大邊爐火鍋店

營業中

休息中

鴛鴦湯- 好鹹, 有味精手切邊肥牛- 完全無牛味, 好唔掂龍崗雞- 唔新鮮, 無雞味, 似o係雪櫃雪左好耐花膠仔- 好食, 新鮮, $38好抵食梅菜肉丸- 味道同普通肉丸無分別西洋菜餃- 好食, 菜好新鮮, 入面仲有粒帶子仔總括o黎講, 6樣o野有4樣唔掂, 即係好唔掂......

次次去食都覺得好好味.....今次個朋友都話正呀好鮮味所以咁貴誠意推介三秒腐皮卷金薯皇帝菜四寶丸等.....講真真係好過西環明星店“火井”

山長水遠入粉嶺和P一起參加比賽，九點半才和爸媽去九龍城吃飯，由於媽媽極愛整潔，於是選了九龍城罕有靚裝火鍋店–大邊爐。食物整體上非常新鮮，尤其是海鮮：- 貴花蚌，極肥美，味道超鮮，推介- 扇貝4隻，明顯即開，雖算不上頂級，但鮮味十足- 手切肥牛(大：$188)，份量唔算多，很奇怪，牛味時有時無，要講彩數，唯一好處係夠淋- 西洋菜帶子餃，皮簿餡靚- 四寶丸中，蝦丸和墨丸較特出- 鮮雞件半隻，新鮮嫩滑- 木耳竹笙，大大碟，清爽之選- 雜菇，都很新鮮大棵除了肥牛，其他都impressive，服務很好，幫襯得過！

第二千九百個食評，就寫一個難忘的晚上，先說上集，由打邊爐開始。為著另一個原因，一班朋友出來吃番餐\，十幾人訂了一個大房，企理又稱心，至少我們這班嘩鬼都不會嘈到左右隔離的食客用餐\。先來是手信分享，先多謝WA的西洋手信，很精緻。有餚也要有酒，是日有R的乾身汽酒，T兄那蜜香味十足的澳洲Riseling，以及K兄的夠氣麥林Brut，各具特色，飲得高興，先謝三位的美酒。這裡用上電磁爐，比明火爐安全一點，也企理一點，至少唔使吃吃下要換氣。我們的長檯有三個爐頭，要了4款湯底，分別是冬蔭功\、四川麻辣、皮蛋芫茜及芥菜湯。兩個本來以為辣的湯底都不太辣，麻辣不麻，冬蔭功\不酸也不夠勁，反而皮蛋芫茜及芥菜湯還更穩打穩紮，至少還有芫茜及芥菜可吃；吃什麼今次不用我去想，SY己代打點。手切肥牛一來兩碟，羊肉頭尾來了三碟，鯇魚片、手打丸及魚蓉麵也沒道理不叫，而餃子、菇類也無走雞，而這裡的「名物」，三秒腐皮卷，當然也有選擇之列。肥牛不錯，幾鮮嫩，肉質幾好；羊肉及羊肉丸的臊味很薄，似吃豬肉多一點，不過R也說是有羊臊味的；兩款餃子之中，以西洋菜帶子餃較美味，真的有八分一粒帶子在內的，哈哈；魚蓉麵也是「循例」的放在一個唧

有朋自遠方來,帶佢到九龍城食一餐。上黎呢度做資料搜集,搵到呢間正野,即刻打電話去訂位。晚上九時到達,人唔算太多,叫了個鴛鴦湯-皮蛋芫茜同沙嗲,叫了個大的肉眼邊牛肉-真係好正,就算滾好耐都仲好好味,一0的都唔'孩',仲有重牛肉味。三秒腐皮都好食,但食完見到0的湯先知佢都幾油,但食時都唔覺,只覺得好好味花膠仔就一般,一定要放在沙嗲,如果唔係冇味。四寶丸好新鮮好爽。西洋菜餃好好味,好似有帶子0係入面的,好爽脆,最快食完的一道菜。加埋西洋菜就係我地好滿意的一餐同埋佢0的醬好好味,我地將所有材料加埋就已經得,不過加多0的xo醬就更正。三人共吃了＄６００另外侍應的服務同笑容都好好，環境好乾淨同衛生

