天天海南雞飯 (新城市廣場三期)

營業中

休息中

點咗套餐。 蛇羹有驚喜。 。蛇羹好多料。 香草令到件事有層次。 海南雞都好滑。 醬汁好惹味。 三隻醬汁。 另外雞油飯， 有保暖。 粒粒飯都好好味。 撈埋海南雞醬汁， 好容易 食完一碗飯

沙田天天海南雞飯，喺新城市廣場第三期，位置方便，周圍都好多嘢行，所以嗰次同朋友仔收工就嚟到呢度食飯，食完仲可以行吓街，好方便。佢而家有一個499二人餐，裏面嘢食都好豐富，就算兩個人都好大食都會夠飽，而且叫set抵食好多。個set有蝦皮肉鬆凍豆腐、黑松露墨魚蝦多士、鳳梨涼瓜乾瑤柱燉龍骨、天天海南雞、炒通菜、油飯同兩杯嘢飲。先食佢個凍豆腐，已經有啲驚艷，醬汁調得好食，蝦米仔、肉鬆、同豆腐之間嘅配合原來係好夾，食完已經想再食⼀份。黑松露墨魚蝦多士，多士香脆，墨魚蝦蛋呀，唯一要挑剔就係黑松露醬可以再多啲，但係好好食。燉湯飲得出係真材實料，唔係出面溝水嗰啲貨色，收貨。天天海南雞同正宗海南雞嘅分別就係冇骨同埋有骨，咁我哋梗係揀無骨，食到食得方便啲啦～炒通菜惹味，濃味，好食。

天天海南雞，是新加坡米芝蓮過江龍， 由新加坡天天總廚親自主理，正宗口味， 坐落於沙田新城市廣場， 佈置很特色， 座位舒適， 招牌天天海南雞， 更是讓人百吃不厭。新加坡米芝蓮二人餐/優惠價 $499蝦皮素肉鬆凍豆腐凍豆腐入口比想像中更嫩滑， 豆香誘人，加上鮮味的蝦皮提鮮味， 配上酸酸帶微辣的醬汁， 十分開胃的餐前涼拌菜。班腩汁椰香鱈魚即叫即炸起的鱈魚， 炸到金黃酥脆， 香氣十足， 入口脆卜卜之餘， 鱈魚鮮味滑溜， 再沾上濃稠 班蘭醬汁， 惹味過癮， 別有一番風味。鳳梨涼瓜乾貝燉龍骨打開燉湯蓋時，鮮香撲鼻而來，先嚐一口湯，清徹鮮甜， 涼瓜、鳳梨切成薄片，軟綿柔順， 加上鮮味的干貝、 龍骨， 夠曬清潤温補， 好適合冬天清潤湯水。天天海南雞配雞油飯招牌的海南雞， 已經去骨， 啖啖肉口感，讓人喜歡， 皮薄肉嫩，冇肥膏， 十分健康，雞皮彈牙，雞肉軟嫩滑溜， 沾上甜甜的黑醬油及惹味的薑蓉， 滋味的配搭， 跟配的雞油飯，足夠兩人份量， 粒粒分明 ，每一口油柔潤的米飯，帶淡淡雞油香味， 十分喜歡。參巴辣椒炒通菜翠綠的通菜， 入口爽甜帶微辣，充滿鑊氣， 十分惹味， 拌飯一流。豆腐花滑捋捋的豆腐花， 甜度適

