天天海南雞飯 (新城市廣場三期)

營業中

休息中

天天海南雞飯有幾間分店，同朋友就嚟咗沙田新城市呢間幾就腳嘅分店試一試佢嘅海南雞。餐廳環境開陽，以深藍色作為主調。返完一日工已經好攰，唔想諗，就叫咗佢個二人套餐499。套餐包括：海南沙律、黑松露墨魚蝦多士、鳳梨涼瓜干貝燉龍骨、天天海南雞、海南雜菜煲、雞油飯、椰香摩卡、椰香拿鐵，都咪話唔豐富，三個人食都夠飽～！其實兩個人來講，呢個份量真係太多，所以我同朋友最後都係食唔晒，拎走咗返去繼續食。咁多樣野食來講，雞油飯係我覺得最出色嘅，真係有飯油香味，天天海南雞都好唔錯，雞肉嫩滑，大份抵食。嘢飲方面，凍飲嘅size都好驚人，一上枱大家都華華聲🤣🤣🤣走嘅時候先見到餐廳出面嘅poster，原來仲有好多新式菜式，有機會下次都想試埋。

突然好想食海南雞飯，過去咗沙田新城市廣場嘅天天海南雞飯✨一嚐新加坡嘅滋味～以前都同朋友黎過，今次再encore🤩我哋兩個人，叫咗天天海南雞飯嘅中份量。喺新加坡米芝蓮推介🎉我哋仲叫咗一碗拌有雞油嘅香油飯🍚向右返係食海南雞飯必定要點嘅！一望就覺得啲雞肉好juicy，因為上菜嘅時候已經淋滿醬汁。雞肉充滿水份同埋好有彈性，再配合埋雞油嘅香味，同埋充滿醬汁嘅雞皮～非常好味😋小食方面我哋叫咗黃金軟骨。我喺其他餐廳都試過食黃金軟骨，但係一般來講醬料都好少。但係天天海南雞飯嘅黃金軟骨，外面嘅鹹蛋醬好多好適中👍🏻因為每一粒嘅軟骨都會有醬包住，新鮮好味！味道都啱啱好，唔會過鹹～性價比好高另外我哋仲叫咗梅情茄意。係用梅子汁醃製嘅蕃茄🍅我自己非常鍾意呢一個小食，因為好開胃！好解渴～酸酸甜甜超級好味！我哋仲叫咗蝦醬生菜🥬生菜係用煲仔飯嘅煲裝住，熱辣辣～上面仲有好多蝦米仔，撈埋蝦醬一齊食好惹味😙飲品我哋叫咗美祿恐龍🦖總覺得食新加坡嘅美食係一定要叫美祿😝下次再嚟天天海南雞飯，我會再試佢其他菜式😚🫶🏻👍🏻

為食豬仔尋食記🐖天天海南雞飯🐓出名就唔使講😆之前喺尖沙咀已食過一次，今次去到沙田，見咁啱少人等位，平時好多人🥹🥹所以廢話少講，又去食過🥳寫個食評俾大家睇吓先😋涼拌秋茄🍆永無失手，茄子肉白雪雪🤤沾滿涼拌醬汁，清甜，好味開胃👍🏼😎騰雲駕霧—(山楂汁咕嚕肉)🍅☁️改咗個好好聽嘅名，相信係因為出嚟嘅時候，用左乾冰 好多煙霧嘅感覺，視覺效果一流🥳🤤山楂汁甜酸味恰到好處，咕嚕肉炸得香脆😍肉質夠嫩！推薦👍🏼👍🏼👍🏼雞油飯🐓🍚招牌嘅雞油飯好味，香，不油👍🏼黑金叉燒🐖上次食過一次佢哋嘅炭燒黑毛豬，好難忘，燒烤味強烈，多肉少肥👍🏼 今次可惜冇咗呢一味餸，但見到黑金叉燒都想試，呢次個肉質偏肥美，油香重，撈飯一流，各有千秋！🥳—鴛鴦菜花🥦鑊氣好足，係椰菜花同西蘭花嫩口花芯位，醬汁好惹味，有少少辣嘅味道，吊起另一個感覺🌶原味小籠包🥟不過不失嘅小籠包，但造型好趣😆黑松露小籠包🐾佢有麻辣同埋黑松露口味，有唔同嘅顏色，係幾特別，但試一次就夠☺️————————🐖豬仔總評🐖(天天海南雞飯 沙田）食物方面🍌🍌🍌🍌🍌抵食方面🍌🍌🍌🍌環境方面🍌🍌🍌🍌份量方面 🍌🍌🍌🍌服務方面🍌🍌🍌🍌🔔Last Words :從來都唔會失手嘅餐廳

