天天海南雞飯 (新城市廣場三期)

營業中

休息中

今日同老婆去沙田行街，😽去沙田真係好方便，無論搭火車定係搭西鐵都係一陣就到，去新城市廣場行街又舒服又多嘢買，行咗一陣有啲肚餓，👍🏻即刻睇下OpenRice附近有咩好嘢食，見到一間天天海南雞飯非常之受歡迎，即刻去試吓，地址喺新城市廣場三期3樓，329號舖。食飯時間嘅關係，👍🏻舖頭已經坐滿晒人，不過餐廳都幾周到，門口有個等位嘅空間，可以好舒適咁坐喺度等。值得一讚 👍。花膠太史蛇羹 ，蛇羹味道非常鮮甜，加上花膠更加有口感，而且蛇肉嘅份量都好多，肉質都好嫩滑，加少少檸檬葉味道更加鮮。蛇王芬生炒糯米飯，糯米飯熱辣辣，味道好香，飯質煙煙靭靭，臘腸，潤腸，👍🏻花生，令到味道更加有層次。蟹粉豆苗 ，❤️豆苗顏色翠綠，蟹粉份量非常多，味道極之鮮味，入口充滿蟹嘅味道，🤗加上鮮嫩嘅豆苗，真係做得好好味。正宗海南雞，海南雞果然係依間店嘅主打菜，海南雞肉質好鮮嫩，多汁，而且雞皮仲係爽口，完全係食到新鮮嘅雞味，配上海南雞醬調一調味，味道層次更加豐富。第一次食到咁好味嘅海南雞。呢個海南雞一定要試😋無論座位同埋餐具嘅擺設都令人感到好舒適，而且每一隻碟都係好精美，食物質素又好☺️

去開沙田新城市，就睇吓有咩外賣。見到天天海南雞，有散叫、有單點，選擇非常多。打開餐牌，真係咩都想食。雞我覺得係必點！正宗海南雞拼燒雞，一次過可以食晒兩款唔同口味嘅雞。海南雞雞味唔錯，而且連埋雞皮食口感更好，雞肉夠滑。燒雞外皮燒得夠香，燒雞惹味。松露蝦多，多士卜卜脆除咗蝦，仲有好香嘅松露。前菜叫咁海蜇，脆爽口感，好食！浴火鳳凰個名好得意，其實係有椰絲、蝦同埋帶子炒飯。味蕾非常豐富！當然唔少得叫返個菜，鴛鴦菜花，份量夠多幾好食！飲品揀咗養生嘅桃膠菊花桂花雪梨茶、滋潤酸酸地嘅石榴紫背天葵山楂蜜！

由於最近成日都食雞，今晚一於唔食海南雞🤣🤣就算去到天天，就試下其他野先😚見到佢menu都好多選擇咼！特別係飲品好吸引😍好平又好似好好飲！！！不過由於我有啲想食豆腐花，就叫咗豆花恐龍美祿!!個杯超大！！上面有啲美祿粉，我係咁食哂佢🤣🤣🤣好好食！！係底嘅豆腐花亦都好滑，成個combination唔會好甜！飲落都舒服👍🏼哪吒鬧海 $148其實真係海鮮喇沙拉麵🍜佢係分開上菜嘅！湯還湯，麵還麵！好誇張好多湯底！海鮮配料亦都好高質，有青口，魷魚，八爪魚，蝦！仲有好多豆卜🤣個喇沙係偏辣個種，但係好惹味好好食！古法骨茶 $148有成4大條排骨頭！有啲根痴住舊骨，好好食✌🏻仲要吸哂啲湯嘅味！佢係偏新加坡味嘅肉骨茶，所以唔會好重藥材味！入面一樣有好多豆卜，枝竹，同豬肚！好豐富😚😋推薦👍🏼黃金軟骨 $68係鹹蛋黃加軟骨！鹹蛋味好重，而且炸得好香口好脆👍🏼不過略略覺得有小小太多炸粉了！如果唔係會更加好食喇🤣

