天天海南雞飯 (新城市廣場三期)

營業中

休息中

朋友掛住新加坡嘅海南雞, 就嚟咗呢間過江龍食晚飯。餐廳佔地頗大, 座位寬闊, 仲有cushion挨住, 坐得好舒服😌天天海南雞 (中份)雞皮薄, 肉質嫩而厚, 幾乎係零脂肪。配埋微暖嘅秘製雞汁, 佐飯一流。當中三色醬中嘅辣椒汁帶後勁, 令味道昇華有層次, 不愧係米芝蓮推介👍🏻黑松露墨魚蝦多士有驚喜, 黑松露香氣逼人! 炸得香脆已經係基本, 墨魚膠口感彈牙, 配埋沙律菜同芝麻醬一齊食, 完成無油膩感😍雞油飯 (1-2人)份量超多, 粒粒分明, 吸收晒雞嘅精華, 帶鹹香味海南雜菜煲以瓦煲奉上, 保持温度, 健康之選

一直都好想食正宗海南雞飯，當知道天天係沙田區開分店，一直都心癢癢，終於有機會試到啦。餐廳空間大，感覺開揚，裝修以藍色為主調，增加了安穩平和的氛圍。今日揀左新加坡米芝蓮2人餐，有齊前菜，主菜，湯同飲品，都好豐富㗎。蝦皮素肉鬆涷豆腐涷豆腐豆味唔錯，入口已經即刻滑入喉嚨，加埋調左味嘅蝦皮，整體配搭幾好。最欣賞係個碟都係雪過，可keep住豆腐清涼嘅温度。黑松露墨魚蝦多士炸得金黃香脆嘅多士夾住彈牙嘅墨魚滑，仲有爽口蝦肉係多士表面，進食時不斷發出“咔嚓”嘅聲音，真係好滿足呀，超推薦鳳梨涼瓜乾貝燉龍骨我以為涼瓜會苦澀，但原來唔會，可能有鳳梨同豬肉中和其中，甘甘甜甜。正宗海南雞配油飯黎到主菜啦。擺盤好似一幅畫，精緻美觀，海南雞雞皮爽口，雞肉嫰滑，雞嘅脂肪唔多，但雞肉唔會因為無左油脂而嚡口，非常美味。至於油飯，米飯粒粒分明，油味又香，但又唔會好重油膩感，適合注重健康嘅香港人。餐廳呢句“雞好食，飯仲好食”正正就係咁解。海南雜菜煲材料豐富，菌類好多，正合我意。話就話係2人餐，但兩人都飽到上心口，米芝蓮果然不同凡響。

位於沙田市中心的食肆-天天海南雞，第一眼見到，便讓我想起在星加坡的旅遊日子，於是非常有興趣入內試一試店面呈開放式設計，裝修也花了點心思，有一些有趣的卡通圖畫，亦有一隻真人高的卡通雞，很可愛，座位特別亦很舒適餐牌上選擇頗多，當然不少得的是正宗海南雞，雞肉嫩滑好味，醬汁正宗，筋腩相逢，即係牛筋腩一定要試試，入口即溶，超級好味，二至三人份量的白飯，可以選擇油飯，很夠飽，50年代嘅凍奶茶和恐龍美祿也是超級好味，誠意之作

係沙田新城市廣場既天天海南雞飯，內面座位舒適~ 叫最出名同多人食既正宗海南雞!正宗海南雞雞有光澤感無瘀血，雞胸肉軟腍肉質軟、滑、易化，滑雞味濃~ 一入口有好像要溶化既口感~ 原本唔鐘意食雞皮，但連雞皮都好軟滑~好好食!

