天天海南雞飯 (新城市廣場三期)

營業中

休息中

正宗海南雞 $199雞件，靚仔、無瘀血！玻璃芡令每件雞充滿光澤感！望落已經夠晒吸引！🤤海南雞，好食！雞味濃！肉質好軟，極腍滑！似入口即溶的口感！估唔到雞肉都可以做到如此十分軟、腍、滑、易化的口感！！連雞胸肉都好軟腍！而雞皮，口感軟滑到似Jelly！金香雞油脆米叉燒 $89金香雞油脆米，香口！單吃都好食！將脆米沾滿味道甜甜的叉燒醬，似食緊香甜焦糖爆谷一樣！叉燒，厚切大件，唔嚡唔老，配埋濃甜叉燒醬，好食！啖啖肉的叉燒沾上香口的雞油脆米，增添口感！清爽紅蟄頭 $79比較少餐廳供應原片紅蟄頭～紅蟄頭，好爽脆！入晒味！醬汁味道甜甜酸酸又帶微麻，有陣陣花椒油香味！好食！十分清新開胃！ J特別喜歡！斑斕汁椰香鱈魚 $99鬆脆炸漿、魚肉入口軟嫩，似平時食酥炸九肚魚的外脆內軟口感！而且所用的鱈魚肉，有驚喜！每件都有好濃郁魚味，又唔腥！K特別喜歡不蘸汁、食炸鱈魚的原味魚香！😋而J就喜歡將炸鱈魚蘸上又香又濃郁的斑斕椰汁！豆花金牌咖啡 $32大杯！咖啡濃甘原味豆花 $19/份有豆味又極濃奶香味！好食！_______________天天海南雞飯 (新城市廣場) (沙田)沙田沙田正街18號新城市廣場三期 3樓32

好耐冇食海南雞飯啦，但又要揀一間好食嘅，都唔係咁隨便，今次嚟到新城市，梗係黎最出名嘅天天海南雞啦，因為次次見佢都係大排長龍，好多人食。以地方都真係幾寬敞，有好多卡位！坐得好舒服！我哋叫咗正宗嘅海南雞飯，例牌都幾大碟，兩個人share剛剛好！佢有三隻醬汁可以俾我哋點，有辣汁泰式醬汁同埋普通豉油汁，令海南雞嘅味道昇華。我哋叫咗碟通菜，份量都幾多，炒通菜唔算好鹹，味道剛剛好！之後我哋仲叫咗個冬陰功湯，雖然係一人份量，但係佢啲海鮮都好多好粥了，如果可以大碗啲嘅更加好，呢個冬陰功放多料！好好味！之後我哋仲嗌咗碟串燒，有豬牛雞，細細串好好食！仲有醬汁可以點！唔錯唔錯！呢度嘅環境都真係幾唔錯，坐得好舒服，座位好闊落，唔會同其他食客坐得好近！而這個位置方便，食完嘢已經可以落去一田行街！

💛新加坡米芝蓮推介 · 天天海南雞飯 (沙田)之前食過幾次，食物一直保持不錯的質素。發現佢Menu更新咗💁🏻‍♀️今次同友人一齊叫咗佢嘅二人餐試吓。📋新加坡米芝蓮二人套餐 $49◼️ 蝦皮素肉鬆凍豆腐 -餐前開胃菜，軟滑的豆腐配上微鹹辣嘅特製醬汁，五味俱全👍🏻再配上蝦米增加口感同香味😍◻️黑松露墨魚蝦多士 -上枱已經聞到陣陣松露香味～多士厚切分成四份，入口鬆脆，墨魚蝦肉也很彈牙👍🏻👍🏻◼️鳳梨涼瓜乾貝燉龍骨(兩碗) -用鳳梨的甜味中和了涼瓜的苦澀味，令湯味道很清甜。每碗湯裏都有三、四塊排骨，很足料。◻️天天海南雞 🌟推介🌟 -新加坡米芝蓮推介❣️每次去必要海南雞🙌🏻雞肉份外嫩滑，雞肉味道濃郁旦已經去骨，方便享用👍🏻另外三色醬用上新加坡出品的黑醬油、自家製薑蓉及辣椒醬。◼️密巴辣椒炒通菜-通菜爽口，加鹹魚茸等提升味道，更加惹味。◻️雞油飯(1-2人）-油飯，油而不膩，香噴噴，份量多👍🏻完全夠兩個人食。◼️包兩杯飲品🔸恐龍美祿(凍）🔸滋潤薏水(凍）💘 因海南雞出名嫩滑可口，餐廳其他菜式也很不錯，之前食過佢個蠔餅好出色，可惜而家更新咗Menu冇咗🥹設有二人餐、四人餐、不同的飯餐及單點去骨海南雞，選擇豐富👍🏻

