大都烤鴨 (已結業)

《製》#大都烤鴨 《號》#烤北京填鴨《貝》$278/半隻（未計半價優惠+茶介）《品》【填鴨】♦️色澤紅潤，賣相一流；♦️皮薄、如、蟬、翼！烤得脆、若、紫、菜！♦️一咬應聲而裂，「嚓」，豐潤鴨油隨之而泌！♦️庖廚匠心，批走皮下脂肪，使得成品不膩口；♦️油脂全自脆皮，卻是綽綽有餘；♦️不禁驚嘆，小小薄片，竟富蘊油香若此！♦️鴨肉香濃，具適度羶味，簡直令人不能自持；♦️嫩滑而多汁，絕不乾柴。♦️份量足，約十片，二人飽食而歸。—————————————————————————【麵皮】▫️夠薄，微韌不易爛，帶麵粉香；▫️熱辣奉上，配濃郁鴨醬，包鴨皮鴨肉，成天作之合。—————————————————————————🔎#老饕鑑鹹_上上品🗂#老饕品_中菜；#老饕喫_鳥📍#老饕赴_尖沙咀🗺️尖沙咀河內道18號K11購物藝術館2樓221號舖

失望，失望，失望，一心來試北京填鴨，餐牌標價 $568 一隻，半隻都要$298，坐低柯打後，（在你面前切，原來真係唔好諗。。）但最最基本的食物要求，居然 北京填鴨 是不夠熱，肯定切定幾碟，放涼了，包鴨皮上枱又唔熱，柯打半隻，上枱得幾塊皮，肉得幾舊，另外加錢，炒义子鴨肉，完全不熱，一早炒定，就上枱，評論。。。差。。差。。差，千萬別做傻仔，做生意做成咁，之前食 星x行 北x樓 北京填鴨 好味好多，及高十班。。簡直天與地 。

我非常之鍾意食片皮鴨 目前食過最好食既片皮鴨係北京食香港一路都係食開普通酒樓級數既鴨係關注組發現都幾多谷友介紹呢間 見到仲有半價好抵食 所以一早經openrice訂位黎一戰我星期六下午2:00入座 唔需要等位店內大部份以卡位為主 坐得非常寬敞烤鴨半隻正價係$298，如果半價黎食大約只係$150，其實係非常之抵食。野食算黎得幾快 賣相非常好 半隻黎講份量唔算少。隻鴨望落色澤燒得好靚仔 唔會過燶皮同肉分開　係正宗烤鴨既食法個皮好有油香！但唔會覺得太油膩要讚一讚塊餅皮，做得非常之薄有個小缺點 就係D野凍得超快慢慢上枱見到D餅皮仲係熱到出煙拎上手唔駛幾秒，已經秒變凍左。D鴨上枱既時候已經只係微暖，等到包完放落口，已經變左凍可能我坐既位置近風口 導致有呢個情況出現。其次想重點推介佢地既小籠包呢個小籠包絕對係我食過最好食既小籠包真真正正既皮薄餡靚包皮好薄 餡既味道適中重點係D湯真係超級多，仲好好味呀！重點係佢呢到可以每2隻咁叫，唔駛一野叫晒4隻。每隻$16。如果兩個人黎食唔想食咁多，都可以就咁叫兩隻。另外我地叫左個荷香鴨包飯個飯無特別，無荷香，只係得D鴨肉同一pat醬料係入面。男友形容糯米雞都好食

尖沙咀閙市搵食，價錢相宜而坐得舒服真係唔易朋友尋覓幾間店舖找到「大都烤鴨」。雖然沒有優惠，不過食物質素及價錢絕對可以接受外面卡位比較光猛，廳房比較闊落舒適，不過無人得閒招呼你，自己斟茶加水😔茶$12/位，自助動手午市套餐：擔擔麵+2件小籠包+豆漿$80十分超值！擔擔麵味道唔太辣，肉碎材料都足夠😚小籠包皮薄餡靚，湯汁充斥滿足感😋麻婆豆腐配白飯超賺，唔覺意食多左😛酸魚之肉質嫩滑，唔太酸，味道尚算可以雲吞雞湯麵🍜⋯⋯麵是清湯，有啲淡飲左雲吞雞湯剛好，有4隻雲吞，細細隻易入口原本想試烤鴨，朋友唔食😔唯有留返下次再試廳房俾人遺忘了，3:30pm送上甜品餐牌告知last order😢已經打算離開，無時間食

