大都烤鴨 (已結業)

自從幾年前第一次試過大都烤鴨，近幾年如果想食片皮鴨都會黎返呢度。可能個人口味關係，特別鐘意佢地嘅片皮鴨係因為佢地d皮會完全去油！所以塊皮又薄又脆！加埋佢地d配料又特別，有青瓜、哈蜜瓜、紅菜頭等…食落有種好清新既感覺。多數黎食都會叫埋「一雞兩味」…食埋佢個荷葉飯！因為佢呢個飯都做得幾出色，味道好好！上台個樣麻麻，但埋攪兩攪就會好正！～haha除左上面兩味之外，通常都會搭多樣小食同一定會叫個甜品！最近一次小食揀左黃金豆腐^^其實呢味係好難整得唔好食的。而另一個每次必點既係佢呢個甜品 － 貝勒燕蕃薯！ 最好3－4個人食～如果唔係可能食唔曬～話曬都係蕃薯嘛！

相约乾親往尖沙咀睇國慶煙花，選擇先到大都晚飯，因在前一日決定，所以只剩下卡位，四個大人加一個小朋友亦坐得舒服。點了半隻烤鴨，三個冷盆一水晶鸭舌、蠔油蘑菇、牡丹蝦仁，京烤肉伴蝴蝶餅，叉子燒餅，小籠包，生煎包，清炒豆苗，甜品是紅豆糯米卷。三個冷盆做得精緻，唯蘑菇太重麻油味，京烤肉冶味但醬汁略甜，所有點心佳水準之作，蝴蝶餅鬆軟，叉子燒餅香脆，小籠包及生煎包肉汁豐富，烤鴨皮脆肉嫩，有驚喜!配料增添紫蘿蔔及蜜瓜有新鮮感，每張夾餅皆用墊纸分隔，很有心思，糯米卷清甜可口，美中不足是豆苗过咸。總结整個晚餐味道有驚喜，分量適中，座位及服務令人满意。

與鴨有緣，這天特意來品嚐鴨子慶祝，在很早前已訂座。可是，當天準時到達，卻還要多等二十分鐘才可進內，真不知道訂座的意義何在而且店員亦沒有作解釋，只好繼續在店外呆等！未開始吃已收取每人廿五元生果茶錢，忘了影那碟所謂的生果，二人份量分別有4、5粒發黑的提子和幾舊哈密瓜，黑哂都拿出來，真的寧願你切幾舊橙好過散叫了後才發現點的食物跟套餐差不多，套餐當然較划算吧今晚主角當然是烤北京填鴨，鴨可選半隻及全隻，這是半隻的份量。先說色，單看賣相已經十分吸引，薄薄一片一片地鋪上，色澤亮麗底下還有些鴨肉；再說香，一呈上已經聞到陣陣油香，完全嗅到那新鮮出爐的香氣，恨不得馬上放進口裡；最後味，皮片得夠薄，沒有半點脂肪在皮下，烤得香脆可口，表面看似很多油，但吃落卻沒半點油膩之感，而且那油溢出的味道，是我吃過最好的配料還比平時的多，有紫蘿蔔絲、青瓜條、密瓜絲、京蔥、京醬、砂糖，除了京蔥，其他都被我吃光光，蘿蔔絲沒什麼味道，大概都只是用來增添口感，京醬不會過鹹挺好，撒上砂糖更能提升味道小籠包皮薄多汁確是不錯，但亦因為皮太薄，一夾起即破，吃起來有點狼狽！黑鑽蝦球其實是用黑蒜炒的，加上三色椒和洋蔥，不知怎地味道令我聯想起豉

