天天海南雞飯 (新城市廣場三期)

營業中

休息中

沙田新城市有蠟筆小新，探完小新搵嘢食，見到間天天海南雞米芝蓮喎！試吓啦⋯⋯叫咗個新加坡米芝蓮二人套餐，本人就覺得個鳳梨涼瓜乾貝燉龍骨湯好好飲，個雞油飯粒粒分明好好食，蝦皮素肉鬆凍豆腐可以，黑松露墨魚蝦多士，海南雞都係一般，飲品呢真係有啲伏，恐龍美祿可以的，杯爽爆檸茶冇茶味冇檸檬味冇甜味都唔知係咩味，反而佢收茶位提供嘅茶好香好有茶味，飲佢好過飲爽爆啦！不過就有少少趕，入座嘅時候佢同我哋講要9:30離場，其實我前後都係得30分鐘食一餐飯，下次都係早少少去，我鍾意慢慢食。

成日想Weekday偷懶唔煮飯，但都諗唔到食咩。而家唔洗諗啦😆😆 因為已經搵到米豬蓮天天飯堂👉🏻👉🏻 天天海南雞！啲侍應感覺都好年輕好chill，可能見我兩條友個放左工嘅攰樣，都唔係好想諗，所以就主動過黎 suggest 我地叫個乜都有齊二人餐，仲有個美6豆腐花送🥹老實講我地係第一次食，去星加坡都冇試過，所以無期望咁試下啦。Oh my god! 每道菜都有驚喜！首先黎左個沙律 🥗 ，你唔好睇佢得無花果同石榴加啲沙律菜好似好簡單咁。唔知大家有無食過石榴，我好憎佢好多核，勁難咬，本來都唔係好想食，點知老公話「無事喎！好食喎！」我仔細咁觀察左陣，發現佢切得好細心！避開哂啲多核位！ 真係超級加分啊鳳梨涼瓜干貝燉龍骨！ 我敢講係全晚之最！唔好睇佢個樣好似好Hea，佢個湯味勁濃，燉湯來講我會比好高分，溫度都好夠熱，飲得好舒服🫶🏻黑松露蝦墨魚蝦多士，新鮮炸出嚟，黑松露汁好好味炒通菜，食落我覺得有啲泰式嘅味道🤣今晚重點要食嘅天天海南雞！冇骨肉嫩唔肥，佢唔係好熱，加埋落嗰啲熱辣辣嘅油飯嗰度一齊食，感覺啱啱好！同埋佢個辣醬整得好出色🥹油飯，好似係可以無限加嘅，但呢個份量兩個人食都已經夠晒飽。仲有呢個美祿豆

新加坡天天海南雞飯一向好出名，今日晚餐就同朋友試下過江龍嘅味道。我地去左沙田新城市廣場嘅分店，裝修好有心機，座位都好舒服。餐茶好香濃而不澀，鐘意飲茶嘅人應該會幾鐘意。我地叫左米芝蓮二人餐。前菜-蝦皮素肉鬆凍豆腐，蝦皮落得好重手，啖啖都食到，好香濃嘅鮮香味，素肉鬆凍豆腐配埋鼓油，微甜又好清新，作為前菜非常適合。小食-斑斕汁椰香鱈魚，之前都冇見過類似嘅菜式，小食嚟講，份量都幾大，汁底係椰汁再加斑斕汁，好清甜，食落冇太多人工添加嘅味道。炸鱈魚塊，外脆內軟，魚肉肉質都結實，配埋椰汁香斑斕汁都幾夾。燉湯-鳳梨涼瓜干貝燉龍骨，一打開就聞到好香濃嘅味道，飲落順口，鳳梨涼瓜煲得好諗，瘦肉同骨嘅味道都出哂，燉湯係最精華嘅部份！天天海南雞，茨汁同一般海南雞有別，食落偏甜，配合埋一齊上嘅青檸汁又幾夾。雞肉肉質都幾嫰滑，已經去皮，大部份都去埋骨，食落啖啖肉。蔬菜-海南雜菜煲，有娃娃菜，小棠菜，粉絲，雲耳等等，湯底加埋雞腎。湯底飲落好清甜，蔬菜都煮得好入味，食落冇負擔，好健康。雞油飯小煲，飯量好夠，兩個人食都有多，雞油飯偏爽口，有啖啖薑味，食落唔會太油膩。50年代系列飲品，一杯叫左凍檸茶，另一杯叫左凍咖啡。味道