突如其來想食片皮鴨跟住同朋友一齊去咗呢間大都烤鴨咁樣我哋四個人就嗌左個四人餐門口裝修夠晒華麗星期日人多等左30分鐘門口附近有落地玻璃片皮鴨師傅現場片皮係等待嘅時間無聊睇咗佢片皮嘅過程相當專業四人餐1488價錢好公道第一道餸上咗牡丹蝦仁第一眼俾佢擺盤吸引住靚到咁搞到我無從入手水鄉紅瑪瑙口感方面好似海蜇雕皇醉豬手濃郁嘅花雕香味口感人口即溶跟住就上咗今晚嘅主角大都烤鴨片皮鴨香脆肉質柔軟薄餅每一層都有牛油紙相隔配菜都有四款洋蔥絲，青瓜，哈密瓜，紫蘿蔔菜膽燉雞湯超好味雞味十足，仲有一粒火腿，兩嚿娃娃菜紅燒花膠遼參花膠同海參食落都好漿口，啲醬汁十分入味，質地都好腍。金腿冬瓜雪蛋白好滑，加少少醋好正開封包拯骨外脆內軟，酸性十足，淡淡香甜黃金蝦仁炒飯材料豐富鹹蛋黃，蝦仁，香蔥，柴魚片10分好味我食咗兩碗想再食但係已經冇晒相當搶手同朋友食我推介呢間價錢實惠

今日約左舊同學聚一聚，大家都話想食片皮鴨，最後就決定揀左呢間位於尖沙咀K11入面既大都烤鴨喇。環境方面，座位闊落，坐得舒服，唔會話逼住逼住咁，所以呢餐飯都食得好舒適。服務態度方面，等位黎講都算快，因為都比較多人等，但我地都係大約半個鐘就入到去。服務員既態度非常好，上菜速度好快，見枱面唔夠位會幫我地執走晒食完既碟。食物方面，咁我地一行4人就叫左4人晚市套餐，食物既賣相都好靚，當然味道都唔差。值得一讚既係呢餐飯既主角片皮鴨。鴨皮脆薄，鴨肉都好嫩滑，食落又唔會好油膩，係必食既一道菜。唯一美中不足既係份量有啲少，大家都食唔夠喉。價錢方面，晚市黎講呢間餐廳既價錢合理，咁既價錢食到咁高質素既中菜就真係無得頂。

好耐冇出去食飯~~所以冇點更新。近排身體狀況好返啲，又突然好想食北京填鴨，所以就決定左去試下呢間位於K11鴻x集團旗下既烤鴨酒家。因為只得兩個人食飯，所以其實都點唔到好多菜，本身係想試水晶鴨肝片皮鴨既~但因為佢最細半份都有八件咁多😂所以見係第一次食，就點反傳統既片皮鴨算~除左片皮鴨，另外都叫左好多點心😝小籠包: 皮薄多汁，做得唔錯。不過味道黎講又食唔出話好有特色，就係普通小籠包既味道🤣但皮既手工真係值得一讚，肉眼可見係幾咁透薄。老乾媽炒茄子牛柳: 其實呢個餸既組合難食極有限😂整體黎講我覺得味道唔錯，茄子夠淋，牛肉正常唔會太難咬，整個餸唔辣。送白飯應該係幾正既。不得不提係佢上菜既時候真係熱到出哂煙，鑊氣十足。而家其實好少餐廳可以出菜出得咁快又夠熱，抵讚！片皮鴨: menu上寫要等20分鐘~結果十分鐘左右就上到菜。兩個人share半隻鴨，份量唔算多(感覺同x中鴨子差不多)，所以都唔會怕太飽。個餅皮雖然好薄同埋係係蒸籠攞出黎，不過真係凍得好快。隻鴨基本上菜既時候都係凍哂的。所以到到真正自己包好哂食既時候，成舊食物都係凍的😟減分。但整道菜比較有特色就係配菜除左青瓜同大蔥，仲有紫薑，呢個又真係第

