大都烤鴨 (已結業)

好好味的烤鴨！經電話提早一星期訂坐，一去到不用等位，叫了半只烤鴨及一個二人餐，對我們來說份量有點多，但是沒辦法，因為套餐烤鴨套餐內的食物，有幾樣同行友人不能吃，又沒冇其他揀，所以要這樣叫。（如有多一兩款揀更好）套餐內有個鴨羹，原來內裡有豆腐，同行人不能吃，那位經理小姐好好，專誠叫人幫忙做一碗沒有豆腐的比同行友行，真的好貼心。（其實叫佢唔需要，但佢話冇所謂，真的很好）終於主菜烤鴨到，皮十光澤，油份充足，鴨肉爽口多汁，加上配料一起吃，十分好吃，真的值得一試。可以再試的店。 再者此店的員工大部份都很到位及貼心。值得一試。。^^

突然間好想食北京填鴨…於是就嚟咗K11呢間試吓真係入咗先知原來烤鴨半價，真係抵食，又好食，其實食過好多間，北京填鴨真係唔係咁多間出色，呢間真係可以入個人三甲～絕對會回頭😋另外一個好出色嘅就係江南松子魚，脆口得來魚肉不失軟滑，雖然魚味唔夠，但點左嗰啲酸醋汁，再加埋菠蘿，真係好開胃～

鴨皮入口即化，油而不膩，香口有鴨味。薄餅皮夠薄身（透光）且軟熟，入口唔會成口粉、有種漲口嘅感覺。配料上大同小異冇乜特別。原隻先$568，性價比算高。鴨架十食中嘅荷葉包鴨飯就可以唔使食啦，賣相唔吸引，味道淡而無味，冇荷葉香。其他小菜一般，冇乜特別好食唔好食，主要食鴨嘅話，係正嘅。叫咗4碗湯、1個涼菜、2個小菜、1隻鴨、1個荷葉飯、2個點心，再加切餅費、茶芥，加埋先$1161（有折扣），比想像中平，整體來講係抵食嘅，可以一試。

好抵食嘅片皮鴨.朋友之前一行四人已經食過一次,由於唔夠喉,今日再帶我去食多次, 上次佢哋一行四人叫咗一隻烤鴨,今次一行2人再戰一整隻烤鴨.整體嚟講下午茶折扣後非常抵食, 不過可能由於餐廳冷氣太勁所以餸菜整體都唔太熱, 另外叫咗小籠包生煎包, 小籠包非常夠熱, 生煎包夠香脆,有少量肉汁, 但目前為止依然只有上海嘅小楊生煎令我難忘. 值得稱讚嘅位置係小籠包同生煎包都可以逐粒叫. 所以可以食到好多小食仲有我哋叫咗一個荷葉飯, 可能係我見識少第一次食用白飯整嘅荷葉飯, 成件事望落去就好似隔夜飯, 味道都有嘅. 兩個人食一隻鴨已經足夠有餘啦, 所以最後都只係打包走. 總結平平哋下午茶諗唔到有咩食都可以再番兜😋

價錢和食物品質匹配，合理性價比。環境清幽，私隱度高。前菜冷盤肉上有小啫喱幾特別。主菜-烤鴨較厚的鴨皮，口感酥趣，整體不錯。湯羹師傅很有心機把豆腐切得很絲般細，口感綿滑，但略嫌味道太淡，整體一般。上湯菜淡而無味，如果將佢比喻成一個男人，絕對是一個悶蛋。可以話「食之無味，棄也絕不可惜」的一個菜色。炒鴨絲醬汁太多太濃，掩蓋了鴨子本身味道，但整體也不算太差。

大都烤鴨品嚐宴 $538 (兩位用) #加一及茶芥後$618 大都烤鴨 (半隻)🍽主菜~我最最最期待的北京填鴨😍 包着烤鴨的皮超級超級薄!!!!!!!!!!平常吃北京填鴨包皮都超厚，吃幾塊就很飽了，但它卻切得非常薄，所以多吃幾塊都行 !!!!!! 烤鴨配以果木燻烤，鴨肉有淡淡的木香，皮薄而且烤得十分香脆，雖然你看到照片上鴨片表面充滿油脂，但卻沒有想像中膩，如果覺得膩建議配上哈蜜瓜和烤鴨醬汁吃😋 十分推介大家來吃!!!!!! 淮陽雙繡 (醬蘿蔔 / 烏鎮餚肉)🍽前菜~醬蘿蔔咸咸甜甜的，十分開胃，大家亦可留待吃完大都烤鴨後吃，很解膩的 😊 烏鎮餚肉上層晶瑩剔透，像皮蛋般的口感，下層肉質結實，不過小妹沒有特別喜愛這道菜 🙈 開水白菜🍽主菜~它的名字改得十分hea😂 但它來到時有點驚豔的感覺🤩沒想到師傅將白菜弄成花的形狀，配以甜甜的粟米芡汁，十分吸睛 😎 淮陽灌湯小籠包 (2件)🍽主菜~小籠包皮薄餡靚，肉汁非常多🥰 不過要小心，因為皮薄，所以夾起來時有機會弄穿 文思豆腐羹 🍽主菜~豆腐羹很鮮甜，它的主要材料是豆腐和竹笙，師傅十分厲害，把豆腐切成髮絲般幼薄，綿滑得入口即溶，加上竹笙，營養豐富又爽