晚市沒有單人套餐 只可以散叫 歧視單人用餐茶不熱 只是微暖 鐵茶壺華而不實 只倒茶邊漏水標榜出名海南雞 2個人點了一個199的大份海南雞大份雞 上碟半隻雞都沒有 很細隻很瘦， 沒有脾， 沒有起骨 這價錢 這個份量和質素算得上是離譜調味偏咸，淋上芡汁，與一般食到海南雞有大分別，不懂欣賞另外有點油飯 及冬蔭功 油飯味偏重 尚可，但在雞上後近10分鐘才上飯飯後10分鐘後才上湯，上菜次序連茶餐廳都不如最後埋單400蚊 2位 差差名不符實。

天天海南雞平時食都係lunch多 第一次食夜晚佢都有幾款唔同既套餐我地揀左個2人餐 $499🎈蝦皮素肉鬆凍豆腐凍豆腐上面有肉鬆同細細粒既蝦皮蝦皮好惹味 用黎配清淡既豆腐都好夾🎈黑松露墨魚蝦多士蝦多士好脆 裡面仲有墨魚滑夾係中間好香好好味 鍾意食蝦多士既朋友可試🎈鳳梨凉瓜千貝燉龍骨X2燉湯味好濃入面都足料飲完之後會好開胃好大獲😂🎈正宗海南雞正宗海南雞係有骨既文昌雞 如果想食無骨可以揀天天海雞文昌雞真係好滑好滑配埋佢個醬酸酸辣辣 送飯一流🎈海南雜菜煲勁大煲入面好足料好多菇菜同粉絲上湯底 仲可以飲埋啲湯😍下點有火保持溫暖 慢慢食都唔驚凍晒👍🏻🎈雞油飯小煲男朋友好少讚雞油飯佢竟然讚好好食 油香岩岩好唔會太乾份量仲要好多 兩位男士都會夠食🎈50年代系列飲品X2個餐仲包兩杯野飲我地叫返凍檸茶同凍奶茶個茶底竟然做到茶餐廳果種濃度 499二人餐估唔到咁多野食真係好抵食！

繼續喺沙田搵食見到天天海南雞飯好滿座我都忍唔住試埋一份！今日叫咗個二人餐 $499 （另加一）勁！多！嘢！食！好！好！食！😚😚首先有兩個燉湯好似係苦瓜排骨但一啲都唔苦 個湯好順口 好味👍🏽🥰之後個海南沙律起初以為係普通沙律原來全部都係新鮮生果士多啤梨、無花果同番石榴😍😍😍再加埋梅子粉 酸酸甜甜又咸咸哋真係非常之易入口 勁鍾意❤️🥳🥳個黑松露蝦多士每一件多士上面都食到蝦肉 好彈牙炸得又脆口真係好有口感☺️☺️個蔬菜煲 都好好味有唔同嘅蔬菜同埋粉絲湯底清清地令成餐取得一個平衡🤤🤤最後重頭戲梗係天天海南雞+ 黃油飯海南雞每一件肥瘦適中同埋都好滑口 好難得好鍾意個辣醬 好夠辣 好比面而個黃油飯 香得來有好有彈性 唔會太乾唔會太淋總之成餐都係正見到佢第二個Menu 仲有蛇羹好耐冇食過呢排天氣咁凍應該好啱食下次可以試吓