打電話book枱 book左3點 個時聽電話嘅男人已經勁冇禮貌 當日去到 填曬資料入到去個時先同我講4點要食完我打電話book枱冇提我都算 都唔會係同個客講4點鐘要走人啦 好冇禮貌

星期六的下午仍會有片皮鴨半價優惠，也可配搭二食之菜單，我們4人點了二人餐丶半隻片皮鴨再加單點，竟然會吃剩，份量都真係多，下次可以叫少一客荷葉飯。論片皮鴨，呢個黎到係必食之選，油香豐富，但不油膩。

烤北京填鴨 (1隻）🌮鴨既份量比想像中少，而包皮加埋有10片。配料附有京蔥絲、哈密瓜絲、青瓜絲同紫蘿蔔絲。本身以為加哈密瓜一齊食會好奇怪，但食落又幾清爽🤤鴨皮烤到脆卜卜😚有少少可惜嘅係鴨皮偏瘦，唔夠肥，所以食落冇乜油香味😣鴨肉食落好香，但肉尚算嫩。不過整體加埋晒一齊食有幾好食😋菌皇竹笙湯🥣個湯真係好清好清，有少少菇味。入邊有大量菇，有蟲草花，冬菇，蘑菇。飲落夠清甜😌荷香包鴨飯🍚一客飯有兩個，話就話四人用，但又唔係好夠😣 包鴨飯用炒飯做底，入面加左鴨肉同埋蝦。但我同朋友都覺得比較普通，同普通珍珠雞差唔多，但價錢又唔平🙈鴨肉末麥包🫓一開始以為好似餐牌咁會包好上枱，但黎到時先發現係分開嘅🤦🏼‍♀️不過好就好在個包本身已經開左一個洞，而且可能因為入面唔係可以放太多肉，所以留番客人自己整🤔另外，話就話係鴨肉，但又真係食唔出，話係豬肉都似。水晶鴨舌 🦆食落其實怪怪地，因為個水晶其實係用左啲汁整成，係鹹既。而鴨舌就勝在冇骨，成舊食可以唔洗吐骨🦴

在片皮鴨關注組見星期五六日卜枱片皮鴨有半價🤤所以即刻卜枱試試佢$15/1位的餐前小食有花生同辣菜脯，都幾開胃，但上菜時未食哂就已經被收走🌚🌚🌚$284烤北京填鴨🦆份量唔多，五個人食一隻唔夠喉🥲鴨肉夠厚，但咬落有啲靭，再加上鴨唔夠肥唔夠油，油花不足夾埋皮食都係好冇味☹️夾哈密瓜食幾特別🍈但冇話好夾🥲二食+$98荷香包鴨飯🥬唔夠荷葉香，炒飯底雖然加分，但飯太稔，唔係粒粒分明☹️鴨肉幾乎食唔到，但食到炒蛋同蝦肉🦐$75菌皇竹笙湯🍲呢碗湯係全餐飯最出色👍🏻湯水清甜，足料又冇油👍🏻有不同菇菌🍄蟲草花🪱茶樹菇、大花菇等等，湯頭清澈，夠哂入味🤤竹笙又多又大塊🥰🤤$118鴨肉末麥包🥯一開結以為係將肉塞哂入包先上枱🙈但原來只係開咗麥包洞俾我地自己塞🙈又係一樣食唔到鴨肉咁濟，只係食到好多豬肉🐷豬肉份量都算多$90水晶鴨舌👅失望🥲花鵰唔夠香濃，令成舊啫喱唔夠味，鴨舌都唔夠入味🥲總括而言，片皮鴨冇驚喜🤷🏻‍♀️睇番單除咗$15/1位的餐前小食，原來仲有晚市茶茗$15/1位，再加一服務費🥲加加埋埋叫多隻鴨食都得🤷🏻‍♀️另外未食哂的餐前小食會毛啦啦被收走🤷🏻‍♀️18:00-20:00兩個鐘晚飯時段，19:15就係咁收你