天天海南雞新加坡返黎之後都試過香港好多唔同既海南雞飯，但硬係食唔返係新加坡食既味道。今日朋友提議食呢間新加坡過江龍，二話不説就應承咗。🤭🤭沙田呢間天天海南雞都好多人排隊，偶爾經過都會見到好多人排隊，今日避開咗晚飯時間，好快就入咗去。呢到既裝修幾靚，少少幽暗，幾舒服。😊😊黎到天天海南雞，梗係試返佢地既雞。我地叫咗個正宗海南雞拼燒雞。首先，海南雞做到同新加坡好相似既味道，皮薄而且肉質好嫩滑，啲回憶返晒黎。燒雞亦都好唔錯，皮燒得好脆口，而肉質仍然保留水份。醬汁亦要讚下，尤其是係酸辣醬，同新加坡食到既一樣味，配埋個燒雞食，非常夾。我地都加配咗個油飯(2-3)人份，飯粒粒分別，雞油味香，仲有個蓋比返客人，唔怕食到一半就凍晒。😄😄原味小籠包，餐廳都好貼心，插咗枝管比大家將醋直接擠入去小籠包入面，避免咗好多時令外皮穿咗，漏晒啲湯汁既機會。而小籠包既肉同湯都好鮮味，唔錯。👍👍😍😍最後我地叫埋個黑松露蝦多士，呢樣野真係好難抗拒。師傅處理得好好，蝦多士好燒身，冇油淋既情況。蝦膠幾彈牙，加埋濃厚既黑松露醬醬，估唔到係呢到會食到好味既蝦多士，有驚喜！😍😍☺️☺️

一直都好想試嘅天天海南雞飯終於試到啦！今日同朋友收工就去咗沙田分店試試佢必點大佬推薦第一位嘅正宗海南雞$188/中份呢個價錢佢都真係相當大份唔好睇佢好似裝唔晒成個盤咁其實係因為佢個盤真係比較大咋雞肉食落去非常之嫩滑～而且啖啖肉無乜骨點解得海南雞嘅？個飯呢？飯係要散叫㗎不過因為我哋都唔係好肚餓所以就冇叫到飯啦必試皮薄餡靚小籠包原味 $28@2隻 黑松露 $38@2隻見到佢個三色小籠包都好似好正一次過滿足我三個願望不過朋友唔食得辣，所以就冇叫到，我哋試咗原味同埋黑松露味最特別嘅係佢啲醋唔係好似平時嗰啲咁樣點嚟食，係俾你唧落去啲肉入邊！咁樣食嘅時候就會充滿醋味，但係又唔會得出面啲皮局部地酸呢個諗法真係值得一讚！無失望～皮薄餡靚原隻椰子八寶湯$88見到寫話燉足四個鐘好耐冇飲過湯嘅我就試試佢果然真係好足料啊！而且嚟到嘅時候真係原隻椰子🥥上，放左一陣先飲都仲係熱辣辣㗎！好飲有原粒栗子～螺片～雞肉～瘦肉～淮山等⋯⋯⋯⋯大推大推！誠意推介！芥末花螺$98本身都覺得小貴，但係真係超級有驚喜！！！啲花螺係超級爽口而且入味食到我停唔到口下面仲有好多青瓜～都係超級入味酸酸辣辣咁～非常適合香港呢啲天氣鍾意食醃青

女孩子對雞,總有特別喜好,因為雞肉係白肉,脂肪含量比較少，而且充滿蛋白質，夠晒健康👍🏻所以經過天天海南雞飯就係我嘅不二之選裝修同餐具都頗有風格，而且茶喺出乎意料之外地好飲，非常順喉。天天海南雞～比起傳統嘅海南雞，多咗一層醬汁，呢個汁令到雞已經唔需要沾其他汁醬亦都非常夠味，雞非常嫰滑，而且雞皮有清爽嘅感覺，一啲油膩感都冇👍🏻馬來風光～通菜依然係翠綠嘅顏色，非常有鑊氣，搭配乾魚仔，有提鮮嘅作用～菌壓水晶～粉條非常煙靭，每條都吸哂汁，非常入味，加上菌類獨有嘅香氣，簡直令人垂涎欲滴。海南雞飯～除咗一般雞油香味之外，應該在落咗少許調味料，令到飯粒味道非常獨特，而且份量都非常多，可以足夠二人食用。黑松露小籠包～呢個造型已經攞滿分，非常衛生，絕對可以用乾手淨腳來形容，餡料都冇吝嗇，見到有黑松露在內😍以fusion菜而言，味道非常不俗。