新加坡熟食市場既天天海南雞飯係去新加坡必食既午餐，過江龍開到黎香港之後而家先有機會第一次試吓。裝修同新加坡完全唔一樣，香港店豪華好多，感覺好似由古代發展過黎現代既老店咁。我哋揀咗新加坡米芝蓮二人餐，包左個沙律、一個小食、燉湯、海南雞、油飯、雜菜煲、仲有兩杯50年代飲品。🥗海南沙律主要係蕃石榴上面加左好多梅子粉，食落酸酸甜甜咁好開胃，記得台中南投果邊都好興咁食架。🐟班蘭汁椰香鱈魚炸到金黃既鱈魚柳，每一嚿都係一口size，另外餐廳附上一兜班蘭椰汁俾我地點，咁樣既食法甜甜鹹鹹，有啲似甜品，忍唔住一舊接一舊。🍲鳳梨涼瓜干貝燉龍骨龍骨即係豬骨，飲落係冇菠蘿味既，但成個湯都好甘甜，亦都冇涼瓜嘅苦，呢個湯好好飲，應該係下火嘅湯。🐔天天海南雞職員話天天海南雞啲肉會比正宗海南雞嫩，份量兩個人食都夠晒。🥬海南雜菜煲其實係粉絲什菜煲，入邊仲有好多菇類同埋好似有幾片鴨腎。🍚小煲雞油飯都幾大煲，兩個人食食唔晒🥤金牌咖啡 滋潤薏米水另外餐廳免費提供嘅茶係earl grey 黎架😍講真仲好飲過餐飲 添左好多杯咁多樣野加埋499食個晚市中菜算係幾唔錯，仲有得免費泊車添

今日去左沙田行街街，經過見到天天海南雞，就入左去食返個海南雞飯喇~天天海南雞係沙田新城市３期個邊，係正一田樓上，行完街過去好就腳~我地兩個人叫左個中份天天海南雞，雞油飯，參巴辣椒炒通菜，火焰椰子冬蔭公湯同埋泡菜大蠔餅~天天海南雞份量都好大，起晒骨，肉質嫩滑，配埋薑蓉、甜豉油、辣醬。各有風味同特色~雞油飯當然係海南雞既絕配~雞油飯粒粒分明，滲出淡淡雞油香味參巴辣椒炒通菜炒通菜爽口惹味，參巴醬帶微辣，比平時食飛天通菜別有一番風味火焰椰子冬蔭公湯椰子冬蔭公湯用椰子盛載住冬蔭公湯，裡頭亦十分足料，好好味泡菜大蠔餅煎到十分香脆可口既蠔餅，蠔肉大大粒，十分鮮甜，加埋泡菜估唔到咁夾！好正！食到捧住個肚走！

忍吾住要打返個食評自問我地吾係嘴刁既人對海南雞冇乜特別要求剛去完新加坡 喺果邊平平地一個海南雞飯都好好食公平啲 同番香港既比 出面$3X既海南雞飯都好食過佢 但佢賣緊係咁既價錢：天天海南雞$169細份/$279大份正宗海南雞$199大份自然會有少少expectation 不過都只係少少🤏🏻點知得到無限大既失望我地淨係叫左個二人餐可揀正宗/天天海南雞我地揀既係貴啲既天天海南雞最後$57X埋單諗住呢間餐廳啲野食都吾平以為服務會好啲但大家樂既服務都好過佢隻雞冇雞味不特止真心鞋到呀媽都吾認得我同朋友簡直呆左冇諗過可以咁差應該係我地喺香港食過最差既海南雞我地比佢既好評同名氣呃左仲話米芝蓮得過獎😅舊年有篇食評話係世紀騙案我都有同感吾明白點解間野會有排山倒海既好評「雞肉太滑請大力夾緊」？應該改為「雞肉太鞋請大力咬開」吾好叫hainanese chicken叫grandma chicken啦～我呀嫲啲肉仲滑過佢啲雞除左隻海南雞個油飯OK 個炒通菜都好食個湯好味但太咸了另外個豆腐冷盤同個炸銀鱈魚都幾差下真心吾值呢個價錢如果得個飯同菜好食真心吾需要比咁貴來食佢服務方面上菜係茶餐廳質素bing ling b