呢間係沙田既新加坡菜成日都排晒長龍，今日一食，果然有原因喎呢間餐廳既十大招牌，樣樣都好吸引天天海南雞（中份）呢到有天天海南雞同傳統海南雞而天天海南雞既特別之處就係佢會淋上左特製既醬汁，令佢味道更有層次雞肉超級滑超級嫩，就算係雞胸既部位都依然嫩滑，而且雞味十分香濃而不騷雞皮又爽又滑又淋，勁高質當然唔少得海南雞必備既醬汁加上佢特製醬汁，有少少似豉油蠔油味，但更有層次雞油飯（１—２人）食海南雞又點可以唔配雞油飯呢雖然只係小份，但都好夠兩個人食呢到既油飯雞油味香濃，同埋應該係用左靚既雞油，而非雞屁股果Ｄ，令佢香得黎完全冇騷味，可以好好咁享受雞油既香氣古法肉骨茶都幾唔錯既一個肉骨茶入面有排骨等等多種材料藥味香而不苦，材料亦入晒味桃膠菊花桂花雪梨茶、石榴紫背天葵山楂蜜呢到既飲品都幾有特色，而且質素都唔錯又足料

上次喺圓方食咗新加坡米芝蓮餐廳-天天海南雞，喺沙田新城市廣場開咗分店，地理位置更加方便👍🏼裝修同埋餐具都係一向嘅古典風，經理仲特登過嚟向我哋介紹值得試嘅菜式，款式多好多樣都想試，最後揀咗套餐👌🏻二人套餐：前菜+小食+燉湯+海南雞+蔬菜+主食+50年代飲品x2黑松露墨魚蝦多士成個口感好彈牙，炸得好香脆，配埋黑松露味非常match👍🏼蝦皮素肉鬆凍豆腐呢個作為前菜好開胃，豆腐好滑，配埋少少肉鬆櫻花蝦，好香👌🏻鳳梨涼瓜干貝燉龍身足料嘅湯水，好清唔油膩，值得一讚!!! 天天海南雞飯好食😋雞好滑!我哋揀咗呢款海南雞係冇骨嘅，啖啖肉，有雞皮但係唔會太肥，啲雞肉好嫩滑有肉汁🙉特別中意呢款黃油飯，用煲仔上菜，睇見都流口水，同海南雞係絕配呀🥰炒通菜十分有鑊氣嘅炒通菜，醬汁好惹味，不過係稍微有啲辣，唔食辣嘅人就要注意啦跟餐有兩杯50年代嘢飲，揀咗爆爽檸檬茶同酸柑桔蜜，清爽又消滯💯

呢個新加坡米芝蓮2人餐真係幾抵幾好味！ $499 有⭐️蝦皮素肉鬆凍豆腐：呢個冷盤好開胃，放喺一個大大嘅黑色碟上高，好有睇頭～啲豉油同埋肉鬆豆腐好夾！⭐️黑松露墨魚蝦多士：呢個好少地方有得食，真係好有新加坡嘅風味⭐️鳳利涼瓜乾貝燉龍骨：食完凍嘢同埋乾嘅嘢，有返一碗暖笠笠嘅湯⭐️天天海南雞：二人份量嘅雞都好多，而且好滑；呢度嘅調味料都有三款，互相溝來溝去，可以有好多唔同嘅味道🤣⭐️参巴辣椒炒通菜：又係熱辣辣嘅一道菜，係放喺一個鐵竇上邊，啲菜炒得好香⭐️雞油飯：係最好味、又邪惡嘅飯，基本上食完一啖就會好唔覺意想食另一啖，停唔到口😂😂⭐️酸柑桔蜜(凍）⭐️恐龍美祿（熱）呢個二人餐最好係又有湯又有嘢飲，又有好多餸菜，完全唔使考慮，已經食到晒所有嘢米芝蓮嘅級數，但係係平民嘅價錢，唔使去新加坡都得啦😎