之前已經食過幾次天天海南雞飯，今日嚟到沙田見到佢哋嘅分店就即刻入去再食多次！🔖​騰雲駕霧💰108呢個係打卡菜式🤓利用乾冰凝做出煙霧嘅效果，夠唒吸引😆騰雲駕霧其實係一碟咕嚕肉嚟既🐽係用咗精選黑豚肉配合山楂汁同檸檬汁炮製而成，所以食落去同平時喺出面食到嘅味道會有啲唔一樣，酸甜比例平衡得啱啱好☺️食落去仲好酥脆添！💫推薦指數: 9/10​🔖​鹽磚和牛💰148以鹽磚盛載住和牛粒，出面比較少見🙈和牛粒牛味濃郁，入口軟嫩，帶有油脂香，唔會過鹹，令人想一啖接一啖😍💫推薦指數: 8.5/10​🔖​雞油飯💰38雞油飯食落去都幾香，但同時又無油膩感😛之前食過已經覺得唔錯，所以今次即使無嗌海南雞，都要嗌返一份嚟食吓😌💫推薦指數: 8/10​🔖​海味豆腐💰108呢款菜式係用上蝦米、豬肉、乾瑤柱、乾魷魚同自磨豆腐製作而成👯‍♀️豆腐係經炸過，再係中間釀入海鮮嘅豬肉餡，食落去鹹鹹香香，送飯好啱🤗💫推薦指數: 8/10​🔖​黑松露小籠包💰38呢款小籠包同平時喺出面食到嘅唔一樣，小籠包插住咗一枝入滿醋汁嘅吸管，令到入面都可以有醋香味😆另外仲會食到好香嘅黑松露味🤩💫推薦指數: 9/10🔖​黑糖三棗桂圓薑母茶💰22一睇個名就

我又喺沙田新城市發掘到一間好正嘅餐廳啦想食呢間餐廳好耐㗎啦，平日過嚟要排隊今日喺一田特價之後，真係餓極了原來餐廳拎過新加坡米芝蓮推介錯位尚算舒服闊落，有卡位空間燈光裝修等等感覺幾好特別欣賞係佢哋嘅菜單設計都好特別簡單清晰，全部圖文並茂，呢樣抵讚米芝蓮推介第四位筋腩相逢 $128一份顧名思義係牛筋腩好好相處方式係用砂鍋煲賣相好唔錯最鍾意係佢上面嘅炸到脆卜卜嘅脆脆牛蒡絲唔講唔知原來係正宗嘅地道菜正宗海南雞$188 中份嚟到天天海南雞，梗係要試吓呢度嘅海南雞啦唔講唔知原來呢款用文昌雞咬落雞嘅肉質彈牙滑嫩咁正嘅餸一定要叫雞油飯， $38一至二人份必點！蔥油比例啱啱好太好食😋 我見呢度嘅小籠包賣相超特別， $28有兩隻將小籠包用嘅醋放落drop-tube 可以隨意自己調校落幾多晚餐過後梗係講甜品海南水果沙拉維他命C，見到$58一份就試吓番石榴、無花果、士多啤梨🍓試吓呢度出名嘅豆花年代奶茶☕️呢度嘅豆花真係高質好似飲咗特濃嘅維他奶一樣再加上佢嘅奶茶🧋試完之後淨係食海南雞呢樣改觀哈感覺上長輩應該好喜歡呢間餐廳食物質素有返咁上下下次帶屋企人過嚟一齊食先😆😆

🍴Went for early dinner. Time limit to only 60 mins so you better eat fast. The good thing is the food was dispatched quite quickly. Ordered the new hainan and roasted chicken (in one dish), the eggplant, veggies and a mixed fruit tea.🍽 Starting with the starter (eggplant) was quite nice, very appetising (spicy and garlicky) perfect for hot weather coz it’s a cold dish. The double chicken surprisingly Hainan chicken wasn’t as juicy. It was a little dry on some pieces which was a shame coz went s

今日放工約咗朋友去食好西，為咗就朋友放工，所以就揀咗去新城市廣場食飯。朋友話想食海南雞，我地就諗都無諗去咗食天天海南雞飯。一入到去侍應就好好咁擺低咗一壺熱茶，香港商場冷氣咁大，一去到就有得飲返杯熱茶都幾舒服。天天海南雞（中份） $158食新加坡菜當然要試下必食既海南雞啦，皮夠簿，無多餘肥膏，而且雞肉好嫩滑，再配上三色醬料（薑蓉、醬油、辣椒醬），可以有三種唔同嘅味道，不過個人鍾意唔點任何醬料，食返海南雞嘅原味。白飯（2-3人份） $48由於朋友唔食雞油飯嘅關係，我地淨係叫咗白飯，食海南雞緊喺要配返碗飯先算食海南雞飯啦。咖喱脆腩 $128炸脆牛腩係一個好有創意嘅菜式，廚師無落到好多粉去炸，所以炸得夠簿，唔會太厚粉，另外牛腩又夠淋，兩者嘅處理時間唔同，但又恰到好處，再配上咖喱醬，十分惹味。黃金軟骨 $68黃金軟骨即喺䶢蛋黃雞軟骨，有啲似䶢蛋黃魚皮。雞軟骨炸得好脆，唔多油，䶢蛋黃醬亦都夠濃味，食落感覺好特別，唔會太咸，但又食到䶢蛋黃嘅香味。

