大煲皇小廚 (已搬遷) 新店位置

朋友介紹嚟咗呢度打邊爐，真係又抵食又好食。鮮明湯底梗係叫呢度出名嘅魚翅花膠雞湯煱。未開始打邊爐之前先飲左呢一個雞湯，好鮮味，入邊啲雞雖然煲咗一段時間，但係都仍然好香好滑。所以都冇另外再叫雞件來打邊爐。花膠好大嚿，多到食唔晒，超級底。另外因為好鍾意食雲吞同埋水餃，所以次次打邊爐一定會叫。今次都唔例外。呢度啲雲吞同水餃好大隻，皮薄涵靚，呢度攞正牌係食海鮮，所以雲吞入邊啲蝦都好新鮮、好大隻，值得一試。另外仲叫咗翠玉鯇，除左新鮮之後，份量亦好多好大份，仲好爽脆tim。粟米都係超甜粟，大大粒，超甜，一定要叫！埋單都係每人大概二三百蚊，食到咁新鮮嘅食材真係好值，下次可以帶多啲朋友一起來吃。

又打邊爐!!! 是日朋友生日, 又約左去打邊爐, 雖然11月天氣仍然好熱, 但已經急不及待要打邊爐喇!!!! ８點多去到已經full 晒, 好彩我地訂左位~~~ 打頭陣叫左個三文魚刺身, 真係非常非常肥美, 厚切既三文魚係正d架, 好滿足呀 ^^ 重點係$68足一磅, 真心覺得好抵食! 小食 – 即炸響鈴卷 堅係即叫即炸, 好熱, 咬落去辣口架, 勁脆勁香口, 加埋佢配既酸甜醬, 真係好好味! (本來仲諗住凈返一條留黎浸湯食,點知~~無機會啦! 因為實在太好食,比班fd秒殺左) 湯底我地叫左個 ”魚翅花膠雞湯鍋”, 絕無花假, 成碟花膠上俾你自己倒落去, 果種感覺除左滿足,就係滿足! 未落花膠已經聞到個鍋有好重既雞味, 試飲左啖湯, 都幾入味, 仲要唔多覺口乾,應該無加味精! 雞肉夠嫩滑, 花膠又補身, 呢個湯底咁補身, 真係女士恩物, 進補一流! 今日同班fd齊人打邊爐, 一班食肉獸, 夠多人食, 可以盡情叫~~爽啊~~~ ^^ 頂級手切鮮肥牛 : 話明頂級,當然同平時食既薄牛好多分別啦，雖然切得好薄,但望到d雪花已經流晒口水,齋睇d紋理咁平均已經知好食啦! 食呢種頂及肥牛,一定要續

正所謂秋風起，唔打邊爐點對得住自己! 前兩晚同同事一齊去左公司附近打邊爐。首先當然要揀湯底啦，不論雞煲定花膠雞湯都有！我地今次就揀左蕃茄薯仔牛坑腩鍋。估唔到有唔少菇菇啊。蕃茄同薯仔份量唔少，越煲越入味，好香！🤤蝦膠拼墨魚膠蝦膠滾熟左好多一粒粒嘅蝦，好有咬口同好爽，好有蝦味。墨丸膠就同蟹籽好夾，熟左D蟹籽都唔會走甩哂，痴到實一實。響鈴一定要推薦！新鮮炸起熱辣辣，佢個口感好鬆化，唔係普通響鈴咁一層一層，似D酥皮蛋撻咁千層酥咁好搞笑。另外熱食同浸湯食都得，我個人就鍾意即食點甜酸醬，好開胃！不過真係好地道打邊爐，夜晚好嘈大大個電視，一路打邊爐一路飲啤酒自high。

今次黎左朋友介紹嘅刺身火鍋店有意想不到嘅收穫。呢度出名食雞煲，但因為前幾天吃完，所以揀左打邊爐。有好多唔同湯底揀，款款吸引，最後揀左人氣煱底，魚翅花膠雞湯鍋。呢個湯底好欣賞，未落火鍋配料前可以先嘗一嘗個湯。奶白色湯底鮮甜、雞味濃，花膠大大塊還可以分開自己落，超值好滋補。呢度啲蝦滑墨魚滑好新鮮，爽口又彈牙。特別推介：生串海蝦，例牌$68。好超值＄68有成八九隻蝦，最重點係擺上台都仲係好生猛，跳下跳下啊！跳到張枱都會震！超級新鮮！！估唔到＄68嘅價錢都可以食到咁新鮮嘅海蝦，值得一試。整體來講成間鋪頭啲食材都好新鮮，但係因為只係得兩個人食，所以叫唔到咁多食品。但是我覺得下次可以約埋一大班朋友一齊再嚟刷餐勁嘅！