適逢一田減價日，掃完貨就直接上黎食埋晚餐佢地而家做好多唔同既promote有幾款唔同既二人套餐選擇困難症既我地揀左新加坡米芝蓮二人餐～海南沙律有無花果，士多啤梨同番石榴，酸酸甜甜，再配上南薑粉，好開胃斑孄汁椰香鱈魚鱈魚炸到香脆可口，加上斑斕混合椰香的汁估唔到又幾特別鳳梨涼瓜干貝燉龍骨一人一碗燉湯，清甜又滋潤，非常足料海南雜菜煲用蠟燭點住火，keep住熱入面有不同種類的蔬菜，湯底味道也一流健康之選天天海南雞雞肉皮薄肉滑，沒有太多肥膏，食落清爽雞肉較為結實，有嚼口，雞味濃再配上黑醬油，薑蓉同辣醬，更為滋味食海南雞當然要配雞油飯，雖然寫1-2人份量但3個人都夠食，飯用木蓋蓋著，飯粒香噴噴充滿油香最後仲有兩杯地道飲品，好抵食

心血來潮想食海南雞飯，就試間過江龍叫左個二人套餐，上菜好快唔洗5分鐘已黎左幾碟鳳梨涼瓜干貝燉龍骨湯湯夠清甜夠火喉蝦皮素肉鬆凍豆腐擺盤好靚，個汁較得幾好，唔會太鹹，都有櫻花蝦既香味黑松露墨魚蝦多士咬一口墨魚蝦膠煎得幾香連埋黑松露多士一齊食係幾夾個香味海南雜菜煲湯甜菜類都夠淋同入味，呢煲絕對滿足到鍾意食菜既人至於最重要既海南雞，揀左天天海南雞，雞好諧口，又冇味，好失望講真，作為海南雞專門店最重要就係海南雞，但水準係好麻麻，咁我做咩要黎海南雞專門店食至於個煲仔雞油飯，香氣唔太聞到，飯又好硬，都幾油，我食左幾啖飯已經好un胃，食埋呢餐我個肚都唔舒服左幾個鐘，返到屋企嘔同痾左幾次應該係我腸胃弱受唔到雞油同咁硬既飯(另一個朋友係冇事）呢間小菜好食，但海南雞好失色如你對海南雞冇要求係可以一試

聽朋友介紹沙田有間海南雞好好食，咁岩女朋友又係海南雞愛好者，緊係要帶佢黎一試未到7點已經好多人排隊，好彩我地咁岩有位，唔洗等好耐一坐低就有茶上，淨係個茶壺好靚最抵食緊要叫套餐，我地叫左個2人餐，好多野食湯勁之足料，入口好甘香，飲得出係花左好耐時間煲令啲食材味出晒黎凍豆腐上面加左好多肉鬆蝦乾，好有咬口，加埋啲蔥花豉油好夠味蝦多士，有黑松露醬係上面，好香，炸得又夠脆，入面又大大舊蝦滑，大大淡好滋味雜菜煲好大份，亦好足料，個湯好清甜唔會太濃，女朋友差啲想成煲啲湯都飲晒油雞飯，呢個已經係叫細份，但都夠裝到4-5飯碗，真係食飯都食到飽個雞好乾身唔會痴埋一舊舊，飯粒分明，食落好香雞油味，但又唔會覺得好油膩，落得岩岩好，係我食過最好食既飯無論味道定質感都無得彈天天海南雞，件件都勁嫩滑，一啲都唔鞋，配上佢個秘製辣醬酸甜得黎帶點辣，食得好過癮

