嘅「天天海南雞飯」店更現代化。餐廳以紫黑色為主調，室內採用輕工業風格，加上復古吊燈裝飾，令整個空間更具風格。餐廳內設有包廂，顧客可以享受私密嘅用餐體驗。而室外嘅花園設計更令人感到舒適優雅，同室內空間完美配合，令整個餐廳充滿著時尚感同高級感。有四間米芝蓮認證嘅新加坡經典品牌，包括「天天海南雞飯」、「老街坊」、「超好面」同「五十年代」。每樣都高水準冇失手，價錢合理適合同屋企朋友聚會🫰🏻⭐️黑松露墨魚蝦多士：多士薄脆，內餡墨汁、墨魚滑膠和墨魚粒粒，配上明蝦球和黑松露沙律醬，香脆美味。⭐️迷迭香火焰黑金叉燒：選用西班牙豬腩肉，煎香叉燒條後慢煮45分鐘，加上迷迭香和桂皮，即時淋上玫瑰露上演火焰效果，極具特色。⭐️鮮大蝦冬陰功湯：湯底酸酸辣辣，大頭蝦煎香後加入香茅、小米椒等調味，再加上冬蔭功醬，最後放入新鮮大蝦，彈牙可口。⭐️古法肉骨茶：湯底清澈，糅合了馬來西亞與新加坡肉骨茶的做法，配上豬肋骨、豬肚、豆卜、枝竹和酸菜等，口味豐富。⭐️「老街坊」牛筋

記得之前朋友係新加坡工作，我去旅行探C小姐，同佢plan行程嘅時候佢問我有乜想食，我第一個答案，唔需要猶豫，即刻答天天海南雞飯。食過一次之後，當然非常難忘，因此佢剛剛來港的時間我都真係好期待，希望尋回那天在food centre的感動。不過開頭好多人都話佢質素完全唔及新加坡，而且水準唔隱定，但近來幾個朋友都話，近來改頭換面，生色不少 。原來佢包左四個品牌，全部都有名有姓，好多都係米芝蓮推介，有老街坊，有五十年代，超好麵，當然仲有取得大中華區的獨家永久經營權嘅天天海南雞飯，基本上佢唔係叫海南雞飯，佢叫Tian Tian Authentic。你以為好單一嘅食物？錯啦，呢到有黑松露墨魚蝦多士，迷迭香火焰黑金叉燒同鮮大蝦冬陰功湯，你應該都無諗過有咁泰同中式嘅食物，最緊要個冬陰功湯係堂弄，酸辣都強勁。火焰黑金叉燒好睇又好食，黑松露墨魚蝦多士個種fusion感，印象都好深刻。古法肉骨茶就好似帶咗你去新加坡嘅黃亞細肉骨茶一樣，強烈嘅胡椒香，仲要有吸盡所有肉骨茶嘅腐竹同有大大條肉骨你享受。老街坊呢個品牌好多人都知，但原來佢嘅牛筋牛腩煲原來都出色過好多香港嘅地道柱侯腩。天天海南雞當然係主角，只不過相對其

作為海南雞控，今次響銅鑼灣見到「天天海南雞飯」，點都要入去朝聖下。餐牌除咗有必食嘅海南雞外，仲有其他小菜，海鮮及甜品等等。我哋點咗正宗海南雞，雞油飯，班蘭汁椰香鱈魚，蟹籽蟹肉西蘭花，同豆腐花。正宗海南雞（$199） - 雞好嫩滑，連薑蓉，辣椒醬，同埋甜醬油上。海南雞配埋油飯同醬料一齊食，好夾好好味，不愧為米芝蓮級別。雞油飯- 細（$39）- 雖然叫做「細」，但分量應該至少都有成三大碗，兩至三個人食絕對足夠。油飯帶微微嘅油香，唔會油淋淋，粒粒分明，我俾好高分。班蘭汁椰香鱈魚（$99）- 鱈魚炸得好香好脆，點埋班蘭椰汁，估唔到椰汁味同鱈魚咁夾，味道好好。蟹籽蟹肉西蘭花（$109）- 賣相一流，蟹肉蟹籽嘅份量都好多，配埋西蘭花同埋芡汁，清清地得來又幾好味。 新加坡原味豆腐花（$22）- 入口好香好滑，有入口即溶嘅感覺，味道唔會太甜，值得一試。餐廳環境舒適，仲設有戶外座位，感覺都幾chill下。

難得出銅鑼灣，搵下食先，發覺開咗好多新店，揾到間新加坡野，出名海南雞飯，見裝修唔錯，雖然不是太大間，有得係外面坐，都幾chill，早食晚飯好處就係唔使等位啦。坐底會先送來一小碟飯前開胃水果。佢哋有二人餐，不過因為我哋想選擇一啲自己想食嘅，所以未能試到二人餐。 先叫左個 古法肉骨茶唔鍾意太濃味肉骨茶嘅人幾岩飲清清地，飲落唔會太勁嘅藥材味，幾好。。啲肉都算多，唔韌，其他材料都吸晒湯嘅味道。另外叫咗必叫嘅海南雞飯(大份)例牌個碟好靚，上盤好大個，好吸晴。不錯，幾滑，個辣醬會越點越惹味。最後叫咗個食神魚子菠蘿海鮮油雞飯好靚呀個擺盤，面頭有好多魚子粒，海鮮係細細粒夾喺啲炒飯裏面，個油雞飯好香，幾好味。因為呢度會提供茶，需收茶位費，所以就冇叫到嘢飲啦。滿足的一夜。