烤鴨店，訂座仍要等二十分鐘，這服務確實一般，不然訂位有甚麼用。在門外等候時，看見師傅的刀工細膩，鴨皮、鴨肉切得非常薄。餐牌就像雜誌一樣。餐前小吃是這二款水果，想同店員講聲：「講真，比你出街食飯，碟餐前小食啲提子黑晒咁你都唔開胃啦？」這所謂小食好像還要十來元，真是難受。半隻烤鴨配料有紫蘿蔔條、大荵絲、蜜瓜絲，糖及醬油。包鴨的麵皮以紙相隔，不怕黏在一起，底下的也可以保暖，不錯。醬油帶甜不太咸，能吊味，不錯。蘿蔔絲只有顏色，味道清清的。鴨肉不肥不瘦，瘦處不會痴牙，肥處也不見肥膏。鴨皮極薄，脆香而不膩。加點糖更加脆口，也可添加甜味，再多一重滋味。建議將大荵、肉及皮一同放進麵皮內，鴨皮點糖，鴨肉點醬，更富多層次滋味黑蒜蝦球大大隻蝦球，與及三色椒及洋荵片，但碟內只有十隻八隻蝦球，儘管蝦球肉大而厚，但百多元只有蝦球未免有點單調，不划算。小籠包一小籠四個的小籠包，居然索價四五十，皮薄易穿，細細力亦難以夾起小籠包而皮不破，殆矣。鴨鬆配燒餅一鴨二食其中一項，將粒粒放進叉子燒餅內。吃到粒粒除了鴨肉粒，還有豬肉粒、菇、荵花、葵花籽等，味道不太咸，放在脆皮的燒餅內更添口感。擔擔麵也有點酸辣味道，雖然湯底有花生粒

朋友每次回香港也指定要吃烤鴨，次次也到處去找，但都未必遇上好吃的。這一間味道和分量算是不錯。六個人吃一隻，每人平均也吃了3件左右。鴨肉很瘦，不算很膩。皮的數量也足夠。本時在其他地方，通常鴨未吃完，皮就一早包完了。不過最驚喜的還是其他的點心。黑松露素鵝非常可口，又脆又香，不同於別家的平凡素鵝。生菜包鴨肉也很清新！鴨肉很多汁入味。份量好像不多，但6個人每人也可吃上2-3件。算ok。還點了蘿蔔絲餅。味道是不錯的。

裝修別樹一格，卡位黎講都算坐得舒服，某一兩位服務員態度合格，反而睇落年資大既就過五到關。可惜無影小籠包既相，一籠4小隻，體積雖不大但多汁同有麻油香，一極棒的呢價錢偏貴，但出品五錯，相輔相成

期待已久既大都烤鴨，星期五分兩個時段，如果想食都一定要先book位。餐前小食係無核紅提加蜜瓜，夠清甜，好過食花生。蠔油蘑菇，全碟得八至十粒蘑菇，切成扇形，所以好似好太碟，不過好入味，又太不咸，係一個特別既前菜。牡丹蝦仁，將蝦仁一開四，其實全碟都係大約八隻左右，不過蝦仁夠爽，配上青瓜夠清新。大都烤鴨，配菜有葱，哈密瓜，青瓜，紅菜頭，配菜夠特別，可惜片皮鴨係凍既，皮又唔脆，夠為失望。片皮鴨兩食，崧子炒鴨鬆，鴨肉本身已經唔好味，又一失望之作。小籠包，皮薄又多汁。鍋貼，底煎得夠脆，又多汁，碟上還有溫馨提示，提醒客人小心燙口。瑤柱上湯時蔬，瑤柱分量多，上湯夠清甜。三絲春卷，雖然夠脆，不過料太少。三絲炒麵，全晚最驚喜之作，汁同配料都好多，雖然咁多汁，不過每條麵都脆卜卜，真係好出色！招牌菜片皮鴨令人極之失望，不過點心及炒麵優勝，今餐算不過不失。

朋友生日想吃中菜，就在大都烤鴨訂枱。一行8人當晚8點準時到齊，食飯時間店舖門外也有不小人在等位。我們訂了枱的，等了大約5分鐘就被安排入座。套餐有幾個選擇。我們擇了其中一個。小籠包，皮薄而且超多湯汁上湯素菜普普通通醉雞很重酒味熏魚可口, 送飯不錯炒蝦球夠大隻有獲氣花膠燉湯好養顏, 足料片皮鴨間唔中食好都幾好味

