影片
更多
2023-01-11
151 瀏覽
去開沙田新城市一田買嘢，見到有間新加坡過江龍嘅海南雞都幾出名，就同朋友去試下。坐落去都係乾淨同埋闊落嘅。見到餐牌其實有幾個品牌嘅產品可以一齊嗌曬，見到餐牌本身有蛇羹都好有興趣，不過朋友話唔食，就一於食佢嘅普通二人餐喇，性價比最高。先來鳳梨涼瓜干貝燉龍骨湯，雖然有涼瓜，但味道不會苦，反而有一陣甘甜的口味，不説還以為是冬瓜， 湯有淡淡肉味，非常順口。湯水夠清甜，但唔會好油，雖然無鳳梨的果甜，但整體都唔錯，好足料，亦好夠熱。前菜揀咗海南沙律，見到用咗好多番石榴同士多啤梨配以肉鬆組成，食落好新鮮，酸酸甜甜，加上水果表面灑了一層梅子粉，令前菜非常開胃。與此同時，肉鬆令整份海南沙律味覺上有所昇華，令原本酸甜的味道再有咸的後勁，更易入口，同朋友都食唔停。黑松露蝦多士炸到金黃色，好香好脆。多士中間更有一層蝦滑同黑色嘅墨魚滑，口感彈牙，味道鮮甜，不油膩。多士上更有木魚和菜絲減少了油膩感，同時配以每啖都有嘅大量黑松露醬的香味，令整碟多士味道非常多層次。海南雜菜煲蔬菜新鮮且煮至軟到啱啱好，雜菜有娃娃菜，小唐菜，粉絲，磨菇等等既配料，非常豐富。湯底亦有陣陣雞湯味，應該是用雞湯煲出黎，都好清甜。同時雞腎、雞潤，
先來鳳梨涼瓜干貝燉龍骨湯，雖然有涼瓜，但味道不會苦，反而有一陣甘甜的口味，不説還以為是冬瓜， 湯有淡淡肉味，非常順口。湯水夠清甜，但唔會好油，雖然無鳳梨的果甜，但整體都唔錯，好足料，亦好夠熱。
前菜揀咗海南沙律，見到用咗好多番石榴同士多啤梨配以肉鬆組成，食落好新鮮，酸酸甜甜，加上水果表面灑了一層梅子粉，令前菜非常開胃。與此同時，肉鬆令整份海南沙律味覺上有所昇華，令原本酸甜的味道再有咸的後勁，更易入口，同朋友都食唔停。
黑松露蝦多士炸到金黃色，好香好脆。多士中間更有一層蝦滑同黑色嘅墨魚滑，口感彈牙，味道鮮甜，不油膩。多士上更有木魚和菜絲減少了油膩感，同時配以每啖都有嘅大量黑松露醬的香味，令整碟多士味道非常多層次。
海南雜菜煲蔬菜新鮮且煮至軟到啱啱好，雜菜有娃娃菜，小唐菜，粉絲，磨菇等等既配料，非常豐富。湯底亦有陣陣雞湯味，應該是用雞湯煲出黎，都好清甜。同時雞腎、雞潤，粉絲和雜菜索晒汁的味道，雞腎好夠爽口，整體鮮甜入味，份量亦都好足。
雞油飯非常大碗，一個煲可分成4碗飯，保溫功夫做得好好，食到最後都係暖笠笠，飯粒粒分明，而且啖啖雞油香味，但係又唔會話太油啱啱好，好乾爽。
天天海南雞同平時出麵食開嘅海南雞有少少唔同，上面嘅秘制雞汁有啲似蒸雞上面嘅芡汁，但係又會帶到雞嘅鮮味。雞肉皮薄肉滑無骨無肥膏，十分健康，連皮食我都覺得冇罪疚感，然後又係冇骨啖啖肉。二人餐嘅海南雞就有半隻，肉質好夠嫩滑，配菜嘅瓜亦都係十分爽口，雞配有3個醬 ，有黑醬油，辣醬同薑蓉。黑豉油相對上比較濃味同杰身，就咁食會比較鹹但係配埋飯就啱啱好。
搵朋友就揀咗恐龍美祿，朋友覺得好足料，同喺新加坡飲嘅味道好相似，甜度剛好，味道亦不會很淡，有非常濃滑的美祿味。我就叫左杯酸柑桔蜜，酸酸甜甜好開胃而且飲到最後仲有粒話梅，令杯嘢keep住啲味都唔會變淡。
最後額外嗌多咗個豆腐花嚟，好大兜，亦都好夠清甜，唔需要加黃糖已經夠味道，亦已經可以食到佢嘅豆味，下次嚟食嘅話都會嗌多次豆腐花。
張貼