Vivian要爆喇…個肚，因為呢餐實在太太太好味，本年度（暫時）食過最最最好味新加坡菜😋Btw，order二人套餐，連Vivian呢d大鳥胃女孩都食到肚皮脹（但太好食，理得個肚皮脹唔脹☺️）MenuOrder左新加坡米芝蓮二人套餐：豆花年代奶茶（左）豆花恐龍美祿（右）2杯飲品都好特別，係底有豆花，同上面嘅美祿/奶茶好夾，豆花好得意，滑doo doo鳳梨涼瓜干貝燉龍骨個湯好鮮甜，仲要冇味精，好好飲海南沙律好特別，第一次食番石榴沙律，同士多啤梨一齊食出奇地好食😋斑斕汁椰香鱈魚（睇個名唔知係炸物配班蘭汁）Vivian要升天了，個汁好香嘅班蘭椰香，鱈魚又炸得好香，2樣野估唔到係咁match，真係要食過先知有幾好食天天海南雞（有雞油飯）巧巧吃，雞醬同嫩滑嘅雞，唔食走寶🥹🥹連個油飯都好好食，不停食食食唔停口海南雜菜煲最後食個菜先，Vivian幾健康✌🏻份量唔少，仲要有粉絲，呢餐好抵

食出新加坡真風味剛剛走過，洽巧見到剛剛有位置， 又見到它被米芝蓮加冕，當然想入去試一試， 平時看到都需要排隊。餐廳一早已備好伯爵茶侍候， 厚厚的餐牌，令選擇困難症的我不知如何是好。 經過與服務員的商議，就叫個二人套餐吧！蝦皮碎肉鬆凍豆腐賣上相當吸引，非常精緻。 豆腐味道清新， 輕輕點上特製豉油， 這個開胃菜，認真一流。黑松露墨魚蝦多士酥炸金黃， 多士上的蝦及醬汁非常惹味， 最教人難忘的是中間有一層薄薄的墨魚滑， 令多士多了一重彈性的口感，亦增加了賣相的層次感。天天海南雞標配當然有濃濃略帶甜味的黑醬油、薑蓉以及酸辣醬汁，特別在於雞件已淋上一層薄薄的汁，令嫩滑的雞更添上的一絲細滑，雞件沒有過多肥肉， 吃得出天然的雞味。配合雞油飯， 更覺得是天生一對。脆皮豆腐粒配新加坡辣椒汁見得出廚師的刀工精巧， 每粒豆腐切得整整齊齊圓滑， 辣汁味道偏淡及稀， 這樣你就可以將豆腐的每一面均勻點上，而不會過於濃烈。整個用餐令我感覺非常舒服， 服務員殷勤有禮，環境舒適，以這個價錢來說，非常超值。

成日經過天天海南雞飯都見到好多人，今日終於有機會一試。第一次嚟就試吓二人套餐，真係抵食好多。一嚟就飲個湯先，有驚喜味道濃郁，冇諗過竟然咁足料。斑斕汁夜香鱈魚鱈魚炸得香脆，而斑斕汁真係好特別值得一試！海南雞同油飯都好好食，配合得非常好👍🏻雞肉夠滑，又好香油飯真係令人想食多幾碗🤩🤩🙏🏻辣椒炒通菜🌶通菜冇渣，惹味好食！不過見到隔籬枱海南雜菜煲都好吸引😂食物整體質素唔錯，價錢都算合理唔怪得成日見到咁多人啦！

同朋友去新城市行街，睇完戲出嚟八點左右，行咗去三期睇吓食咩，見呢度裝修幾靚，同埋天天海南雞真係好出名，以前喺新加坡食過，真係好掛住，就同個friend去食，叫咗個二人套餐，天天海南雞好滑真係幾正，最鍾意個汁，油飯勁香蒜香味，同出邊嗰啲唔同，蝦多士好香外脆內軟，雜菜煲就正常水準，重叫咗一杯水果茶同埋恐龍美祿，食埋豆腐花真係好完美😊開心走…不過到我哋係廁所出到嚟，有個着住制服嘅女人喺度講粗口，原來係門口嗰個接待員黎…我哋入嚟食嘢嗰時都覺得佢態度唔錯，唔知發生咩事，不過公司可能要教下啲同事，始終着住公司衫，成個商場都聽到佢把聲…個感覺唔係咁好食物同服務本身唔差，但係見到咁…下次未必再去…因為好得人驚

