大都烤鴨 (已結業)

第n次食，而家有得係OpenRice reserve table方便好多。以前電話約要等最少2星期。最近開始攪啲優惠，總之就係星期五、六、日最抵！咁啱我去嗰日係星期四所以多唔多人等位，不過坦白講其實佢都唔貴又唔使一定要等最抵先食點解佢咁好味！呢個烤鴨真係冇得頂，比起其他出品許片嘅皮薄同埋脆，而且凍咗都keep到。大都烤鴨名物果木燻烤片皮鴨，以明火掛爐及果木燻烤方式烤製，更備有「鴨架十食」多款招牌食法。另外我都會推介佢個小籠包，皮非常薄但你點夾都唔會穿窿。

食過幾次大都烤鴨都冇令我失望。今次除北京填鴨外，我哋仲食咗菘子魚。魚夠大條多肉，啖啖肉唔油膩，酸甜汁味道適中，加埋菘子有口感。烤鴨皮脆無肥羔，包埋一般酒樓少有的紫蘿蔔、蜜瓜一齊食，味道唔同又有新鮮感因為想食芝麻燒餅，所以叫咗呢個。燒餅新鮮熱辣，鴨肉末加乾貝粒、菘子一齊炒，夠入味，份量足夠四個燒餅

嚟之前打電話問，之前做既午市優惠仲有無。以下係真實對話：我：請問午市仲有無優惠？呀姐：好平啦，仲想有咩折扣？我：咁即有無折扣呀？呀姐：六八折囉，咁平都要問。我心諗，有折就有折，無就無。我打嚟又唔係問你意見…到嚟食既時候，個呀姐黑口黑面，態度又唔好。食物質素OK，不過以後我都唔會嚟食，貼錢買難受

剛打電話過去，優惠時間縮短。平日兩點至四點半价。上次兩個人去食半價500。很豐富。現在只做下午2-4會稍為趕。正價餐單偏貴就不會去吃。星期一至五都有。值得推介。

突然之間好想食剁椒魚頭，上網搵咗幾間，今日就去咗大都烤鴨度食，貪佢OpenRice訂位有折扣剁椒魚頭真係好好食，好入味，佢嘅小菜都好好味，黃金蝦球同埋四季豆都可以超級送飯，呢個lunch食得好滿足我嗌左個酸菜魚，但我覺得酸菜魚就同平時食嗰啲有少少唔同，呢個係偏甜，我就比較鍾意偏鹹嘅酸菜魚所以我覺得普普通通。我會再去幫襯，因為剁椒魚頭同埋黃金蝦球都好好味提一提大家一定去book位先，因為佢有book位折扣， Walk in係冇㗎，折完之後就好抵食!!

【尖沙咀】大都烤鴨 👍🏻👍🏻👍🏻👍🏻好多年無喺無香港食烤鴨，要食到質素高嘅真係買少見少。猶豫咗嗌半隻鴨定一隻好耐，最後偷聽到隔離枱話小籠包同鍋貼好食，就決定嗌半隻鴨加小籠包同鍋貼。🤣✨北京烤鴨（半隻）$298未食已經睇得到鴨皮色澤好靚，食落去好香脆，鴨肉亦非常之嫩。荷葉餅夠熱夠薄，再配埋密瓜、青瓜、京葱、京醬，一啖食落去，簡直係天作之合。👍🏻✨灌湯小籠包 $16/隻呢度嘅小籠包皮薄餡靚，充滿湯汁，一個字:正！食到最後忍唔住再encore 多2隻添。 ✨鮮肉鍋貼 $15/隻肉餡同小籠包用嘅係一樣，不過鍋貼嘅餡比小籠包再大啲，感覺上好似仲抵食過小籠包🤣兩人前埋單竟然四百蚊都唔洗，點解咁抵？因為星期二做緊7折，俾錢嗰陣都打咗個突。除此之外其他日子都做緊各種優惠，真係唔再去幫襯都唔得啦！😳

