大都烤鴨 (已結業)

訂了12位，到時給我們獨立房間，原本很開心，但房間內有很多蚊，向店員投訴，回應是沒有空位置，所以沒有辨法，我提議加一個駒蚊器在房間，但回應是不可以，只可以幫我們噴殺蟲水... 後來店長説可以換枱，那就好吧！老實說，質素可以，但吃荷葉飯時發現有昆蟲在裏面... 向店員投訴，還好店長說會免了這個... 之後我們繼續吃，一位店員在我旁邊取茶壼時手滑了一下，像是有心的一樣，我朋友看到店長在偷笑... 希望不是故意的吧...

今晚原本係食日本野, 但人龍真係太長, 於是即是轉陣到呢一間出名片皮鴨既中菜, 其實一直都想試下佢, 不過一路都未有機會, 今晚真係剛剛好; 夜晚八點入到去, 全場約9成滿, 應該剛剛做完第一輪加上平日, 兩個人唔駛等直接有枱; 兩個人4樣野, 其中兩樣片皮鴨有關, 當然係半隻鴨同二度啦, 打開菜牌二度選擇好多, 煎炒煮炸加五味都齊, 多到我改左兩次😅,本來想試酸菜架子湯, 但後來想有米落肚就改左湯飯, 上湯飯時會有個火熱住個窩, 食時熱辣辣, 成個人暖左, 同埋呢個做法好細心, 熱住就唔怕鴨肉凍左有股鴨油酥味留係d湯到👍🏻

重陽節同家人聚餐～～想食片皮鴨好耐喇屋企人終於帶我食我地有14個人食 叫咗2個6人餐 都夠食仲叫咗4款甜點最後發現原來有幾樣冇影甘露丸子 小籠包 蝦球同炒飯因為太飽冇食🤣碎醉雞 好正😄 好滑 好夠味片皮鴨 即叫即整 好脆口啊 個皮真係夠薄 同埋唔會好似出面咁 食到有少少麵粉味每人一碗大大花膠湯 好清 好足料江南松子魚 食咗一舊😂因爲都飽飽地平橋鴛鴦配 芝麻同奶糕 2隻味一齊食幾好既配搭 芝麻味好香慈禧碗荳黃 係紅豆加黃荳蓉 荳味好香 但食一舊都好飽金陵驢打滾 依個紅豆蓉加口感好QQ既糯米 但依個甜咗少少甘露丸子 係南瓜小丸子 比較甜 但飲落好水咁小丸子做得唔太好 好粉最後$4686 買單.... 都係片皮鴨好食食物質素不錯 但服務就差咗少少 連經理同人講野都唔望人 執野果陣又整到好嘈感覺好唔禮貌 始終我個bb訓緊教

是日放假過嚟K11揾食，原來呢個場平日午市頗靜，選擇不少。見大都烤鴨好評都幾多，耐何兩口子又食唔晒一隻填鴨，不如先試試午餐之後再約家人食晚飯。一人套餐有幾款選擇：套餐前菜雖然細細碟，但都算好味。覺得嚟呢度應該試吓有鴨嘅菜式，所以點咗野菌炒鴨絲。 味道適中唔會過濃，配料都好味但鴨肉較少而且有點嚡口。飲品選熱豆漿，小小一杯都幾香濃。$75套餐+茶錢+10% 如果唔趕時間慢慢食都ok嘅。另外一提是員工個個都無乜表情，這點需要注意。

老婆大人係北京填鴨控，無時無刻到四處找尋好吃填鴨，喜愛嘅程度係每年生日當天都必需要按例食一整隻來滿足自己。如是者今年就點選了K11 Art Mall嘅呢間「大都烤鴨」作為佢嘅“生日鴨”。瘦夫胖妻二人用餐當日係公眾假期嘅3pm，很快捷容易地被安排坐落在一個四人卡位內，環境十分安靜座位又舒適。剛坐下來就發現餐牌寫上3-5pm提供主餐牌全部8折優惠，機會當前又可會錯過呢，於是兩眼放光二話不說地order了一全隻，未幾侍應生就在我倆面前端上一隻未切的填鴨讓我們先過目一下（做此步驟會令食客覺得受尊重及展現出餐廳自身對提供嘅食物質素有相當既定的要求），確定後大廚就在靠著大門的填鴨專用肉枱上作主理。不一會，兩set配料（有青瓜絲、紫蘿蔔、哈密瓜、京蔥、京醬、砂糖及荷葉餅）連同切片後的填鴨被分放兩碟一同上桌。 配料賣相已十分吸引，再加上已割去肥膏的鴨皮切得很工整美觀，盡顯出師傅嘅刀功，而鴨皮下面又有擺放整齊嘅鴨肉，既方便又貼心足見制作時花費的心思。將每款配料逐個放入荷葉餅中，單是看五彩繽紛的外觀已令食慾提昇，一啖吃下，感覺前所未有爽脆清新， 不油不膩,並非如吃傳統北京填鴨的滿口油膩感，可能居功志偉在於