黎到天天，當然要食正宗海南雞啦，雞夠滑，味道又好，沾上不同醬汁有不同滋味，個人認為辣醬最好味。唯雞油飯不夠香，味道較淡另外都叫左小食：黃金軟骨，即雞軟骨，可惜不夠香，味道偏淡 最令人驚喜的是原味小籠包，用dropper滴黑醋，可以自由調較份量，好玩又方便，可惜位是小籠包的皮較厚

📍 天天海南雞飯 (新城市廣場) (沙田)行經沙田shopping行到餓 試下一間開左幾年既天天海南雞飯 環境一眼望晒 夜市開始前我地入座 好好彩坐到張梳發枱(4人)坐得好舒服⭐️黃金軟骨第一份先黎個雞軟骨試試 口感十分正常有嚼頭 食到有咸蛋味 師傅炒得都幾好 大部分雞軟骨都上味上得均勻 唔會有d好咸而有d無味 整體幾好食👍🏻👍🏻 ⭐ 黑金叉燒另外order左試試佢地既叉燒 食落有驚喜 口感上似炆五花腩但係叉燒既味道 醬汁嘅味道唔會太重 冇掩蓋過豬肉本身嘅甘香味 不過始終偏油少少 份量適中 ⭐️參巴辣椒炒通菜保溫上亦做得幾好 我地上菜後等埋海南雞飯先食 溫度都仲keep得住 通菜炒得幾乾身 唔會一氹由一氹汁係煲底 廚師收汁收得恰到好處 簡單啲講 個菜係炒得有鑊氣既⭐️海南雞(中份)+2-3人份雞油飯海南雞嘅份量對得住個價錢 去骨亦做得好好 成碟雞只係得好少嘅計係冇去骨嘅 亦唔會食到雞骨碎 食到有少少雞味 以本身雞亦都喺上面用咗醬油調味 唔沾醬已經夠味 如海南雞傳統嘅三色醬 薑蓉同辣椒醬味道偏淡 但個豉油有驚喜 質地做得比較杰身 唔會死咸又食到咸中帶甜既醬油香 雞油飯味道就中上 飯粒色澤飽滿

呢度放工之後同屋企人去咗沙田呢間餐廳度食dinner，餐廳嘅環境幾好，就咁聽個名，都知呢度係出名食海南雞飯，但係估唔到其他菜式都一樣咁出色。打開餐牌，見到有好多好精緻嘅菜，仲有燉湯，超級引。我哋揀咗鐵觀音。黎喺度當然要食佢嘅招牌菜啦，呢度有幾款海南雞可以選擇，我哋就識咗正宗海南雞，呢款海南雞係有骨嘅，但係雞味就係最濃既，而且雞肉都幾嫩滑。點左碗飯配海南雞。小菜方面，點咗呢個蒜泥豚肉，薄薄嘅豚肉包住青瓜卷成一個圓條，加埋啲蒜泥一齊食，正！另外仲有呢個原味小籠包，佢即叫即製，新鮮熱辣，小籠包上面仲放左裝有醋嘅管仔，可以直接唧啲醋落小籠包度食，好方便。最後，重點咗我最愛嘅燉湯，分別係火焰原隻椰子八寶燉湯同埋鳳梨涼瓜燉龍骨，湯非常足料，感覺好養生。

水果茶大杯份量足，有熱情果、蘋果、橙等等係杯入面天天海南雞 中份等於平時一份例牌，雞煮得夠滑，而且冇骨嘅雞油飯 （1-2人份量）成鍋有埋蓋咁上枱，熱辣辣香噴噴，份量夠晒2個人食筋腩相逢其實係牛筋牛腩煲，牛腩一絲絲淋身但唔會痴牙，牛筋都係淋身，不過彈牙嘅，有咬口，個汁甜甜地，又係熱辣辣，送飯食一流！海南印象呢個菜煲超級大份，即使有個煲煮緊，啲菜都唔會過熟，一路食一路熱住都係啱啱好，入面仲有粉絲、菇、仲有唔同種類嘅菜黃金軟骨手指公咁大舊嘅雞軟骨都係第一次見，好似排咁骨咁大舊，一啖一粒好過癮，外面炒左咸蛋醬，金沙夠香會食唔停口！平日都好多人食，要稍稍等位，但可以接受嘅餐牌都勁靚，好似本雜誌咁，睇到花多眼亂

