大都烤鴨 (已結業)

年三十晚，行開K11, 又差不多晚飯時間，又見到間鴨店，咪攞張飛，半粒鐘後又有位喎。第一樣個帶位，好似我地入黎黑咁，同我地講:「得個半鐘」全程無禮貌，無尾音。跟住叫餸啦，叫半隻鴨，鴨飯，湯，醉鴿，菌，蘿蔔，甜品叫上。個仕應全程用腦記，完全不用紙寫下，又我們無乜點理張點菜紙，結果個菌係變成叫上，又多咗個鴨舌，諗住同佢講我地無叫，點知佢地十七個堅持話我地有點食，算，食埋都無乜所謂，但結果係打包個鴨飯。但最經典嘅係個鴨湯，收得我幾十蚊個湯，居然俾個凍湯我飲，同仕應反映佢地一句對不起也無，就收走個湯再反熱就算。全程食咗約九佰，服務同出品真係差咗尐。你地年三十要開工係辛苦，但開得門口做生意，個出品，同服務一定要改善囉！

闊別成年無來吃烤鴨了，年多次前真的差不多個個月來，之後縱然有烤鴨癮起，但礙於時間不夾，都沒有再來。上回癮起時在那間胡同烤豬頂過吓，但好唔掂。幸好老友原來一樣有烤鴨癮，話訂埋位去食，哈哈，拍手都來不及啦。8點去到，要等位，因為頭輪客未交枱，大約等了10分鐘就有枱，馬上叫半隻鴨先，喜歡佢隻鴨是皮部份已經去了肥膏，吃起來沒捨油利感覺，傳統的烤鴨都好油油濟濟，包那塊皮都好厚，而這裡就好薄皮，但好像比以前細隻左囉，因為我們兩人吃晒都未有飽肚感，以前只吃到3份2碟就好飽了，價當然加左，以前半隻$190, 現在要手$220, 小籠包這裡$42／4只，算是不錯的。因為兩人，點半隻烤鴨加個湯 加個小籠包同一個甜點，都好飽飽了，埋單$430, 這裡好像無以前咁旺，往時一直到9點幾都有人等位，兩位吃8點的客人像我們,食物一吃完就收，待應猛咁問你仲有無野點，吹迫你埋單，好幾回都是這樣，很不是味兒便沒再來了，而今回，8點半左右都有好幾桌沒客人，所以坐到9點幾都無待應迫你埋單，感覺又很不錯了，鴨癮起一定會首選這家囉。

之前黎食過, 對佢嘅酒糟鴨肝念念不忘 , 趁住小妹生日+Christmas就再黎食過啦 酒糟鴨肝$98雪凍咗好似牛油咁, 又有鴨嘅甘香, 夾一片青瓜, 減輕油膩感,  絕對令你食過番尋味雕皇醉雞$75一般啦, 骨多咗啲, 唔夠食 梁溪小魚$98炸得乾咗少少, 食落唔夠新鮮, 唔多扺食(´･_･`)陪碟嘅脆米吸咗炸魚嘅濕氣, 都變得淋咗食唔好食鎮江餚肉$60餚肉切成花形, 夾起望落晶瑩通透, 味道都唔錯鮮肉鍋貼$42有小心燙口嘅貼心提示 , 打棟夾起尖端向下, 咬嘅時候肉汁流返落碗裏面, 肉汁真係好多如果唔係咁食, 坐隔離個個就可能會中「箭」喇 蔥油大餅$32好有蔥香味, 遠啲都聞到, 個餅好新鮮煎得幾好, 唔錯淮揚灌湯小籠包$42普普通通啦, 湯汁唔多蘿蔔眉毛酥餅$38睇相幾大粒, 實物黎到好細粒 蘿蔔絲粗得黎唔淋, 雖然個酥餅手工好靚, 但整體黎講就差啲生煎包$42年糕紅燒肉$118年糕都幾入味, 紅燒肉食下又一舊食下又一舊! 就咁食好過餸飯 *睇返張單先知頭盤個幾粒生果每位收$10, 三位同四位個份量都一樣, 覺得唔係咁抵 **粉紅色菊花造型嘅冷盤一枝獨秀要早一日訂*

這次lunch time沒太多時間 選了近公司的這間但....真的沒有下次片皮鴨還算正常我之前吃過的是肉會用來做其他菜色但它會跟鴨皮一起給我包著吃的黑松露小籠包...湯汁差而所謂的黑松露只是包上那一點並不是拌在小籠包肉裡看來是我想多了花螺有小許辣味.....還算正常鴨湯因為我一向中湯都喜愛"老火湯"而這個..我又想多了它煮得不夠時間湯味淡得只像有味水一樣最後還點了荷葉飯這個亦是差醬是大帶甜的炒飯都炒得不好蛋跟飯的味道是分開再加上甜醬.....真心...我不喜歡