今晚朋友請打邊爐，平時我多數會去任食邊爐，因為我比較大食，怕遂碟點會好貴，難得有人請，緊係由老細話事啦，朋友推介呢間，話好食又唔貴，我哋3個人，叫咗都唔少嘢食沙嗲湯底真係唔錯，好濃味，加咗幾次湯仍然咁濃味，好出色小食有炸魚角，彈牙又好味頂級牛頸脊，好有牛肉味，滾兩滾就食得新鮮游水蝦，新鮮大隻鵝腸夠肥夠新鮮，份量又多其他食物包括：墨魚滑、生蠔、墨魚仔、水餃、響鈴、金菇、鱔片，仲有油麥菜（唔記得影相)，每款食物都好新鮮，同任食邊爐真係無得比，而且份量都唔小，呢餐朋友真係無介紹錯！

門口望落好有酒樓風格。入邊環境都幾大幾舒服，吾會話坐到好逼。一入門口左手邊會先見到個刺身吧，餐廳都算幾多元化，又多選擇，有雞煲，有刺身壽司，又有海鮮宵夜時間，簡咗個雞煲，望落食材吾錯，另外，魚翅花膠分開上，身為客人的我都覺得佢份量十足，抵食之選一場黎到，緊係叫個特色D的，花膠魚翅雞煲，順便潤下的皮膚，多D骨膠原，聽人講食多D都會後生D，花膠幾膠幾痴口，驟眼睇煲入邊材料好足，有紅棗，有杞子，雞肉又大件，仲有大雞腿的，樣樣有D不過最愛都係魚翅，雖然係翅邊，但都好好味，好軟身，食材好新鮮鮮牛肉好新鮮，每片切得好平均，師父刀工吾錯面頭灑咗一啲蟹子，每次食蝦容之前再加d蟹子吾錯，感受到食材係有用心製作，食落吾會係麵粉個種。打邊壚一定要有涼茶，味道幾甘甜，又有冰凍感，食到熱熱地順便飲D涼茶冇甘易上火，再吾係可以飲鬼佬涼茶都得。刺身menu 種類多，有象拔蚌，有海膽。海鮮方面出奇的有阿拉斯加長腳蟹。

天氣凉凉地，打邊爐是常識吧。朋友推介長沙灣嘅“大煲皇主廚“，話有個火煱湯底好正，叫我一定要去試下。今日睇完示範單位，順道去嚐鮮。火鍋湯底同火鍋配料選擇多，價值相宜。魚翅花膠雞湯$168朋友推介嘅就係佢。係好濃郁嘅雞燉湯， 每一啖都似係飲緊雞嘅精華。用料十足，就連花膠都毫不吝嗇。由於太好飲，未打邊爐我已經飲左兩大碗。果然係好介紹！頂級手切鮮肥牛 (大)$298打邊爐點可以唔叫牛肉。要食就梗係要食最好嘅。不負眾望，牛肉好新鮮，輕輕一淥，點一點豉油，已經好食到停唔到口。炸魚皮$38十分脆口，咸咸香香，仲以為自己食緊薯片，好味道！白鱔片$78切到薄薄一片，食落夠彈牙，新鮮無泥味，重點係完全唔腥。午餐肉$38午餐肉係我打邊爐必點嘅食物。佢嘅午餐肉係厚切，索曬雞湯味，每一啖都好滿足。皇帝菜$35份量十足，多到好似一個菜籃咁，爽口清甜，食得出好新鮮。炸竽件$28竽件外層炸到香脆，入面卻十分鬆化。朋友話，唔使淥，就咁食都好好味。魚皮餃$38自家制魚皮餃，大大粒，共有8隻。外層魚皮唔會太厚，帶點煙韌唔會過硬。內餡鮮甜，必點食物之一。估唔到長沙灣都有咁高質素嘅火鍋店，湯底更係令人回味無窮。必定會再光顧，下