大都烤鴨呢間菜館個大名聽咗好耐，評價唔錯，不過，夜晚收費頗貴，今日咁岩放假，見到佢有一人午餐，價錢都唔算貴，就試下先，呢度地方都算幾大，估唔到晏晝去咁少人，呢度有好多卡位，卡位感覺相當寬敞。一人午餐包括前菜，主菜，白飯，咖啡或茶或豆漿，不過呢度茶位＄12/位。唔知係咪午市較平關係，服務麻麻，冰室風格嘅侍應，愛理不理嘅態度，懶洋洋散漫嘅服務都令到佢失分。其實呢類中高價餐廳，午餐都係攝住做，做得好啲，無謂做衰個名，否則晚餐客都無埋。

今日兩個人行到k11肚餓朋友話想試呢間好耐就去試下七點幾都唔洗等位店內大概七成滿目測其實都唔係好多人環境正常冇乜特別侍應既服務態度絕對能應付一般港人不過如果係非凡港人就唔知喇😏因為我只係一般港人 冇乜要求講返野食兩條友都食唔到幾多泥到緊係食片皮鴨呢間野好就好在片皮鴨可以半隻咁叫兩個人都終於唔洗望住隔離食半隻鴨比你過一過目就拎去比師傅片老老實實半隻鴨有咩好影一隻都上得下鏡半隻應該得遊客想影隻鴨片好泥到如上圖咁一堆皮片左啲鴨肉放下面雖然影得唔清楚但配菜除左一般片皮鴨既大蔥沙糖同青瓜仲有哈密瓜明顯係西人食法配合旅客食Parma ham咩食片皮鴨就緊係有'粉皮'搭配唔係點包? 皮係機出細心位係每塊中間都隔左張紙唔會兩塊癡住比起之前食過既片皮鴨呢塊粉皮都算唔錯喂偷偷講用晒粉皮其實可以用生菜包學得西人用哈密瓜唔差在學埋韓仔oppa嘛鴨呢...唔熱既都唔期望佢熱啦 唔好玩啦熱既我仲驚唔通師傅識鐵沙掌咩鴨偏瘦岩晒啲女士們但唔夠香鴨味濃郁....係稱唔上既利申唔係肥鴨先會香但佢真係鴨冇鴨味囉（良心發現：唔係冇 係冇乜!）肉質方面又hi 又un唔好亂諗呀我意思係肉質唔夠滑 仲有少少韌可能係實肉既關係啦好在

呢到呢到 緊係為左食片皮鴨啦 片皮鴨係我想食左好耐嘅其中一款中菜 今日終於約左朋友黎食啦😽😽😽大都烤鴨 片皮鴨💜💜成日想食都冇機會 今日終於食到啦☺️☺️隻鴨有得半份咁叫 人少少都可以叫黎食 隻鴨片得薄薄地 正👍🏻配料有蔥絲 青瓜絲 紫蘿蔔絲 蜜瓜絲用個薄餅皮包住 加d 甜醬同糖 好滋味😋😋值得讚嘅係每塊薄餅中間會有層紙 令d 餅唔會痴埋一齊同有保溫作用💕胡同牛肋骨 $188本身睇相以為係燒嘅 點知原來係蒸煮到好淋 再淋上好似燒汁嘅醬汁 食落好似係個口入面融化咁💜💜💜除左鴨之外 呢個牛肋骨一定要試👍🏻👍🏻

係尖沙咀食烤鴨有好多選擇，尤其海港城嗰間每日都大排長龍，就更加想試吓烤鴨究竟有咩本事。不過今次老細請食飯，大家放完工之後都唔想再同人迫，所以揀咗間係K11烤鴨－大都烤鴨。K11本身個環境就Arts based多啲，所以大都烤鴨嘅室內環境都感覺上寫意大體啲，平時見客又好，同親戚屋企人一大圍枱食飯都好，會坐得比較舒服自在，但海港城嗰間就會似Target遊客或朋友聚會多啲。五個人嘅飯局，叫咗幾款小菜，小籠包同一隻主打烤鴨。烤鴨上菜前會比我哋望一望先然後再拎去廚房切。烤鴨烤得啱啱好，唔會滴到油淋淋但依然Keep到油香，而且片得夠薄身，加埋其他伴菜再點小小醬一啖可以放得入口，各自味道唔會搶大家風頭，先有烤鴨肉香，再有青瓜蘿蔔絲嘅清香。一碟荷葉餅係唔夠佐晒所有片皮鴨，事後我哋都追加咗兩碟荷葉餅先食得曬，證明隻鴨都好足料！另外令我好驚艷係個小籠包，肉汁多到溢出嚟而且熱辣辣而且好香甜，皮夠晒薄，最後又追加咗兩籠！個牡丹蝦仁都好特別，食完咁多咁油膩菜呢個牡丹蝦仁有令人耳目一新嘅感覺，蝦肉彈牙，青瓜爽口，伴以鎮江醋感覺好fresh。其餘叫咗鴨鬆配光餅仲有個炒蛋白，不過無咩特別就唔多介紹了。埋單千幾數，五個