一行四人去到位於K11既大都烤鴨，適逢做緊優惠，實在太過幸運了。涼菜水晶餚肉 - 入口即溶，配搭埋淅醋 好食👍黑松露素鵝 - 好香既菇味，又唔會太油👍👍小籠包一向都係好考功夫既點心，今次呢個皮薄又唔易穿，一咬落去滿口肉汁爆發出黎，記得一定要襯熱食👍菘子魚 酸酸甜甜既感覺配上炸到恰到好處既魚肉，整條魚都係無骨 👍片皮鴨雖然份量睇落去唔算太多，但都好夠食，唔會太油，肥膏刻意地處理左，令到成件事唔會太油既感覺，配搭上哈密瓜，青瓜，京蔥，紫蘿蔔等 口感豐富 出色一行4人埋單折實$900左右，抵食👍推介

烤北京填鴨 (半隻) $298 配：紫蘿蔔粒、蜜瓜粒🍈、青瓜粒🥒、京蔥、京醬、荷葉餅🫓鴨皮烤得金黃酥脆片得好靚🤩皮下脂肪都清曬係燈光照射下金燦燦的影完相再食依然香脆👍🏻咬落去鴨油逼出但唔會覺得油膩品嚐到鴨香味😻係香港食過咁多間片皮鴨哩間鴨片最為出色🥇鴨肉肉質唔韌可以稱得上嫩滑😽無鴨騷味脂肪部份清理得乾淨碟底唔會積聚左好多油🍾唔錯👍🏻扣分位❌唔知點解配料係切粒😓唔夠refresh淮揚灌湯小籠包 $55上枱熱辣辣♨️皮薄多汁💦晶瑩通透可以見到湯汁佔左半個小籠包肉餡唔大尚算鮮甜👌🏻慈禧豌豆黃 $55下層淺黃色既係豌豆黃上層係紅豆糕豌豆黃口感綿密🤩沙沙地既質感又不失細膩入口即化🤤甜度唔高🍯可以品嚐到豆香好味👏🏻整體而言，食物有水準👍🏻主菜、點心、甜品都好食😋值得一試🍽

如果鍾意食片皮鴨的話，呢間確定唔錯，因為啲片皮鴨真係幾好味，但如果他收到嘅朋友仔，就要真係諗清楚，我地四個人仲叫左兩隻片皮鴨+幾道小菜，整體食物都OK，記住只係食物，講到服務質素真係好差，可以話差過稻香，叫員工(其實個男員工著西裝，估計係主任或經理級）加多張櫈同加水，完全唔會比反應你收唔收到，啲茶壺蓋打開左好耐都無人加水，我心諗，等得你黎我自己都行咗去加啦，重點係喺房入面得四張台，有1-2個員工睇四張台，有幾難？無笑容就唔在講，認真..未必會再黎！

最近咁啱想食片皮鴨，咁啱搵到呢間餐廳，咁啱見到佢做緊優惠，片皮鴨半價！！！！真係咁啱得咁橋🤣🤣🤣咁當然要叫片皮鴨食啦！嚟到成個賣相都好靚，有葱絲、蜜瓜、青瓜、蘿蔔條4個配菜，餅皮夠薄仲熱，鴨皮同鴨肉嘅份量都好足夠，鴨皮仲要好香脆，鴨肉唔乾，真係食完一舊接一舊🤤叫片皮鴨嘅時候我哋搭埋叫多個二食，叫咗個鴨肉末麥包(二位用)，呢個喺我哋食完片皮鴨之後先上菜，估唔到有驚喜，肉末味道好豐富，襯埋個包好夾，加上包仲熱辣辣，食剩嘅肉末如果用嚟撈飯真係一流🤤小籠包，皮薄多汁，價錢唔貴 值得一試👍🏻仲試埋個金沙蝦球，蝦肉爽口大隻，襯埋個金沙汁都好夾，唔會太咸👍🏻最近餐廳唔同日子仲有唔同優惠，值得回頭 哈哈