頂唔順，第一次寫食評尋日同老婆行街街，見到天天都多人食就試吓，諗住香港食海南雞飯差極都有限，外面睇個裝修環境企理，點知真係中晒伏，因為之前未食過，坐低就叫招牌海南雞啦，驚喜即刻嚟，從來未食過海南雞飯咁難食，個湯係鹽水湯，直情覺得係用鹽加水沖出嚟，飲晒應該要洗腎，雞完全冇雞味，仲要加一劈醬汁响上面，又係只得鹹味，個飯又係鹹味，成個飯餐食咗兩啖就擺低，真係呆咗坐喺度，點解咁多食評話好食，當時都有好多食客，我覺得好神奇我真係唔明點解可以生存到，香港做飲食真係咁易 ？真係開咗眼界

一向都知道呢間係米芝蓮餐廳，今日終於都有機會探店，都幾多人，要等位，好彩有早少少到，就唔使等太長時間😆入座時已經準備好一壺熱茶，餐具都係幾有特色，靚！最令人意外係竟然會有蛇羹可以喺呢類型餐廳食到，見到呢個餐牌，大感意外🫢喺套餐裏面包括左養生飲品，當中選擇左：1.桃膠菊花桂花雪梨茶～雪梨非常潤喉，加上桃膠有養顏效果，女士必選。2.竹蔗茅根馬蹄薏米水～竹蔗茅根可以下火，薏米更加有袪濕既功效，加埋馬蹄，飲品非常香甜好飲正宗海南雞～呢度嘅招牌菜果然名不虛傳，雞皮晶瑩剔透，一啲肥膩感都冇，而且充滿彈性，雞肉方面，非常嫩滑，配上幾款不同醬汁，每款都有獨特嘅滋味，可以用世一嚟形容蟹粉豆苗～本身豆苗底味已經好足，配上濃郁嘅蟹粉，突顯出蟹膏獨有嘅甘香鮮味👍🏻花膠太史蛇羹～用料非常足，可以用筷子夾起，味道亦都做出蛇羹獨有嘅風味，配料亦都一絲不苟，做出錦上添花嘅效果蛇王芬生炒糯米飯～生炒嘅糯米飯粒，煙韌度永遠係獨一無二，配上新鮮香脆嘅花生同臘肉，yummy yummy

自從試食過一次天天海南雞之後，真的會有食過番尋味既感覺，之前因疫情沒有晚市堂食，我都會買外賣回家食，更開心的仲有外賣8折的優惠。每次去都必定order的兩款菜式😊：天天海南雞（大份）HKD268- 即半隻份量，是無骨的😘😋不用多說，必試招牌雞，十分嫩滑。酸菜石斑（辣） HKD138石斑厚肉，湯底夠味。不太食辣的，可以叫少辣或走辣啊！白飯（2-3人份） HKD28價錢都算合理，另外有“油飯”可選擇的這裡有茶價收費，每位$18如果鍾意食雞的朋友，不妨到天天海南雞試食，想必有一定驚喜！👏👍

有日放工去咗新城市度搵嘢食，好多時經過呢間都冇特別入去試，因為好多人排隊。咁啱嗰日我哋早去到，見唔使點等位，於是入去試吓。佢嗰啲餐盤好靚，又有個茶壺咁樣，啲櫈有幾闊落，坐底感覺幾chill～前菜我哋叫咗涼拌秋茄，少少辣得哦都幾清新，做個開胃菜幾唔錯！主菜我哋試咗古法肉骨茶，松露蝦多士，三色小籠包，咖喱脆腩！個肉骨茶味道OK，係稍微好似鹹咗啲啲。個松露蝦多士簡直係120分！好好食！個口感好好，蝦嘅部份好彈牙，多士嘅部份好趣，再配埋個松露醬，係一絕啊三色小籠包有支好似以前上科學堂咁嘅嘢去唧啲汁入去，幾得意幾好玩！味道就都唔錯嘅！個皮稍為就唔算太薄～咖喱脆腩又係第二個驚喜位！炸得好香，好趣！個牛腩肉又係處理得好好，好多肉汁，好嫩口👍🏻

呢間係新加玻食過,唔算好深刻。見係香港開左又疫情期間,試下叫呢間外賣,因佢包裝得好.食物質素唔錯,我地叫左海南雞飯同豬手花膠河粉同年代奶茶同恐龍美祿.外賣有折,性價比唔錯.花膠亦大塊入味,