約了慶祝食生日飯已book位，但都係企係門口等坐低左，奉上兩小碟生果 -- 火龍果 + 提子提子好甜，我1個人攻陷哂先上小菜呢個酒糟鴨肝係朋友推薦的就試一試係好食，不過好"漏"唔係太肝類食物的人好難清得哂怕膽固醇的可以免叫，除非好多人同你一齊share另外叫左個鹵水雙拼乳鴿拼鵝片鵝片有點厚但乳鴿反而好味 ~~ 招牌菜 -- 烤鴨1隻(上圖只屬半份)個皮烤到好脆而且有少少肉跟住底唔會好似出面咁，真係只係俾皮你，d肉佢拎走哂我覺得有皮有肉夾住黎食先好味叫左一鴨二食，d肉炒左個菜，不過無影，因為掛住食個菜都幾ok ~不過好酒呢個飯好味呀d飯粒可以炒到粒粒分明d蝦係爽口的非常好味

We 've booked a table for dinner gathering. Only 6pm or 8:30pm available and we have chosen 8:30pm. Table is ready at 8:15pm. Efficient staff. However the food amount and quality are coming down (compared with last year). The roast duck is OK while the other dishes are just ordinary, similar to many round-the-corner eateries but the portions are smaller. Pork dumplings (xiao lung bao ) look a bit dry and not juicy. Maybe the high rent in K11 is 'eating away' the quality.

想吃烤鴨於是來了大都。入座後先上了一盤水果，火龍果和紅提子。我們三個人叫了一隻烤鴨，一份農家酸菜魚，一份小籠包和一份上湯豆苗。甜品是豌豆黃和南瓜湯小丸子。烤鴨還是有功底的，看端上來擺盤的樣子就知道：鴨肚子的脆皮片成薄片舖在上面，鴨肉在下面。蘸料除了甜麵醬還配上白糖。這一看就是正宗的北京「大小姐吃法」（鴨肚子不帶肉的脆皮蘸白糖直接吃，據說是有錢人家大小姐才吃得起）。捲餅的皮兒薄到透明口感卻很韌，卷上烤鴨真是太香了！小籠包不過不失，皮薄餡香湯鮮美都做到了，蘸的醋裏是姜茸而非薑絲，還是有心思的。農家酸菜魚非常可口，酸菜湯裏有花椒的香氣還有一點麻辣味，想起來都叫人咽口水。魚片彈牙煙韌，蘑菇和酸菜爽口，湯更是解膩開胃。推薦！上湯豆苗也是不錯的，現正豆苗當季（秋天），食材新鮮自然好味道。甜品是豌豆黃和南瓜湯小丸子。我是一個對豌豆黃很執著的人，這家的豌豆黃戴了「小紅帽」（紅豆糕）我就不太喜歡，且豌豆黃稍微太濕了一點。南瓜湯小丸子倒是出乎意料的香甜軟糯，不過忘記拍照。總體來講非常滿意這一次的晚餐！若要說還有任何美中不足的話，鴨子還可以更熱一些。捲餅還好，若直接蘸白糖吃，要溫度高一點才好。還會再來，下次

一直想試下呢間係K11既大都烤鴨但好難約到一圍人咁食片皮鴨有日同呀媽諗住再睇下佢地既Menu價位見到原來係有細份量既片皮鴨選擇:^0咁得啦唔好諗，去馬！茶品揀左龍井老老實實我就唔識品茶既但佢味道夠濃而且好香，苦得黎幾清，為之後既肥仔裏做好準備:^D片皮鴨（半隻）色水啡中帶紅，外皮香脆可口重點係佢稍泛油光，但食落係完全唔會覺得油膩既其後Instagram一位朋友指出係片走油脂層既新式做法因此係只嚐油香卻不見脂影XDD鴨肉濕潤軟稔，肉香濃郁又易嚼咬配料都好特別，佢地係有哈蜜瓜同心裏美（都係嗚謝IG朋友XD哈蜜瓜水分不多，但食落清甜爽脆，連同鴨皮食都幾解膩心裏美既顏色感覺高雅，微脆，味道清淡，又係去油膩之選所有配料都切成相約長度既條狀，包起黎好方便餅皮十分透薄，但包埋又唔會話好易穿爛帶有少許韌度及水分，不會黏口難嚥咀嚼之下會散發出陣陣麵粉香氣及甜味醬料係可以任加既，不過餅皮同配料就要加錢先可以添胡同牛肋骨賣相又幾得意，唔只有肉塊，仲有番條骨擺盤（Y）牛肋肉大塊厚身冇失場，睇得出真係大大方方唔慳皮:^DDDDD肉質稔嫩不韌，本身仲擔心佢塊塊都>1cm會唔會韌到咬唔開XDDD顯然是多慮了