天天海南雞最近推出左個$499嘅二人套餐，除左有主打嘅無骨海南雞外，仲有兩碗花膠蛇羮、雞油飯、雜菜煲、兩枝養生飲品。與四季芬芳crossover合作推出嘅花膠太史蛇羮有滿滿嘅蛇肉，仲有雞絲、花膠、木耳、蔥絲等料，飽滿滋味，絕對係冬日暖笠笠之選。質感較稠，味道鮮味，仲可加入香草及脆片，味道更為豐富。招牌菜天天無骨海南雞係必點之選，幼滑嘅雞肉配上香濃雞油，上菜時溫度微暖，口感一流，搭配三色醬汁，完美呈現新加坡風味。雞油飯絕對係驚喜之作，飯比雞更香，飯粒顆顆分明，香而不膩，戒澱粉都忍唔住食兩碗。雜菜煲含多款時蔬，上湯清甜，唔會太淡口。豆腐花非常奶滑，豆香濃郁，味道甜美，幾好食。跟餐價值$26嘅桃膠桂花雪梨茶都幾好飲，內含大量桃膠，口味微甜不膩，戒糖都唔怕飲！

◦•●◉✿✿◉●•◦ 👵🏻作為海南雞飯既粉絲 每次見到餐廳有海南雞飯都忍唔住想試😆呢間新加坡過江龍主打海南雞飯 👵🏻食左幾次都覺得幾好👍🏻介紹一下先～ 🤍天天海南雞 (中份) 👵🏻覺得海南雞最緊要夠滑，唔可以凍哂，同埋醬汁要惹味😌 呢份海南雞都做到～雖然價錢略貴但係岩👵🏻👴🏻口味! 🤍雞油飯飯亦都係海南雞既重點😆呢個雞油飯一定要點油份唔多 唔會食到覺得好油食食下就唔想食 飯既濕度都控制得好好 唔會太硬或者太軟木桶會有保溫作用愈食愈想食🤪🤍豆花恐龍美祿朋友之前介紹天天既豆花試過一次之後就返唔到轉頭 好滑而且唔甜加埋落恐龍美祿到好好飲🥰⁡😋: 𝟟.𝟝/𝟙𝟘

天天海南雞飯午市就食得多，晚市都係第一次食，都幾有質素。沙田店面係深藍色設計，顏色燈光和諧，位置都幾好坐。 今次嗌左個二人套餐（$499），餸菜基本上都係店鋪招牌菜，唔使自己諗啱曬我呢d懶人😝。 ❤海南沙律好清新開胃嘅一道前菜，有無花果、士多啤梨同番石榴，賣相靚之餘又好健康🥰 。❤黑松露墨魚蝦多士多士酥脆唔油膩，黑松露味道突出，入面蝦肉同墨魚兩層餡料彈牙味道新鮮，充滿膠質感👍。 ❤鳳梨涼瓜乾貝燉龍骨呢盅湯燉得好有火候，非常之鮮甜，入面有唔少豬肉同涼瓜，好足料同好入味。 ❤正宗海南雞正宗海南雞同之前食嘅天天海南雞有少少唔一樣，雞肉係比較有咬口嘅，但雞皮都一樣咁嫩滑。配上秘製辣醬、薑蔥蓉同黑醬油，係獨一無二嘅味道😋。 ❤雞油飯雞油飯簡直係呢間鋪嘅靈魂，一開煲就聞到濃郁嘅油香味，雞油飯粒粒分明，最中意係將沾上薑蔥同甜醬油嘅海南雞撈埋飯一齊食，令人食慾大增🤩。 ❤參巴辣椒炒通菜通菜炒得好有鑊氣😲，微辣口味，咬落有爽脆感。 ❤金牌咖啡見到呢款係招牌飲品，一定要試一試，係用煉奶沖嘅咖啡，炭香同奶香味並存☕。 ❤酸柑桔蜜酸酸咪咪咁，又有柑桔本身嘅果糖甜味，係開胃順口嘅一款熱飲。