情人節唔一定食西餐，今年我哋就揀左間新加坡米芝蓮餐廳食情人節飯。餐廳好多人，燈光光猛得黎柔和，環境乾淨整齊，坐位寬闊，坐得舒服。餐廳個主餐牌勁多選擇，老公見到個情人節套餐，覺得唔錯，又多嘢食，價錢合理，所以揀左呢個。清爽紅蜇頭：呢個係前菜，裡面有芥蘭、馬蹄同紅蜇頭，每樣嘢都爽口，味道酸酸地，做開胃菜係幾好。啜啜戀醉蝦：蝦算大隻，新鮮爽口，酒味濃，好食喎。鴛鴦菜花：鴛鴦菜係椰菜花同芥蘭葉，另外仲有炸左嘅白飯魚仔。有酒香味道，調味剛好。椰菜花容易炒燶，但佢炒得剛剛好，唔燶之餘又幾香，食得出有鑊氣。天天海南雞拼燒雞：一次過食齊兩款口味，每款都各半隻，加埋成隻雞。海南雞本身就有個秘製醬汁，唔駛點汁都夠味﹔燒雞燒得香脆，唔乾。另外兩款雞同樣都係瘦，無脂肪，入口真係好滑，啖啖肉，被封米芝蓮餐廳絕對認同。油飯 (細)：除左雞之外，佢哋飯都講究。米飯煮到粒粒分明，軟硬適中，又唔會太多雞油，但又有雞油香，值得讚。情人節限定甜品 - 豆腐奶凍：奶凍大大杯，唔算太甜，奶凍好滑，一人一半，夠晒甜蜜。

♣︎ 天天海南雞飯（沙田）成日放工經過新城市廣場嘅時候都會見到呢間食海南雞飯嘅新加坡餐廳！由於佢係半開放式嘅裝修，所以成日望到啲食客喺裏面食緊嘅嘢都覺得好吸引🤭而且知道佢仲係米芝蓮推介，又有好多唔同嘅分店，所以一直都好想食～今日我就放工嚟咗呢度食嘢🤭 ♥︎新加坡米芝蓮二人餐（$499）見到門口掛住大大個餐牌寫住有呢個二人餐，裏面嘅嘢多選擇之餘又好豐富，而且仲有優惠價，價錢親民實惠，係冇咩其他考慮嘅情況下我就已經決定咗要食🤩♡ 正宗海南雞雞肉好香滑，仲有秘製嘅醬汁，同雞肉嘅味道同質感都好夾，同時又唔會搶咗海南雞嘅鮮味，亦都唔會太鹹或者太重口味，仲留有少少空間可以點海南雞醬。呢份海南雞兩個人份量啱啱好♡ 雞油飯（1-2人）以前聽到雞油呢個字都有啲驚，所以即使係食海南雞飯都係會配白飯，但係自從食過雞油飯之後真係返唔到轉頭，即是罪惡咁重啲都係會忍唔住一啖一啖咁食晒入口，佢嘅雞油香真係令到你唔使夾餸都可以食晒成碗飯！♡ 鳳利涼瓜干貝燉龍骨燉湯嘅材料十分充足，湯好濃郁♡ 蝦皮素肉鬆凍豆腐豆腐本身好滑身，加埋蝦米、肉鬆，同埋啲汁就更加好食♡ 參巴辣椒炒通菜通菜炒得好香，加有少少辣椒令到成個感覺更加有風味

餐廳位於新城市三期，樓層中的一個小島🏝️。鋪面寬闊，坐得好舒服，食物質素都好好，每一碟餸都食到舔舔脷😋。個甜品仲有驚喜🤩。好多樣餸都想試，所以嗌咗二人套餐📖新加坡米芝蓮二人套餐 $499蝦皮素肉鬆凍豆腐 🦐豆腐口感好滑，表面灑上櫻花蝦同肉鬆，重點係配上香辣豉油。好開胃！黑松露墨魚蝦多士 🍤蝦多士真係值得推介！一上菜就已經聞到濃郁嘅黑松露味。蝦多士炸得金黃香脆，就算擺咗一陣都仍然脆口🤩多士中間夾咗墨魚滑，表面亦都擺咗粒粒蝦仁，每一啖都好豐富。✨✨鳳梨涼瓜干貝燉龍骨 🥣個湯好鮮甜，味道濃郁。諗到個好好足料，亦都冇落味精👍🏻雖然有落苦瓜但係飲落完全唔苦，而係甘甜。😋天天海南雞 🐓呢個係米芝連馳名海南雞，所以一定要試。雞肉肉質嫩滑，有雞味，仲要係無骨！🤩🤩食得好開心。我佢個海南雞豉油唔係一般嘅豉油，有啲似醬油膏質地濃調，好鮮味，加埋雞肉一流！🤤🤤🤤海南雜菜煲 🍲雜菜煲好足料🤟🏻，除咗蔬菜外仲有雞腎，蝦乾，菇。粉絲仲要吸晒湯汁👍🏻雞油飯 小煲 🍚飯粒粒分明，軟硬適中。金牌咖啡 ☕️咖啡果然名不虛傳！甜味來自煉奶，咖啡味好香濃，飲囉唔澀。推介！👍🏻👍🏻👍🏻👍🏻豆腐花 🍨原本諗住係普通嘅豆腐花，但係嚟到