肥鴨有罪：肥鴨，你搞到我肥哂，你認唔認罪！哈蜜瓜配香脆片皮鴨，死未！前日約了好友到尖沙咀吃晚飯，不知吃什麼所以到處走走，想滿足自己三個願意，一)夠安靜二）好食，三）好坐，走到K11見到大都烤鴨靜靜地，又舒服，即管走去試一試！我們叫了二人份量的大都烤鴨品嘗宴HK＄548 , 加一HK＄718.3。牡丹蝦仁-青瓜伴碟造型像葉，蝦仁像牡丹花，賣相好吸引。醬蘿蔔-蘿蔔爽脆，醬汁味道很好！灌湯小籠包－皮薄湯汁多，肉汁鮮甜。花膠燉津白－花膠一大片，非常有咬口，真材實料！招牌烤北京填鴨 (半隻HK$220/ 壹隻HK$380)- 片皮鴨跟外面食法有不同，服務員把配菜上枱，隨了京䓤、青瓜絲、還有紫蘿蔔絲和哈蜜瓜，令我覺得很有新鮮感。醬料方面，有京醬和沙糖，我試試先把鴨皮沾點砂糖入口, 砂糖慢慢融化, 再配香脆片皮鴨，味道很好。一籠六件的荷葉餅，比一般餐廳用的薄餅薄身，入口煙韌又軟滑。荷葉餅我喜歡薄身，因為配上京醬味道較濃郁，而且入口比較軟滑 ，不過朋友喜歡厚身，因為覺得薄身荷葉餅不過煙韌。鴨皮片得很薄身, 夾起一片鴨皮沒有連著太多脂肪, 吃起來表皮香脆，入口感覺不太油膩。湖南大千烤鴨架－熱騰騰的瓦煲裡

很久很久以前，友人對著K11外牆的廣告牌說找天想試試這間烤鴨。但友人多是吹水爲主，最終也只會去飯堂……一個只有兩間餐廳選擇的商場吃飯。想想看，這樣的日子也有八個月，真不知我怎會肯八個月吃同一間餐廳，哈哈。可能女士比較在意飯後甜品而不太在意主食。一天和同事A午後逛街，見到大都烤鴨那玻璃上的烤鴨超吸引，而午餐選擇頗多，第二天便捉同事B一起吃。環境舒適，以灰色磚牆加上少量裝飾和木架襯托，配上梳化卡坐，既高雅又夠私隱度。 每個餐也有凍熱豆漿，小碟，另外有熱茶。小碟試過鳳爪，豬手，醬蘿白等，每天不同。雲吞雞湯麵餐，$65，更有雞絲粉皮，不過雲吞雞湯麵是指雞湯，沒有雞件。把麵親手沾上雞湯吃，頗有風味，只是味道較清淡，不太合我們。另外必點粟子炆鴨架，$65。粟子粉糯，鴨件入味不鞋口。醬汁送飯一流。推介！回鍋肉，$65，蔬菜多，豬肉也爽口，如果能帶小辣會更惹味。之後也吃過滑蛋蝦仁，中規中矩，最喜歡看滑蛋蝦仁那半透明的蝦身。吃後把圖片發給友人，說吃了九萬幾分鐘前佢說會跟我去的餐廳。忘了佢回什麼了，只記得是很厚面皮，可惡。

Lunch time 過海到尖沙咀食飯跟行去LKF/Soho不會差太多時閒但選擇就多好多。所以我跟同事確定到地鐵站一上的K11商場隨便選一間餐廳。到了K11一路上電梯上到其中一層看到有好幾間餐廳便沖進去了不需等位的大都烤鴨，因爲同事說夜晚來的話通常都要排長龍。這裡裝修都挺豪華，還掛了像水晶的燈。不想用腦叫菜便點了個二人套餐。先來了前菜，some kinda 豬肉和蠔油菇菇。菇菇很細心的切開還有很香的麻油味。之後上dish的次序已經不記得了，反正飢餓時來甚麽都會吃吧。。。以下圖片次序不分前後 - si油皇鴨條炒菇菇，小籠包，菇菇竹笙燉湯，si油皇炒麵，豆腐蒸魚塊。真是很多菇菇和si油皇炒東東的一餐。價錢不算平。On average 些食物味道我覺得偏淡，不足夠令我有十分的開胃。如果晚飯需要排超長隊我一定不會來。走時看到對面餐廳滿座兼排長龍我終于明白這裡為甚麽有那麽多空位。