秋意漸濃，最好就係約埋三五知己一齊打邊爐。朋友喺長沙灣返工，話附近有間唔錯嘅火鍋店，於是一行四人相約放工後去打邊爐。七點去到，已經接近滿座，好彩一早book左位。前菜：炸三文魚炸三文魚係餐廳送嘅餐前小食，開頭以為會好乾同鞋口，但點知完全唔會之餘，仲十分甘香，係一個唔錯嘅佐酒小吃。火鍋湯底選擇多，足足有22種鍋底任君選擇，總有一款啱心水。我地最後揀左人氣鍋底-魚翅花膠雞湯鍋。奶白色湯底，入面係滿滿嘅雞件，十分鮮甜。魚翅花膠分開上，開頭擔心花膠要煲好耐先淋。誰知大火一滾就食得。花膠軟身又彈牙，吸收曬雞湯嘅甜味，yummy。頂級手切鮮肥牛牛肉切到厚薄適中，都幾大碟，食落嫩滑多汁，牛肉味濃郁，雖然要$298，但係物超所值。韭菜餃韭菜餃係自家製，大大粒，皮薄餡靚，韭菜好新鮮，唔會有草腥味，入面仲加左肉末，木耳加強口感同鮮味。魚皮餃又係大大粒，每粒都漲卜卜。外層魚皮厚薄得宜， 內餡飽滿肉質鮮嫩， 食落唔會得舊魚皮嘅感覺。即炸響鈴卷$38上台仲係熱辣辣，咬落酥酥脆脆，完全無油溢味。必食之選。蝦滑拼墨魚滑賣相十分吸引。全部都係手打，食落口感彈牙鮮甜無比。粟米不得不讚佢個粟米，粒粒飽滿，清甜多汁，幾飽都

呢晚同同事farewell，大家第一時間就決定要打邊爐，可以慢慢食傾下計，其中有朋友試過呢間大煲皇覺得唔錯，就決定去試試，一入到餐廳就已經比個魚缸既海鮮吸引住，真係即叫即撈即整，好吸引。可惜朋友對海鮮敏感，所以今次就暫時放棄食海鮮湯底選擇非常多，我地就揀左個蕃茄牛坑腩鍋，貪佢唔太濃夠開胃鍋底有好多配料，湯底清甜，唔會太濃太搶味必點既響鈴，即炸既響鈴好鬆脆，上台時仲係熱辣辣，可以點少少汁就即食，酸酸甜甜幾好味炸魚片邊爐必備，全部大大塊好脆口牛方面我地今次就試左牛展，比起肥牛有咬口而且牛味好濃，同湯底好夾手打蝦滑墨魚滑，爽口彈牙白膳片，白鱔肉質香甜爽脆，魚片厚度切得啱啱好，陸兩陸就食得象拔蚌，爽口得黎好有海水鮮味墨魚仔，好新鮮，出面亦比較少食凍豆腐，豆腐味好香，而且份量都唔少

好小去呢啲小舖到打邊爐, 我話佢係小舖,因為我唔識佢,其實人地有兩間分店, 入面仲賣晒海鮮咁!!今次三個人黎到呢到食飯,因為有人係附近返工,話想試,咁就等佢一收工就過黎試啦, 我地無益招牌湯,但嗌左個鴛鴦鍋,其中一邊係沙爹, 鍾意沙爹一定要叫,好濃好足。而埋單三個人嗌左兩枝asahi ,都係一千蚊埋單,飽到食唔晒。湯底濃厚好味牛肩, 正常牛肉, 絕對對得起$239呢個價錢串蝦,黎到時仲係咁郁,生猛到不得了可以即食既魚片頭黎到仲熱到不得了既響鈴好好味既水餃無啦桶蠔,試左個廣島蠔,居然都好正,熟左都係咁上下大隻爽彈墨魚滑鵝腸正常野白膳片,爽呀!!呢間邊爐仲開到四點, 打消夜邊爐有著落啦!

前兩日同朋友們飯聚，去左一間外貌望落不太起眼的餐廳打邊爐。 但凡事都唔好只睇外貌！食過後先發現原來火鍋配料的質素不但高，而且份量仲好足，全部都大大碟好新鮮，價錢又合理，真係令我大大意外。難怪今日係閑日都滿座啦！  湯底未黎前 先叫左一磅 挪威“三文魚刺身” 醫下個肚先. 顏色夠光澤夠哂新鮮, 而且仲係厚切, 三文魚口感超肥美鮮甜! 冇得輸!  新鮮自炸香脆響鈴，熱辣辣。可當餐前小食，配上甜酸醬，入口即酥化, 超正！ 唔想做小食, 用黎打邊爐一樣係咁正。 真係必試 ！！  魚翅花膠雞湯鍋 最近做緊特價, 所以特登叫黎試下先. 乳白色湯底夠哂濃郁，味道仲好濃厚鮮味。所以大家都忍唔住試飲左幾啖雞湯先. 花膠仔的份量亦都好足，成個碟都裝滿哂，件件都幾厚身同大舊。而雞肉就係碎件上， 方便大家食 同埋 熬湯底.  極品手切頸脊肥肉, 牛肉只需係湯底到灼幾秒鐘就已經可以食得, 否則會好 “韌”. 肉質都幾幼嫩多汁好易咬, 牛味濃郁夠香, 令人停不了口.  黑柏葉 雖然樣子不夠吸引, 但一樣爽口好味. 而且仲比白色柏葉更天然同健康.  游水新鮮的海蝦, 上枱時仲係生咖. 蝦肉爽口彈牙得黎仲好