我已經光顧這間餐廳多次，食物質素和服務都還可以。今天晚上我留意到他們用三層的餐車把食物從廚房傳遞到食客餐桌上。底層的食物沒有用蓋蓋好，眾人的鞋就在這些食物的旁邊來來去去，極不衛生，希望將來有所改善。

三個人叫左四樣野，蠔餅，咕嚕肉，肉骨茶，銀針粉。蠔餅簡直係不知所謂，只不過係一堆炸粉加蔥，幾乎搵唔到蠔同泡菜。咕嚕肉望上去好似有好多舊，其實有幾舊係空心既，係炸粉黎！肉骨茶淡過師姑尿，有三大舊排骨，但係又無味又硬！最後係得個銀針粉係正常。一個餸平均舊幾水，真係不知所謂！

來自新加坡嘅天天海南雞飯，周不時都見到有唔少人排隊，見到佢有個新加坡米芝蓮2人餐，可以一次過試哂幾款菜式，所以就決定試試啦。前菜蝦皮素肉鬆凍豆腐豆腐好滑，加埋鹹香嘅蝦皮肉鬆，增添口感，醬汁鹹鹹酸酸，好清爽開胃，味道上平衡得幾好。小食黑松露墨魚蝦多士香脆嘅多士夾住彈牙嘅墨魚蝦餡料，淋上黑松露嘅醬汁，味道好夾，加埋啲椰菜唔會太油膩。燉湯鳳利涼瓜乾貝燉龍骨見到好足料，雖然有涼瓜同鳳利，但飲落味道唔算突出，飲落清甜，飲完好溫暖。蔬菜參巴辣椒炒通菜通菜份量都算多，有啲魚仔一齊炒，參巴醬夠鹹香，餸飯食一流，又唔會辣。海南雞+主食天天海南雞海南雞大部分都去左骨，食落啖啖肉，仲有啲青瓜。配埋個雞油飯一齊食好滿足，飯都煮到好香。飲品年代奶茶同酸柑桔蜜兩杯野飲。額外order左豆腐花試下，豆腐花睇落好彈滑，食落仲有好驚喜。口感好creamy，有少少燉奶嘅感覺，但就充滿豆香，都值得一試。

兔年由年三十到初四都未食過雞😅初五去拜年後搵雞食傳統新年習俗都要食吓雞去沙田新城市行街係一田果邊見到"天天海南雞"真係見到雞咪走雞🤣見佢門口有餐牌有三款雞選擇天天海南雞/正宗海南雞/燒雞還有二人同四人套餐新年期間仲有多人套餐𠻹冬天仲加推"蛇羹"套餐原本餐牌套餐售罄反正凍凍地就食吓蛇羹暖吓身😬宜家二人餐做優惠$499有主菜(雞)+蛇羹+菜+油飯+滋潤飲品👉🏻天天海南雞雞皮好彈牙雞肉好嫩滑👉🏻花膠太史蛇羹😱😋好重料面頭就係粗身花膠條👉🏻海南雜菜煲👉🏻雞油飯👍🏻好香粒粒飯👉🏻桃膠菊花桂花雪梨茶新年食咗好多油膩野可以清潤吓又滋陰養顏👉🏻竹蔗茅根馬蹄薏米水清熱去濕消腫👉🏻另外有個特色茶壺👍🏻入面d 茶好香好清新好好飲