就朋友下班，於是選中間點，沙田!最近成日西餐冇咩新意，於是想食下小菜，見二人套餐$499咁多餸，入去試下。海南沙律酸酸甜甜的生果，再跟話梅粉，作為前菜十分開胃呀!無花果很清甜又健康，士多啤梨又新鮮。黑松露墨魚蝦多士外層脆皮鬆化，多士不油膩內層軟底部是墨魚滑，食到粒粒墨魚肉，好味!鳳梨涼瓜干貝燉龍骨 X2好濃既湯，飲落好舒服，感覺無味精，一盅湯見哂所有材料，很足料。天天海南雞我地揀左無骨，貪佢啖啖肉，唔洗lur骨，雞肉很滑，有3款醬汁給你蘸，有薑蓉、醬油、辣醬而且有青瓜片伴碟，清爽!海南雜菜煲熱辣辣成個煲上，多花款，有木耳、小棠菜、娃娃菜、秀珍菇，蔬菜本身都新鮮，都不需要的煮法，食左咁多肉，食返多d菜，減去肥膩感。雞油飯 小煲好好味呀，粒粒分明，而且唔好俾個油字扼，食落去一點都不油，反正好香，很有咬感。50年代系列飲品 X2我點了奶茶，茶香奶滑，港式奶茶，唔錯!朋友點了凍檸茶，茶底濃。

成日都聽朋友講「天天海南雞」好食，今日終於黎到沙田新城市廣場試下啦🤩餐廳走型格路線，位置寬敞，座位坐得好舒服👍好Chill❤️正宗海南雞拼燒雞$299黎到天天海南雞，必點一定係「雞」啦🐔，果然係必食👍我地比較貪心，想試曬海南雞同燒雞，所以就order左雙拼😄海南雞肉質鮮嫩，皮薄肉厚，配上薑蔥蓉、泰式酸辣醬汁、甜醬油，提升雞嘅味道，尤其係酸辣汁，會令到更加惹味👍燒雞同樣鮮嫩，外皮燒得十分香脆，夠曬香口😍😍班蘭汁椰香鱈魚 $99一口一件size，魚質口感好滑，炸過之後更加外脆內軟，加上香濃椰奶覺得好match好夾，唔會太油膩😆超級水果茶 $38我睇OpenRice 好多人推薦必點呢杯水果茶🥰所以一定要返一杯黎試下🤩黎到後發現好大杯！入面有青蘋果、蘋果、橙、百香果籽，望望下應該真係有1公升😆好解渴，味道好fresh😍應該可以兩個人一齊飲🤣石榴紫背天葵山楂蜜（凍） $22四季養生系列😍，酸酸甜甜，令人有種好開胃嘅感覺👍P.S 每人會收$10茶位費用，枱面會有一壺茶，味道香濃好飲🫖另外，原來朋友之後問番店員先知道正宗海南雞原來係有骨，如果想食冇骨就可以叫天天海南雞啦～

沙田行街最開心因為方便，不論要想買什麼，也可以找到，行累了，餓餓地，就要食嘢啦。看見雞隊長，就要試吓啦。環境都舒服，食物種類多多多，我們點了新加坡米芝蓮2人餐，真係超級豐富…… 海南沙律：朋友點選時，就係見嗰名得意，原來是有特色的沙律，用士多啤梨及無花果伴碟，以蕃石榴為主要素材，加上新鮮沙律菜，正。 小食有黑松露墨魚蝦多士：多士超大份，仲要麵包有黑松露味，又彈牙又多肉的墨魚蝦肉係中間，真係要襯熱食，超好味。 廣東人最愛飲湯，是日靚湯係鳳利涼瓜乾貝燉龍骨：海洋乾貝味仲要夠清甜，我可以飲一湯碗。天天海南雞：就最穩陣，去骨方便大家食，仲要配上惹味黑醬油，薑蓉，辣椒汁，令海南雞味道再提升。本人最愛係参巴辣椒炒通菜：惹味，小辣，明顯用大火快炒過料頭，蝦乾，再加上參巴辣椒與通菜快炒過，食到小小辣，就一定要點佢。雞油飯：超大煲，好在朋友係飯筒，不然一定要叫定食物盒帶走，因為十分好味。 飲品方面以五十年代特色飲料，我們選了酸柑桔蜜及滋潤薏水：兩款飲品也有棉滑口感，可見花心機煲過，一款甜甜酸酸，一款滋潤清新，看看你口味愛那一種。 特別報導：原來有豆腐花送，只要你去goggle 搜尋店名，加嗰星就要……呵