約埋片皮鴨愛好者交流吓係開心事，不過試勻晒咁多間都係想找到終極皇者☺️。K11 有呢一間鴨店，本以為是一間頗有口碑，結果感覺只屬水準以上，未至於高質，但價格取勝，確實係夠抵食🌝———————————————————————————🍽北京填鴨🐦💬呢度嘅烤鴨係半隻，亦無即場表演，感覺欠缺咗些什麼🤔，味道正常，唔算太有驚喜，鴨肉混入荷葉飯兩食，超飽肚☺️.🍽江南松子魚🐠💬好似一定會點嘅菜式，賣相唔夠壯觀，但味道又唔錯，外脆內軟☺️.🍽黑松露素鵝💬當零食咁食，蘸下醋汁，加上松露提升味覺，不錯☺️.🍽蜜汁火方💬呢款反而有點失望，青瓜🥒仲大塊過火方，就算有幾多桂花糖都彌補唔到成件事，要好好改進一下🤔

行行吓街突然之間想食片皮鴨🤤就睇吓最近邊度有得食發現原來K11入邊收埋咗間大都烤鴨去到竟然完全唔使等位真係lucky day🤟🏻.入到去諗都唔諗就叫咗個二人餐價錢$400 相當合宜半隻片皮鴨配上青瓜 洋蔥 等等仲有10多塊麼麼每塊麼麼中間都有蒸爐紙相隔唔怕痴住哂👍🏻非常細心片皮鴨既片同肉切得相當均勻每塊麼麼配一件片皮鴨既比例剛剛好☺️另外要讚一下個開水白菜擺盤好靚 好似兩朵花咁 味道亦都相當鮮甜 有驚喜

假日6點左右Walk in，入面好就滿哂人。主要想食片皮鴨所以黎試下烤北京填鴨(半隻) 有半價所以抵食，如果原價就未必考慮，味道正常，過口引ok，份量都算小，我同朋友2位就剛好。淮揚灌湯小籠包熱辣辣，皮夠薄👍🏻竹笙山水豆腐賣相有d衰🤣比想像中清淡，不過我覺得可以接受。想清清地簡呢款都唔錯。金沙蝦球有返碟濃味既菜式中和返上面🤭 滿滿既咸蛋包住蝦球，味道香濃，蝦夠爽口👍🏻 唯一就系d木魚有小小唔襯整體Ok既👌🏻👌🏻

頭盤烤夫😋，北京烤鴨😋，包鴨飯😋，鴨子湯😋，值得推薦。本來想點多些食物，可惜下午茶吃得太飽了一行三人單點一隻烤鴨已經食得津津有味，皮脆內裡不肥不油，越食越想食。包鴨飯第一次試，不過不失，可能之前食烤鴨食飽了😁再飲一碗鴨子湯，全晚已經滿載而歸。下次再食就一定要留定個肚仔慢慢品嚐😆

冇提前預約，去到門口排左大概15分鐘隊，到正式入座先發現到左宵夜時段，除左某些食品，其他一律半價，今日2人行，叫左5個菜同2個湯，服務態度有待改善，未落完單就趕住走咁，但環境都舒服，正式介紹翻菜1.烤北京填鴨(半隻)啱啱上枱鴨皮又脆又好食，夾住配菜食好味得嚟又唔會感覺到肥膩，但想再加配菜一碟要50蚊，所以之後冇配菜就咁食鴨，就有小小肥膩，但值得推薦2.大閘蟹有活動搞緊，買1送1，最少6兩起，新鮮得嚟又多膏，絕對唔係死蟹，個人比較推薦3.淮場灌湯小籠包大隻又多湯，但食落冇太大驚喜，另外醋碟冇姜條4.竹笙生煎包冇乜特別，餡少包多，個人不太推薦5.清水雞湯雲呑個湯冇乜特別，反而入面個雲呑幾好食6.金肘花膠燉津白可能上枱冇即飲，放耐左好腥，基本上冇點飲，個人不太推薦7.乾煸四季豆唔算太入味，但份量十足，唔知係咪煮唔太熟，仲有小小草青味總體來話，價錢吸引，下次會再試其他菜

