影片
更多
2017-11-12
40 瀏覽
秋意漸濃，最好就係約埋三五知己一齊打邊爐。朋友喺長沙灣返工，話附近有間唔錯嘅火鍋店，於是一行四人相約放工後去打邊爐。七點去到，已經接近滿座，好彩一早book左位。前菜：炸三文魚炸三文魚係餐廳送嘅餐前小食，開頭以為會好乾同鞋口，但點知完全唔會之餘，仲十分甘香，係一個唔錯嘅佐酒小吃。火鍋湯底選擇多，足足有22種鍋底任君選擇，總有一款啱心水。我地最後揀左人氣鍋底-魚翅花膠雞湯鍋。奶白色湯底，入面係滿滿嘅雞件，十分鮮甜。魚翅花膠分開上，開頭擔心花膠要煲好耐先淋。誰知大火一滾就食得。花膠軟身又彈牙，吸收曬雞湯嘅甜味，yummy。頂級手切鮮肥牛牛肉切到厚薄適中，都幾大碟，食落嫩滑多汁，牛肉味濃郁，雖然要$298，但係物超所值。韭菜餃韭菜餃係自家製，大大粒，皮薄餡靚，韭菜好新鮮，唔會有草腥味，入面仲加左肉末，木耳加強口感同鮮味。魚皮餃又係大大粒，每粒都漲卜卜。外層魚皮厚薄得宜， 內餡飽滿肉質鮮嫩， 食落唔會得舊魚皮嘅感覺。即炸響鈴卷$38上台仲係熱辣辣，咬落酥酥脆脆，完全無油溢味。必食之選。蝦滑拼墨魚滑賣相十分吸引。全部都係手打，食落口感彈牙鮮甜無比。粟米不得不讚佢個粟米，粒粒飽滿，清甜多汁，幾飽都
七點去到，已經接近滿座，好彩一早book左位。
前菜：炸三文魚
炸三文魚係餐廳送嘅餐前小食，開頭以為會好乾同鞋口，但點知完全唔會之餘，仲十分甘香，係一個唔錯嘅佐酒小吃。
火鍋湯底選擇多，足足有22種鍋底任君選擇，總有一款啱心水。我地最後揀左人氣鍋底-魚翅花膠雞湯鍋。
奶白色湯底，入面係滿滿嘅雞件，十分鮮甜。
魚翅花膠分開上，開頭擔心花膠要煲好耐先淋。誰知大火一滾就食得。花膠軟身又彈牙，吸收曬雞湯嘅甜味，yummy。
頂級手切鮮肥牛
牛肉切到厚薄適中，都幾大碟，食落嫩滑多汁，牛肉味濃郁，雖然要$298，但係物超所值。
韭菜餃
韭菜餃係自家製，大大粒，皮薄餡靚，韭菜好新鮮，唔會有草腥味，入面仲加左肉末，木耳加強口感同鮮味。
魚皮餃
又係大大粒，每粒都漲卜卜。外層魚皮厚薄得宜， 內餡飽滿肉質鮮嫩， 食落唔會得舊魚皮嘅感覺。
即炸響鈴卷$38
上台仲係熱辣辣，咬落酥酥脆脆，完全無油溢味。必食之選。
蝦滑拼墨魚滑
賣相十分吸引。全部都係手打，食落口感彈牙鮮甜無比。
粟米
不得不讚佢個粟米，粒粒飽滿，清甜多汁，幾飽都要食多件。
整體餐廳質素佳，食物新鮮，火鍋湯底出色，係秋冬暖笠笠之選。
張貼