一開始很開心點左呢個set， 又有海南雞又有肉骨茶，一次性滿足曬2個願望！上菜時，俾海南雞份量吓撐，吃左咁多間海南雞飯、呢間絕對份量最少！雞肉肉質鬆軟，唔柴但都唔算嫩。油飯OK，醬料都OK。跟住我最唔滿意噶系個肉骨茶，點依個套餐就為左喝肉骨茶湯，結果大半碗都係麵！我已經有個飯，要咁多麵做咩？浪費！剩小小湯，而且肉骨茶味好淡。埋單$164，唔值食。

今日去左沙田松本清朝聖，順道搵好野食，見到呢間有新加坡米芝蓮既"天天海南雞飯"，一定要試下啦。餐廳設計走型格路線，餐具都好精緻好靚，座位很舒服，啱晒行完街休息下。我哋點左餐廳招牌“新加坡米芝蓮2人套餐”，個餐共有5道菜+湯及飲品。前菜~海南沙律全部用新鮮水果，配上黑醋，酸酸甜甜，好開胃。小食~黑松露墨魚蝦多士多士係厚切，每件都有一隻蝦，沾上黑松露醬，味道很匹配。燉湯~鳳梨涼瓜干貝燉龍骨餐廳很聰明，用鳳梨的甜味完全掩蓋了涼瓜的苦澀味，令個湯很清甜。天天海南雞雞肉嫩滑，仲去埋骨，真正係啖啖肉，雞上面有D類似蠔油既醬汁，倍添美味。蔬菜~海南雜菜煲有很多配料，包括雞腎、蝦米、各種菇類、粉絲等。主食~小煲雞油飯飯粒粒分明，而且充滿雞油香味，但又不油膩。飲品~酸柑桔蜜+爆爽檸茶2杯飲品都夠晒酸，好適合作為這餐的圓美句號。

垃圾餐廳。。岩食幾啖就發現左條毛，同個職員講，其實係嘢食到有條錦嘅毛我真係覺得好核突，但佢係笑笑口錦同我講話尼條係牛嘅毛。。全程對話都笑住曬。。我已經覺得好噁心。。比我感覺好似笑9我錦。。。職員同我講話幫我轉其他嘢食，但我已經覺得好反胃，我話5洗我咩都5要叫佢收起曬，連飲品都5要（冇飲過，噁心到5想飲）但朋友食完埋單發現依然有收我飲品錢。。。好彩我睇單同佢講返。。。真係好有問題。。。

疫情之前曾經到訪過星加坡，食過天天海南雞飯實在冇得頂，價錢又平，又好食所以個心其實一直都好想試吓去香港呢間過江龍所以知道我去新城市就鎖定左天天海南雞飯食午餐，不過臨時轉軚食豬軟骨因為見到隔離枱有叫，而又好似幾好食😋石鍋蘿蔔黑磨豉豬軟骨肉質方面係淋嘅, 軟骨位置就唔係我口味, 非煮至啫喱狀，我係鍾意食啫喱狀，有骨膠原嘅感覺🥹 反而蘿蔔仲好食，吸汁，又甜! 呢個價位的確份量唔算多🙈🙈🙈不過用石鍋上碟係幾好，始終保温度好高, 唔會因為大冷氣令到啲餸好快凍👍🏻總結, 下次都係試返海南雞吧👉🏻👈🏻

成日都係沙田經過，見到天天海南雞飯排晒長龍，今日要停囡囡放補習，一個鐘前拎停飛，大約50min 左右有位🎉🎉🎉🎉新加坡米芝蓮2人套餐 $499蝦皮素肉鬆凍豆腐餐前開胃菜，清香嘅豆腐配上又鹹又辣嘅特製醬汁，令人胃口大口，蝦米添加口感同香味，肉鬆幫豆腐吸醬汁，令你食到唔停口🤤🤤🤤🤤🤤鳯梨涼爪干貝燉龍骨燉湯鮮甜，配菠蘿非常特別，菠蘿迫出肉味同瑤柱的甜味，味道出奇的配。黑松露墨魚蝦多士金黃香脆的墨魚蝦多士，會惹味的黑松露醬。天天海南雞雞油飯新加坡米芝蓮推介，點可以唔試下，非常白滑鮮嫩，連雞胸也挺滑，連雞皮爽滑，熱騰騰，等了差不多一小時也是值得的🤤🤤🤤🤤🤤🤤配雞油飯一流。海南雜菜煲雞油飯雜菇加雜菜配鮮雞湯，非常清甜。