屋企人講咁好耐想食片皮鴨，最近見呢間星期五嘅片皮鴨有半價！半價咗個價都唔錯，所以一於過嚟試試😝片皮鴨 $568一隻 (圖中係半隻）-片皮鴨個皮係脆的！幾好味-而個餅嘅厚度適中，唔錯！-而鴨就普普通通-半價咗嘅價係會食嘅😋雕花醉雞 $108-份量有啲少，得5-6舊有肉嘅雞-可能食唔慣個酒味，覺得食入口有啲奇怪😂淮揚拾景炒飯$128-入面有菇、蛋、蝦、豬肉、飯-飯炒得算乾爽，又唔油-但個飯味道偏淡-一般 唔會再叫😂二菘炒鴨未配芝麻燒餅 $118-鴨肉臊味有啲重，所以調味都重啲-芝麻燒餅1. 芝麻味唔香 2.個餅無咩味-呢道餸唔會再試😂 一次就夠小籠包 一粒$16-小籠包個皮係幾薄，但個肉有啲少，調味唔夠-唔係我食過好味嘅小籠包雞絲粉皮$88-成道菜都一般般，唔係特別出色，花生醬應該係買一早整好個啲，同係超市買個啲都差唔多總體而言，啲餸菜無咩太大特別，價錢又唔係好抵，未必會未試

黎到緊係要試片皮鴨啦！驚食唔哂所以揀左半隻，但呢個嘅份量算少，唔知夠唔夠半隻😂 不過味道黎講，鴨肉夠厚實，而且肥瘦適中，算幾唔錯，配菜除左平時嘅青瓜，仲有紫蘿蔔同蜜瓜，帶點甜味幾唔錯🙆🏻‍♀️鍋貼同小籠包都好味，餡料用豬肉製成，咬開小籠包有滿滿嘅灌湯，非常滋味🤤配上奶油娃娃菜，平時係屋企較少咁樣煮娃娃菜，口感creamy又唔會太油膩！(不過最後又係叫得太多要打包😂)

每次想食片皮鴨加酸菜魚都第一時間諗到大都烤鴨😋同男朋友已經有點菜嘅既定模式，每次都唔需要睇Menu，食嚟食去都係呢幾樣。🔸 烤北京填鴨(半隻) $𝟐𝟗𝟖如果比起外面其他餐廳食北京填鴨，呢一間嘅份量會相對上比較少，但係味道十分出色👍🏻👍🏻兩個人食，半隻就夠。鴨唔會油淋淋，皮及肉數量平均，唔會太肥🦆配料除咗包皮，仲有京蔥絲、哈蜜瓜條、🥒青瓜條、紫蘿蔔條，醬汁方面有填鴨醬同砂糖🧂我個人比較喜歡哈蜜瓜條加砂糖（超肥😛）哈密瓜條中和左鴨嘅油膩，好match❕🔸 農家酸菜魚 $𝟏𝟕𝟖另一碟Favourite非酸菜魚莫屬🤎有別一般酸菜魚，呢度嘅酸菜魚比較清淡同少油，配料以菇類及酸菜為主。食落有酸味之餘，口腔麻嘅感覺較強，每次食都覺得好過癮😍魚肉唔會太乾亦冇骨，但如果份量多番少少就更好👍🏻🔸 淮揚灌湯小籠包 $𝟓𝟓 小籠包亦做得好出色，小籠包皮唔會好厚，但亦都唔會好容易穿。一籠4隻，每隻都充滿湯同餡料，每人兩隻好滿足😋———📍 尖沙咀河內道18號K11購物藝術館2樓221號舖 | Shop 221, Level 2, K11 Art Mall, No.18 Hanoi Road, Tsim Sha T

之前食過..覺得唔錯幾好食見做緊半價咁抵所以星期五約左朋友一齊去再食但好失望..明明賣相縫好但個片皮鴨冰凍凍完全唔熱🤦🏼‍♀️🤦🏼‍♀️唔知係咪做半價質素差左咁多最後叫職員幫手拎返去叮一叮暖左好食好多…有油脂👍🏻👍🏻但一開始黎左凍曬真係扣曬分冷盤醉雞 味道好好酒味好香👍🏻 值得一試小籠包包薄皮多汁醉雞都小籠包都出色過招牌菜片皮鴨🥶🥶片皮鴨真係敗筆希望佢唔做半價個陣質素會好返同埋如果可以熱就唔會咁失色