今日經開長沙灣步陞，同小朋友買鞋啦，見附近天悅商場有不少食市，就入去行吓，睇吓有咩啱食啦！地下有間佔咗好幾個舖位嘅火鍋店，都好大間，舖入面仲養咗好多生猛海鮮，就試試呢間。入到去舖冷氣充足，你知啦食火鍋最大忌係冷氣唔夠，好彩呢度絕無問題。仲有全部用上電池爐，帶小朋友嚟食，都好安全又乾淨，環境唔錯。再睇吓餐牌，先選湯底，原來都有唔少選擇，除咗傳統嘅湯底，仲有雞煲，今次試返傳統清湯配沙嗲湯鍋底。一開蓋有驚喜，個清湯唔係一般嘅清雞湯，內裏足料到浮曬上面，有豆腐、粟米、旺菜、馬蹄、個湯本身已經好清甜，而另一邊沙嗲湯底都唔弱，濃濃嘅沙嗲味，湯面仲有芝麻，用嚟滾牛肉一流。叫咗一碟手切牛肉，牛肉好鮮嫩多汁，切到厚薄適中，有濃郁嘅牛肉味，放入湯底輕輕一滾，入口即溶化，無根位，食到唔停得口。另一重頭精選，海鮮拼盤，內有一隻大大嘅龍蝦，四隻上枱仍然無時停嘅生猛海蝦，已切片大鮑魚，特大聖子皇，仲有超大貴妃蚌，新鮮墨魚仔。 龍蝦我滾了2分半鐘，肉質爽口鮮甜，非常彈牙。而2隻切片大鮑魚共6片，不用滾太耐，食後包你話爽甜，鮮味十足。其它如聖子皇、貴妃蚌、墨魚仔和海蝦也是新鮮味美， 食得大滿足。仲有一樣必食配料，即炸

朋友與我到了這家店火鍋，覺得食材幾新鮮所以想同大家分享一下！在眾多湯底之中簡左個花膠雞湯。個湯底幾補身有花膠！厚厚的！還有雞~d雞肉幾嫩滑入味！秋冬進補一流呀頂級打切鮮肥牛，雪花油脂非常均衡！！輕輕拖幾下轉色就即刻食得堅係口入面溶化太幸福的感覺了~牛味真係幾重絕無雪氣味脆肉鯇得一條大骨~放入口脆到爽好口有魚味得黎又唔會有腥味非常好味爽彈既烏冬吸收哂湯底既香濃好食到停唔到口還有自家製既炸魚皮~非常香脆！新鮮貨呀

天氣開始轉涼亦係打邊爐既黃金季節。無意之中發現左一間係長沙灣叫大煲皇既火鍋。食過幾得真係有好多種唔同既湯底選擇。最後選左了人氣既魚翅花膠雞湯鍋！花膠堅係soft得黎有彈性勁足料！花膠可以說多到食唔哂雞件亦好嫩滑唔會滾得耐而變dry湯底味道唔會唔咸~非常欣賞芝士牛丸！第一次試這款！！自家手打牛丸非常有heart牛味香濃~中間半溶芝士太正了吧食多幾粒都唔會膩！非常正 韮菜餃！！相信亦是自家製吧餃子皮薄薄地唔會厚皮成口麵糰但又唔一夾就散！！勁內面餡料夠哂豐富！非常新鮮既韮菜香黑豚肉~整體黎講這店全部都大大碟！非常足料~肉質唔dry, 有咬口！新鮮魚卜~唔係間間店都食到這款食材！吉穿後滾幾滾就食得！！鮮味得黎又唔腥！！吸哂湯底既味更要一提，這店飲品價錢非常貼地！！真係可以大飲特飲都唔肉痛！真係飲酒打邊爐既好地方

天氣開始涼，我地一行十幾人梗係約埋去滾喇~ 可以邊滾邊等，話知d 友仔遲晒大到。成班餓底叫左2個鍋，一個香辣雞煲+一個魚翅花膠雞湯底香辣雞煲 雞件嫩滑入味 煮得都算夠野味 成班餓底爭住食魚翅花膠雞鍋 掛住食雞煲唔記得影個雞湯鍋 但魚翅花膠是分開上的 都好鬼足料頂級手切鮮肥牛 最好食最抵食系呢款 夠嫩夠juicy 滾2野食得 快！靚！正！ 本地手切鮮肥牛 牛味濃 但一望就知有咬口 因為無乜脂肪位牛粒 本人真系覺得牛粒系要燒先好味 用黎打邊爐真系爭少少霜降手切牛頸脊 有圖有真相 唔洗講咁多 一個字 呢個價錢咁既樣都照切出黎比客總括黎講，其他食材都ok架！長沙灣地區店內環景舊式飯店格局