行開新城市呢間都好多人排隊😅今日早食飯有得試個究竟🤭睇下米芝蓮推介嘅味道😛空間夠大 位置闊落 我地兩個人可以坐遠檯都好舒適😇 staff會送上一壺earl grey 好香濃👍🏻👍🏻餐具夠精緻🍴menu夠盞鬼 整到好似本雜誌咁 除左菜式都有好多關於呢間舖嘅介紹第一次食就試左啲佢地嘅招牌😝天天海南雞（中份）🐔招牌當然要試下😆😆雞件都算嫩滑 冇肥膏 配上三款醬汁：蔥油、泰式辣汁、醬油 最鍾意配蔥油+泰式辣汁crossover🤣🤣🤣 特別得來 好惹味油飯（1-2人份）油飯全晚最佳😍😍份量超級多 兩個人都食唔曬😅好香又粒粒分明 油嘅比例合適 唔會太膩 配雞食正👍🏻黑金叉燒🐷見到好多人都有叫 用鐵板上菜😌 食落同平時嘅叉燒有啲分別 好似係半肥瘦五花肉加叉燒醬烤成 齋食瘦肉部分有啲乾 一定要成舊連肥肉一起食！好味🥹🥹好juicy又唔會太肥膩😆題外話：食唔曬啲野外賣返屋企 叮熱食 啲肉質更軟爛 連瘦肉部分都更好食😍蝦醬生菜🥬下面有個火烘住 個菜食到最後都熱嘅👍🏻蝦醬味濃 仲有爆🧄😝😝味道正正常常 唔會太多油☺️海鮮麻婆🦐唸左好耐食唔食好 個價都小貴😅最後都係試左🙈🙈味道唔錯嘅👍🏻海鮮份量算多 有帶子同蝦

❣️ 天天海南雞 中份 $158 「米之蓮推介」⭐️ - 雞很嫩滑，完全沒有肥膩感覺, 有雞肉香味仲有3款醬汁提供，唔駛點都好好食❣️ 配白飯 $28 （1-2人份量）- 食海南雞點少得熱辣辣既飯， 份量好多❣️ 黑松露蝦多士 $68 ❣ 小籠包 (原味) $28- 設計好好 支細管可以俾你支入去小籠包到 - 一咬落去好勁多肉汁，鮮甜👍🏻❣黑金叉燒 $88👍🏻 「必叫」- 係半肥瘦叉燒， 超林超入味! ❣ 超級水果茶 $38- 好大杯 足足1000ml- 食完d咁邪惡既野 飲番啖! 成個口腔即時fresh 晒❣山楂丸子 $58- 外層勁脆, 仲要碟到係無油流出黎! 👍🏻超欣賞-入面夾住d山楂溶, 酸酸甜甜咁! 好特別呀!

一向都好鍾意食海南雞飯，呢間招牌菜就係正宗海南雞，所以點都要試吓😬果然冇失望，雖然雞嘅份量唔多，但兩個人食剛剛好。雞皮薄肉嫩，有雞味。裝飯嘅碗有蓋同飯勺，好得意，同朋友share 食都衛生啲👍🏻👍🏻呈淺黃色的油香飯香氣十足，份量也足夠兩人吃。蒜泥豚肉，玻璃器皿感覺精緻高貴咗，每卷中間夾片青瓜，感覺不太膩，配合醬汁一起吃一流。松露蝦多士，有驚喜🤩 不像一般的蝦多士，因兩塊麵包中夾有松露醬，蝦又彈牙，配合來吃，原來是很好吃的👍🏻👍🏻👍🏻招牌超級水果茶，份量十足，有 1000ml，材料用新鮮水果，份量不少，好香百香果味，一邊吃一邊飲，真是good good🤤🤤🤤下次再同媽子再黎食先得呀！

之前食過天天海南雞飯嘅銅鑼灣分店覺得好滿意☺️咁岩今日行新城市見到原來沙田都有分店!就決定入去食個靚晚😎-🦞龍王豆腐 $298麻婆豆腐墊起原隻波士頓龍蝦上碟 賣相吸睛🤩麻婆豆腐軟身入味之餘辣度適中 唔會搶龍蝦風頭龍蝦肉爽口鮮甜 同麻婆豆腐出奇地超夾👍🏻-🍖石窩花膠黑磨豉豬手 $118餐廳嘅石窩菜式向來高質又性價比高之前食過牛腩煲 今次就試吓米芝蓮推介嘅花膠豬手窩餐廳用料十足 花膠有成三大塊炆得非常入味之餘亦具有彈性嚼勁😛而豬手亦好腍身 每啖都充滿骨膠原感覺黑磨鼓汁餸飯一流 記住唔好嘥啊(˶‾᷄ ⁻̫ ‾᷅˵)-🍑桃之柚柚 $38集水蜜桃、西柚、香橙同蜂蜜於一身嘅水果茶🍹大大杯份量超佛心 唔會食到中途就飲晒🤣桃味同香橙味好出 酸酸甜甜好開胃🍊