年廿八屋企大掃除後，出黎沙田辦年貨🤩再搵間餐廳食返好好做節團年咁傳统緊係食中餐，點都要有飯雞既所以選擇左新城市既*天天海南雞飯*睇門口餐牌無諗過臨近歲晚都有套餐食，都好多野食價錢又唔貴👍🏼所以一入座都係叫二人套餐食物上枱好有儀式感✌🏼好豐富*燉湯-鳳梨涼瓜干貝燉龍骨好重料👍🏼一大粒干貝，味道唔太鹹*前菜-海南沙律🥗 係沾滿梅粉既芭樂同無花果酸酸甜甜超開胃*黑松露墨魚蝦多士多士好香脆，滿墨魚香既蝦滑👍🏼彈牙*海南雜菜煲用個有火既熱窩，慢慢食都唔怕凍左*主角 天天海南雞不得不讚👍🏼雞真係好嫩滑加上醬料薑蓉、酸辣汁和黑醬油 超好食當然唔少得油飯，粒粒分明帶油香❤️整體二人餐真係性價比高，下次再來

行街經過天天海南雞飯，見到二人套餐幾抵食！餐廳坐滿人即刻衝去拎位，好彩岩岩有人走唔洗等餐廳座位都幾好坐，但枱就細咗少少，個二人餐係會擺滿晒張枱好彩職員會因為張枱滿咗，後上部份食物海南沙律色彩繽紛有唔同嘅水果，例如番石榴，士多啤梨，無花果等，仲加類似梅粉係面，酸酸地好開胃黑松露墨魚蝦多士多士新鮮炸起，好香口！每件多士都會有一隻蝦同夾有墨魚膠，再加埋黑松露醬，真係幾好味😋下次會再叫鳳梨涼瓜干貝燉龍骨燉湯材料豐富！有涼瓜，排骨，鳳梨同元貝等，味道十足尤其係天氣凍嘅時候飲碗熱湯，真係好滿足參巴辣椒炒通菜通菜火候控制好好，每條菜都好翠綠，有少少辣味，食完一條又一條天天海南雞 & 油飯天天海南雞係起咗骨嘅雞，岩晒我呢啲懶人大概有半隻雞嘅份量，雞皮爽口，雞肉夠嫩滑又有雞味，啖啖肉好滋味油飯每粒米飯都係淡黃色，粒粒分明，軟硬適中，有淡淡雞油香味，基本上淨食油飯都好好味酸柑桔蜜酸酸甜甜好開胃滋潤薏水有淡淡既薏仁味，幾岩冬天飲

沙田天天海南雞飯平日夜晚去都有好多人👀環境就採用左開放式，感覺更加空曠見到附近好附枱都叫咗二人餐有前菜、小食、燉湯、主菜、茶、飲品$499 可以試到唔同嘅菜前菜-海南沙律 主要用士多啤梨同粉紅番石榴～係視覺上都落左d心思👍🏻有啲梅子粉亦加左喺上面，酸甜酸甜嘅感覺適合作為開胃嘅前菜👍🏻👎🏻小食- 斑斕汁夜香鱈魚香口小食👍🏻外脆內軟鱈魚都好新鮮，點埋斑斕汁，令到味道更昇華，清新既口感，唔會覺得好油膩，亦都唔會死甜，有好香嘅椰子斑斕味❤️湯- 鳳梨涼瓜乾貝燉龍骨好滋潤嘅燉湯，唔油膩，好足料，亦都冇落味精❤️唔錯👍🏻主菜-天天海南雞天天海南雞同正宗海南雞嘅分別，就係一個有骨，一個無骨今次就揀咗冇骨既天天海南雞雞嘅肉質嫩滑，份量足夠，有翼有胸肉比較中間嗰醬，香辣既味道配埋個油飯～～嘩 一流飯粒粒分明，有油香亦都唔會食到好漏🥰份量大概每人一碗滿既飯參巴辣椒炒通菜香口惹味 👍🏻飲品- 金牌咖啡/椰香Mocha咖啡都幾甘香，唔會好甜好奶椰香mocha都幾特別，好香椰子味，好清新但又唔會好甜👍🏻值得一試最後加左個豆腐花超級嫩滑，有椰香味同平時食嘅豆腐花唔同幾特別，喺新加坡嘅特色