昨天替客人訂位食飯，因為兩位客人是由歐洲來工作的，想試一下中國菜於是便上網找到這間餐廳。今天早上見到客人時回顧昨晚的經歷如下。事源客人點了一些前菜和招牌菜片皮鴨，點菜後說明先上前菜再來主菜片皮鴨，但之後仍然第一樣就送來片皮鴨，於是叫侍應退回待會才拿來，但最後拿來的鴨是又凍而皮已不再脆，之後客人問侍應為何是凍的，侍應回應是這樣、沒有辦法。普遍客人總結食物質素是可以的（如果鴨不是凍），服務質素有待改進。

心血來潮想叫鴨食而闖盪大都地點方便在mtr上蓋，不用走出外面熱辣辣星期一不算多人，大概等了20分鍾可入座了茶類選擇居然有龍井上菜速度很快，15-20分鍾已陸續上齊塊皮脆到不能了，咬下去那層油脂溶化口內，新鮮出爐所以要即刻放入口凍了會過了那個滋味時辰菜單很貼心付上圖片如何進食還叫了一道鴨絲羹，店員很細心會即刻幫我們分返幾位的份量一早預料口水雞是不太辣的醬汁搭夠很入味很開胃，如果再凍些小口感會更好此道雜菇炒鴨絲正正常常，不過不失只是份量偏小平日都是食小籠包爲多，今次就一轉食素菜蒸餃食得太多鴨肉要來點素食緩和一下因為最後先食，未嚐到爆汁效果，但整個餃材料和汁液都是飽滿的，下次真的要趁熱食

老月友生日,佢岩岩生完BB,好耐無出徍食飯,哈大家約埋食鴨補補身鴨肉都幾滑,皮唔算好脆,幾野味普普通通,本身唔鐘意食菜苖好特別,甜甜地,滑滑地幾夠獲氣豆沙糕,偏甜未食過,硬硬地,麻麻地

因為今天是星期五happyFriday , 處處都是尋覓食好嘢的人群，所以今晚1940 hrs 去了闊別多時，沒有去K11的大都烤鴨，取完票，職員很有禮貌，職員叫我8:05再回來等位，後我準時8:05再到上址，只是等多10分鐘便有位入座，時間計得剛剛好，我們二人進餐，食了半隻片皮鴨，鴨水準也ok , 不過不失，但包鴨的皮就差了，凍冰冰及皮堅硬了。後叫了一碟魚，分量超小，超細碟，但又真係幾好食嘅，這碟魚問職員是鱔來的。因為得兩個人食飯，所以再叫了一碟野菌炒鴨件，味道也不錯，是日晚餐成為＄550。

三個女人一個墟 叫鴨去已提早訂位 不用排隊牡丹蝦仁蝦仁一開幾 不彈牙 沒有蝦味另有鎮江醋 沒有令蝦味提升 一般烤北京填鴨（半隻）鴨子皮脆肉瘦 沒有肥膏 似長期做運動 肌肉型鴨鴨蒸好熱辣辣面皮很薄 有彈性 不錯自由揀唔同配菜一起食 不俗喔二崧炒鴨未配生菜配上豉油炒香鴨肉碎 濃味野味將清爽既生菜包住 很好干煸四季豆四季豆走油剛剛好 不會過干加上肉碎豉油炒香 很野味雞湯雲吞麵雲吞似係煮熟後加入雞湯雞湯雞味不足 加入麵條後味道更淡 麵質一般

父親最愛吃北京填鴨，這次揀了比較新派的大都烤鴨，點了 “最愛爸爸” 套餐試試看入坐後先來飯前果盤兩小碟，頗特別淮揚六綉，六款涼菜，都很精緻，也很考究刀功。其中最喜歡 “騰龍卸甲”，肉質爽口彈牙，煙燻的香氣充滿口中，問過侍應才知原來是煙燻鱔！黑松露小籠包，皮薄多汁重頭戲大都烤鴨！侍應先給我們看看烤鴨的全相，再拿到一旁起皮和肉。鴨皮和鴨肉無肥膏，吃多幾片都不覺油膩。麵皮薄薄，用紙分隔開，不會黏在一起，很貼心。伴菜有大蔥絲，青瓜絲，蜜瓜絲和紫蘿蔔絲，色彩繽紛。把所有東西放在一起，加上醬汁或砂糖，卷起來吃，正！燉湯菘子魚遼參很厚身，煮得很稔，只是醬汁略咸野菌菜苗煎麵用的是比較粗身的麵條，和一般的幼麵口感不同。來到煎麵大家其實已經飽了，大半碟都是打包回家😅很滿足的一餐晚飯😋，只是價錢稍貴😅