影片
更多
2013-01-08
82 瀏覽
有人鐘意食北京填鴨，今次黎左香港，我係網上搵到呢間，見 d 評分都好高，抱有好高期望。星期日中午 12:30 食，早一日訂左位，電話入面對方話得返長檯，圓檯全被 booked，無問題。共七個人，但真正食既只有四五個。遲到 15 mins，唔需要等，直入佢地帶我地去左張圓檯.. 仲好。當時餐廳無一半滿。睇到呢度既 comments 話只係烤鴨好食，所以今次主力係烤鴨，想叫兩隻，其他乜都唔食，個 waitress 話驚太多，諗下又係，不如叫完一隻睇下份量點先算，而且一次叫兩隻驚擺係度好快凍。佢話大約十分鐘就有。叫左隻鴨 ($298)，一罐 coke zero，一個 $68 既雲吞雞湯麵餐。個 waitress 嘗試同我地 sell (亦可能只係提下) d 特價一鴨十食，無要到。問佢可唔可以餐後囉走個鴨骨架，答案係唔得。第一次食鴨唔比人帶走個鴨架。原來我地買既唔係整隻鴨，只係皮同肉係屬於我地既。雲吞雞湯麵餐先來，雲吞雞湯同麵係分開兩碗裝住，係比兩個小朋友食既。味道 ok，麵質唔錯，似係手拉面。鴨到。係個 waitress 捧過來比我地過目。無研究過呢隻鴨係唔係全場飛既樣版鴨，每檯都係睇呢
星期日中午 12:30 食，早一日訂左位，電話入面對方話得返長檯，圓檯全被 booked，無問題。共七個人，但真正食既只有四五個。
遲到 15 mins，唔需要等，直入佢地帶我地去左張圓檯.. 仲好。當時餐廳無一半滿。
睇到呢度既 comments 話只係烤鴨好食，所以今次主力係烤鴨，想叫兩隻，其他乜都唔食，個 waitress 話驚太多，諗下又係，不如叫完一隻睇下份量點先算，而且一次叫兩隻驚擺係度好快凍。佢話大約十分鐘就有。
叫左隻鴨 ($298)，一罐 coke zero，一個 $68 既雲吞雞湯麵餐。個 waitress 嘗試同我地 sell (亦可能只係提下) d 特價一鴨十食，無要到。
問佢可唔可以餐後囉走個鴨骨架，答案係唔得。第一次食鴨唔比人帶走個鴨架。原來我地買既唔係整隻鴨，只係皮同肉係屬於我地既。
雲吞雞湯麵餐先來，雲吞雞湯同麵係分開兩碗裝住，係比兩個小朋友食既。味道 ok，麵質唔錯，似係手拉面。
鴨到。係個 waitress 捧過來比我地過目。無研究過呢隻鴨係唔係全場飛既樣版鴨，每檯都係睇呢隻。
再過一會，主角到。兩碟鴨，上面舖住 d 皮，下面係肉。另外兩個長條形連體既碟，共四個位，裝 d 夾皮用既蔬果 ，無錯係有果...)，仲有兩碟甜醬，正確黎講係海鮮醬。爭 d 唔記得講仲有兩籠餅皮。
先講醬，係海鮮醬而唔係正式北京填鴨所用既甜醬。
再講配菜，一盆四碟。睇下有 d 乜... 青瓜絲 ok，大荵絲，都 ok 喇，但唔太夠味，橙色既哈密瓜絲，唔係掛.. 最後係紫色既唔知咩菜頭之類既絲，汗顏。
鴨- d 皮片到好薄，皮下脂肪完全無晒。食起上來，好奇怪，鴨肉同鴨皮都無鴨既特有味道。其實大家樂既燒鴨都有鴨味喇，點解呢度既鴨完全無鴨味？睇 d comments 又話呢度 d 鴨係用咩果木燒喎，我食完想講：人講你又信？你食得出有半點既碳燒味咩？人云亦云既人都真係幾多，最囉命係個 d 人自己食完都食唔出先係最奇。
夾晒 d 野落去個餅皮真係，唔係話難食，事實佢又絕不難食，但唔覺係食緊北京填鴨。
d 皮好薄，但小心搣開都唔會爛既。d 皮份量唔夠，叫多左一籠，好似 $28。
後來又叫多半隻鴨 ($168) ，一碗荵油麵 ($28 or $38)。
食緊最後一碟時點知無喇喇有個 waitress 又捧左半邊鴨過來比我地過目，話係我地叫既.. 原來係樣版鴨.. (諗起我地食緊呢半隻鴨佢地好似漏左比我地過目呢個 step.. 程序錯誤，協調問題) 當時唔肯定係佢地以為我地半邊鴨未來搞錯左定係乜，但係最後佢地都無真係再有多半邊送過來。所以肯定送鴨過目呢樣野只係綽頭。你食既同你望既係無關係既。
埋單 $822 ，計五個人既話每人$160，唔平。唔記得 check 佢有無計個兩個小豆丁既茶錢。
唔會再幫襯喇。北京酒樓執左後唔知去邊度食填鴨好，有無提議？
行出門口，見 d 片鴨廚師背後有個貌似爐既物體掛住 d 鴨，下面有 d 木，但唔著既，又係樣版... 唉。
張貼