今日失驚無神掛咗個八號波, 懶得煮飯, 同蝦子餅 (husband) 出街食. 餐廳既有懷舊 feel,亦有時尚嘅一面, 以藍色為主, 色調柔和.無理由唔食招牌菜, 天天海南雞.雞肉嫩滑,最正係無骨, 啖啖肉, 點理個酸辣醬煙熏香茅蝦, 微微辣蝦肉彈牙, 有香茅味.黑松露墨魚蝦多士, 在生菜絲之下, 增添了幾分神秘.多士金香可口, 墨魚同蝦鋪面, 多士內有黑松露醬, 好好味吖 椰奶黑金龜苓膏這個甜品好特別, 香煎龜苓膏, 口感煙靭, 加上香濃嘅椰奶, 好有苦盡甘來嘅感覺 紅豆酥, 紅豆蓉甜度適中.外形好似一朵花, 每塊花瓣由好多層嘅酥皮整成, 好考功夫.整體 cp 值高

行過見到門口食雞，好搞笑所以望吓係乜嘢嚟原來係米芝蓮海南雞餐廳咁就入去試吓佢啦我見到兩人餐啲嘢都幾足，又唔使諗咁多所以揀咗一個兩人餐個餐廳仲好貼心咁樣喺依個指導寫埋一啲海南雞嘅嘢吃雞小知識🐓🐓🐓首先上咗個飯同埋個湯個湯味道好似燉湯咁幾好至於個油飯粒粒分明，口感好好出邊嗰啲成日都一嚿嚿張紙寫到明佢嘅烹煮方法心機嘢跟住上咗呢個豆腐（蝦皮素肉鬆凍豆腐）加埋啲蝦皮脆脆地口感幾配合之後呢個就係邪惡嘅黑松露墨魚蝦多士上面有啲木魚片同埋椰菜入邊就黑松露味，個多士仲要脆卜卜簡直就係邪惡嘅首選海南雞上層幾滑口，啲汁都好正下層位置應該係雞胸肉，所以有少少鞋（唔點汁嘅話，適合健康人士）整體都好正參巴辣椒炒通菜味道調配岩岩好揀咗凍嘅美祿恐龍同埋薏米水整體來講幾好，可以再encore

天天海南雞飯，風聞係新加坡米芝連美食，位於新城市廣場三期，去親一田都必經，成日都留意到，所以就嚟試下佢！入面嘅環境好舒服，餐具好有特色：除咗靚靚碗碟之外，仲有鑄鐵茶壺，夠哂Chill。呢次兩朋友點咗個二人餐 ($499)：前菜：海南沙律小食：黑松露墨魚蝦多士燉湯：鳳梨涼瓜燉龍骨X2海南雞：天天海南雞蔬菜：參巴辣椒炒通菜主食：雞油飯飲品：50年代飲品X2 （我同朋友都揀咁薏米水）大讚佢嘅海南沙律！有士多啤梨（超香！）、番石榴（紅肉同白肉都有）、無花果，再加咗D梅子粉，食開胃！擺盤又靚，超有驚喜！黑松露墨魚蝦多士都係好正，炸的酥脆但又唔會好油膩，係好乾身地酥脆，好難得食炸多士唔會有油嘅感覺。除咗蝦，夾心仲有蛋＋墨魚滑，外面有黑松露醬，係絕配嘅配搭，食落都係好有驚喜！鳳梨涼瓜燉龍骨湯都燉得好好飲，好香濃，仲有足料湯料，正。其他主食都好食。另外再點咗兩個豆腐花。整體嚟講，服務、環境、食物，都係高質的。推薦！

本身都好鍾意食海南雞 呢間可能雞食過幾次都好鍾意Keep到個水準豆花恐龍美祿豆腐花好滑 同美祿出奇地夾真係好似飲得嘅美祿味豆腐花咁清新得黎又有啲甜古法肉骨茶個湯嘅味道好清 唔會好重味精啲肉好淋 唔會話食到好黐牙入面嘅豆卜亦都好入味 同飯一齊食好夾到重頭戲 天天海南雞個醬汁同啲雞好夾 雞皮好滑雞肉味好濃 基本上我唔會再掂其他醬汁已經好好味 記得一定要配埋雞油飯佢哋個飯又係冇得輸 好香 但又唔會食到成口油同埋雞份量都真係好多 兩至三個人share都得飛雪小白兔一開頭睇張相仲諗緊下面嗰個黑色係咪食得原來係唔食得嘅 係凍冰冰應該為咗保留上面嗰個嘅溫度白色嘅兔仔有啲似布甸 上面有啲椰絲食落去幾有口感 味道唔會話太驚喜但作為飯後甜品都幾適合因為食完飯都唔會想食咁飽 呢個就啱啱好，幾啖搞掂