今日清明，到沙田用膳，諗住好多人，唔知有冇位。估唔到天天仲有位，就衝左入去。幾年前食過，今次再食，水準都可以，啲雞好滑，個油飯，兩個女清晒。另外，個牛助骨之前未試過，都幾好味。總括來講，呢餐飯唔錯。

一向喜歡吃海南雞，今天特意相約友人前來新加坡十分馳名的天天海南雞飯吃晚餐。餐廳以藍色格調為主，我們被安排到卡位。裝潢和環境也非常舒適和溫馨，餐廳內的裝飾設計獨具匠心，結合了中式和現代風格，讓顧客在用餐的同時也能享受到愜意的氛圍。餐廳走crossover 路線，現在新加坡米芝連二人套餐有折扣，相當抵吃呢！黑松露墨魚蝦多士$109天天海南雞的黑松露墨魚蝦多士是一道美味的小吃，口感香脆，外層裹上鮮美的黑松露醬，內裡則填滿了鮮嫩的墨魚蝦肉，每一口都讓人驚艷。這道小吃也是非常適合搭配啤酒或果汁享用，是下午茶時光的絕佳選擇。另外我們今次點了人氣爆燈的正宗海南雞$199這是一道傳統的海南菜，是海南島的代表性美食之一。海南雞雞肉嫩滑，也有雞味，雞皮也沒半點油脂，入口香滑。三個醬汁中，我最喜歡薑蓉，點上薑蓉來吃，更加惹味。而搭配特製的辣椒醬和醬油，更能突顯出海南雞的獨特風味。雞油飯入味又香，單吃也可以吃上兩碗，用石鍋載著可讓飯保持溫度呢！再加個雜菜煲及飲品，吃到很滿足的呢！

本人係好喜歡食雞，喜歡到無雞不歡又唔會有挑剔。前幾年去星加坡因為就唔啱時間就冇去試天天。上星期帶埋個女去沙田專登試正宗海南雞同油飯。結果，個女話雞肉同大家樂真係差唔多，只係想靠醬油來做出兩百蚊嘅菜？醬油唔使講係食唔出分別喇，而且鷄上面擦左嘅醬汁完全唔好食。雞味係食唔出嘅。油飯呢？完全冇飯香，冇雞味食左半碗已經成口油味食唔落去。完全唔會考慮返食性格比咁差嘅餐廳。如果餐廳買天天個名諗住香港擺上高級餐廳賺錢，唔好意思，你哋唔值。

今晚我同女朋友試左一份新加坡米芝蓮2人套餐，裡面嘅食物真係好豐富啊，而且味道不錯！❤️首先係蝦乾素肉鬆凍豆腐，凍豆腐夠彈牙，加上素肉鬆同蝦乾香味，真係一款好開胃嘅涼菜。🍲然後就有呢款黑松露墨魚蝦多士，外脆內軟，墨魚味香濃，蝦肉彈牙，再配上黑松露嘅香氣，真係一絕！🍤之後每人都有一碗鳳梨涼瓜乾貝燉龍骨，湯底清甜又健康養生，鳳梨嘅甜味配上涼瓜嘅苦味真係好夾，而且龍骨具平肝潛陽功效👍🏻海南雞一定係套餐嘅主角，呢度嘅海南雞非常出名，雞肉好滑嫩，好新鮮，好重雞味，醬汁亦都做得好好，食落真係好美味。🍗食到咁上下就上咗海南雜菜煲，種類好豐富，有菜心、娃娃菜、菇類、粉絲等等，湯底鮮甜，蔬菜清香又健康。🥦雞油飯份量夠1-2人食，每粒飯飽滿有彈牙，雞油味好香！🍚最後，餐飲叫左一杯恐龍美綠同薏米水，不錯！🍹