元大都,又稱大都,元世祖忽必烈大汗開國之始定為京師,是為現代北京市區至古遺址所在地.鉄馬蹄聲,滾滾黃土的畫面對我而言有點遠,不過金庸筆下的{射鵰英雄傳}不就繪形繪聲形容過?其時還是宋末大都未成,金輪法王的高足霍都就有一個,此都不同彼都,彼都又有別於現在想談談的大都.烤鴨.不知鴻星集團旗下大都烤鴨,取名是否有歷史含意,不過名字古意盎然,令人不禁產生聯想.個人覺得店舖招牌typeface設計頗堪玩味,幾何線條儼如古跡城垣,而將鴨字除去鳥以剪影代之,就顯有點青澀的基本設計概念,不過整個graphic蠻是對題,且癹揮到圖像記憶的功效,潛而默化加深顧客印象.店舖裝潢調子灰暗,以磚石䂶成牆壁,門外天花牆腳用焗光效果營造氣氛,並以連串木炭裝飾,巧妙將老套變成新派;唯一顯得突兀是內部每個卡位頂頭掛燈,跟整體設計不大協調,感覺華麗有餘型格不足.是次跟幾位瑞士女孩造訪大都,她們説在瑞士吃不到像樣中式烤鴨,所以訪港之旅,最期待還是香港各式美食.我們幸運地前一天訂座便有位,安排了靠壁四人卡座,檯椅寛闊舒服;舉目所見除了本地人,外國人也不少.點了四人套餐$1188,皆因項目不少,滿足品嚐片皮

一直都想試哩間既烤鴨，因為時常都聽到身邊朋友大讚哩度既烤鴨好好味，而中意食既我當然都唔執輸一早約好朋友們選擇哩間做慶祝友人生日飯既晚餐，我地都提早四至五日訂枱，怕自己行入去無位同要等，幸運地一訂就訂到了。入座後，我地諗好左都係散叫又可以叫自己想食既野，雖然叫餐方便唔洗諗，但散叫就唔洗局限左大家同埋巧合地做緊銀聯卡73折優惠(只限大meun散叫食物，不包括飲料)，非常好叫左以下幾款菜:烤鴨(一隻$4xx): 烤鴨皮切得好薄又無肥膏，肉係全瘦同埋兩樣係分開切好，岩哂d各有所好既人，加上包烤鴨個皮好薄又唔厚，配上哈密瓜絲好特別，食完帶出個鴨皮既香味荷葉包鴨飯(烤鴨二食$88): 個飯好大陣荷葉味，食入口好香同飯細細粒，容易咬同唔會覺得濟。花雕醉雞: 可以如果酒味再濃d會更入味蠔油蘑菇: 凍食，賣相好得意，幾好食胡同牛肋肉: 清蒸牛，炆牛腩噤，無咩特別，都好食但可以唔叫灌湯小龍包: 皮好薄同好多湯汁，幾好食!乾扁四季豆: 炒得好入味同岩岩好，好好食酸菜魚: 好好味，有麻味，個湯真係必飲整體上，我覺得大部分都好好食，下次會再黎，由其烤鴨特別出色

昨天是女兒生日，所以太太在大都烤鴨訂了枱和女兒及兩老慶祝生日。我們食頭場6:15pm到Reception。個Reception問我地訂枱既電話號碼，之後佢話已經有人到了。What???我一家人一齊黎，點會有人到先呀？跟住個waitress帶我地去張枱，張枱已經有人係到，原來佢地把我個booking比錯左人。我訂枱食飯咁內真係味試過有餐廳會咁樣錯。食物方面，隻烤鴨係好食的！但其它菜色都係一般。我以前食過北京酒樓(已結業)同泰X廔，人地既菜色真係好好多。到埋單時真係火都黎！叫左埋單超過10分鐘都無單黎，但D waitress就開始收枱，收收下野可以跌左隻筷子落老人家杯茶到！跟住收左我張咭碌完番黎同我講話個同事唔小心碌多左一次，已經VOID左張單。我對依間野真係無言。如果我下次想食烤鴨，一定唔會再黎依間！

其實之前一直都好想試呢間...但..因為都幾難訂位, 所以一直只係試過呢間既competitor 美中XX唔知係咪因為大個左, 所以身邊既朋友都變返鐘意食中餐, 而...食北京填鴨好多時都變左做大家既選擇 ! 大大話話, 我都食過好好好好多間北京填鴨, 雖然仲未食過北京最出名果間而呢間, 係我心目中都排行幾高 !!! 一行4人, 冇訂位, 但可能因為係星期一, 一walk in 就有位lu~呢到好特別, 佢既前菜小碟係生果黎架 !! 好健康 ! 有提子同半個火龍果~ 提子仲係冇seed架 ! 我地4個人叫左半隻鴨, 二百幾蚊, 仲有多一個10choose one dish 我地叫左跟一個鴨肉夾菜包 , 再加個泡飯, 一個雞絲粉皮, 之後再加一個鎮江餚肉 & 口水雞, 最後係食唔唒既 !!! 北京填鴨主角黎啦~~~!!呢到比美中XX好既係...隻鴨唔洗等咁耐 ! 好快就有啦~!!!雖然...我覺得份量比美中XX 小, 佐料除一般的京葱和青瓜之外，還有北京空運來的紫蘿蔔，哈蜜瓜, 醬同糖!! 風味十足! 可能我見識小啦...我好小見到會有哈蜜瓜, 原來加入北京填鴨係咁match ga !!