每次下班的時候，經過沙田新城市的天天海南雞飯時，都會發現有很長的人龍在等候用膳。這次，剛好早了收工，便與工作夥伴一起在此店用膳。店內燈光相對商場的較暗，令人覺得放鬆，有着完成一整天工作的感覺。枱面上有一個精緻的茶壺，本想應只是普通的紅茶，但竟然是香氣四溢的Earl Grey，頓時用餐的質素提升了一個級別。來到海南雞專門店，我們當然叫了一碟雙併雞，包括無骨海南雞及燒雞，如圖所見，份量並不少。海南雞雞肉嫩滑，並有雞味，沾上姜蓉後吃，更為美味。燒雞的皮也很脆，但若能在剛好燒好時送上，定必更好吃。吃海南雞，當然需要附上海南雞飯，這裏的飯需要另外再叫，一至兩人份量約三十多元，但物超所值。首先，該份量應足夠至少三個人吃。第二，對比其他店舖，雞飯的味道不是太鹹，合我口味，又感覺較健康！另外，朋友叫了蝦多士，他說蝦多士十分鬆脆，亦充滿黑松露的味道，不消一會，他自己已把一碟蝦多士吃清光了。最後，我們叫了一份招牌叉燒，他並不像一般在街外或燒味店吃到的叉燒，他像是用了叉燒醬醃了一片品質較高的豬扒。當然，叉燒是半肥半瘦的，這樣才好吃！

I always spotted a long queue for Tian Tian in New Town Plaza. I arrived before 7pm on a weekday night so I grabbed the chance to give it a try. Before the visit, I knew that Tian Tian is a Singaporean Michelin hawker stall that earned praise from the multi-Michelin starred celebrity chef Gordon Ramsay. Reading from the menu/ paper place mat, I further learnt that Tian Tian was introduced to Hong Kong from Singapore to Hong Kong in 2017, aiming to introduce gastronomic culture and create a good

雖然我住喺九龍區但係去沙田都非常方便因為火車直接到達一落火車出已經喺新城市廣場向着一田方向行就見到有好多美食最終我都揀咗呢間天天海南雞飯去到呢間餐廳最出名嘅係海南雞飯點可以唔食一坐低就知道已經要點😆餐廳入面望出去是同商場連貫着的，所以空間咁非常大令到地方更加闊落去到餐廳門口感覺非常整潔,所有杯杯碟碟都非常美觀正宗海南雞 188 元,海南雞份量都好多,肉質非常嫩滑,入口雞味好香濃多汁,雞皮做到滑嘟嘟,而且仲好爽口。 入口就知道海南雞非常新鮮,配上餐廳嘅秘製辣醬酸酸辣辣,味道更加豐富,難怪呢個係主打菜,真係好好食,喺其他餐廳根本冇可能食到咁好味嘅海南雞。骨香鯧魚 188 元,一整條鯧魚份量非常多,而且仲要炸到金黃色,外觀非常吸引,入口熱辣辣,魚肉仲要係好嫩滑多汁,正宗外脆內暖,魚肉味道好鮮甜,加上醬汁味道層次更加豐富,魚骨都炸到好香,食得出廚師嘅精心製作。真係好好食。小炒之王 98元 ,色香味俱全,材料非常豐富,菲菜炒到非常入味,有少少蝦乾腰果,口感同味道都 更加豐富,正 招牌超級水果茶 38 元 ,味道非常清新,奇異果,熱情果,香橙,味道酸酸甜甜,味道又清新又解渴。夠曬凍， 飲落非常舒服

食得多西餐悶悶地, 今日想試下其他野, 就試下”天天海南雞”啦, 本身都幾鍾意食海南雞, 講起海南雞, 香港真係咩地方都有海南雞,當然水準間間都差別好大, 講番呢間”天天海南雞”, 入到去先知原來香港都有幾間分店, 又係新加坡米芝蓮推介, 又贏過咩地獄廚神甘, 應該好食掛, 甘我就叫左 “天天海南雞拼燒雞”, 本來想叫”正宗海南雞拼燒雞”,想知道咩叫正宗…………不過賣晒…….甘天天海南雞拼燒雞都唔錯既,海南雞真係幾滑, 皮薄, 唔會有好多肥膏, 又唔會好紅(即係唔熟), 燒雞就無咩特別, 好似酒樓食炸子雞, 不過皮有D林, 呢個雙併都幾貴, 188元, 所以建議大家淨叫海南雞就夠了, 由於唔包飯, 所以就叫左一個飯(38元),都足夠兩個人食既, 另外叫左個肉骨茶, 份量同材料都足, 不過係味道淡左少少, 另外就叫左支意米水, 似鴻福堂個種, 總結:鍾意食海南雞既朋友可以試試, 另外要讚一讚員工幾有禮貌, 企係門口果個就例外, 可能高級掛.