叫左大都烤鴨嘅2人餐🐟酸魚🍞四喜烤夫🦢大都烤鴨 半隻🍲 元貝鴨絲羹🦐黑椒雙蔥爆蝦球🥗乾煸四季豆🥟淮揚灌湯小籠包個人認為片皮鴨、元貝鴨絲羹、淮揚灌湯小籠包都好好味，但其他菜式就比較遜色。爆蝦球冇蝦味，冰鮮蝦😅另外叫左二菘炒鴨未+芝麻燒餅，因為見好多人都介紹，所以就叫黎試下，但有啲失望。

大都烤鴨北京填鴨係我既最愛之一，所以我成日都迫男朋友同我試唔同既餐廳，睇下邊間最好食。今日就黎試下位於尖沙咀既大都烤鴨。由於有人話好肚餓，咁我地2個人就叫咗以下四樣野。烤北京填鴨(半隻)灌湯小籠包胡南大千烤鴨年糕紅燒肉北京填鴨，店員係未切之前會比你望一望隻鴨先，然後會再拎去切。鴨肉份量算多，而且鴨皮脂肪唔會太多，食落好酥脆，入口滲出淡淡油香，但又唔會太油太膩。鴨肉方面比較瘦同結實，冇太多肥唔肉。 而皮方面都做到好薄好有韌性，唔會好易穿。可惜鴨肉同皮都冇暖爐烘住，基本上第三塊打後已經凍晒。小籠包都算皮薄餡靚，入面既肉汁同湯好鮮甜，唔錯！可惜有一隻既皮一夾就穿咗，浪費咗一隻。而且本人覺得小籠包可以再熱少少，會更好食。胡南大千烤鴨係鴨滋味入面其中一樣，諗住試下呢個烤鴨，點知成碟既調都係偏咸，而家非常油膩。我地夾開啲鴨肉同配菜，成個底都係油，有少少失望。最後，我地叫多個年糕紅燒肉。紅燒肉份量好大碟，粗略估計有多過十舊紅燒肉。呢個菜一上枱就覺得佢色水好似唔係好啱咁。調味方面比較單調，主要都係甜。紅燒肉既品質算唔錯，雖然唔係肥瘦分明，但咬去都好冧身，可惜欠缺咗份油香。整體算係不過不失。

和朋友一起來吃飯慶祝，叫了六人餐。因為想食中菜，朋友極力推薦這間餐廳，所以來一試。位置比較偏僻，上到商場樓上，還要穿越兩間舖頭之間，走到後面，才會找到這餐廳。六人餐的前菜有淮陽五綉。不過由於大家太餓了，所以就沒有拍照。有醬蘿蔔、雕皇醉雞、烏鎮餚肉、水鄉紅瑪瑙、黑松露素鵝。主菜：大都烤鴨 6人餐是有一隻鴨的，分兩碟，照片是一半的份量。他的特色是沒有脂肪，皮很脆，肉就很瘦，但瘦得來不會實，所以不會說吃兩舊就飽肚。淮陽灌湯小籠包（六件）湯汁熱度啱啱好，熱辣辣之餘不會辣口，湯汁完美，肉餡正常水準。金肘花膠燉津白一人一碗，有大大嚿花膠、娃娃菜、一粒金華火腿。湯略咸，不過餡料充足。京城黑鑽蝦球蝦球非常好食，值得一試！淮陽拾景炒飯 正常水準。可能是前面幾道菜都非常超班，所以顯得炒飯就比較普通，但其實單獨來看也是高分的炒飯，飽肚之選。金瑤木耳浸菜苗比較驚喜的是，瑤柱落得挺多，差不多每一啖都會有瑤柱。而且，湯汁非常清甜，浸得菜苗也很清甜。最後一道，江南崧子魚 朋友說一定一定一定要吃。我在別的地方也吃過類似的菜式，感覺好味程度差不多。不過朋友們都大讚，他的特色就是有點像咕嚕肉的汁，和沒有骨的魚，而且是炸得