其實已經係上年11月尾既光顧，都差不多攤到凍晒啦，但對大都仍有印象，所以趁還有印象寫番對大都的食評 !一直都好想來大都吃烤鴨，但由於大部份飯腳人數聚多習慣邊食邊吹水和即慶，而大都必須分時段，而且需要早一點預約，故此一直都未有機會；適逢與友慶祝生日，是次4人組合，人少少最適合不過!北京烤鴨是京菜的代表作，講究皮脆肉嫩，不過，要在香港吃到原汁原味的烤鴨就非常困難，皆因好吃的，價錢自然高；相宜則水準普通， 幸好食烤鴨唔使遠赴北京，在K11「大都烤鴨」算是出品有保證的烤鴨地方，熏烤方法、切法，聽說也是參照北京而來，所以味道及賣相與傳統的北京烤鴨沒有太大差別。站在店舖正門旁的玻璃窗一看，可看到烤爐、荔枝木及烤鴨，隻隻脹卜卜的飽滿肥美。北京烤鴨的傳統做法，是用荔枝木來烤鴨，熱力逼出油脂，當油脂滴在果木上，便散發煙熏，所以烤出來的鴨會有陣陣果木香。這裡同時還看到師傅片鴨的刀功。雖然揀咗晏果輪，但由於限時，所以我地決定等齊人先入去!我們被安排在4人卡座，由座位望向大門方向的店內環境，環境也不錯。 這兒大部份座位均是四人卡座，予人整整齊齊的感覺，有別於一般中式酒樓食肆的圓檯。感覺新派一點!這兒非一般的餐

在香港要吃地道的北京烤鴨不容易，而主打做烤鴨的餐廳也不太多。除了在沙田hyatt吃過還ok的以外，這家大都烤鴨出品也非常不錯！大都烤鴨在K11裡面，很容易找，我們沒有預訂座位所以晚上8點來到拿號以後等了大半小時才有table. 平常的自己可能沒有耐性等，但是很想吃烤鴨所以就要乖乖排隊咯。餐廳裡面比較暗，我們兩個人被安排到一張卡座，坐得還蠻舒服。餐廳有提供二人套餐，價錢也非常合理，但是我們晚上不想吃太多所以直接散點咯！烤鴨是必點的項目，我們點了半隻（半隻起）。這家餐廳的烤鴨用的是白河浦鴨，參照傳統北京的作法，所以賣相和味道都和北京吃的差不多。烤鴨皮超脆，脂肪不多，吃起來也不會覺得很油膩。包烤鴨的麵餅裝在一個蒸籠裡，每一層皮都很薄很有彈性，放上一片烤鴨皮和鴨肉，卷上蔥青瓜條和烤鴨醬，好香好香超級好吃！！！✪ω✪除了烤鴨我們點了個名叫行雲流水的菜，其實裡面有豆腐皮，番茄粒和黃瓜條。吃烤鴨要吃點素菜才覺得比較均衡，這道菜味道比較清淡，不鹹還蠻好吃。小食我們點了小籠包。一共4個，皮超薄，夾起來都要份外小心，很容易皮會破。但小籠包皮薄餡靚，鮮甜多汁，好好吃！大家如果想吃北京烤鴨可以試試這家喔！價錢

朋友外國番來想試中式野，我又好耐冇食烤鴨，記得之前個friend提過大都烤鴨幾好。試左呢d：牡丹蝦仁蝦仁切薄片上，做到爽滑彈牙口感。青瓜切到大約1-2 mm薄，呈透明！上碟砌成花的形狀，賣相唔錯。是一道着重食物原味的輕怡選擇。鎮江肴肉由店員介紹，原來特別用雞湯及肉碎熬成，味道幾濃，入口感覺不肥膩，晶瑩剔透，幾適合on-diet食。烤北京填鴨Friend 有提過，gimmick在於果木燻烤，鴨皮入口幾脆及香口，咬落卡一聲。而鴨肉已經去肥，所以無甚肥膏及肥油，多吃亦不太guilty。淮揚灌湯小籠包皮算薄，味道ok。