［沙田］抵食出色海南雞每次假日經過天天海南雞，都看見勁多人排隊，難得今日閒日夜晚，無人排隊，就即刻想試下🤭，餐廳入面都滿座咁濟嫁😆餐廳裝修以深藍和白色為主調，座位寬躺。我好鐘意餐廳的茶，係英式伯爵茶，好香😌，食中菜配西茶，夠創新。諗緊食咩個陣，見到有個二人餐，有7.6折，見咁抵🤩所以就試下新加坡米芝蓮二人套餐$499 ☁️ 前菜-蝦皮素肉鬆凍豆腐有驚喜🤩，凍盤，豆腐嫩滑，面頭舖了素肉鬆和香口的櫻花蝦，增加口感。味道方面，少少辣，因為有爆香的蔥花和辣椒，加埋鼓油的鹹香，提升成個豆腐嘅層次感，會更加開胃。☁️ 小食-黑松露墨魚蝦多士多士新鮮炸起，熱辣辣😍，而且又唔會好油，nice👍🏻。多士中間夾住彈牙墨魚滑，面頭有炸鮮蝦同黑松露醬，每啖都好滋味，而且又聞到黑松露嘅香味🤤。☁️ 燉湯-鳳梨涼瓜干貝燉龍骨料多，熱辣辣的湯，味道唔錯，家的味，唔會飲完口乾，正🥰。☁️ 天天海南雞雞肉顏色偏白，啖啖肉，皮薄少脂肪肉嫩，雞味唔太濃，大部份冇骨，除咗一兩件雞髀位有少量。落單時，侍應介紹天天海南雞和正宗海南雞的分別是前者冇骨，所以啱晒我這些懶人👍🏻🤩。海南雞嘅重點，就係個醬汁，三款任均選擇。配菜青瓜條，爽口清甜新

成日經過沙田呢間 天天海南雞飯 都好想試下 今日終於入去試下啦😗 入去睇完餐牌 有好多野食都好吸引🤤 最後我哋揀左呢個新加坡米芝蓮二人套餐 入面有既野食都係我哋本身散叫想食既 叫二人餐仲要有7.6折 正呀😬 先黎既係兩杯五十年代嘅飲品酸柑桔蜜- 呢杯叫左少甜 酸酸甜甜幾開胃😌金牌咖啡- 正常凍咖啡 幾香濃咖啡味 鳳利涼瓜乾貝燉龍骨熱辣辣拎上枱 好香又好足料嘅燉湯👍🏻 飲得出唔係落味精嘅湯 感覺好補好滋潤😌 海南雜菜煲呢個煲有粉絲 菜心 小棠菜 娃娃菜 菇類 仲有幾粒蝦米仔調味令到成個煲都好香 好豐富又好健康添呀👍🏻 海南沙律呢個沙律好靚呀🤩 係有無花果 粉紅色蕃石榴 同埋士多啤梨 上面仲有啲類似梅粉既調味 酸酸甜甜好開胃😌 黑松露墨魚蝦多士呢個係必食推薦👍🏻🤩超香黑松露味呀 墨魚彈牙 多士炸得好香脆又唔會好油膩 必食🤤 天天海南雞主角出場啦😬 海南雞冇骨嫩滑多汁 就連雞胸都係好滑 點埋佢嘅醬汁 難怪係米芝蓮推介啦👍🏻🤤 雞油飯食海南雞唔可以缺少嘅雞油飯 飯係粒粒分明 每粒都有油香味 食完一啖又一啖 停唔到口😌 新加坡原味豆腐花最後食埋個甜品 豆腐花好滑好似水咁可以吸入口 又唔會好甜 整