昨天和小姐, 老爺去吃了大都烤鴨, 連我這個工人都覺得難食.個荷香包鴨飯, 街邊求其一間糯米雞好食過佢多多聲.初時以為收得你$138, 最少係似荷葉飯咁, 用烤鴨鬆炒下底, 再用荷葉包住蒸到香噴噴先上.佢餐牌係寫需時20分鐘咁, 應該係用心之作.結果, 只是白飯包住食剩烤鴨肉, 有兩粒蝦包埋, 有pat類似烤鴨醬物體, 包住蒸熱上.  係超級難食.雞絲粉皮, 呢D cheap cheap 野, 細細碟收$88, 三個人食咗$600蚊,  真係把鬼.可能因疫情原因, 去得K11食野, 本來應有的服務, 亦冇了, 要下下企起身, 走出去找小二.  唉.冇下次.  疫情祝它好運吧.  

烤北京填鴨(半隻) $298 鴨皮香脆🤤輕輕一咬鴨油噴出黎🤩好正大都烤鴨既鴨皮真係無敵💯鴨肉尚算嫩滑👌🏻肉質唔會好鞋瘦多肥少脂肪位置有切除幾貼心😽餅皮🫓係現成加熱的♨️帶少許麥味🌾質地較薄 唔夠煙韌、無彈性😕二菘炒鴨未(芝麻燒餅) $138 鴨末🌮呈肉碎狀有肥有瘦調味幾好👩🏻‍🍳炒到十分惹味無鴨騷👏🏻芝麻燒餅燒餅🫔薄、酥脆面頭芝麻份量十足 香口🥰本身無諗住嗌見差唔多枱枱都食🍽就即管試下質素比預期高😇雞茸小米粥 $48 唔太似粥似小米羹多啲🙊小米無煮到綿既狀態 有少少雞肉碎🐣同杞子味道清淡養生暖胃♨️

第一次食飯飯到咁嬲，平常食餐廳都唔會比食評，今次真心覺得難食，我叫左半隻烤鴨，兩粒小籠包，兩粒黑松露小籠包，一個黃金蝦仁炒飯。冇樣野係熱既，連新沖過黎既茶都只係暖，煙都冇，然後個鴨好羶！價錢寧願去深井食，根本唔值得入去食！然後個小籠包個湯汁有陣臭肉味，以16蚊粒同24蚊粒價錢黎計完全！係完全唔值！然後25蚊位茶錢，你老x你比壺暖水我？成餐飯食到成肚氣，唔會有下次再幫襯！仲話片皮鴨關注組？有水準？吔x啦

環境舒適，以灰色磚牆加上少量裝飾和木架襯托，配上梳化卡坐，既高雅又夠私隱度。 午餐每個餐也有凍熱豆漿，小碟，另外有熱茶。小碟每天不同。粟子炆鴨架， 粟子粉糯，鴨件入味。醬汁送飯一流。推介！回鍋肉，豬肉爽口。

〔 烤北京填鴨半隻 〕 $298 .份量比想像中較少, 配料就分別由薑蔥/哈密瓜/青瓜/蘿蔔絲, 鴨皮烤到好脆口, 而鴨肉保留住鴨既油香.〔 鴨鬆鴛鴦湯飯 〕 $128 .湯多飯小, 湯同飯既比例好大對比, 味道方面很好, 就係飯小左啲.〔 淮揚灌湯小籠包 〕 $55 .小籠包充滿湯汁, 味道有點偏淡.(好味指數: 8/10)

千其…千其…千其…千其…千其…千其…千其…千其…唔好點 辣子雞 辣子雞 辣子雞 辣子雞 辣子雞 辣子雞！！！！！！！！！！！！！！！！！！！！！！！！！！！！！！片皮鴨啲薄餅一陣就凍咗變硬😑點左個辣子雞上到黎變成辣子麥樂雞➕兩條鴨舌，完全好似人地食凈嘅撈埋一碟咁…海蜇頭還可以，但比較貴咯…開系k11真系好難諗點解系咁嘅水準…男朋友食完第一反應系覺得浪費人生，浪費金錢，雖然唔算貴，但唔值咯，鐘意食辣子麥樂雞嘅可以去試下😂