大邊爐老闆：我知你有睇Openrice，所以我想係呢度同你講我點食到一肚氣！你一開鋪，食物有水準，所以即使兩口子叫o既o野食多極有限，總算成日幫襯大邊爐，清楚你地o既伙計同食物質素，當然亦成日都見到你。我發覺自從你多左客之後，真係一次比一次差。孤寒有電視唔俾睇今日又到大邊爐，坐低問下可唔可以開電視，你經理話怕有D人掛住睇電視唔肯走，阻住做下檯生意，所以唔俾開。我心諗做生意何須咁孤寒，老實講，我覺得電視係食肆一大賣點，如果覺得D客食完都唔走，可以同佢地事先講好食兩個定三個鐘，其他食肆都係咁，我覺得OK。跟住第二檯客叫另一位侍應開左個電視，個經理即刻怒啤個侍應，隨即叫個男侍應去熄左個電視。駛唔駛咁呀！飲茶男侍應黑面未叫o野，同個男侍應講要兩杯茶先，唔叫o野飲住。男侍應即黑面。算！就算想飲都唔叫，最憎人俾臉色我睇。肥牛唔對版肉眼肥牛($128)同本地肥牛($78)，我都有食過，本人覺得本地肥牛肉味較香，牛味較濃，所以今日都係叫本地手切肥牛。誰知一上檯，一D肥都無，一D都唔似我之前o係呢度食開o既肥牛(請見附圖)。同經理反映，佢話應該係咁o岩來貨唔靚，絕對唔係俾左陝西馬尾牛($58)我，佢仲話

大邊爐︰食物弄得不錯，如牛丸、墨魚丸……手打, 味道與一般火店不同, 墨魚丸內的墨魚漿混入墨魚粒, 口感不錯, 而梅味豬肉丸也可以一試, 而那些灼三秒的腐皮卷亦很香, 總括來說, 水準不錯。

11NOV06 今日我第二次去大邊爐，今次我醒目；早幾日巳經訂定位，費是又無位要坐天井。今次帶個朋友一齊去食，一坐底俾番上次佢地俾的免費贈券搵阿姐落呵打，點知阿姐話唔用得；我有朋友係到費時同佢理論咁多。落單開餐.....鴛鴦湯底沙爹加清湯特級手切肥牛肉眼$98 正呀夠鮮不過今次切得太大件覺得好快食完四寶丸$78 每款四粒都係夠鮮不果就貴D金薯$38 一定必食甜美腐皮卷$38 三秒必食之選非常入味好食過生根西洋菜餃$58 正呀......皇帝菜$38 係北京菜名甜美墨魚滑$38 夠新鮮花膠$38 女人之補可樂$8以上咁多野全部都好新鮮可惜係食唔落泡食阿姐成日問洗唔洗加水我問佢是不是地方細坐滿人無乜野好做所以成日問客加水。結帳時有位打太的男士經過，我問他免費贈券的事，他好快就話無問題照扣番俾我們，女朋友話佢係老細，哦！所以佢咁nice三個人總供５百幾扣番免費贈四寶丸$78 多謝460

環境:舒適, 乾淨但有一枱人好嘈, 加上地方較細, 覺得好唔舒服. 班人走左之後就好清靜.有電視睇, 幾好.服務:尚可.有個著大廚衫既服務最好, 其次係一個阿姐, 好好笑容. 其他唔掂... 有個阿姐同佢講好多次都聽唔到(我只不過想要杯茶啫...), 有個又成日扮睇唔到...食物, 味道:新鮮, 乾淨牛肉好味; 鱔片鮮味無骨; 椰子煲雞湯底, 較淡, 完全無雞味, 但清清地都算ok十一點左右去到, 海鮮都係剩返魚同蝦, d 蝦o係魚缸度死左好多, 所以無食.三秒腐皮無出面o個d 咁油, 但都好濟, 兩個人叫一碟都食唔晒.款式太少, 平時打邊爐食開既餓腸, 豬潤, 豬腰等都無... (枱面放左個廣告, 係倪震既推介, 倪震話呢度無內臟, 食得健康, 不過真係覺得選擇太少了)整體黎講都算ok, 但係打邊爐都係鐘意食多d唔同款式既食物, 所以應該唔會再幫襯...

2006/9/30, 好朋友生日, 一行六人最好打邊爐. 上網搵到呢間叫"大邊爐", 個個都讚, 即管一試...環境: 雖然地方唔算好大, 成間鋪頭只有七張枱, 一個VIP 房, 但一D 都唔覺得迫, 有少少家O既感覺, 一D 都唔嘈吵, 唔似其他酒樓打邊爐咁烏煙障氣. 因為得咁少枱, 所以一定要book 枱.食物: 湯底係椰子煲雞, 略為淡, 但好多湯料, 推介食物有三秒腐皮(一d 都唔油膩), 手切肥牛(好有牛肉味), 鱔片(好新鮮, 好彈牙), 花膠仔, 莧菜帶子餃(好特別)飲品: 叫了一榨竹庶水同西瓜汁(西瓜汁係即叫即榨, 好鮮甜)服務: 有代客泊車服務, 每架要$40 都算貴, 如果搵唔到街位, 都算方面...價錢: 貴過出面任食o既酒樓, 平過附近o既煇哥同厚福館見到隔離枱, 食完之後有糖水, 但係menu 又無喎...問番waitress, 原來可以幫你order 隔離鋪<金玉滿堂>o既糖水. 正~