照片裡的食物都十分美味另外還點了小籠包,蔥油餅,紅燒魚頭,干扁豆角等特別難忘的有冷盤中的蝦仁吃著有一種與別不同的鮮調味也是恰度好處就似是沒有油的清炒河蝦仁北京烤鴨其實一隻鴨是有兩碟的份量相片裡只是其中一碟放面的是香脆的鴨皮底下還有細嫰的淨鴨肉餅皮很黏比較難一片片夾起但這可說是我吃過最美味的京鴨麵皮可能用了澄麵 口感濕潤煙靭鴨子真的沒有多餘的油脂 令我感到難以置信呢花膠燉雞湯這個湯無論在用料、火侯、調味方面水準都很高花膠真材實料 燉煮時間掌握得好湯是清淡中透出雞的精華的那種無添加味道喝完後感覺十分滋補能品嚐到美味的濃油赤醬真的十分滿足就像是出自老師傅的巧手 味道繞樑三日

一早book定枱， 但都等左差唔多成個鐘先有位…為咩呢？ 為左隻鴨！但係咪食左太多次令到人都無咩驚喜呢？ 已經無初初咁好食了！ 所以又試埋佢既小籠包同擔擔麵， 都ok, 湯底很濃很香辣！ 今次仲點左個唸住影相好靚既娃娃菜花…真係只可影相， 不說味道了， 因為都無咩味道可言！

評： 新鮮上碟，超，鬆化，一碟三件，可以加多歌件。8/10評：鍋貼，無特別，左邊是素，野菌味，沒有汁，內裡沾口，無咩味，要加醋食。另一款是普通小龍包。7/10評：好好味，又脆又有內料,好夠蔥味，正8/10評：半份大都烤鴨，皮脆，肉有少許"聲"，加醬就無呢D味，D配料好好味，都幾新鮮，不過份量比較少，如果你不選鴨兩食，個外殻同其他肉就沒有。我會比較喜歡鹿嗚春。評：個燒餅比平時的小，呢道是兩客，加埋四季豆同肉，好好味，有D菜比較脆8/10評：個湯底花生味重同好糖，我不喜歡，個麵就幾爽。評：個麵配湯，有雲吞，個湯是重點有件雞肉同少少火腿，OK都不錯。$50 ＊大家留意，茶介連，小食(果碟) ＄15一位，再加一。5人食飯，已收$75，未連加一。總評：不過不失LA，未去過可以試一次。裝潢都OK既，有個IPAD 既大陸平板俾你睇，不過未可以用平板take order

K11 的大都烤鴨店開業初期經已備受好評，除了名字令人聯想起北京人氣烤鴨店「大董」之外，大都的招牌烤鴨特別以果木製造出煙燻效果來燒烤嫩鴨，也令大家食指大動。不過近期數次光臨大都，發現服務開始走下坡之餘，出品亦沒有開業初期的高水準。 繡球腎仁, 3/5頭盤的繡球腎仁主要是吃刀功，腎仁砌成繡球般的外型，口感爽滑，但味道略為普通。 蝦籽美人腿, 3/5蝦籽美人腿是每次到來必點的菜式，貪其爽嫩的口感，不過今次同樣是空有賣相，味道沒有以往的那麼滋味。 烤北京填鴨, 3.5/5當然亦是每次到來必點的重頭戲，填鴨依舊是皮脆肉香，只是感覺沒有了之前果木煙燻過的味道。 荷葉包鴨飯, 4/5每次見到這款荷葉包鴨飯，也是説同一席話，賣相可否吸引一點？這道菜絕對能夠保持水準，醬汁濃郁，加上香氣四溢的鴨肉，簡直是啖啖滿足。 雪菜毛豆百葉, 2/5些少菜蔬可幫助中和一下鴨肉的肥膩，較清淡的雪菜毛豆百葉似乎最好不過。可惜越簡單的菜式往往越容易失手，這道菜不點也沒有太大損失。 金陵驢打滾, 4/5想不到甜品居然將熱葷技術性地撃倒，第一次吃這款金陵驢打滾，味道有點似紅豆糯米卷。口感軟糯可口又點少許煙韌，吃落