因為倪震的一篇稿，所以偕友人到來打邊爐。結果重蹈倪震覆轍，連續去了打三日邊爐(倪生係去左七日的!!)今天終於醒起來寫寫它。椰子煲雞作湯底，聞起來很香，飲的話略嫌不夠濃，但依然吸引。三秒腐皮、花膠仔、墨魚滑同日本甘薯是每次來的必叫之選。然後每次一邊打邊爐一邊覺得隔離枱的東西都好像很好吃。例如是他們那個特式泡飯。每次走的時候，好像總有些東西是要下次來吃似的。所以除了泰豐瘻，這裏是我們一班朋友集體晚飯的熱點。而且這裏好在的是環境與台灣的火鍋格局很相似，清幽乾淨，坐得幾舒服。不會像其他火鍋店，不是吵就是烏煙瘴氣。

來了好幾次, 地方清潔, 有別於一般火鍋店, 水準比較高, 特別手打墨魚丸, 好有鮮味. 以下是我個人小小以見:菜: 洗得唔乾, 前次有蟲,上次仲有fly 添!手切肉眼: 好甜, 但有筋墨魚滑: 好!

最近真的較懶寫食評, 就以這餐館為例, 光顧了一星期, 真的要「的起心肝」去寫了, 否則會忘記了.此餐館環境不錯, 幾雅致, 似一間西餐廳多一點, 全店只有八張檯, 檯與檯之間亦有足夠空間, 而且並不嘈吵, 唔錯!點左特級手切肥牛, 三秒腐皮, 竽條併金薯, 四寶丸, 莧菜帶子餃, 桂花蚌以及一榨橙汁. 手切肥牛很不錯, 雖然我皮膚敏感, 但也忍不住多吃幾片. 三秒腐皮幾特別, 很脆, 味道亦可以. 竽條併金薯, 四寶丸莧菜帶子餃亦有不俗的水準.美中不足的是, 桂花蚌令人失望, 賣相唔好, 味道亦不討好, 是雪味太重? 太腥? 唔新鮮? 我不知道, 總之就是不好.總括而言, 食物水準不錯, 只是桂花蚌大煞風氣.侍應的服務態度亦唔錯, 湯底蒸發了, 會主動幫你加水, 亦主動幫你倒橙汁, 其他打邊爐的地方唔容易有這種服務.值得一提的是, 既然這裡水準不俗, 收費當然不能同那些任飲任食相提並論, 要有心理準備每人平均收費$200以上.另外, 我們亦巧遇這裡的老闆, 和他說了一些話, 感覺他是一個有理想同有heart的老闆, 他亦表示有看openrice的食評, 不知道他會否看到我這個食評呢?

尋晚四人行訂了7:30 晚飯邊爐. 前後點了兩次三秒腐皮, 雖然是浸了湯先食, 但我都覺得有食薯片的感覺, 好香. 四寶丸有蝦丸, 牛丸, 墨魚丸同豬肉丸, 100分! 粒粒彈牙, 仲有肉香, 一食就知係邊款. 湯底點了海底椰雞,好多料, 好好味, 有好多海底椰同雞, 海底椰有椰子味, 雞有雞味. 手切肥牛我就覺得給比了下去, 不過朋友就讚口不絕. 仲叫了一碟日本金薯併芋頭, 芋頭好味到呢, 本來已經飽到頂住都食仲要左兩條. 桂花蚌好新鮮, 好爽. 莧菜餃好有菜味, 帶子餃就一般, 可能已經食到好飽啦. d 野都幾大碟, 只係兩個人的話會食得十分十分飽! 一定叫每次只點一兩款, 免得浪費食物.雖然店面唔係好大, 但每張台都唔細, 唔會逼逼咁, 而且每張台都分得幾開, 唔會俾隔離台騷擾. 有大電視機, 不過會睇得幾辛苦, 因為地方細, 台距離電視好近.服務一般啦, 我地話係第一次幫襯, 問佢\有乜好介紹, 佢\竟然叫我地叫野飲先. 真係.... 我話, 我地唔係黎飲野架喎. 跟住佢\就叫我地等陣, 佢\叫另一個人黎同我地介紹. 後來叫埋單又冇件事, 等了又等再叫先埋到單. 四人盛惠770

有晚和男友到此店食飯,我們ORDER了一個東洋湯底,真是令人失望,好似即食面既湯包開出來一樣,味精味極重,手切肥牛好"UN"又"鞋",好似食牛皮咁,最激氣就係D伙記服務態度十分惡劣,食物同碗碟又唔干凈,下次一定唔會再去!!!!!!!!!!